炑八韓烤 (偉華中心) (已結業)

開咗咁耐，我都一直以為淨係得dinner，無做lunch， 今日同同事講起，于是同同事走咗去食。 原來佢lunch都係可以韓燒啦或者叫佢嘅set lunch嘅， 咁佢啲set lunch都唔係好貴大概係40至60蚊左右啦（ 包一碗湯同飲品，特色飲品另計）， 如果然韓燒嘅話呢就最低消費係128蚊。 咁我就食咗個韓式牛肉炒粉絲， 係用鐵板上嘅所以呢到都熱辣辣， 夏天食起上嚟呢都有啲流汗， 不過味道食方面呢都算ok嗱， 都係韓式辣醬撈一啲嘢，冇乜特別，亦都冇咩驚喜， 只係搬嘢飲好似大杯啲咁樣。 而且環境好迫，好多人， 總體嚟講好過快餐少少價錢上算ok， 當間唔中玩下口味囉

星期日經過，一個人食下午茶，點個牛肉旦包飯。先唔講好唔好食，落單過程艱難重重。先後兩個職員同我確認過，都會漏單！等左近半個鐘，人地食完埋單喇，先有人跟進。未食完，就要我埋單！我人未走，佢仲收晒d碗，餐紙都收埋！坐多陣都唔得！講起個旦包飯仲嬲，d飯唔熱，近乎室溫，牛肉咬都咬唔開。尼間餐廳唔會再試，88。

喺附近返工，其實都多時間會食重覆嘅餐廳，不過炑八算係其中一間愈食愈差嘅表表姐。。。。雞扒蛋包飯，之前一直都好欣賞佢個茄汁炒底，不過。。今日無色水，得個咸字，仲要濕到，爛飯咁。個蛋，唔知點解，愈食愈深色。因儲分換食物都唔只一次，但今日換的泡茶芝士煎餅，真係唔知搞咩。。。淋到無朋友，口感勁差。啲炒粉絲都預咗油，不過呢個油量，對一個午餐炒粉嚟講，實在有啲誇張。服務喺呢啲餐廳上不要要求太高吧。。PS: 無加價唔等於食物質量可變差吧。

午餐晚餐都試過，今次第一次試下午茶😋每款$48，飯麵甜品都有加$6有以上飲品前菜每人一碟、不可添加，我愛泡菜😍我們點了兩份餐加一小食一碗海帶湯點了一份牛肉粉絲炒年糕，份量都幾多，充滿麻油味，味道不錯😋😋另外點了一份飯團，比想像中大份呢，不過全是素食，吃多了會略嫌味道較單一。下午茶餐加$15可添加小吃，我們點了蜜糖年糕炸薯條。又是比想像中大份呢，幸好我們只加了一份。年糕蜜糖味不重，黏黏的，薯條略「林」。整體味道不錯，份量頗大，令人會想再來吃呢～

想食韓燒好耐星期六晚同屋企人去咗沙田食炑八韓烤。好近火車站，一出閘行幾分鐘就到。一坐底服務員好快手上咗啲配菜，生菜，沙律，仲有加咗泡菜蛋，粟米芝士無限任refill, 粟米芝士無敵好食，粟米夠甜芝士唔膩有驚喜！我哋叫左個牛肉生蠔套餐，有幾款牛肉，4隻大大隻芝士生蠔，雞，蔬菜，蠔湯，好豐富啲生蠔開始熟！因為生蠔會出水，建議要倒咗啲水先！Yummy叫咗一隻炸雞，份量都ok，皮唔太油，好驚啲炸野太油，油過油頭粉臉連埋嗰甜酸汁一齊食認真滋味，炸雞底有少許薯條仲叫咗餐廳推介嘅厚切五花腩，原條燒完再剪開燒，可能燒得太耐有啲硬加埋配菜生菜一齊食無咁邪惡食飽，最後同oppa合照留念

近排韓風好勁，所以搵咗呢間新興韓國嘢食下午茶。兩個人叫咗兩個下午茶餐鐵板泡菜芽菜豬肉炒粉絲 & 海鮮豆腐湯配飯每個餐都配一碟泡菜，泡菜有好多唔同款，越多人就可以試越多款。餐飲可以無限re-fill，飲到嘅話飲多幾杯就好抵

星期日突然想食韓燒 就揀呢間啦。叫左兩個set lunch,分別係牛腩湯飯同一個128 蚊既set。兩個set 都有前菜同湯,湯就普通，前菜有泡菜同菜粉絲，唔錯。主菜牛腩湯飯，飯分開上，份量適中，牛腩質地有嚼口，香。至於128 蚊set 有兩款肉燒，同埋一個飯。要左燒雞同牛，飯就泡菜流心蛋豬肉飯。燒牛肉唔駛點汁已經夠香，醃得幾靚，雞就冰鮮，嫩既。加埋則邊有蛋同泡菜蛋慢慢興熟，有得食有得玩，個抽氣位set 得好低，有少少阻住燒，但食完身無味。流心蛋豬肉飯蛋係流心豬肉數片但mis 埋幾好食。128 蚊set 幾抵食。夠兩個人食。兩個人叫好多都係二百蚊，無加一，會再黎野飲就非常普通，甚至凍飲無味太多冰。順帶一提音樂全部係韓國pop ，幾好 岩返個環境

我由7:15攞飛等一張3位，中間她不斷比抬7:30訂枱，到7: 45都仲問D3，4位訂枱比咗枱末、已冇人認佢！諗住會叫飛、點知遲到的照比枱，明明可以坐3人的圓抬佢比2人飛坐，2人飛已叫十張以上都唔入我張3位，又等到8點D訂枱到咗！又係比訂枱先忍到8:15問佢幾時先叫飛？佢問都唔問我渣咩飛就話:咪已經鄰留叫囉！之後一輪咀如果你地唔叫飛就唔好叫人攞飛嘛

最近好似經常見到炑八，但我卻還沒食過於是生日時姐妹帶了我去炑八韓烤食生日飯叫了燒豬皮（$85）呢個好好食啊啊啊 隨豬皮附上的芝麻真係精華所在 用來點豬皮生色不少比起其他部分的豬肉 我更鍾意食護心肉（$128）所以每次食韓燒都會叫護心肉當然好食 但不是第一次食 無了第一次試的驚艷水冷麵（$88）也是我食韓國菜必叫的呢度嘅水冷麵不錯的但感覺之前去食喜來稀肉果個好食啲呢度好在醋係分開上的 酸度可以自己調教雜錦拌飯（$98）這個味道很正常 好食的但不太突出泡菜芝士煎餅（$88）呢個有少少拉絲的好似pizza咁不會好辣幾好味的 不過多啲人一起食會比較好 因為份量都大另外值得一提的是呢度慶祝生日真係不錯上蛋糕時店內的BGM會變成韓文生日歌而且店員會幫忙拍照 再曬翻俾你壽星仲可以有一份小禮物（我的係skinfood的潤唇膏同coupon）無research的發現有咁多小心機 真係幾驚喜😍

炑八曾經在新開業時幫襯過一次感覺不俗， 故此今次經過亦放慢腳步 、定定神看看有冇心水之選, 原來下午茶甜品之魔力、 早早已留住我腳步。。。環境上一貫韓式風格 ，不過略嫌抽風系統要大大改善 、因為感覺上油煙較多，幸兒今次入咗是下午茶時段、 晚是應該情況較為嚴重~tea set 時段有鹹食亦有甜食, 在於午飯未落格之情形下、 為食廚娘亦只往 甜品多士身上挑……好一個抹茶芝士年糕多士HK$48. 就在重重困難中挑選出來...時間一分一秒的過大約等至20分鐘 ,我的靚靚多士終於上場、多士明顯地用上兩片薄層麵包造成， 內餡夾雜著煙煙韌韌的年糕烤脆而成 口感軟糯 、面層就佈上滿滿的抹茶粉與及超多的罐裝紅豆蓉, 味道上已十分鮮明 ，不過要挑剔的是煉奶過於重手略嫌甜味較重、 比例上建議如果紅豆蓉偏多，煉奶需要輕手些少><雪糕只是普通的雲呢拿貨色味道, 略嫌質地較名牌雪糕弱， 如果再加改善就更為完美☆附上當日影片, 如要睇片可坐定定在大電腦前、手機暫不適用。☆

去了沙田偉華中心食韓國燒烤新年飯 , 這間跟其他分店不同的是門口有一個水缸養住鮑魚 、鰻魚 、蝦等海鮮， 所以我們點了海鮮餐 ，鮑魚上枱時仲係會逳的非常新鮮， 該店的一大賣點,是有活海鮮食。 但侍應生的服務態度就一般，莫講話有冇笑容 ，連最基本介紹食物， 都好似叫你唔好問咁 ， 也難怪，因為當時都係全場爆滿。 灣仔克街嗰間啲服務員，就好好多臨走會介紹畀你聽 話可以儲分, 下次再嚟,有免費食品。但沙田呢間埋完單 ，要主動問佢攞返張儲分單。

今日下午茶來呢度食，見＄48個餐以為好食，叫咗個鐵板泡菜豬肉飯，個侍應姐姐問下邊甜品揀邊個，我問佢呢個係咩黎嘅，佢答甜品係！跟餐嘅！個飯嚟到，個賣相都唔錯。不過唔知點解嗅落有d膠味，睇一睇啲豬肉，肥膏多過肉，泡菜芽菜全部都好難食！唯一好食啲嘅就係個Oreo甜品，眼見咁多嘢食已經覺得有點奇怪！點知埋單睇一睇，哇！＄96足足貴一陪，問一問店員點解，佢竟然話個甜品係另外一個餐。由於我趕着上班冇時間同佢理論，唯有無奈比錢走人。唔會再有下一次！我唔知個女仔係咪新人，真係覺得有點被騙嘅感覺！最緊要係啲嘢食真係好難食！

今日細佬Dayoff，佢特登嚟沙田搵我食Lunch，我搵咗幾間餐廳俾佢揀，佢最後選擇炑八。依間炑木lunch time非常多人，所以要食就要諗辦法或行快兩步早啲攞位。之前食過幾次，印象ok嘅，只係試過一次嚴重漏單，坐咗好多耐，追過好多次都無野食到。Lunch幾抵食嘅，加$6蚊就有特飲，又唔洗加一。今日同細佬都揀咗雞扒蛋包飯，飯嚟之前有湯有前菜食住先，味道一般。雞扒蛋包飯送到嚟嘅時候有少少驚訝，賣相係幾靚嘅，但點解個蛋會咁橙色嘅？而且食落去無咩蛋味。蛋下面嘅係茄汁炒飯底，唔夠熱。唯一好少少嘅係雞扒已經切件方便食，煎得唔錯唔會乾哂。杯柚子檸檬梳打幾好飲，但太多冰。

今日行沙田，去到偉華中心見到間韓式餐廳咪入去試下，今日星期六係出面等枱都路係太耐，侍應太態唔錯，下午餐價錢都ok ，上餐速度又唔算太慢又多野食，食到好飽，但結帳就比較麻煩，又唔知枱數，收銀個四眼阿姐又串太態太差，冇枱號講到客人既錯，依間餐廳試一次就夠，本身感覺覺得幾好，最後變左好唔愉快

下午茶吾貴，48蚊個餐，有十幾個選擇，幾大碟，吾夠仲可以加小菜，加6蚊有飲品。但我覺得個杯真係會令人無胃口，個杯蓋好似生曬銹咁。。。。係杯杯都係咁嘅送嘅魚串同湯都偏咸。留意佢餐牌會定期轉