炯記燒味 (坤成樓)

營業中

休息中

今晚屋企唔煮飯，收工快靚正買咗啲嘢食返去同屋企人食。🐓鹽焗手撕雞（半隻） - $55鹽焗得好入味，加上表面有好多嘅芝麻粒，令成個雞都好香。半隻嘅份量都好多，用嚟送飯真係一流，仲要啖啖肉。🥢秘製燒鵝撈麵 - $43外賣加兩蚊，送例湯。依個係下午茶優惠。燒鵝皮仲有少少脆，肉都偏淋身，唔會好韌，皮同肉之間仲有少少油脂，可以接受。我揀咗撈麵，本身可以配飯。撈麵有啲醬油撈埋個面一齊食，鹹鹹甜甜的，面係粗麵，幾有咬感。餐廳仲有其他冷盤小食，有機會下次都可以買一盒加送。