燒魂 (已結業)

今日尼到燒魂一，一入去見到有一枱成枱都係日本人，就即刻覺得無尼錯地方，而事實上都真係！佢嘅座位好闊，而且中間都會有啲間隔，有返啲私隱！而佢嘅野食都係好多種類，刺身、壽司、豬肉牛肉雞肉各樣野都有，由於我咩都想試下，結果真係由頭到尾食足兩個鐘！一尼當然要食返啲刺身同壽司喇不過不失，水準ok，但尼餐飯嘅亮點係啲肉！我地都叫左好多款尼試下，無一樣係會難咬、或者無味（自問都鍾意食啲濃味野），全餐飯都無需要去點汁，而特別推介係所有同蕃茄有關嘅！食落去好香蕃茄味，又唔會蓋過肉香，夠薄，口感一流，又開胃！另外啲海鮮都係好正！蠔同蝦真係無得輸，個蠔完全唔會有沙，好新鮮同埋佢地好好，會過尼教你點燒得好，開唔到蠔又過尼幫手，非常helpful!!!!菠蘿都係必食呀！超新鮮亦都好多汁！

可能尼間睇落比起其他放題或者韓燒會貴少少，但係食完一次就真係覺得佢物有所值！行到去門口好靚，門口好多酒同擺設我地大概八點半先到，入到尼咩都唔理叫哂啲野食先！由於我實在太肚餓喇，所以等唔切，即刻叫左啲刺身同前菜食住先！佢嘅刺身款式唔算超級多，但都有齊基本嘅款，同埋係都係新鮮，啲顏色都靚嘅！佢嘅炸物超級正！炸得脆，又唔會好油，或者炸到好老咁。特別鍾意佢個雞軟骨，好香口，細細粒，食得好過癮！當然我嘅至愛～紫薯同埋榴連都係炸得好好，入面都係好香，一咬落去，啲榴連味已經飄出尼，佢個size唔會好大粒，食完就已經劑哂，唔想再食野，好好！另外當然有各式各樣嘅牛喇，我咩都點樣啲咁樣，所以都無特別去睇返邊款打邊款，但係真心，真係一樣伏都無呀，全部都好鮮，唔會有冰鮮味！值呀！

從未食過咁差既燒肉，啲肉似食牛肉乾。完全無肉味。海鮮。。。 不予置評換鐵網都要收18蚊。咁大都未去食過一間任食換網係要收錢。。。。0左食樓下，南記都開心啲。。。。。完全。。。。奶晒野唔知點解。。仲咁多like。。。。。。

同朋友係海港城個邊行左成日，唔覺唔覺都成7點幾，原先就諗住快快手食個m記，但朋友今日特別想食燒肉，見佢講到興致勃勃，又點捨得唔同佢食。揀左既就係呢間燒魂一，燒魂一就係尖沙咀金馬倫中心2樓，其實就係尖東廣場正對面馬路，好易搵，之前有朋友都食過，燒牛既質素都相當唔錯。8點15分既入席時段每位都係$318，係尖沙咀算係咁上下，唔會覺得係太貴，雖然話係燒肉放題，除左燒肉之外，其他菜式還是會有的，未食燒肉之前我都點左d前菜。溫室凍蕃茄切片既蕃茄就最岩開胃啦，凍冰冰又爽口，mix up芝麻醬特別匹配。刺身and壽司食得放題又點可以無刺身同壽司呢，9款新鮮既刺身任點任叫，當中包括三文魚、呑拿魚、鯛魚、北寄貝、象拔蚌、甜蝦等等，我就特別喜歡佢既鯛魚，肉味清甜帶爽口既肉質。壽司方面都有成10款咁多，因為今次係為燒肉而來，所以壽司就唔叫得咁多啦，比較特別既係芒果黑松露帶子，好似食緊甜品咁，又幾得意，另外當然係我最愛既左口魚邊壽司，帶輕微既魚油感，沾一點豉油黎食已經好好味。講左咁耐終於到重點岀場啦，先黎一板核心既牛肉拼，呢到既牛肉款式唔太多，勝在貴精不貴多，高質既肉幾款就已經好足夠了。想食油脂感豐富既我更推

集日式放題、燒肉於一身的燒魂一，除了價錢經濟（ 平日星期一至四，六點至八點 每人只需$248），食物選擇多之餘，食材亦十分新鮮，而且仲有好多海鮮可供選擇，大大隻海蝦、生蠔、蜆⋯⋯通通任你點任你食！先講講小食，辛辣魷魚鬚， 相信喜歡食辣的朋友一定會很鍾意，味道辣得嚟好惹味，魷魚鬚夠彈牙煙韌，炸物外皮炸得夠脆， 食落十分香口。 燒肉食材有很多可以任君選擇，只是牛肉款式已經有很多款，有牛舌，牛肩脊 ，牛肋肉……， 個人就比較喜歡食厚身牛舌， 牛肩脊的好處便是燒得耐也不會有硬的感覺。生蠔大大隻，非常肥美，桌上還有漏斗教你如何燒得恰到好處， 非常貼心， 侍應亦會不斷從旁指導，服務態度一流!海蝦大隻之餘，食落彈牙，非常鮮甜。除了牛肉，還有蔬菜、雞翼， 二百多元有這麼多食材選擇價比值算很高吧!

原本諗住食單點燒肉店，感覺上質素有保證，但係班同事覺得太貴最終選擇咗任食。但真係估唔到任食都有咁高質牛肉好靚食落好軟滑蝦同豪都好大隻同新鮮，而且又多食物選擇，好過其他放題好多咁嘅價對比其他放題其實唔算貴，地方又唔迫，同事們都拍手讚好一定要再encore

好耐冇食日式燒肉，所以今日就相約朋友黎呢度食餐燒肉放題！.燒肉黎講我都係好牛多啲，而呢度嘅牛都好好味，正合心意！牛肉普遍來講都好新鮮，肉質都鮮嫩。.其中安格斯粒、厚割牛舌同黑毛飛霜空降和牛最得我地歡心！牛味濃之餘口感出色，所以忍唔住encore！.朋友亦大贊呢度嘅燒生蠔好好味，燒到半熟嘅生蠔滑溜又帶鮮香。一開始我哋唔識燒，但原來店員會好貼心咁教我地點樣分正面背面、點樣計時去燒，值得一讚！.貪得意試咗青森奇異果牛肋肉，牛肉唔錯，不過啲奇異果粒燒燒下都跌咗落去個網下面😂 趣味搭夠！.其他小食都有好多選擇，前菜、壽司丶沙律丶炸物一應俱全，其中比較鍾意焗蠔同炸鮮奶，趁熱食最正😝.每人包兩支罐裝飲品，我覺得蘋果紅茶都唔錯呢！

聽朋友不斷讚好,今晚第ㄧ次來到尖沙咀的燒魂ㄧ大吃ㄧ頓!果然没有令我失望,海鮮同燒肉勝價比ㄧ致,蠔同刺身非常新鮮,還有和牛牛舌都要大大力推介!飲品方面,每人有兩罐汽水/綠茶/紅茶,唯一美中不足是没有甜品!總括來説以這個價錢可以食到兩種放題真是大滿足,食物質數高之餘,服務亦ㄧ流👍

今次同朋友提前慶祝生日，咁就試下同學嘅推介尖沙咀燒魂一la～食物選擇同其他放題一樣都係好多，刺身壽司、和牛、卷物燒物、甜品、每張紙order一兩樣嘅話已經有排食😆、最特別嘅就係仲有大大隻日本宮城蠔任食任燒😋一路睇住時間沙漏一路食嘢真係好有新意☺食放題當然唔會放過刺身，我地order左三文魚、吞拿魚、帆立貝、甜蝦等等，食物幾新鮮唔會有雪味👍精美嘅壽司讓人食指大動～個人好鍾意食和牛，所以今次放題嘅主角係黑毛飛霜空降和牛同埋汁燒安格斯骰仔粒，牛嘅質素唔錯，牛粒牛味濃肉質嫩口，我地encore左兩round，大滿足👍我地仲嗌左榴槤炸彈、脆炸紫薯金波、金沙雞軟骨等等，炸榴槤水準幾唔錯，雞軟骨脆口好味！再嗌多個熱笠笠嘅煲兩個share食～我地食嘅時間段係6-8pm，埋單兩個都係$550有找，同學仔呢次推介認真唔錯！

有一陣子冇食燒肉啦,心血來潮就去左食啦!而家食野我都會先睇左餐廳既DECOR先,見呢家都幾別緻就去左呢家。本人覺得生蠔同蝦最新鮮,第1次燒生蠔,燒燒下有D水出左黎,唔知係咪海水,感覺好新鮮。D蝦好結實,我叫左好多蝦,係咁燒燒燒。好味道!呢間店好好,有個沙漏,例數3分鐘,夠鐘就燒完個蠔。不過如果想熟D可再燒耐D。呢個係店員教的。有個店員幾好呀,好細心,時不時就會問客人仲要唔要飲品。見佢都幾健談,中意同客互動。佢話就算唔記得個客既名,有D黎多幾次佢都記得。而家愈來愈少呢D好店員啦!除左燒野食我仲叫左D甜蝦,PINEAPPLE,有好多小食可以ORDER,上菜都快。感覺上都幾乾淨。呢度包2杯野飲,都夠飲。

話說早排同成班舊同事食飯，我哋差唔多成20幾個人，要容納咁多人都係離不開放題或者燒肉店！😂嘢食來講都好多選擇！除咗刺身、海鮮、肉類之外，仲有各式各樣嘅熟食，照顧唔同需要嘅朋友仔。🕵🏼‍♂️刺身都幾新鮮咖！👍🏽不過肉類來講我就覺得唔係太好，因為送上嚟嘅時候啲肉完全係硬骨骨。放落鐵板燒嘅效果太差😶海鮮我哋都有點但係我個人就唔係食咗好多，因為我食完一隻蝦覺得唔係太過新鮮🥴不過佢哋有焗蠔都唔錯的已食物質素黎計呢一間放題燒肉店我覺得只係中規中矩，但係呢個價錢再加上食物嘅不同種類我覺得都還可以接受！唯一我要的讚嘅就係，餐廳嘅服務非常之好，同我地有講有笑仲有好多交流！😂 —————————— 食物質素：6/10 環境衛生：7/10 舒適度：7/10 服務：9/10 性價比：7/10 總評分：7.2/10

向來喜歡吃日式放題，但大多放題店都主攻刺身，熟食質素平平；有見燒肉放題都有刺身供應，偶爾不如轉轉口味，吃燒肉與海鮮為主，又能滿足到想吃刺身的慾望。早前來到尖沙咀的【燒魂一】燒肉店，離遠處已見大大塊招牌，見近日不少好評，就走來試試吧。走上樓梯，門口挺大的，黑色既格調型型格格，進去時門口有好多風水擺設同唔同冒特別版既酒。當時六時半已經差不多滿座了，一個半鐘的任食時間，好像吃得有點趕...餐廳內部闊落，以卡位為主，二人同行也可以舒舒服服。人多的話還可以訂包廂座位，自成一角，私穩度高。地方新淨整潔，完全不覺煙味。可能是抽風系統及日本專用爐都選擇得不錯吧。.菜單有非常多張，即點即食的有刺身、壽司、火炙壽司、創作壽司、沙律、炸物、燒物、飯麵、料理；而燒烤食材就有：海鮮、牛肉、豬肉、雞肉、蔬菜。感覺選擇都算多。以劃紙仔嘅形式落單，全部任食，就咁睇落單紙嘅圖都幾吸引。🔹刺身選擇有：三文魚、吞拿魚、劍魚腩、八爪魚、鮑魚片、北寄貝、玉子燒和大甜蝦。食得放題就梗係想狂食刺身，選擇係幾多，色澤都算唔錯，大頭蝦一隻都好大隻，每一隻都非常之鮮甜，有冰鎮住，吃起上來很新鮮，一點腥味都無。🔹壽司有創意，味道有時真係見

呢間係朋友食過話幾好食，就book左枱去食喇，佢係日式餐廳既任食黎，所以有d壽司刺身食，但我又唔係好刺身就冇食到，我主要都係叫d熟食黎食，因為佢d肉真係麻麻地，香港普遍日式的餐廳質量都相對好d,但我覺得佢同韓燒比仲差d重點係呢間係for 燒肉但d肉又唔係好食，真係好矛盾，食過牛角任食，牛角真係好食好多丫，仲要都係三百幾蚊，我下次都係食番牛角算，但佢好就好在，我地食過左時佢地都唔會趕我地走，同埋食物種類都多既

同朋友係尖沙嘴行街，本身想食米線，突然見到呢間燒肉放題覺得好吸引就上去睇睇。餐廳門口有好多風水擺設同好多特別版嘅酒，而且晚飯時段 6-8pm 係$248 一位，我地覺得都ok 就入去試下。餐廳d 位都係卡位為主，坐落都闊落舒服嘅。每個人都有碟醬料，有三種醬，左到右分別係 薑蔥味濃d 辣味輕d嘅海南雞辣醬、酸辣刺激嘅泰式辣醬以及味道偏甜嘅烤肉汁。另外檯面有鹽同醬油。我唔係好食得辣所以都係點烤肉汁為主，海南雞辣醬都勉強接受到，但都係覺得幾辣下～食物方面，烤物好多選擇！有豬、牛、雞、海鮮、蔬菜、酵素系列嘅醃肉、天婦羅、壽司、刺身、料理、熟食、沙律等等。 燒肉印象比較深刻而且好味嘅就係蜜糖芥末豚肉粒、霜降和牛、蜜桃豚後肉、奇異果牛肋肉、薄牛舌、安格斯骰仔粒。以上部位都係調味比較特別，而且油脂比較充足，食落就嫩滑多汁d～ 要注意燒烤時間，店內提供3分鐘同1分鐘沙漏，好有用！想知道燒烤時間大概點預可以問店員～海鮮最鍾意燒蠔，夠曬大隻海水味足，另外青口都唔錯。刺身鯛魚、象拔蚌、原隻甜蝦都唔錯，幾甜。壽司比較鍾意創意壽司嘅芒果黑松露帶子同海膽拖羅塔。過癮得嚟味道特別，幾好味。其他熟食冇乜點試，最記得個

餐廳主打日式燒烤放題，門口有好多特色擺設，門面幾靚。入面座位都算闊落舒適。店員盡責，態度友善，會提醒我地台號係座位上方，點菜方法等。間中會嚟睇下我地燒成點，仲會教我地點燒更加好味。menu 都幾豐富，有燒肉、沙律、刺身、壽司、蔬菜、海鮮、熟食等等。 我地去嘅時段係6-8pm，$248每位再加一，包2罐非酒精飲品。燒肉種類繁多，有牛肉、豬肉、雞肉、海鮮等，比較特別係有果酸酵素系列，用左生果醬醃肉，即使相同部位，用果醬醃過嘅肉味道質感都有唔同，幾特別。牛肉方面，霜降和牛味道唔錯，油脂比較充足，而且食落口幾嫩滑柔軟。豬肉方面，個人最鍾意豬大腸同蜜糖芥末骰仔豚粒。豬大腸燒完會外脆內軟，而且處理得幾乾淨。蜜糖芥末豚粒就夠曬厚身，應該係五花腩位，肥瘦均勻，啖啖肉好滿足，燒完嘅口感柔軟彈牙，油脂足夠，而且幾鍾意佢甜甜地嘅蜜糖芥末調味。雞肉方面，燒雞翼都唔錯，朋友燒得好有心機，keep 到肉汁之餘外皮香脆。海鮮方面，日本宮城牡蠣幾唔錯，大大隻生蠔，烤完之後keep 住飽滿多汁，海水味都幾濃郁，放題嚟講質素算係幾唔錯。壽司方面，肉鬆菠蘿鰻魚卷幾驚喜，搭配特別，鰻魚嫩滑冇骨，加上肉鬆同菠蘿鹹甜混合，口感味