炑八韓烤 (偉華中心) (已結業)

韓國明星，料理火熱，成行成市，韓國燒烤料理，食後才知此店是集團式經營有很多分店，環境，水準，份量，味道都可以推薦，價錢不算平宜，但合理吧。一上配菜，好多款式，泡菜很美味，爐邊的泡菜蛋，芝士粟米粒，是任加任食，感覺闊綽，食配菜都飽飽地唷，套餐主要有三個 豬肉，牛肉 海鮮，價錢不同，柯打了個牛肉套餐，有乜食睇相片，（懶惰不再重覆一次），蠔比較細隻，樣樣都幾好食，牛肉算上品，兩人份量都算可以，韓國冷麵，確有特色，中國人食麵實係熱辣辣先食菜，新鮮，沙律亦很好服務上佳，不過以我個人經驗，其實睇人（職員 個人有禮貌就係有禮貌），不理平貴舖頭，遇到好職員就好服務，燒烤熱辣辣，要求換鐵板，即時換，辣醬撈混一起，非常美味。好飽，耐不耐放縱一次。不限時慢慢燒就過一個愉快晚上

救命，都未試過預到過啲侍應咁叻叻，係門口等人帶入去，企左5分鐘，啲侍應當我地透明直行直過，成11 個侍應，仲要叫埋出聲，問有冇人，都係係過答你有，就走左去，完全唔明請啲咁既侍應反黎想點。唔想做都唔係咁呀？叫野食都係等，總之就係等死你。唯獨野食都叫正常。

之前嚟炑八食過dinner同tea,,今日睇莫奈畫展前就可以試下lunch 個炸雞沙律飯真係呢。。成件事完全唔夾囉，接受唔到炸雞要同啲飯要一齊食囉所以最後淨左好多飯呀(;ω;)牛肋骨就正啦，牛肋骨都有几件仲有蘿蔔，冬菇，全部都好入味甜甜地，個湯汁撈飯好好味ヾ(*´∀｀*)ﾉ士多啤梨味梳打好清新 唔會有藥水味！似乎呢到啲梳打無伏ლ(๏‿๏ ◝ლ)

食物味道一般，以價錢來說可以再有進步空間！但係服務品質同樣重要，有待改善：1）有枱冇人執，大大增加等位時間2）帶位嗰個要提先記得漏叫我哋張2人枱，喺我哋等位嘅一個鐘，我見到佢5分鐘左右3）侍應3、2個企埋水吧傾計同玩4）張枱抹完都仲見到上一枱留下的食物殘渣5）叫侍應攞嘢叫幾次先應6）埋單都要叫幾次，但係當時已經唔係好多枱有人

因為事先有訂位, 又早到去攞位, 所以訂8點時間來說, 8:10pm左右已有位提供啦。有啲失望是, 之前訂位都會比卡位的 (即使只有2~3人), 但當日可能因為是星期五, 訂了3人都只有圓枱, 坐就當然無咁舒服。一直都幾鐘意炑八的飲品, $32/@但大大杯, 確實不錯。至於食物, 易過散叫, 都係建議2人餐, 約$450~$500, 但我地3個女仔去都食得飽飽。特別推介是五花肉, 實在不錯又大大舊。我地亦另外叫了一客醬油蟹, 因為未在韓國食過, 在無比較下覺得~~~一般啦! 無傳聞講都咁非食不可。而且我地都覺得醬汁有點偏咸, 若要來送飯, 記得唔好落太多。順帶一提, 叫唔叫餐都會送任食的前菜 (有泡菜、大豆芽、海帶), 一個Salad, 幾片菜 (用來包肉食), 和任食的芝士栗米 & 泡菜蛋。可惜的是, 每次叫任食再加添時, 都要同侍應講2次, 佢地好似好唔得閑, 但又確實有啲企晒喺度......不過, 你再催佢地都會去加添, 未至於令人覺得服務不週。整體來講, 都會Encore。價錢算OK, 只係如其他所講, 服務方面再有小小改進, 就真係Very Good la。

已經第三次幫襯炑八喇 佢既韓烤的確係唔錯 價錢都合理呀~Book左6:30呢個時段, 都好full..黎到都見到已經有好多人係門口等緊位by the way佢限食個半鐘, 以我地四人黎講可以話係Mission impossible"怎"住燒都燒唔切.. 佢d野食又唔係一叫即黎 ~_~呢個係我地叫既二人牛肉海鮮餐 $520話就話二人, 之前試過知道其實夠四人食, d野食多到....- 特級牛肋骨- LA牛骨- 牛臉肉- 牛胸肉- 大蝦4隻- 多春魚4條- 芝士生蠔4件- 炑八特級海鮮煎蔥餅 或 炑八芝士泡菜煎餅另一個二人餐係冇牛肉, 變晒豬肉~ 其實都想試呢個.. 不過又唔想食豬皮 所以放棄開餐之前當然要食前菜先~ 呢度同旺角分店既服務差好遠.. 旺角分店員工好主動 你一坐低就送晒d前菜上枱呢度 我地催左好幾次... 好彩後尾有位矮矮地既四眼哥哥拎比我地先有可以無限refill~ 前提係你要搵到員工幫你refill先得~炑八特級海鮮煎蔥餅  一般啦~ 全部材料壓扁晒冇乜口感=P二人餐黎喇~~上層有: 牛胸肉, 大蝦4隻, 多春魚4條, 仲有d年糕, 冬菇同南瓜下層有: 特級牛肋骨, LA

此餐廳開了一段時間，下午食晏時去試吓，到門口時有人等候，不過都好快有位，入到去叫了午餐鐵板泡菜豬肉粉絲，有個湯，另有小食，泡菜或海帶，由於同朋友一齊，所以2款小食都有試，個湯真係好清，而泡菜都ok，但海帶就用類似油浸住，食落無乜味，而泡菜豬肉粉絲，豬肉同粉絲太少，反而一齊炒的配菜太多，不過味道都可以。

(之前食自助式韓燒，食完全身油煙味，這間韓燒(每枱爐頂都有抽風系统，而坐的位置，可放袋及外套，貼心設計今次試牛肉海鲜套餐，先有前菜(有酸蘿白，海帶，芽菜，泡菜……)沙律店員會加d芝士，蛋䊢在鍋邊飲品另order菠蘿梳打(比較甜)西柚梳打(有少少西柚的澀味)不太甜嘩！牛肉好新鲜(有牛肋骨，LA牛骨，牛臉肉)燒完d牛肉(有肉汁的甜味)大蝦新鲜大隻，肉質爽口套餐的海鮮葱餅(海鲜不多，本身葱餅無味道，需加上紅色調味汁食，加左調味汁，味道不差)最期待燒生蠔(算大隻)本身蠔新鲜，加上芝士(好好味)大大粒生蠔嘩！特色甜品:用木盒上的灼熱石鍋(內裡有黃豆粉，果仁，蜜糖，軟年糕.)，因為石鍋仍有熱力，內裡年糕不會變硬，加上另一碗雪糕，红豆，小丸子一齊食，口感特別(又熱又凍的甜品，很特別，味道偏甜:整體食材新鲜，份量足(二人份量)，order套餐這款年糕可加$30試到(值得試)服務算勤快，主動加芝士，蛋漿，加水:可以再試！！！

午餐也要吃韓燒喔～午餐包括前菜，有韓式紫菜湯及泡菜。湯比想像中濃郁，泡菜爽口但不夠辣及醃得不夠久。先來一個海鮮豆腐湯配白飯，紅紅的顏色看似會很辣，但吃下的沒有太辣，反而挺香。湯底有海鮮的鮮味，豆腐亦滑嫩。另一個餐點了餃子年糕湯麵，年糕份量較少，整體清淡，湯底不夠濃郁，餃子皮亦相對地厚。

已經係第二次吃木八韓烤，但每次都見證到服務不好。我覺得不是服務員態度差但還是整個餐廳很disorganized!雖然食物好味，但主菜食到一半，才有泡菜吃。還有，第一次吃係應該跟湯的，但全程都冇人有湯喝。overall味道都好，如果服務能改善就會好d.

唔係第一次食炑八，上次食都好評，今次媽咪好想試食韓燒，所以近近地帶佢去沙田食下！星期日book左6:30pm第一輪，全場爆滿好熱鬧，我地5個人叫左個2人餐加一份牛頸肉，再加個石頭窩飯，因為阿妹係會員，所以送多份芝士生蠔！個2人餐有五花腩成吋厚，啖啖肉，又夠林，好好味。4隻蝦，爽口彈牙。2塊豬片，膠住個口又夠香。豬助骨，醃得夠味。4條多春魚，好難煎，建議放係爐邊芝士既位置煎，否則會痴底然後散晒！芝士蠔，好腥，要用好耐時間先煮熟隻蠔，但我食到既都係熟唔到。牛頸肉一般般，會韌。石頭窩雞肉飯，飯粒分明，石頭窩夠熱，所以好多飯焦，好正！泡菜，芽菜，生菜，爐邊蛋，粟米芝士任添，我地都食左好多轉，全部都好好食！每次叫侍應加單，斟水，拎野都好好服務，而且有笑容！加分！ 5個人，每人$170！

炑八取代了之前扒王之王的舖位，今晚專登走來試一試。已經八時多，還要等位，除了因為是星期六外，可能因為沙田只得這一間韓燒，較受歡迎。這裡可以點選燒烤餐，由於兩口子不太喜歡燒海鮮，所以便單點餸菜。入坐點菜後不久，侍應就奉上了甜酸蘿蔔片、泡菜、沙律和大豆芽菜作為前菜，邊吃邊等爐邊的芝士粟米和泡菜蛋及主菜。由於只有我們倆公婆，所以選菜有限，只選了牛胸肉、烤原味生護心豬肉及芝士泡菜韓式煎餅三款。需知道芝士粟米、泡菜蛋及前菜都可以免費再添，如此一來已經豐富得幾乎吃不了。 牛胸肉的感覺就像是打邊爐的肥牛，不過這個較為薄身，燒起來肉質尚算嫩口，不過沒有選其他牛肉來比較，留待下次再試。 護心豬肉切成厚條狀，要燒耐一點才熟，由於有醃料，燒過後入口很香口，不過較韌，要較多嚼勁。可惜眼闊肚窄，下次再來試試厚切或薄切五花腩。 內子十分偏愛韓式煎餅，所以亦點了一個來撐撐肚。這個煎餅香脆，豐富芝士味，略乾，要點煎餅醬汁才濕身易入口。餐牌還有很多其他韓式飯麵，年糕粉絲，要找個week day再來試。

聽過有朋友說炑八不錯，早前見沙田開了，一心決定找日去試試。誰知道，竟然最後變成第一次吃韓燒，未燒已經想給劣評當日預約了六時，約等了十分鐘後入座坐下。因為太餓，所以快快決定要情侶套餐，立刻點餐。點餐後很快來了前菜、泡菜等，服務也幫我們添了蛋漿和芝士。喜歡這裡有沙律提供，份量不少，材料也算新鮮。其他前菜味道不錯，泡菜爐邊蛋很讚，芝士粟米這個配搭很夾，芝士軟綿又不太膩。前菜已經如此豐富，也很期待他們的肉。但等了又等，前菜吃完，蛋也吃了蛋和芝士也吃了2輪，周圍比我們遲下落的都有肉燒了，我地點的卻影也未見。找服務員幫忙跟單，但卻沒有回覆我，便再找人跟進，後來見到比我遲一段時間入座及點餐，一樣點了情侶套餐的客人，點的都送來了，我們便真的覺得很過份，所以第三次找服務員跟進。這次很認真表示對下單後差不多一小時都未上菜感到不快不滿，而且請服務人員跟進卻沒回覆，真的很過份。服務員才道出之前是漏單，沒通知我們是因為我找人跟進時問已立刻補單，並叫廚房先做我們的單。而最後我地等了一小時，蛋吃了3輪，食物才到，吃蛋都吃到半飽，男人等到幾乎睡著。生牛肉配梨第一次試，口感很特別，梨的甜味和牛肉意外的配合，味道不錯。多

自己team同事約定16-2-2016 (Tue)年初九食開年飯,佢o地揀呢間.我o地一早book o左位,所以o黎到即有位,但10個人逼o係一張o係角落o既長方形枱,好迫夾.我o地叫o左$52.00o既鐵板泡菜豬肉粉絲,$72.00o既牛肉石頭窩飯,$128.00o既牛肉餐同$118.00o既豬肉餐各兩個.1. 鐵板泡菜豬肉粉絲我o地又玩撈起,撈完食得.好菜泡菜唔算好辣, 粉絲甜甜地,但好似食唔到豬肉.2. 跟餐有白飯同海帶湯各四碗白飯正常冇問題,海 帶湯味道清清地.3. 牛肉石頭窩飯個樣好靚,撈好又食,呢個味道淡o左啲,一定要加醬食,4. 豬肉餐有豬腩肉,豬頸肉,梅頭肉同原味護心肉梅頭肉好似豬扒咁大件,呢啲全辣都係正常o野.5. 牛肉餐有牛舌,牛小排,牛肋骨肉同牛五花牛舌薄切,好快熟; 牛小排,牛肋骨都係正常不過o既o野.而牛五花就卷起o既,女同事CL千叮萬囑叫我o地唔好攤開燒,否則會變成牛肉乾,我o地聽吩咐,燒好喇,果然係juicy,口感一流.食完後,覺得要叫多一樣,最後佢o地決定叫唔知幾錢o既牛五花.前菜,是日前菜有:白蘿蔔片一碟得5片,酸酸甜甜咁,最好食係呢個.大豆芽菜,海帶

和同事來這食一次貴少少的收爐飯，驚喜發現這間一直被推介的韓烤餐廳很好食!而且價錢相對也不貴。雖然這間餐廳不是放題式似的牛肉任食，但它的食物質素及服務態度都令人難忘。以下是我們食過而覺很值得推介給大家的:1 E 特選1 我們叫了特選餐，內有五花腩、牛舌、牛骨、護心肉等，份量看上去少，但食時發現原來足夠我們三人的份量。 而且服務員態度友善，主動為我們烤肉及切肉，最重要的是他們的烤肉技巧很好，每樣肉都多汁而不會太熟，配上配料，超級好食! 還有，雞蛋可以免費續添做成滑蛋，烤起來口感也不會變粗糙的，加上泡菜，好食!2 海鮮豆腐粉絲湯這個湯海鮮份量多，加上白飯，會令人有滿足的感覺。要提的是它的白飯加上紫菜，更加錦上添花。3 芝士年糕吃上去軟軟的，比想像中沒有那麼辣，加上芝士，口感豐富，挺易入口。 它的份量足夠一至兩人，想食而多人的話要叫多份了。4 炑八壽司雖沒想像中口感豐富的感覺，但材料足夠，挺好食，適合為快速解決午餐的朋友。注意: 這裏的配料如泡菜及豆芽等是任添的，喜歡食的朋友記得要多添，因為這裏的泡菜好食程度不是超市買的可以比的!