炑八韓烤 (偉華中心) (已結業)

今日下午茶來呢度食，見＄48個餐以為好食，叫咗個鐵板泡菜豬肉飯，個侍應姐姐問下邊甜品揀邊個，我問佢呢個係咩黎嘅，佢答甜品係！跟餐嘅！個飯嚟到，個賣相都唔錯。不過唔知點解嗅落有d膠味，睇一睇啲豬肉，肥膏多過肉，泡菜芽菜全部都好難食！唯一好食啲嘅就係個Oreo甜品，眼見咁多嘢食已經覺得有點奇怪！點知埋單睇一睇，哇！＄96足足貴一陪，問一問店員點解，佢竟然話個甜品係另外一個餐。由於我趕着上班冇時間同佢理論，唯有無奈比錢走人。唔會再有下一次！我唔知個女仔係咪新人，真係覺得有點被騙嘅感覺！最緊要係啲嘢食真係好難食！