燒魂 (已結業)

同網紅朋友沙朗食生日飯一定唔可以失禮，今次千挑萬選之下揀係燒魂一食😌燒魂一係OPEN RICE屬中上水平既餐廳，自己都想試好耐架啦!餐廳地點都算方便，由港鐵尖東站P3出口行去都唔洗5分鐘!店內裝修簡單整潔💯今次黎到大約晚上7點左右，唔洗等位，我地2個人，被安排到４人卡位坐席，所以都坐得幾舒適。店員對餐單及落單解釋得十分清晰，亦會時不是過黎關心大家要唔要點餐或者收碟，上菜亦都很快手。桌上每位客人有3款唔同既醬汁，綠色既係酸辣，似泰式生蝦既醬汁，另一款啡色的則混有碎花生及指天椒，而第三款係燒肉汁，可惜汁醬本身味道偏淡，略嫌不能突顯各種肉質的鮮甜味。🙈餐單內食物總類豐富，有前菜、刺身、壽司、牛、雞、豬、海鮮、炸物及麵飯類。其中最吸引的是燒生蠔，店員詳細講述燒蠔和開蠔的技巧。不過火爐溫度不易掌握，容易有碎蠔殼在蠔肉裡。燒肉店主打不同總類的牛肉包括牛腹肌、黑毛霜降牛及和牛等，亦相當吸引。咁既價錢算便宜啦，而且食物款式算多，性價比都算高架啦!😽聽其他朋友講之前呢度野飲只可以每人2罐，野飲唔係任叫，但今次黎到係任飲既，野飲有可樂、解茶、菊花茶、綠茶揀，賺到啦!😍雞、牛、豬、蔬菜都各有一頁紙，有唔同既

趁staycation，緊係食平時好少食嘅野，A先生好中意食燒肉，今次呢間放題都係佢揀😂😂想食記得book位，真係好多人🙈·燒肉放題($338/位，加海鮮$60/位)肉類選擇都算多，牛舌、和牛、豚肉、雞翼、雞肉都有，味道ok肉質唔鞋，但雞翼係開邊，如果係原隻會開心啲😂·刺身有九款，三文魚、吞拿魚同甜蝦都有，都新鮮無腥臭，如果係厚切就好🤣🤣揚物方面都多選擇，有蟹棒同蝦天婦羅😍仲有松葉蟹薯餅、芝士餃子、薯蓉芝士丸都可以一試😋最正係榴連炸彈😆必食😆😆一開頭叫左兩粒，之後想再叫已經賣晒😭中間嘅榴連蓉榴連味好香，炸得外脆內軟好正🤤·不過我覺得海鮮仲正過燒肉😂蠔同埋黃金螺一定要食😎蠔係連埋殼俾你燒，仲會教你點燒同燒幾耐，第一次自己燒蠔，真係好正🤤黃金螺都好大隻，燒過之後好香🤤🤤仲有墨魚仔、珍珠帆立貝等等，不過帆立貝燒完之後縮晒水變得勁細粒，真係珍珠咁🤣🤣加$60食埋海鮮都幾抵😙但本身燒肉放題要成三百幾蚊就有啲偏貴同唔抵食，呢個價錢期望會食到質素再好啲嘅肉🥲

未嘅話可以嚟呢度試吓！$18換一個網！聞所未聞！絕對係環保嘅先鋒👍🏼👍🏼 鍾意食淡口啲嘅，可以嚟到試吓冇醃嘅肉。肉嘅種類都好少，啱晒有選擇困難嘅你地！推介！

食物質素 差。刺身全部唔凍 唔新鮮 和牛差過出邊嘅普通肥牛 牛骨湯係鹽加水加胡椒粉... 一句話 除左可樂 冇一樣嘢正常... 明明大把位置 係都要8點先放人入 同埋有卡位唔比坐 好奇怪嘅座位設計. 服務員得一個態度正常 其他服務態度差，廚房不停聽到大聲爆粗 漏單拖鐘好嚴重 最後8點10分入座 8點50分埋單走人 實在食唔落去

晚餐放題， 野食味道良好。魚生新鮮，d蝦好食。 燒肉好食牛豬雞都好食。，菜類都好，有鑊仔通菜。蠔粥good。 但天婦羅麻麻太厚粉。服務100%， 侍應小姐超友善，幫我哋燒咗好耐！又教我哋點樣燒，有傾有講。 燒得好好食,真係未試過哈哈。服務個個都友善！ 加分。 環境舒服，唔迫。d台坐得舒服，唔會背貼背。但應該不會再來因為野飲不是任飲，得兩罐！其實野飲好平，人客飲多d會食小d野，唔明點解要限制。其他地方都係飲任！ 冇甜品，被粒糯米糍都好呀！ 冇得燒海鮮，要加錢！ 款類唔夠多！咁嘅price range 有好多其他選擇，有任飲同甜品。可惜。

服務態度💯！Book左8點，早左小小到，職員會派定飛跟次序安排入座。Overall 職員都好醒目，自動自覺收單同收碟。叫得燒魂主角緊係燒物啦～ 其中黑毛飛霜空降和牛、壺漬牛粒最好食，Encore左兩次。睇得出係靚食材，因為牛肉既脂肪分佈平均，唔係入口即溶既感覺，肉質有彈性無渣。另外，由於油脂分佈平均，所以脂味係咀嚼嘅時候逸出既食感真係好銷魂。偷聽到啲職員圍內傾偈話菠蘿炒飯係呢間鋪頭其中必食，就膽粗粗叫左一客。平時食放題都唔會食啲飯、麵類既食品，因為飽肚同唔抵，但呢個菠蘿炒飯真係必食推介！炒飯有鑊氣、珍珠米炒得粒粒分明，而每一粒都有咖哩味，炒飯質感爽口！估你唔到咁好食！不過個人鐘意食菠蘿，所以美中不足就係可以加多小小菠蘿粒 🍍🍍🍍 刺生同壽司就不過不失，始終係一間燒肉店唔會抱好大期望。Book位之前見到好多負評其實都有啲擔心，但真係要為呢間餐廳平反一下。服務態度係好既！燒物好食！熟食估你唔到咁有驚喜！一定會有下次幫襯 😋

星期5放工同諗住同事去食餐勁既飲下酒吹吹水,咁揀左依間食過幾次既燒肉好好咁放鬆下啦!我地book左8:00果場食,收二hea 多陣就黎啦,大約7:30到咁登記攞位先但要等到8:00 上一場既客走左先入得依個都正常既,等到8:10左右就入得,店員安排左我地坐1號㭘 , 1號㭘 , 1號㭘重要事情要講三次我地一坐低,就點野食啦,咁我就攪下d豉油,放好D醬汁碟仔呀之類,依個時候我見到張枱仲有D上手既食物殘渣,唔緊要啦我自己用濕紙巾抺走佢啦,好啦等左陣D肉黎啦,咁我地開爐開始燒啦,但係燒左15分鐘D肉仲係好似無燒過咁,於是就叫個同事開大D個火,點知個同事話已經開到最大,唔駛懷疑,依個的確係開到最大既火次後其他肉同,海鮮都黎既私地燒左半個鐘左右終於頂唔順問個店員,依個火係最大架嗱,佢話係仲叫我地唔好放d肉係中間咁會好大火架............................我地為有默默咁接受我地4個人叫左兩盆肉一盆海鮮,不停咁煙燻左成個鐘終於煙燻完一盆肉,眼見其他枱D客人個爐燒到磡磡聲而我地就要煙燻,想話換枱又見佢full晒想換都無機會............係個個都話唔飽之下,只好轉戰叫熟

如果不是暫時選了這間餐廳，看了其他人的評語是絕對不會幫襯！我好懷疑之前寫好評的是否違背良心，對食物極之冇要求的人，如果餐厅没有改善，只有一直花钱或叫亲朋好友帮佢写好评了😂魚生不新鲜，肉质口感差！漏单情况严重，连续点了两次同一款寿司，都没有上也不解释。食物种类少得可怜，还是第一次吃日本放題冇甜品，想要一杯熱水都冇。。。

前幾日放假去尖沙咀燒魂食日式燒肉放題晚市，冇book 位，見個門口幾靚，就決定當晚walk in 入去食，毋須等即可入座。但未食過咁難食放題，食物質素普通完全唔值個價，職員服務態度極差，而且啲食物好唔新鮮，送餐速度慢，初初等15分鐘都冇野食。點左幾個日式放題同埋刺身，落單時職員話，壽司同刺身要等得比較耐，有部分食物好細份，點左燒雞翼，件件都係一開2，豬肉切到好薄，好大陣冰鮮豬味道，肉質好'鞋'。入庭後大概40分鐘，餐廳開咪同全餐廳啲人講，自己啲飯俾客投訴，啲飯唔靚直頭取消唔做壽司，乜壽司都冇同埋唔出三文魚刺身。我問個職員冇壽司咪少左選擇，都唔值依個價（埋單時兩個人$744連加一），個 waiter態度極差大聲回應，食其他囉，仲有幾百款野食你都食唔晒架啦。其實邊有幾百款姐，大家睇相見張放題點餐紙一頁最多得5-6款，佢得嗰9頁。話話就話食2個鐘，我730pm入座, 2055話冇野加就截單，要埋單，既然少選擇我答佢話冇，職員即刻收走我哋個menu，話要趕住埋數. 結果食到945pm先走。飲品只有包2罐3款平價罐裝選擇，可樂/荔枝紅茶/解茶。用啲低級食材賣俾人。大家睇相就知道只不過係普通食材。

首先食物可以選擇嘅種類非常之少 啲牛肉鞋過紙皮仲話係和牛添~刺身唔新鮮就預咗啦係咪？仲有熱食嘅菠蘿炒飯我都唔敢叫了另外服務態度其差，上一個侍應同我哋講寫19號枱，之後有另一個侍應走埋嚟話你哋係18號唔係19號枱，我哋就話係你同事同我哋講係19，之後佢仲小9我哋話冇19號枱㗎！個下即刻燥左小返佢轉頭 9知你哋冇19號枱吖放題仲要三百幾蚊一個頭，先得嗰兩罐野飲 ，第一次食韓燒係要同人搭枱，我真係見識少，服務態度咁差仲要收加一 真係世一！

同朋友一齊食六點晚餐，態度是可以的，全場得7至8枱客，但上菜速度慢。而且燒肉款式不多，其他熟食款也不多最大問題係枱面全是油（指清潔後，枱面還有油積🥵）在疫情下，員工與員工聊天除下口罩，（仲要在我身邊）這樣不乎合吧

朋友約我食燒肉肉,但我地唔記得左今日星期五,好多間都冇位,最後終於比我book到哩間,夠鐘入場啦,人山人海,入座都快,立即落單,店員親切咁先送上飲品,點知野食都好快黎到,刺身類,有甜蝦,八爪魚,希靈魚,鮑片,馬刀貝,赤身同三文魚,整體都好ok,夠新鮮.雞類,有孜然雞翼,柚子蜜薑雞翼,辛辣黑椒雞腿肉,香矛雞翼同埋生薑雞翼.菠蘿炒飯XDD燒雞中壺漬牛粒,我都係覺得薄切易食dXD各式牛肉ROUND 1生啤炸物類,炸漿唔太厚,OK豬大腸,豬粒粒同腩片再黎ROUND 2 牛肉,係好食既,薄切易燒,有汁既款式更好味.蜆,大腸,粥,炸臭臭榴槤球(好臭呀)粟米,蔬菜們(牛油冬菇,芝士翠肉瓜,菠蘿,洋蔥)2個鐘係唔夠我食既,但係以放題黎講,仲要有良知,哩個水準同店員服務,完全係100%會再返黎食,真係太好啦.

漏單好嚴重。食物質素還好。雖然話黃店。但都要永遠blacklist. 總共食左兩碟牛肉，兩盤刺身。d 甜蝦仲要有少少霉霉地。Last order 冇叫野，因為之前已經入左兩要單味到，唔想曬野，問左兩次係味已經落左單。侍應話落左，最少都仲係漏單。上野已經慢🤦。圍燼取暖就唔錯🤣。鍾意食燒肉放題既去食牛角放題仲好。因為呢到甜品又冇。連氣水都限一人兩罐。真係第一次聽。原本諗住黃店支持下，但真係好有d失望。黃店唔等於做到咁差都要繼續支持。

Book八點，七點九去到其實入面都有大把枱但唔知點解要一大班客晌門口等，跟住門口又話要保持社交距離⋯⋯你放緊啲客入去咪得lor八點鐘開始先慢慢逐張枱入客，入座發覺張枱仲有上轉啲醬汁etc….咁你hold啲客晌門口啲時間唔係用來清潔咩？一打開點菜紙嗰吓我就知完全中伏，基本上燒肉類你當係俾你過吓燒肉癮不要要求佢咩質素，連同啲魚生你要調整返自己係食緊個二百頭嘅放題，而佢係收緊你三百幾。飲品得兩罐罐裝飲品而且無水供應。成餐最驚喜嘅食物係醬爆通菜。三百蚊個人頭，換個網都話要收15蚊個，仲要係平時啲用完即棄燒烤網唔駛佢洗。下次補多一百食返牛角好過。本來真係no photo no talk,不過餐飯伏到連影相都無心機。

本身連埋加一 食埋海鮮 四百幾蚊個😵， 諗住同女朋友食好小小 坐低啲嘢本身D野已經好慢 叫咗第一轉刺身， 等咗勁耐都冇 本身仲要坐5爆 ,淨係黎啲燒肉畀我哋 同埋啲中蝦同生蠔 仲有元貝 ，嗰啲元貝生蠔 臭臭地，等左好耐刺身都無 🌚 跟住追佢原來漏咗單🤬 大佬呀你啲客都唔係多咁都漏單 😑😑之後夠膽死三文魚吞拿魚都冇 仲要食到一半爆咪先同我哋講， 都唔知係咪特登 最後刺身就只有甜蝦同埋螺片食到， 🌚🌚🌚我諗成晚最好食都係得啲燒肉同埋啲死中蝦 真係食到一套都係氣 汽水每人得兩罐， 真係未試過食一間放題咁寒酸 冇甜品冇雪糕 極差以後都唔會有第二次😡😡😡😡 垃圾真係極垃圾