燒魂 (已結業)

26/6 20:00價錢：37x呢餐食到一肚氣，真係十大罪狀1.係OpenRice寫明，小童唔計錢，點知去到講話手抱先叫小童，最黎唔夠兩歲都收左我$1982.一坐底，冷氣滴水.3.八點鐘落單碟炒飯，九點半last order 先俾我.（本身諗住俾個仔試小小）4.食身味道差：因為無帶飯俾個仔食，咪諗住叫小小烏冬同飯俾個仔試下，點知，烏冬係用小小茄汁加大量水，完全無味，個炒飯等左個半鐘，超級鹹，唔知係咪佢last order果下追佢單，所以要報復.5.食物矜貴，放題我明白你唔會黎足，但點一次要15分鐘先有野食到，最後我都只係夠時間點到4次食品.我本身4大加一個（小朋友），但無論你寫幾多，佢黎唔足種類都算，我寫黎十片，佢都只係俾4片，我明白你要賺到盡，我寫左十種肉，你求其比三種就算都唔緊要，到你last order ，我寫多小小，點知你都係黎4片，點左8種肉，你都係俾3種我就算.6.時間問題，你寫兩小時，我入到去都8:10，到9:30講last order,就同我講9:45一定要離開，我知政府要22:00一定要離場，但你就唔好講2小時，講個半鐘咪算囉.7.追俾錢，一放底唔夠2分鐘就追我係咪已

第一次食呢間放題，本身見啲食評寫到垃圾咁濟😅，但係又見啲好評都幾多，最後都係抱住試吓嘅心態黎食😗。今日星期一，收費每人278再加一服務費 個人覺得中等價錢，值唔值就未知啦❓入到去叫野食都覺得有幾多野食嘅，又有燒肉，又有刺身，呢個組合睇落又幾吸引嘅😛跟住就有人過嚟order 野飲，睇過食評見過話每人兩個嘢飲，同埋又得四款嘢飲，首先呢方面我覺得真係麻麻哋嘅☹️好彩之後啲嘢食都挽救返我嘅信心，啲肉又唔係真係講得咁差，霜降和牛同安格斯牛粒都幾好食，其他炒豬肉同啲煱都幾好食9:20分last order 我覺得都還好，自己寫埋嘢食之後佢哋又收單再拎出嚟燒埋都差唔多時間整體來講都覺得一個人300都值，又唔係啲食評講得咁差純粹個人意見！唔知係咪新用戶，冇得Po相，食物擺盤都幾靚

野食同平時既一樣，但我好深深體會到，尊重，有heart，有禮貌，我一家人早左30分鐘到，店員有禮地同我講有咩食價錢及入場時間，之前黎食都知係時段進入（BTW 上次黎食都係好滿意個服務），企左都唔知有無5分鐘，店員同我講，今日天氣熱，早小小入黎坐低，抖下啦，真心一句，respect，成個食野過程，好愉快，支持，加油，sorry about that i'm not talking much about food but that's really nice to have a restaurant which have a great time in Hong Kong, thanks

星期日晚八點預訂咗四位，早15分鐘上去扲位但去到門口果陣眼見個場都好爆好多客人食野！啲待應哥哥都好好，係佢地忙緊嘅時候我地都冇被佢地忽略做返個登記。到入左時間八點零五分左右，可能因為前段時間太多人。所以遲左5分鐘入左，不過都冇乜所謂啦！最緊要食得開心姐。帶位哥哥都幾好人好細心咁提返我地記得寫返枱號人數同有咩飲品係包嘅！到點野食方喇，食品方面都幾多元化種類都幾多！上肉類壽司剌身方面都幾快都唔錯， 食物到咗咁我哋自不然就好快將嗰啲食物就擺上個網嗰度燒喇！ 但係可能真係小食日本燒肉放題。。食物放嘅位可能有啲唔啱，所以令到個火好大同好大煙。。。不過好彩有位好熱心嘅待應哥哥幫我地食物擺放返係啱嘅位置燒！加上好用心嘅講解！真係值得表揚一下。因為我地其實唔係太識得燒肉嘅真係一時貪快就嗱嗱聲放哂上網度燒呢。。真係會出事架。食物燒到黑哂又食唔到又搞到好大煙，好彩個哥哥都時不時會走過黎望下我地點！咁我地先可以知道啲野食係點燒同了解多左日本式網燒好啲，自已都可以食到同燒到好食嘅肉。 其實我哋三五知己去間餐廳食嘢掛住傾計好多時都冇望到個火同啲野食汪汪就將啲食物燒到燶哂，好彩呢間餐廳嘅員工同經理都幾好人！咁至於

如果大家想去尖沙咀食個燒肉海鮮放題我第一推薦一定係呢間~燒魂~，首先佢嘅服務好高質會為你安排一個舒適嘅位因為你嘅人數預定~第二嗰啲海鮮好新鮮上菜都上得好齊，好小走單，就連佢嗰啲次級嘅食物係都好好味呀譬如嗰啲粥品呀或者飯呀都好正~如果平時去放題都唔會食呢啲既~但呢間我都會食~佢呢座位嘅都覺得好開呀非常有私人空間而且有卡位~食物嘅選擇種類亦都好多呀基本上食一轉已經係好足夠呀如果你帶位嘅話可以食多一轉~期待下次再係度食呀

6月4號，去到燒魂食放題，本身冇book枱係樓下咁啱見到就上去試吓，係門口見到有啲驚喜🕯，再睇下餐牌都唔錯👍🏿就入去食，一個人338。入到去就叫牛先，見有和牛同蕃茄汁和牛，以為都係加個汁冇乜分別，結果食過先知有唔同，蕃茄汁都幾掂🤤，呢個幾意外嘅一個位！之後再食刺身🐟，燒肉有埋刺身食都係第一次，刺身擺盤唔錯，真係幾靚👍🏿，手機食完就到我食，雖然唔算特別新鮮但都可以接受。要特別贊下個通菜，炒得好香好好味😋！飲品方面選擇方面就有少少失望，雖然係放題但係得4款飲品同每人得2罐😔。

呢個燒肉真係差到要專登寫出黎 證明D 好評真係買翻黎😂-首先嘢飲方面，兩個鐘頭淨係包兩罐嘢飲。嘢飲款式仲要五隻手指數得晒 可樂 檸檬C 解茶同另外唔知咩汽水。-野食方面，第一次見牛肉燒極都紅色，原來係直接用茄汁醃出黎。睇翻menu 呢個就係鮮茄製牛肉，附圖係有小番茄係隔離。我唔需要你一定要有小蕃茄，但你都唔好用茄汁咁過分啊！仲有各種肉類，大部分好似雞翼同豬肉片等，都係零醃製！面頭放d醬就當醃左，肉裡面係完全無味道。跟住燒三文魚壽司仲過分，三文魚已經唔新鮮，個壽司最後出黎仲要明顯係係雪櫃拎出黎，凍冰冰 我要燒三文魚wo ！呢個明顯係燒完之後拎返入雪櫃雪再拎返出嚟，都真係“好保鮮”。-跟住到服務方面，可能我地食得少燒肉，真係第一次聽放題第二次換網係要加錢😂 Ok 既，咁你可以係入坐嘅時候講，或者第一次換網前講，但佢地係係第一次換完之後再溫馨提示翻我地：我地第二次換網就要收錢架喇~ 而且，佢哋換網嘅方法亦都好土炮。用夾食物夾夾走個網，然後用手放個新網落爐😂先唔講咁樣員工都有機會受傷，咁樣夾走個燒到咁熱既網係咪安全呢？夾住走既時候都好大機會會跌落客人到。然後一直點既推薦既（點餐紙寫）黑松露雞髀

Book咗夜晚8:00去食放題，今日咁啱都有卡位坐，一入到去就梗係叫刺身同埋牛食啦，嘢食都好快上到嚟，刺身擺得好靚，再叫埋支菊正宗飲，掂啊！牛肉方面，霜降和牛好食，配埋個牛裡肌簡直冇得彈，10分推薦👍🏿👍🏿仲有個生薑燒豚肉都要講吓，個人來講都好鍾意呢道菜，個豬肉炒得好好食。平日唔算貴，兩個人都係$700左右搞掂，非常抵食，仲要有菊正宗。餐廳經理同埋侍應服務都好好，好有禮貌！總而言之就係一間好正嘅尖沙咀燒肉+放題

放工約咗朋友食燒肉放題，已經好耐冇食過放題啦，留喺香港都好掛住日本嘅嘢食，所以就搵咗間餐廳嚟食下燒肉同埋壽司刺身依間嘅燒肉放題有好多嘢食，刺身方面仲有三文魚、帆立貝、甜蝦估唔到刺身嘅質素都好高食落去好新鮮。另外燒物除咗肉類之外仲有好多款嘅海鮮，真係超正包括有生蠔，扇貝，大蝦等等都係一啲好新鮮嘅食材，餐廳嘅店員仲好熱心咁樣幫我哋燒海鮮，教我哋點樣燒先係最好食燒肉方面除咗豬肉雞肉之外仲有好多款嘅牛肉，我最鍾意食嘅就係和牛同埋牛舌，肉質真係超正，我同朋友都食到好飽飲品方面我主要都係叫咗無糖茶黎飲，一邊消滯一邊解渴真係好正啊，如果鍾意飲汽水嘅朋友都可以瘋狂飲汽水

從未食燒肉放題係咁難食㗎！啲牛肉無牛肉味！刺身又難食又唔新鮮，剩係得啲沙律係正常！話係放題但係嘢飲又只係每人得兩罐！換過燒烤網都要加$15先可以換！從來未食過燒肉換燒烤網係要加錢囉，有啲過分，一定唔會有下次

食品種類少選擇。飲品每人限飲2罐，有限度放題😩牛肉無牛味，豬肉同雞肉全部都無醃製過🤮更換燒烤網要俾$15/塊孤寒嘅放題餐廳，低成本低製作😡😡😡😡一定無下次🤬🤬

疫情時好時差，唔知政府幾時又黎封晚市。趁仲有晚市堂食，點都要出去豪一豪佢。今次就去一間位於尖沙咀既燒肉店。每次經過嘉芙中心點都會望到，但從來都未諗過會去食，而今次去呢間係因為俾佢嘅壺漬牛粒吸引到。呢間燒肉店裝修好有日本風，門口擺咗好多日本清酒，座位唔窄。一坐低就即刻點牛肉黎燒，牛肉款式好多，但係最吸引我嘅都係壺漬牛粒，見到呢個名幾新奇，原本以為應該食落去冇乜特別啦，但點知燒完出嚟個味道係意想不到！！呢個牛粒佢燒完唔係成舊柴一樣咁硬，燒起嗰陣時㩒落去仲係軟林林,大約燒到七成左右係最岩品嘗舊肉，當我咬嗰舊肉時，啲肉汁就會喺你個口到爆出黎。其他整體上都唔錯，海鮮方面都新鮮，但最值得食都係肉類。另外呢度嘅酒精飲品係要額外俾錢。呢間我係會返轉頭再食，因為佢個牛粒真係好好味。

喺疫情之下難得約到朋友出嚟食飯喺門口量完體溫，寫完紙仔就入座點餐紙清晰可見，身為同路人，急不期待要試試了！加錢升級食海鮮，其實食放題最擔心就係啲海鮮質素差，又臭又霉，好彩，呢度啲海鮮係高質既！同樣地刺身都唔錯，每個種類係燒肉店黎講，係超越水平！比較貴價嘅和牛真係高質，無論係望落去定係食落去都好明顯感受到個分別，而且唔會話好多脂肪食兩嚿就好飽，好”漏”，絕對貨真價實，牛舌又夠爽口！除左牛，豬同雞都唔錯，啖啖肉，燒完好香！食咁多肉當然要食返啲菜，呢個炒雜菜都唔錯，啲菜唔會炒到好乾，又或者入口得一陣菜既青味，炒到好juicy，好爽口，幫手吸下油脂。另外熟食方便要推介豬大腸，咬落去彈牙得來唔會咬唔開，又無怪味，出邊食一串都10幾蚊！總括而言，好滿意呢一餐，無論係牛都要海鮮定係熟食！

好耐冇食燒肉放題，今次朋友約我放工去燒魂一食90分鐘既晚市放題🤤餐廳好寬落，每枱都係類似小包廂咁，同朋友坐得舒舒服服☺️本menu 超厚，我地每樣都試d睇下邊樣再好食再encore 牛都有成10款，我地要左和牛，安格斯牛仔粒壺漬牛粒，鮮番茄牛裡肌等，簡單燒熟已經好好食，可能因為肉質好唔洗調味都👍🏻除左燒肉，餐廳仲有魚生，壽司，沙律，小食等多款食品任食，不過既然係燒肉放題店識叫一定叫多d肉🤣而野飲方面就的確比較少，有汽水同無糖茶可以揀

呢間燒肉係尖沙咀好多年！以前讀緊書行開尖沙咀都會見到呢間燒肉店大大個招牌！成日都嘗試但成日都唔記得😂今晚終於同男朋友一齊試吓呢間放題燒肉😛一係唔食一係就食好啲！我哋追加咗$10食埋海鮮任食！有日本蠔、野生大蝦、秋刀魚等等！正！嘢食到嘅時候，侍應就話俾我哋聽點先知道啲海鮮熟，餐廳準備咗個沙漏⏳個侍應細心到講都唔信，真心好！放題嘅燒肉真係唔錯！牛肉嘅種類都算多同埋都好好食！特別推介（壼漬牛粒）！通常啲肉類叫一兩次就會覺得膩，會唔想食！呢款牛粒真係唔講得笑，我哋前前後後叫咗5/6次！食到最尾都會仲想繼續食呢款牛！我成日都食刺身、沙律、壽司、天婦羅食！我地食過到攬住個肚走😋😋