炯記燒味 (坤成樓)

營業中

休息中

今日例牌黎烔記整啲燒味翻去。半斤醬皇腩叉——今日個腩叉超級靚！真係完美嘅半肥瘦，可以清楚見到叉燒中間薄薄一層膏，肉質都唔錯，味道甜鹹恰到好處。有時出去其他燒味檔都好驚會鹹得際中伏，烔記作為連鎖店黎講就唔驚呢個問題。最好就即日食多啲唔好再翻煮，唔係啲肉就唔滑。原本純屬試下，叫埋未試過嘅口水雞，哇點知仲大驚喜。我懷疑呢個辣醬係翠宏嘅味——識食嘅你一定知道呢隻萬能辣醬香而不辣，完全停唔到口。仲要隻雞連雞胸肉都好滑，我屋企小朋友本身好挑食嘅，點知都滑到分唔出啲雞胸，照食！總結：以後標準搭配一定係口水雞+其他燒味

呢日早了少少收工，可以慢慢行一陣先返屋企,經過炯記就加餸買外賣回家食。喺門口望下有咩靚靚仔仔好味道先，依兩樣都吸引到我,就係醬皇腩叉同脆皮燒腩仔。結果我見到有個超值加餸組合既醬皇腩叉加脆皮燒腩仔。$125就有晒兩樣野食,煲個飯就可以開餐了。醬皇腩叉:肥瘦好平均,既唔會過肥成口油差勁感覺,又唔會有過瘦好難咬既口感。肉味都唔錯,唔會有臭豬肉味,因為喺其他地方食燒味有D會係咁,佢又完全無。脆皮燒腩仔:皮脆肉嫩,食燒腩仔最驚就係個皮唔脆,因為咁就會好難食,佢皮脆口就真係正喇,肉味都唔錯。

新年同班馬騮出去玩完，返到屋企真係唔想煮😮‍💨想加餸經過荃灣街市特登去炯記燒味加餸😋平時見到唔少人排隊買，幸好當日人唔太多😁呢度燒味可以一斤半斤order 有唔同嘅優惠組合啱晒三心兩意嘅朋友🤣🤣單叫又或者配湯粉麵飯，而目價格都好親民👍遠遠就聞到好香麥芽糖味的叉燒，先來半斤半肥瘦肉質林口唔鞋👍色澤均勻 一點都唔油膩🥳燒腩仔熱辣辣新鮮出爐 皮脆香口 卜卜脆😼肉嫩多汁，一口一舊餸飯一流😌就算食唔晒隔日焗爐焗一焗，都仲係好脆！如果有日你唔知今晚煮咩餸？可以諗下佢😎我下次一定要試佢嘅手撕雞同張黃豬手🤤

從荃灣站走到千色，在鬧市的橫街窄巷中穿梭，絡繹不絕的人流，讓我有點疲倦。讓我很自然往後街走去。途經這家燒臘飯店，門面店二叫停了我。「食咗飯未吖？今晚啲燒味好靚喎！」親切的問候，讓我稍一回神。接著要了一個叉燒飯，跟一罐汽水。又想起很久沒回家，就多要了半斤父親至愛的「燒腩仔」。撥通了母親的電話，他們也看在燒腩仔的份上，等我上來才開飯。幸好，他們都很喜歡這道燒腩仔。經過一輪車河，頂層脆皮還是很香口，沒半點韌。脆皮下的肥肉分明，油脂甘香，也沒半分膻味，我也良久沒吃過這麼好的燒腩仔。至於叉燒飯，份量非常多。每件叉燒肥瘦均勻，口感鬆化，滿滿玫瑰露的甜香。母親還特意加了一隻流心蛋給我，這個叉燒飯真的她x的好吃！若然你看到這裡，又想不到現在該吃什麼，就來這家加點餸吧。

凍凍地唔想煮， 買咗炯記燒味返屋企平時見炯記堂食都幾多人， 情況許可嘅，我寧願買返屋企慢慢嘆門口嘅餐牌有唔同配搭，星期一至日仲有唔同特價組合。用左幾秒鍾思考後，睇落佢個優惠組合幾抵食， 仲可以有腩仔/腩叉同唔同嘅雞選擇優惠組合B, $108有半斤燒腩仔， 皮脆香口。 腩仔肉既底唔會腌得太鹹， 成舊食都無問題。 而腩仔就肥瘦相間， 輕輕叮熱就好好食。 其他燒味店通常得2 包黃芥辣， 佢畀咗3包我，正！另外有半隻油雞， 雞唔會好肥。鼓油調味唔錯， 皮入味，雞肉肉質嫩滑，唔錯之前堂食試過鵝油撈麵同手撕雞都好正， 下次外賣可以試下質素係咪都keep到堂食水準

🌈炯記燒味（荃灣街市街）⭐️上次試過燒腩仔同埋切雞，今次喺附近做完野，就帶埋朋友去試下三寶飯同埋四寶飯，佢第一次食都覺得好味😋😋特別極力推介叉燒👍👍🔥炯記三寶飯裡面既叉燒超好食，肉質好軟亦都唔會好鞋，雖然顏色上唔似其他燒味店，但個味道好正，雖然係半肥瘦但一啲都唔油膩，紅腸都好食🤤至於飯粒都好啱我食，粒粒分明，唔會太乾，份量都好足夠。我覺得可以連續食一個禮拜都唔會厭🌝🌝推薦指數：⭐️⭐️⭐️⭐️⭐️🔥炯記四寶飯手撕雞味道依然咁好味，朋友亦大讚😋😋，豬手既調味都好出色，嗰個滷水汁一流，肉質有咬口👍🏻👍🏻而叉燒 我地都覺得係必食之選推薦指數：⭐️⭐️⭐️⭐️⭐️

收工時間行緊去荃灣街市買餸，行過依間燒味舖門前有一群人係到等拎外賣，行去問一問原來有新鮮燒味出爐🤩 估你唔到咁晏仲有出爐燒味。價錢方面中規中矩唔算太平/太貴。我自己就叫左半斤叉燒半斤燒腩仔。 店員有介紹手撕雞嘅但我就冇要到見佢隻鵝都大型 下次人多可以試吓打開個蓋已經有好香嘅麥芽糖味，佢啲叉燒係帶骨但好淋，叉燒識食一定係食燶邊半肥瘦，師傅有求必應👍🏼 燒腩仔呢由於係剛剛出爐拎到返屋企皮都仲係脆口，唔算好肥岩哂唔食層肥嘅我，師傅砍到大大舊，好好送飯自己感覺上兩份都唔至半斤，食剩第二日拎去氣炸再食過😋

今日放工正諗緊晚餐食乜好⋯係公司附近行左幾個圈都諗唔到買咩餸好😅 望望時間原來已經差唔多夠鐘返屋企..係返屋企巴士站附近，見到有間燒味鋪門口排唒隊，於是都排埋一份!最後買左份超值加餸組合，腩叉+沙薑雞小店主打燒味，門口位透明玻璃櫥窗可以睇到各色燒味，燒味種類多，而且燒得都幾靚😗叉燒肥瘦均勻，肉質新鮮！秘製蜜汁甜甜地，用黎撈飯食就正到痺🤩沙薑雞味道好，雞肉嫰滑亦都食得出係新鮮雞，好入味☺️ 返到屋企烚兩條菜，煲個飯就搞掂👍🏻

今日提早做冬，當然吾少得加餸😋😋行過荃灣都會經過呢間「炯記燒味」，係出面睇見佢啲燒味好吸引，即刻忍唔住排隊買左佢皇牌「醬皇腩叉 」一斤（$138）。拎到番屋企，叉燒仲係熱既，打開就食得👍🏻腩叉燒到勁靚，半肥瘦適中又有燶邊，配埋醬汁勁juicy, 食落肉質超級軟淋，非常高質，以呢個價錢有呢個質素，性價比好高👍🏻👍🏻下次真係要試下佢馳名脆皮燒腩仔同沙薑雞😆炯記燒味 📍地址: 荃灣荃灣街市街142-166號坤成樓地下10號舖

🌤️炯記燒味（荃灣街市街）本身見到好多人都推薦燒味同埋手撕雞，果然好好食😋😋一試難忘！我首次試左雙拼瀨粉同手撕雞😌😌價錢好親民之外，店員服務態度都好好，我有疑問都會細心同我解釋返👍🏻值得一讚，下次再試其他菜式☺️🐷燒腩仔切雞瀨粉個燒腩仔脆卜卜，外皮唔會太乾太硬，肉質都好鬆軟，連埋脂肪一齊食都唔會覺得好油膩，整體都好味。切雞肉質好嫩滑，外皮都好薄，本身我都成日試唔同鋪頭既切雞，但真係非常推薦炯記，因為好過好多間燒味店既出品。至於瀨粉都好滑，同埋有咬口，唔會太淋，份量亦都夠食。（值得一提係個湯底，唔會太多油同埋好夠味，讚！）推薦指數：⭐️⭐️⭐️⭐️⭐️🐔麻辣手撕雞（半隻）雖然只係半隻，但份量真係好多，灑上滿滿既芝麻真係又香又好食，個麻辣汁都做得好好，雞肉非常嫩滑，唔怪得知好多人都推介👍🏻👍🏻推薦指數：⭐️⭐️⭐️⭐️⭐️

🥩🐓炯記燒味(荃灣街市街店)🍚🥓工作經常外出走動，今日做完野真係唔想做煮飯婆😅荃灣又咁多好野食，點都買啲番屋企加料，行過見到呢間個poster係直擊我心意，呢間主打燒味嘅炯記係大街地鋪。🔸 優惠組合A：醬皇腩叉（半斤）＋油雞（半隻）$98🔸叉燒半肥瘦，口感十足，真個一層肥一層瘦既腩叉，真係好少見，咪以為真係肥肉，佢既肥又似筋又似Q彈，一啲都唔膩，食到煙薰香味，同時醬油蜜汁味都好突出，配個白飯一流！🔸油雞層皮好薄，好嫩，充滿豉油咸味，肉質都好滑，又啖啖肉！雞足足半隻，除左頭，係所有部位都齊全，脾，翼，腳都有，返屋企煮個菜同白飯，就搞掂晩餐😍呢間燒味店主打外賣，店舖出邊都棟咗幾個牌，上面係好多套餐/組合價，一目了然！除佐燒味飯、撈麵、仲有手撕雞、豬手套餐，適逢過年，仲有賀年糕，多款選擇！一盒都好大盒！叉燒同雞分開裝，唔會混合左味道，仲有店員係肉上都有配汁上，唔會乾爭爭，所以建議大家加料🤪下次再食先！👍

凍冰冰乜都唔想煮，最啱整啲燒味返屋企暖笠笠即刻開飯烔記除咗燒鴨油雞同叉燒之外，仲有冬菇豬手，我覺得幾特別所以叫咗豬手同腩叉不過醬皇冬菇豬手係68蚊一盒四隻加冬菇，秘制醬皇豬手係68蚊一盒六隻豬手醬皇腩叉係半斤70蚊講返個叉燒先，調味係甜甜咸咸，唔會過鹹，比我地個位都真係半肥瘦，淡淡肉幾唔錯豬手冬菇嗰度兩樣都醃得好夠味，豬手係薄肉爽口型嘅，冬菇一如既往又香又嫩，好食屋企人話要食豬手，我自己其實想食雞多啲，呢度有鹽焗手撕雞，麻辣手撕雞，口水醬手撕雞同芫荽手撕雞，叫一隻可以揀兩隻味，都係88蚊一隻又新鮮其實好抵，下次會試

炯記出哂名燒味好食，即使唔堂食，得閒買下燒味外賣返屋企加餸都超正！今日經過見到炯記外賣燒味仲有優惠價！雙拼加餸都大概只需百零蚊！十分抵食！於是二話不說就叫咗個外賣B餐，一百蚊左右，就已經有半斤脆皮燒腩仔+半隻切雞！切雞拎到返屋企依然油花滿佈，雞肉十分嫩滑，雞皮略帶啫喱狀，即使食埋雞皮卻依然不感覺到油膩感。至於脆皮燒腩仔去到返屋企即刻食，雖然俾外賣返屋企，但外皮脆卜卜口感依舊能保持得好！燒腩仔肥瘦勻稱，食落口依然能夠好味得黎又唔會好大罪惡感。燒腩仔層次分明，一層脆皮一層肥肉一層瘦肉一層脂肪…口感豐富。最後百零蚊嘅外賣成功討好我哋一家幾口，個個都讚不絕口👍👍💖住附近嘅街坊，得閒經過炯記都可以加下餸🫣🫣😆😆

炯記而家越嚟越開得多分店 行過經過見到買咗幾樣嘢返屋企外賣半隻口水醬手撕雞 呢個口水醬係自家秘製嘅 小小嘅辣度非常惹味 後悔冇帶全隻 食吓食吓就會不知不覺食哂 啲隻雞唔會太老 咬落去做好嫩口‼️另外仲叫咗海蜇燻蹄 海蜇爽脆 好好食 另外燻蹄好淋都好入味 肥瘦比例均勻好好味最後一樣叫埋冬菇扒生菜 用咗鵝油整嘅生菜特別香 另外個冬菇都好林好入味 配生菜簡直係Perfect 又健康又好食呢間手撕雞真係冇得輸 下次經過一定會再encore

今日收7:00有點夜所以買料番屋企食飯，平日比較少經過panda 附近，但見都幾多人排隊，所以試試。我好似叫左個套餐有手撕雞加豬手，手撕雞份量比我想像多，而且好好味，但我平日食的手撕雞會有少少麻醬，但這間就沒有，因為我諗住留埋明天的午餐，所以叫多個海蜇燻蹄。豬手的鹵水汁好好食，有少少咬口，有部份位置都有少少淋，餐廳講明有5隻豬手，有誠意。海蜇燻蹄比日在出面食都貴貴哋，但佢$38，當要要一試，份量當然無手撕雞咁多，但味道好味，如果可以再多d就仲正。我同女友二人食了一個晚餐，仲留左一人一個飯做明天午餐，所以我估計其實等同4人的份量，只要煲一個飯，就可以有飯食又可以留飯，最適合我這種懶人😏