燒魂 (已結業)

喺openrice無意中搵到呢間位於尖沙咀嘅 燒肉加日式放題。本人係超級嘴刁, 稍為少少唔好食嘅嘢一定唔會吞落肚。見到佢有少少負評 但我唔信 於是就try try 佢點知 出乎意料之外地好食。1.食物質素首先我哋叫咗啲前菜 冷豆腐( 冇縮味) 蟹子沙律 野菜黑松露雞髀菇 燒菠蘿 等等( 以為燒雞髀菇會好乾 但佢入面有黑松露汁 燒緊果時啲汁慢慢流出嚟 十分好味 前後我都叫左10件)-刺身方面叫左甜蝦 三文魚 甜蝦真係超級新鮮 無雪藏味 我地前後叫左28隻 佢真係黎足 無漏單 。-燒肉方面都有好多肉類選擇 有穀子烏雞 惹火豚肉 黑毛飛霜空降和牛每款肉都有唔同醬汁選擇我哋叫咗兩份香茅雞中翼 同埋柚子蜜薑味雞中翼燒完之後一啲都唔乾 肉質嫩滑 獨特嘅口味同雞中翼都非常之夾-值得一提係佢哋嘅和牛真係好好味 燒完都唔會乾本人比較中意食鮮茄汁既野膽粗粗 試咗個鮮番茄霜降和牛 醬汁味道同和牛冇相沖 非常之夾 酸甜開胃豚肉方面有奧斯加豚后肉, 密運豚肉豚肉 肉質肥美 燒完油香味好出補充返佢哋燒肉 一啲都唔黐網 (可能因為肉質豐厚多油, 燒緊肉時已經有油出)2. 服務態度職員端上食物時都好好禮貌 好nice

前一日打電話訂位然後入座我問: 請問係咪有海鮮？員工：今日冇。我：點解頭先入座你唔通知？又或者前一日電話訂位，唔通知客人？佢：因為你冇問，如果唔想食可以離開。放題選擇少到喊，雪糕硬到放咗15分鐘都未解凍食到，放心絕不有下次。冇甜品冇乜野飲可以揀冇海鮮要乜冇的放題好去處漢和重好過佢

在母親節當日如常同屋企人食飯訂枱6-8pm，6 pm入坐前門口哥哥都好有禮提我地要掃code後先好入坐👍一到坐位員工都好有善講解落單流程同點扲野飲。服務上都好好！我自己感覺就佢地啲食物所有都好好食，好食過極尚，我真係諗唔到有咩放題/韓燒係所有野都好食，其實唔錯難得既大腸洗得乾淨唔臭，所有牛都唔會“鞋”,係雞翼不嬲都唔易燒😂 佢啲熟食都好好食，推薦豬肉生薑燒同通菜同蠔仔粥👍👍刺身壽司都係普普通通不過不失，如果飯暖啲會好啲。服務員都好ok,會主動幫你清碟換碟有服務質數！未叫佢落單都主動行過黎拎左已寫好既加快出菜時間。最後如常last半個鐘 last call, 員工話最後會有甜品👍成晚流程食飯都好舒服又有好多廣東歌聽🤪又冇漏單追菜嘅程況出現,屋企人都食得好開心，最後門口合照。下次再見。

同fd昨天去食 6-8pm食段 人均270幾 唔抵有個男waiter串到x咁 4點幾係門口睇緊menu 個男店員過黎門口話 係唔係食野啊 咁耐唔出聲 真係x你啦 睇menu唔卑？咁你地唔好將menu擺出黎啦我地叫左好多野到最後走時係完全冇上過！！！扮咩嘢日式野啊 大部分壽司小卷叫左幾次都完全冇上過 話可以食2個鐘 等啲野食上都唔知等左幾耐啦 仲到7點3開始個黑臉男店員就開始話last order 係咁催人地走 做飲食做到咁 擺明X店啦 最後人頭雪糕都想唔卑，要係咁催佢先卑。咁價錢 野食選擇又唔多 又特登漏上 服務又差 唔會有下次啦 食餐飯好似差你錢咁 大家遠離X店啦！！！！！！

今日2022年5月1日,夜晚7點左右,個囡話想食放題,膽粗粗走左上去,3個人埋單$1115,2個鐘個人感覺,食物質數出乎我預料好食,燒牛肉,燒豚肉,真係好嫩滑,唔駛點醬汁,肉味真係夠,刺身款式也不少，没有雪藏味，亦不會太薄，口感可以。最令我驚喜的是有 炸榴槤，用D24榴槤炸，炸出嚟熱辣辣，仲有流心口感，配埋罐可樂，真系冇得輸！！個靓仔服務員見我咁胃食，臨尾仲幫我叫多3隻再加可樂，佢話係同路中人，可樂同榴槤真係绝配！好開心，服務好好，真心有下次

食物款色唔算多，好快就會悶刺身方面中下，吞拿魚有明顯嘅唔新鮮味道，其他刺身如三文魚、八爪魚都非常一般飲品都冇乜可以揀第一次見放題冇甜品😅😅😅上菜速度ok同冇留單不過讚嘅係員工服務都不錯👍🏻但$338+1依個價就值得更好

尖沙嘴漆咸道日式樓上燒肉放題店一哥 - 燒魂一假日同朋友行開尖沙嘴都知呢度四周圍要搵一間餐廳唔難，難就難在搵一間好食得黎又要係放題形式先難，咁岩經過尖東站附近，被一個大招牌吸引左我地上去試黎緊要介紹既呢間餐廳啦 ! 燒魂一 係一間日式燒肉放題店， 有多款食物提供，餐廳係 任點任食形式既， 喺燒肉放題入面， 燒魂一嘅食物質素算係非常高 ! 呢度有刺身﹑多款高質素肉類﹑新鮮海鮮﹑ 熟食料理 ﹑炸物 等等都一應俱全 ，不能盡錄 ! 野飲方面每人有兩罐免費飲品。我同朋友 一坐低就點刺身食，貪佢上菜嘅時間快，可以盡快醫一醫肚先值得一讚 既係佢地刺身賣相擺盤好吸引 ! 夠新鮮， 甜蝦又真係非常鮮甜(建議必食) 而且一啲雪藏味都冇！ 估唔到其他壽司都好好食 ! 火炙過嘅魚生既魚油味特別香 !  壽司飯又唔會太大舊 , 刀功均勻 ，份量啱啱好 ! 作為放題專家嘅我 表示非常滿意呢度既牛肉， 因為呢度嘅牛款式夠多，又 有多種唔同部位選擇， 仲有分醃過同未醃過嘅， 未食齋睇已經知道肉質上乘，特別係 厚切牛舌一食就愛上， 彈彈的 ! 非常有咬口 ! (又係建議必食)豬肉類 黎講，肉片肥瘦均勻， 厚薄度適中，

今日本來係個好開心既日子2:00PM 入到去只係見到一枱客, 頓時心知不妙一場黎到咁咪試下囉一開始嗌D食物都算齊刺生方面一般放題水準, 燒肉請不要期望太高, 必定失望一如既往 有一個傳統-放題既食物開頭落單都會算黎齊, 後尾就會叫十樣無3,4樣咁不過今次係直頭無, 無三文魚, 呢個消息係我等左好耐, 要問店員先知(只係黎左8件)但是值得一讚既係店員服務態度良好$338可以有更好的選擇

記得曾幾何時.來過（燒魂一）吃太太慶生飯. 那次吃得很開心及回味無窮！還記得嗰日有燒蠔食.侍應熱誠招待.還熱心介紹掌握燒蠔時間控制.怎樣燒才好食.甚至乎親手幫助燒蠔.那時應生的服務.今天還記憶尤新.永記心中！今天也是太太的慶生飯.我們卜了四人枱.準時六點入座.發現侍應生全部換了！我們從桌上點餐紙點了美食有刺身／牛肉/壽司/生蝦/白酒蜆等.侍應坐到來遞上選單.未問得切.待應生已經趕住閃走了.本來想問有無燒蠔？食物很快上枱了.食物還可新鮮.中上等級！看見侍應生好像忙碌咁.時常在面前走來走去.永不停步. 我們要求侍應生更換爐網.侍應生回應要加錢＄18元一個.我們愕然.聞所未聞換網要加錢!再問是否有燒蠔食.侍應生回覆燒蠔再加錢. 總之乜都是錢錢錢!食到1.5小時.侍應生通知要求折單了.你哋還有30分鐘離場.最後送上四個雪糕杯.便埋單離埸！離枱前又聽到鄰枱和侍應生因價錢問題理論！總括今次並不食得咁開心！往事只能回味.那情可在！

🔥🥩網燒燒肉放題 Ꮚˊ•⌔•ˋᏊ$338 /𝑝𝑝𝑙 (𝐟𝐫𝐢, 𝐰𝐞𝐞𝐤𝐞𝐧𝐝𝐬)有各式各樣嘅肉類, 牛🐮雞🐥豬🐷最出色嘅係佢哋嘅 和牛!和牛脂肪比例不錯肉質鮮嫩 (≧∇≦*)油花遍佈尚算均勻入口即化, 好香有調味同冇調味嘅選擇仲有新鮮肥美刺身同熟食🍣刺身鮮甜肥美🍤 炸物炸得脆卜卜好香脆٩(•̤̀ᵕ•̤́๑)仲有任飲飲品🥤同雪糕食🍦性比價都幾高唯一不足係(ノ´ロ`)ノ火爐嘅火力控制比較難比較容易搶火❤️‍🔥📍 燒魂 (尖沙咀)🐰: 4/5

燒魂一地址: 尖沙咀漆咸道南57-59號金馬倫中心2樓等咗好耐，終於到了星期五。星期五食咩好？一於去試燒魂任食放題 🥩🍤🍗🍖🥗$248 （一位）放題當然會包咗最基本豬、牛、雞肉、熟食、炸物、刺身、壽司同飲品每人兩罐啦，如果額外加多$60仲可以包埋任食海鮮同飲品添。牛肉佢有原味、番茄味，同西柚汁。個人比較鐘意原味，因為較為保留返牛肉嘅肉味，而且特別推介大家可以試下安格斯牛粒，牛肉肉質鮮嫩，油花分佈均勻，口感好食😋。任食海鮮整體來講都算新鮮，不錯啦，所以#燒魂 性價比都幾高㗎。

星期六夜晚一家三口，諗住去食呢間野，上去到之後問2個大人，1個一歲半bb，然後服務員話bb要食野要收錢，唔食就唔洗收錢，我即刻嚇親，一歲半bb都要收錢，我食咗幾十間自助餐同放題，未試過要收bb錢，佢哋都會有身高同年紀限制，過咗先會收錢，呢間野特別啲，食野就會收錢，唔推薦你地去食呢間野，態度好差

其實已經上10年以上無食放題，因為對放題印象一向麻麻，覺得通常唔會咁新鮮同貨不對版多。依間之前嘗試book過幾次都book唔到，諗住應該好不得了，所以今次book到都有d期待，去到先知完來係放題，但見一場去到，又唔係咁易book到，所以都試下。但今次dinner 完全無打破我對放題嘅睇法，我無食，但我朋友食咗魚生，佢話唔係好新鮮，泰式生蝦有調味蓋住，但食得出d肉梅梅地⋯ 叫左豆腐沙律上面又有蟲仔，主打應該食牛，差唔多每款都叫左，但又乾，又un，質地麻麻，好一般，豬會比較好，醃得幾好味。燒類嘅野最好食係甜薯，最後我同朋友主要叫煮好咗嘅熟食，如炒通菜，湯，粟米粒，卜卜蜆，枝豆，絕對比d燒肉出色～有一樣野幾好係位坐得幾舒服。

話說今日諗住同朋友慶生買左個蛋糕未入門口已經二話不說幫我拎去雪起野食一如既往 抵食 種類多 300蚊左右價位真係好抵食 又有得燒又有刺身壽司食最緊要係連煲仔菜都有滿足晒N個願望一班人食野唔洗諗食咩一間有齊晒最緊要係咩 員工夠醒目 事前冇夾過 諗住拎個蛋糕比壽星 打個眼色就知道 真心好驚喜 係好識做！！！食得好開心 今個月已經第二次食！！可以成為飯腳食堂服務如果可以比十粒星就好真心店員服務好 上菜時間快 唔會冇人理 唔似一般放題咁 細細間又多野食揀 真心推介

啲嘢又難食，肉又唔新鮮，啲肉又得嗰幾款，啲汁有咁難食，全部雪藏、呢個價錢出面大把啦，咁難食出黎做生意。搞笑？收銀個阿嬸又唔戴口罩，問佢嘢態度又差，有咁嘅服務員嘅咩。啲雞又難食，又唔新鮮。得個通菜係好食同埋正常啲，啲牛肉有個尺寸又細。