煌府婚宴專門店

營業中

休息中

今日到尖沙咀接老婆放工， 剛巧大家都想食中菜， 在中港城走啊走就見到這間煌府婚宴。 雖然未想再結婚（ 哈哈哈）， 但都想一試。 菜式叫了以下幾款：手拍青瓜海蜇屬於比較貴價的海蜇分量非常多， 爽口彈牙， 而且用麻油醃得很香口。 但更加想一讚的是用上蒜蓉醃製一段時間的青瓜， 非常入味之餘依然保留青瓜的清甜爽口， 吃完齒頰留香。四川麻辣雞煲除了主角雞件外， 用上大量新鮮蔬果作為配料， 所以賣相吸引。 醬料以麻香為主， 辣度只是屬於輕微， 適合大部分人士。 雞件分量亦都多， 雞肉部分鮮嫩多汁， 就算骨的部分因為有醬汁拌著， 吃著亦非常滋味。 非常適合佐飯的菜式。薑蔥鮮蠔煲一上臺薑蔥和蒜頭的香氣已經四溢, 每隻蠔都非常飽滿厚身， 每隻都先經過油炸， 再用薑蔥煲爆香， 雖然已經未必是香脆， 但炸衣爆香後反而帶有一股煙韌口感， 吸了配料精華， 配合蠔的鮮嫩非常不錯。迷你木糠布甸杯上枱有三小杯， 非常適合帶有一個甚至多過小朋友的客人。 甜度適中， 布甸質地幼滑， 奶味香濃。

晚上在尖沙咀工作後約了友人吃晚飯，突然想食中式小炒，去了新港中心「煌府婚宴專門店」，印象中它是間主打宴會酒席的品牌，分店很多，這間場地十分華麗！場地十分寬敞， 座位坐得舒適，空間感十足，樓底高設有水晶燈，場面很美輪美奐！餐牌選擇很多，中式小炒是主打，我們馬上點了個小食冷盤「海蜇伴燻蹄」，海蜇很爽口，蘸上酸醋更醒胃，燻蹄燻蹄肥痩適中，皮和肉都爽滑完全沒有油膩感椒鹽海生蝦，性價比很高，份量大碟，蝦肉爽口，外殼炸得香脆沾滿椒鹽，殼內的蝦肉保持鮮甜多汁，吃得出新鮮的味道！我們馬上點了個白飯伴椒鹽吃！必食推介！家鄉蓮藕煎肉餅，份量同樣大碟，有六大件，豬肉煎得夠乾身，色帶金黃又香脆，口感彈牙，很多蓮藕粒！友人大讚！蒜蓉炒豆苗，份量大碟，好像一個小山，蒜香味濃郁，豆苗炒過後依然保留得到水份和色澤嫩綠，有獲氣夠乾身！飯後更有甜品杞子桂花糕吃，賣相吸引又清甜！整體來說，這中餐食物水準很高，菜式選擇很多，賣相吸引外，服務十分值得一讚，服務殷勤非常有禮，招呼到位，令客人有賓至如歸的感覺！環境加上食物及服務，十分滿意這晚餐！

今日出尖沙咀準備去睇朋友註冊結婚，一落車就去新港中心借廁所用，另一個朋友見到呢度有間煌府就話時間咁早不如飲個茶先啦，於是乎就入左黎食下午茶。鮮蝦蟹粉石榴球一上枱就嘩一聲，好少可酒樓食點心會有咁精緻嘅點心，脆脆嘅外皮入面包住蟹粉同鮮蝦，係一款外表同味道都俱全嘅點心。羅漢齋煎脆面羅漢齋味道不過不失，但脆面就非常特別，可能係幼身面關係，所以油份炸得零舍通透，就算被汁浸晒都仍然食得出脆嘅口感。紫甘藍鮮蝦韮菜粿韮菜好多，味道調配適中。時菜鯪魚球打到起膠嘅鯪魚肉食落好彈牙，唔錯。蟲草花北菇綿花雞咁厚綿花嘅綿花雞真係未食過，呢度真係落足本。黑糖紅棗糕煙煙韌韌好有咬口，每一啖都有淡淡嘅棗味。蒜蓉芝士蝦春卷蝦膠好大舊，加埋芝士熱食無得彈。

晚上區内公幹完成，正找地方歇腳吃晚飯，見到這主打宴會酒席的品牌在此老牌名商場內的分店，裝煌華麗便决定光顧😉😉侍應態度殷勤，招呼十分到位，再看菜單發現好多套式自選孖寶，決定點其一再加一道餸😋😋自選孖寶:燒味三拼(例牌)無欺場份量足，爽口半肥瘦义燒, 脆皮燒腩, 成隻燒鵝脾，肉嫩而有咬口清蒸龍躉仔一條(一斤)上桌時熱氣騰騰足有成斤重，好吸睛，肉質水平亦算不錯，伴飯的一味好餸😋再追加了:薑蔥生蠔煲成為這餐飯靈魂之選， 薑蔥火侯足，勁惹味， 生蠔體積不算大，但勝在滑嫩無渣，入口蠔鮮味滿溢，口感猶勝大碼蠔，厨房應加分😋😋飯後更有跟單甜品杞子桂花糕，總结又是一次驚喜👍🏼

爸爸生日一家人飲茶，貪呢間野坐到6人去飲。體驗超級差！係超級差。安排坐位後無人比茶位！要自己行去搵人黎！好啦，叫個呀姐黎佢黑晒面仲掟野！都算。開完位，等左15分鐘都無人開茶位！仲要D侍應叫都唔應！把幾火我食都唔食就起身走！唔好話食物！就連服務質素都咁真係痴鬼線！

午市不用等位，包點不新鮮，奶皇包皮厚包餡無味，連菜心都老到皺皮，燒賣成舊麵粉咁，叉燒包包餡好難食，伏！鳳爪蒸到好林，皮肉分離，感覺是放了很久的食材，一句講晒唔新鮮。鮮蝦蒸腸粉加左豉油都係冇乜味道。燒賣層皮蒸到林晒，成舊麵粉咁，點解可以咁難食....平均每人$136，位$15位，以這個價錢的食材不應該是這樣，貴夾難食，不會再幫襯！平時食剩的茶點都會打包，但係今日剩下的點心難食到不想拿走。希望各位食家留意小心免得中伏！

諗住同同事去飲茶，本身想想訂位，但可能太遲訂唔到，咁唯有早15分鐘去攞位啦。果然係lunch time，好多人，我發現訂唔訂枱都無咩分別，因為我之後個位有訂枱都要跟我一齊等。佢地後尾係差不多門口位置(比錢位置再出少少)開左張枱比我地，其實感覺唔太好，不過都無辦法。野食方面無咩特別，普通點心。個魷魚穌相對地比較硬嘅我唔太中意不過佢個四季豆真係要成張枱最好食係個四季豆，非常香口佢地有個男員工要讚賞下，我地有叫一籠蝦餃，兩籠菜苗餃，不過就黎左3籠蝦餃比我地，同個員工講佢就話幫我地跟返，到差不多食完啲菜苗餃都未黎，我地諗住食野啲野都未黎就取消佢，不過嗰男員工有特登過黎問返我地啲菜苗餃有無黎到，知道無就親自幫我地去攞同送到去我地枱。

這天在新港中心進修，午餐就與同學們到煌府飲茶，店面的風車和摩天輪裝飾很漂亮。點了多款點心，兩個麵飯，還有些廚點，十個人一起分享，所以不是每一款都有嚐到，然而沒有哪一款被說不好吃。蝦餃和燒賣有水準，味道和口感都不錯吃。銀杏鮮竹泡時蔬顏色吸引，蔬菜鮮甜，口味清淡好吃。鳳爪醬汁夠入味。虎皮尖椒又香又辣好惹味。蛋白堯柱蟹籽炒飯，夠乾身，沒有很油，味道不錯。燒鴨米線也不錯，燒鴨皮沒有很脆，肉質軟滑有汁，好味。奶皇包外形趣緻，食味普通。椰皇燉鮮奶，清潤養顏，非常美味，必吃次選。

今天朋友到尖沙咀，他的喜愛只有飲茶，尖沙咀在海港城附近可選擇的不多，又不喜歡新派食津，見到酒樓就即時搵位，因為我一點都不餓，所以只叫了一碗粥，一碟菜，一個點心，味道🤔🤔🤔，碟菜好似冇鹽，点心不過不失，碗粥就夠大碗，就三樣要成一百五十，下午茶喎！租金就是市場主導

話說同朋友返工經過，見下午荼時段有優惠，忍唔住衝咗入去試下。點心隨意點咗些少，包括有金錢肚、燒賣、奶黃包、腸粉、鳳爪、蘿白糕、福建炒飯等必叫點心 / 菜式。最令我印象深刻既疑似小黃人既奶黃包，入面個餡乾噌噌，完全感受唔到流心奶黃既味道，以及蘿白糕太削，用筷子一夾即散，完全無蘿白味。相反我比較欣賞類似刺蝟既菜肉包，肉汁鮮嫩，兩者形成強烈對比。福建炒飯雖然價錢較貴，不過好足料，未至於物有所值，但值回票價。阿BOB點解你無晒d頭髮？

出席晚宴，食物可以，但音響差勁！坐在喇叭位置下，聲音震耳欲聾，令全枱賓客難以忍受！多次向酒樓員工反映苦況，但不獲理會！最後要發火才有所改善！影響參加晚宴的心情！

公司附近之前開了一間新的酒樓，是煌府，我覺得煌府質素還不錯，於是今天訂了枱，和同事們高興！有個很抵食的套餐，$198有幾個菜，「手拍青瓜海哲」，這是前菜，所以份量也較少，也是冷盤，青瓜酸酸的，海哲細細的，但很爽口。「香煎蘿蔔糕」就遜色了點，一夾開時就散了，粉弄得不夠結實，而糕也沒有硬身的，挺粉。「鮑汁雞腳」是Sandy姐的最愛，我又怎能不叫呢？？先試試鮑汁，幾入味，不會太咸，雞腳賣相好像很硬，但食起來出奇的軟滑，而且帶著很重的鮑汁味，我最怕就是炆不夠火喉的！！鮮蝦福建炒飯是濕炒，我就是喜歡濕多於乾炒，說是鮮蝦真的是爽脆的蝦，沒有冷藏味，而且蝦肉多的是！飯炒得很香，配料很多，有瓜粒、菇、雞肉、蛋絲，我們一行七人，每人一碗剛好！「布拉腸粉」是我最愛的點心，一般的叉燒腸、牛肉腸也沒有呢個咁好味！這個布拉腸內里就是什麼都沒有，但是它不會很林身，沒有黏住的，上面配上豉油已經很夠味。酒樓附上了甜醬和辣醬，遺憾的沒有花生醬，如果都能提供就可以自己混醬了！

約朋友在尖沙咀飲茶，點知12:30沒到已經要等位，急問在附近返工的朋友，會不會有什麼地方會有位，本身不抱希望，畢竟午飯時間，到處都人多。朋友說去廣東道煌府!入了酒樓，即時有位，還安排了我們坐在"主家席"上，高人一等。這家酒樓之前應該在北京道一號，應該最近搬來廣東道，裝修很新，也算有心思。跟以前在北京道時一樣，容易找到位子。可能跟食物質素有關。 說難食又不是，點了個時蔬是菜芯，都幾爽甜，奇是奇在明明是銀杏，最後上來變了菇菇；菜苗餃都不錯，菜仍然是爽的。其他就很一般了，粉果蒸得過火了，馬拉糕份量好小，牛肉腸、紅豆沙完全無意見，知道是在吃食物。還有那茶，都改成茶包，沒所謂，但茶只有顏色完全沒有茶應該有的茶味。另外，本來點了個蛋散結果漏單，結帳時當然要驗查並要求改單。2個人6個點心，承惠每位$103，位處廣東道，算了。

公司平時有啲咩大時大節都會出去飲茶 好多時候都全公司一齊去柴娃娃好開心 最緊要係老細請嘛 不過我地平時食開個間汁左 所以我地又揾左間扺食嘅酒樓飲茶 佢就係位於新港中心三樓嘅煌府啦一入到去估唔到午市都咁多人 我地入到去就叫左以下菜式-口水雞隻口水雞幾正 雖然份量唔算大份 個勝在個汁個麻 啲雞肉凍而鮮嫩 好味!叉燒腸佢皮薄而且夠滑 新鮮出爐咁 啲叉燒都唔孩 加埋豉油都好味叉燒包好耐冇食過啦 當然酒樓食嘅比平時食唐包點嘅叉燒包唔同 佢依到個包較鬆軟有口感 唔會又乾又硬褔建炒飯炒飯幾乾身 而勝在多汁又足料 一定可以比男同事食飽蝦仁菜苗餃依個都皮薄hum靚 裏面嘅蝦都幾大隻 配埋菜苗一齊食有多重層嘅口感山珍花菇炆伊麵依個就一般般 賣相唔靚 而且比較多油 但伊麵都幾淋同量多 岩哂一班人食嘅 魷魚鬚佢唔多粉 炸得都唔錯 但可能凍左 襯熱食會比較香口同脆 總括而言 依間都幾岩一大班人食 食物都幾好!

Went to have a lazy Saturday late lunch. Disappointed with the rude service. Also found a hair in 1 of the dim sum plate. No apologies offered - only asked if I wanted a replacement. Will not visit again as the food is not super fantastic anyway