影片
開飯介紹
主打廣東菜的餐廳，其手撕雞是人氣款式之一，另有多款燒味菜式。此分店以木和白瓷磚為裝修主材料，設計簡約舒服，作為一人飯堂也不錯。
繼續閱讀
營業時間
今日營業
10:30 - 21:15
星期一至日
10:30 - 21:15
公眾假期
10:30 - 21:15
公眾假期前夕
10:30 - 21:15
以上資料只供參考, 請與餐廳確認詳情
相關文章
之前幫襯過沙咀道嗰間餐廳分店，但前排轉咗名（但好似係同一集團）。今次經過街市街，見到呢度原來有間燒味分店，門口有個牌手撕雞外賣有優惠，半隻$48，一隻$88。最後買咗一隻，可以揀兩個味道，所以一盒鹽焗，另一盒麻辣。因為已經預先整好哂，放定係雪櫃，俾完錢即刻拎出嚟就有。鹽焗手撕雞：份量可以，外賣盒九成滿。面層係去哂骨嘅雞肉，肉質唔錯，胸位都唔會太嚡，雞皮都少少爽口，少肥膏。至於味道，咸味適中。底層塾番啲骨，喜歡"倫"骨嘅（如小弟）啱哂。麻辣手撕雞：份量可以，外賣盒九成滿。麻辣醬汁唔錯，十分惹味。
繼續閱讀
之前聽朋友介紹我呢間啲燒味好食，一直諗住試，咁啱今日經過就買黎試下，講明要肥叉燒點知又係瘦，燒鴨全部都係骨，街市啲燒味飯仲好過佢，垃圾👎🏻可一不可再！！！！！
繼續閱讀
睇完醫生差不多五點，食飯又未夠鐘，但又好肚餓，所以決定揾啲嘢食下。其實附近都好多選擇，不過唔覺意俾佢個價錢吸引咗入去。以而家的物價，三十幾蚊一碗燒鴨瀨粉真心唔貴，仲要有汽水，仲想點。雖然呢度地方窄啲，位又小，不過隨便食個下午茶，那有這麽多講究。呢度下午茶有幾款選擇，不過我向來鍾情燒鴨，估唔到咁嘅價錢，竟然有燒鴨脾，淡淡肉，唔肥。份量也適中，我食當下午茶剛剛好，如果女仔食可能會飽。個人覺得性價比算相當不錯。
繼續閱讀
開始喪OT的日子了，放工再無時間煮飯，要長期在荃灣元朗搵食了🥲特盛套餐 A1 $68抵食到不得了！套餐有鵝油叉燒撈麵，手撕雞飯，小食，湯。撈麵比想像淡口，麵身幼而富有口感，停不了口，叉燒則不過不失。手撕雞飯選了麻辣味，比較少見，味道不會太濃但惹味，最欣賞這裡的手撕雞不會撕得太碎，保留了雞肉的口感。湯感覺不到味精，住家的味道。小食是雲耳，爽口又惹味，更是一種未吃過的味道。鹽焗手撕雞腸粉 $40是一個小見的配搭，跟預期一樣沒有太大驚喜，而是一個很好的配搭！烔記三皇盤$58有雞腎、雲耳、鳳爪，調味是同出一轍，都是那個很可口的醬汁，每樣材料都很入味而爽口，非常好！柚子汽泡檸檬茶$10（跟餐）沒有美觀的容器，味道卻不容忽視。平時大多是柚子梳打水，再加入檸檬茶又是另一個層次，驚喜！話雖不是超級高質，也絕不會為求平價而提供劣質的食物，味道比較淡口住家式，我倆都說是一家可回頭的餐廳啊～
繼續閱讀
行完荃灣去左附近間炯記燒味店買外賣，因為之前食過一次覺得味道不錯，今晚屋企人提早過節，又有套餐選擇，岩晒一家大細食。我地揀左組合A,有半斤燒叉或燒肉，另一款係半隻有貴妃雞或豉油雞可以俾大家去揀，我地揀左半斤燒肉和半隻貴妃雞。貴妃雞的味道不錯，入口帶一點鹹香，肉質鮮嫩，就連雞胸位置嘅肉都唔會太乾太硬。再加埋蔥油真係無得輸。讓人愛不釋手。燒肉嘅皮都幾香脆，外賣黎講算不錯，而佢地嘅燒肉和油脂分佈都幾均勻，肉質唔算太乾，食多幾件都唔覺得太油膩。
繼續閱讀