炯記燒味 (坤成樓)

營業中

休息中

去荃灣整完身份證，見到有好幾個人都停低望嘅餐廳，好奇心發作又跟住望下，心諗：咦又幾抵食咁喎，一於買返屋企加餸。超值加餸組合，有A餐B餐C餐點樣揀😆最後揀左真心平優惠組合A（$98)-有半斤醬皇腩叉同半隻雞，可以揀切雞、油雞、沙薑雞同口水雞。醬皇腩叉拎緊返屋企已經不停聞到陣陣香味，一打開無諗過排得勁整齊，仲要份量都唔少！叉燒的確係腩位，但肥得黎又唔會過份肥，配上濃郁嘅蜜汁醬，真係斬料之首選！口水雞因為覺得唔係全部燒味店都有，所以就揀左！而個人唔係好食得辣，而呢款口水雞就屬微麻辣，調味得幾惹味，送飯一流！最估唔到係有雞髀，又係好足料，絕對對得住價錢。最後偷食左啲之後，因為等到屋企人返到嘅食飯時間已經有啲凍凍地，所以都係要整返熱😝，無可避免的一環，好彩無影響味道。

今日去到荃灣仁濟醫院附近，突然發覺有依間燒味店，個地點都幾方便，但可能冇留意，見佢好多款燒味都唔錯，但啲燒鵝特別大隻可口，所以今次試佢啲燒鵝先，都幾多人買嘅個日😄返到去都唔使整熱7煙熏燒鵝下裝皮薄香脆，肉厚飽滿超好食，口感豐富，一份都夠4人享用在仁濟醫院附近，鵝皮黃脆而否焦，肉嫩松軟，香嫩可口，有豐富的、鮮美的肉質配上獨家的燒鵝酱汁,醬汁是偏甜口而且酱香突出，燒鵝份量很足，肥瘦相間，超級送飯，吃了還想再吃😋屋企人我覺得幾好食

新開燒味好正今日經過見到原來開左間新嘅炯記燒味，呢個仲唔係斬料加餸嘅招喚OMG HAHA 佢有唔同ge 組合，價錢係大眾化，見到腩叉個樣係好吸引，就試左佢一個set!!!⭐超值加餸組合C $118醬皇腩叉 (半斤) + 脆皮燒腩仔 (半斤)⭐半斤燒腩仔燒腩仔半肥瘦，食落唔會好咸，而且師傅燒到個外皮好脆～⭐醬皇腩叉 (半斤)招牌燒味之一就一定係呢個 醬皇腩叉，呢個位係成舊叉燒入面最肥白白又好食嘅一Part! 半肥瘦腩肉油脂分布超平均，叉燒燒得好香同好靚，加埋惹味蜜汁，真係食到唔想停呀HELP📍炯記燒味 荃灣荃灣街市街142-166號坤成樓地下10號舖

回家食飯，最好就是加餸回家，亞媽就最開心了（不用煮太多🤭） 而且這間燒味是有名氣的👍🏻 當然要潮聖下🌟「沙薑雞」沙薑味夠重🥰就是我喜歡的那種，而且雞肉鮮嫩，雞髀肉滑溜，配上住家白飯😍 亞媽都話正👍🏻「蜜汁叉燒」專登叫師父暫半肥瘦給我，真的是有幾層效果，肥瘦分明👍🏻 蜜汁野味🥰 咬口軟身，正呀😋備註：🔺斬料套餐，抵！抵！抵！👍🏻🔺下次要試埋手絲雞，同醬王豬手🤭🔺不但有外賣，而且有堂食😌

是日星期三去大窩口aeon shopping，買完平野就行去隔離荃灣街市街間「炯記燒味」， 斬料返屋企加餸。必買超值加餸組合有3款優惠，我喜愛食叉燒，梗係會選擇「優惠組合C」$118，有半斤醬皇腩叉+半斤脆皮燒腩仔， 相當超值，份量十足，而且仲熱辣辣添。「醬皇腩叉」不得不讚， 腩叉肥瘦分明， 肥膏結實非常爽口，不油不膩， 瘦叉部分肉質鬆化， 加上他們的秘製醬皇，超送飯。「脆皮燒腩仔」 燒腩仔肥瘦相間咸香惹味，而且鬆化香脆的豬皮脆卜卜，整體上好香口，質素尚高，CP值超高。

放工突然想食燒味，咁啱經過見到呢間就睇吓，之前都有食過呢間嘅麵店都唔錯嘅！阿姐好好人，介紹我買雙拼，咁我就叫咗套餐優惠B, 燒腩仔加豉油雞，另外再加多一個涼拌木耳。賣相唔錯,份量亦都十足,豉油雞好嫩，一D都唔乾。燒肉睇落好似肥肥地，但食落原來好有層次，一層肥一層肉啱啱好。難得返到屋企，層皮仲係脆嘅涼拌木耳都好有味，爽口，唔錯唔錯下次會再試其他嘢😆

今日去左行街街 冇時間煮飯添咁啱屋企附近有間燒味舖 見到個價錢覺得超抵食呀 要試吓先店內環境乾淨企理見到店員將啲叉燒同燒肉新鮮咁捧出黎即刻吸引左我去買有個超值加餸組合剛剛好優惠組合C 啱曬我呀醬皇腩叉 （半斤）+ 脆皮燒腩仔 （半斤）都係$118 咋 好抵食醬皇腩叉啲叉燒好入味見住啲蜜汁滴滴下 好吸引半肥瘦既腩肉 好有咬口 肥瘦適中加上師傅功架十足 叉燒燒得剛剛好有住陣陣的燒烤味脆皮燒腩仔 燒腩仔個皮燒得脆卜卜肉質鮮嫩 油脂分佈層層分明咸度適中 好好味呀加埋附送嘅芥辣一齊食好正屋企人食過都讚不絕口呀買到又平 又靚 又抵食 質素又高嘅燒味見到原來仲有堂食下次要試吓仲要試吓其他燒味先

是日換身份証，換完差不多食晚飯時間，買唔切餸，行去地鐵站途中經過炯記燒味，諗諗下買個孖寶加條菜就可以開飯啦! 點左個孖寶套餐，一百蚊都唔使好抵食呀! 醬皇腩叉：味道唔錯，叉燒肥瘦適中，唔會太肥但又唔會柴，口感幾好，食落仲有陣肉香，最怕豬肉有臊味，呢度嘅叉燒就完全無呢個問題。桶子油雞：雞皮雞肉都好入味，鹹甜嘅味道平衡得很好，不是死咸，雞肉嫩滑 juicy，雞皮彈牙，配埋蔥油，送飯一流。呢個孖寶套餐性價比好高，有驚喜，下次加餸會再過去encore!

除咗元朗多美食之外，其實荃灣都係有好多美食今日放假就特登去荃灣食出名嘅米線，早啲去就唔駛排長龍難得去到荃灣，當然要四圍行下，睇下有冇荀野點知真係比我發現到個「超值優惠」就係呢間燒味店，有好多唔同嘅優惠，總有一款岩你心水啲優惠真係勁抵 所以決定買嚟今晚加餸‼️又想食手撕雞，又想食燒腩仔，可惜無呢個combo咁就決定要「脆皮燒腩仔+半隻切雞」都只係$108咋本身隻雞已經好夠味，雞味好香仲有少少咸香肉質一啲都唔鞋‼️呢隻雞都好大隻，份量相當多呢個燒腩仔不得了脂肪比例唔會太多，非常適中，重點係塊皮好香脆，呢個燒腩仔真係好出色

炯記全港有好多分店 最出名食手撕雞同埋燒味今日夜晚同屋企人嚟到荃灣食晚飯 兩個人叫咗煙燻燒鵝飯 $60估唔到有成10件燒鵝 仲要有脾位😳喺邊度搵呀？份量多之餘 仲係好食 燒鵝皮脆 肥瘦均勻肉質鮮嫩 講真比多一倍價錢都值叫多個冬菇扒生菜 佢個醬汁特別香，而且個冬菇好入味另外，仲叫咗燒味雙拼燒腩仔叉燒 分別有成10件咁多叉燒肥瘦適中 好好食 燒腩仔皮脆梅花間竹肥瘦肉 好食到不得了最後叫多個小食鴛鴦手撕雞 麻辣同埋鹽焗口味 麻辣口味夠晒開胃，唔會搶咗手撕雞嘅雞味非常好食

加餸推介呢日經過炯記見到啲燒味幾吸引買左盒四寶飯，半斤燒腩仔，海折燻蹄，麻辣雞腎加餸炯記4️⃣寶飯（手撕雞、豬手、叉燒、紅腸）大大盒份量都幾多，大大隻豬手滑嘟嘟肉多皮唔韌，手撕雞仲要辣辣地，叉燒肥瘦均勻，紅腸差唔多有半條；抵食。燒腩仔外皮夠脆，食落唔會好咸。肥瘦適中。小食海折燻蹄同麻辣雞腎兩樣都好食都幾多款可以揀斬料價目表燒鵝都幾靚仔下次再幫襯。📍炯記燒味荃灣街市街坤成樓地下10號舖

今晚屋企唔煮飯，收工快靚正買咗啲嘢食返去同屋企人食。🐓鹽焗手撕雞（半隻） - $55鹽焗得好入味，加上表面有好多嘅芝麻粒，令成個雞都好香。半隻嘅份量都好多，用嚟送飯真係一流，仲要啖啖肉。🥢秘製燒鵝撈麵 - $43外賣加兩蚊，送例湯。依個係下午茶優惠。燒鵝皮仲有少少脆，肉都偏淋身，唔會好韌，皮同肉之間仲有少少油脂，可以接受。我揀咗撈麵，本身可以配飯。撈麵有啲醬油撈埋個面一齊食，鹹鹹甜甜的，面係粗麵，幾有咬感。餐廳仲有其他冷盤小食，有機會下次都可以買一盒加送。

夜晚唔知食咩好，經過炯記門口見到個超值外賣優惠牌，一於試吓係咪真係咁值先🙈炯記三寶飯有叉燒、紅腸同鹹蛋～ 叉燒外皮閃令令帶點油脂，同時發住淡淡嘅炭蜜汁香味，半肥瘦狀態食落去啖啖肉，夠晒滋味！紅腸外觀鮮嫩，肉質緊實，鹹鹹香香咁配飯一流👍🏻！鹹蛋就更加唔使講，一個字「正」🤣炯記四寶飯有手撕雞、豬手、叉燒同紅腸！手撕雞雞皮偏少，嫩滑唔嚡口😍 豬手都冇毛，清潔得幾乾淨，入味之餘唔會過喊！外賣仲附送是日餐湯添😚 性價比好高，大件夾抵食🤪

咁啱係荃灣又見到上次係北角食過嘅烱記餐室，心心念念上次只係食咗小小手撕雞，今次就決定買外賣番屋企加料😝等屋企人都可以試下同朋友一齊share 一隻手撕雞($108/盒)，店員好好可以分2個盒比我哋裝，就算分開咗1盒其實都好大兜好重，番到屋企打開黎睇我哋都覺得好抵食😂店員有比辣同唔辣我哋揀，我哋揀咗辣味手撕雞，Ummmmmm原來食落都比我想像中有啲辣下，撈飯黎食就幾惹味剛剛好，怕食辣既朋友要小心揀唔辣啦！

阿媽成日話每日煮飯諗煮咩餸，都係一件好頭痛嘅事。所以久唔久都會選擇斬料加餸，又方便又好食。炯記有多間分店，而且佢地嘅燒味都唔錯，大盒又抵食。另外，餐廳重有多個外賣優惠組合可選。.超值加餸組合C $118醬皇腩叉 (半斤) + 脆皮燒腩仔 (半斤).🐷醬皇腩叉 (半斤)呢個都係餐廳招牌燒味之一，呢度嘅半肥瘦腩肉叉燒真係幾靚，油脂分布平均，加上惹味蜜汁，而且燒得剛剛好。.🐖脆皮燒腩仔 (半斤)燒腩仔半肥瘦，師傅燒得火喉岩岩好，外皮好香脆，食落夠晒juicy。