炑八韓烤 (偉華中心) (已結業)

每年我最好既朋友都會同我慶祝生日, 見沙田比較就腳, 就訂左呢間分店, 坐卡位好濶落!因為生日月份有優惠, 送柚子醬, 春川雞一客, 海帶湯, 同埋糖餅! 海帶湯好好飲 糖餅就唔識欣賞, 試左一啖就無食了! 另外叫左3樣食物: 牛舌- 份量足, 但唔夠爽口厚切五花腩- 個人覺得實在太厚, 燒熟左就好鞋口薄切五花腩- 好薄好快熟, 幾好食飯後當然有甜品啦...朱古力Oreo棉花冰有驚喜好冰好綿不過呢間服務態度一般, 尤其男服務員好懶懶閒, 四眼女經理好Nice好勤快👍

那天媽媽生日，她一直都想試正完韓烤，知道這間很出名的，訂左位去到還須等，帶位係有點慢，但冇扣時，入座計的，我們五大兩細 叫左個牛肉二人套餐，有牛肋骨，菇，茄子，南瓜，魷魚，牛肉條，兩盤沙律菜，一盤生菜，芝士泡菜煎餅等等。有前小吃 青瓜，酸蘿蔔，大豆芽不停供應，間中侍應會續枱派，還有不停加泡菜，泡菜雞蛋，粟米芝士在煱上燒，二人套餐份量都幾多，我們還加了豬頸肉，牛肩頸，牛舌，生日仲送左一大碟芝士炸雞，兩大碗海帶湯，生日個位仲有一瓶韓國柚子茶^^。仲有免費影相 做埋相刪給我們，感覺幾好 good service and nice , 我地最後叫左個紅豆冰末 上面冇幾粒年糕，冰入面都有煙煙un un的年糕 真係好味到停吾到口，兩者都係我地第一次吃。 價錢不算貴。 平是食自助式個啲乜乜苑都百幾二百 ，呢度食到好的食材 靚牛肉 價格一樣，話限時兩個鐘 其實都夠的 整體上好滿意。

今天去沙田大會堂看展覽, 之後朋友話想吃韓式食品, 我推介去  "炑八韓烤" 晚餐, 因為這餐廳是連鎖店, 食物款式多, 而質素有保証.  餐廳在一樓, 餐廳面積很大, 地方闊落,  園林設計, 裝飾和環境不錯.  有卡座, 圓枱, Video 不停播送韓國流行音樂 !!店員送來彩色餐牌, 有韓燒, 套餐, 定食. 選擇組合不少. 而飲品, 甜品也頗多.我們点了 "韓式牛肉大八爪魚套餐", 包括 炑八宮廷冰麵,  店員推介這個新食品,  必試 !! 飲品我点了  Blackberry,  冰涼清新.   朋友点了韓國啤酒  Hite.  也不錯 !年青的店員有效率地送上前菜, 醬油, 前菜有酸白蘿蔔, 辣菜, 大白菜泡菜, 微酸帶少辣, 添開胃!  還有大豆, 和青瓜, 爽口份量多, 配少許芝麻油, 又香又惹味!店員替我們起火了, 先在火爐的圍邊, 放了芝士和粟米, 另一邊放入蛋槳及年糕, 不俗的新方法. 爐邊燒的芝士粟米, 或泡菜蛋, 大家可同時吃不同食品, 各式其式. 店員話泡菜, 芝士, 粟米, 可以不停免費加添.   真開心. 食物擺滿檯了, 狀甚豐富.沙律, ...... 生

突然心癮起掛住韓國的醬油蟹，於是花了一個小時在網上爬文，看看公司附近那裡有得吃，趁今晚屋企無飯食，就一個人去歎一個人的晚餐。為什麼我會對醬油蟹情有獨鍾？原因很簡單，因為本人實在太太太愛吃飯了，而醬油蟹在韓國正正就是被稱為「白飯小偷」，因為醬油蟹是用醬油醃的，單吃的話可能會覺得味道太濃，所以要佐白飯才更能嘗得出其滋味，尤其是蟹黃部份，更是白飯的最佳拍檔。知道這間韓燒店有醬油蟹食，價錢合理，網上正評亦不少，於是膽粗粗放工後趁未到晚飯高峰期就一個人走入去吃，$198的醬油蟹連湯、飯及紫菜，看看我拍下的相片就知道蟹膏都幾爆 (抱歉小弟的攝影技功比較差)，將蟹膏、醬油及白飯混入蟹蓋後撈好一齊放入口食，根本停唔到口，這裡的醬汁味道偏甜不帶辣，真的很想添飯，但還即適可而止比較好，因為聽過人話生螃蟹其實好寒涼，受不了的人容易肚痛，所以剛剛夠飽就好了！哈哈！！

今晚成班朋友又韓妹上身，去咗一間頗具人氣嘅韓國餐廳gathering，入到去發現韓星蹤影處處，特別令人心情愉快，直頭當正自己喺韓國咁~大家將menu翻來覆去，因為有好多選擇，所以極度心大心細，傾左成10分鐘先定到叫咩，好彩全女班，唔係又比班男仔串我地煩~首先清清地點左個水冷麵，味道相當清新，開頭都怕會唔會好淡口，好在都有梨嘅微甜味，蒿麥麵食落覺得好健康~食完個咁清嘅，之後就嚟個完全相反嘅，就係勁heavy嘅芝士溶岩飯，口感好rich嘅鐵板炒飯，芝士多到漏，個人覺得減少少都可以，除非你真係芝士狂~海鮮煎蔥餅好適合大家share，雖然張相影得衰衰咁，但其實人地啲料好豐富，入口何其香脆，女仔嚟講一件剛剛好，少食多滋味丫嘛~仲點左個韓國醬油蟹，有個女仔完全唔敢食，勁驚會肚痛，我就無有怕，因為之前喺韓國食過一次之後即刻迷上，所以好想食過翻尋味~呢度個蟹都算物有所值，味道夠正宗，蟹膏亦唔算少，mix埋飯一齊食覺得好滿足~不過個口感係怪怪嘅，唔慣嘅人就走寶luu~

“韓飯”的意思, 當然唔係講緊韓國人食的飯，而是喜歡韓國明星、韓國音、韓劇的人的概括說法，無論你係哪個韓星的FANS，都可以被統稱為韓飯。我和另一半就是如假包換的忠心韓飯，追隨韓國一切文化潮流，所以到不同餐廳食韓菜也自然成了我們拍拖的指定節目！追月夜來到炑八韓烤，一坐低不久，店員已經火速幫我們放爐邊泡菜蛋和芝士粟米，滿滿放滿兩條爐邊令人食指大動，還附上幾碟涼菜，有胡麻沙律、泡菜、青瓜、大豆芽及醃蘿蔔，未點菜已有這麼多前菜食，令人留下美好印象，對正餐更為期盼！我們選了一個韓式牛肉大八爪魚套餐，約500元，價錢算中等，食物包括大蝦、芝士生蠔、大八爪魚、春川雞、多春魚、牛小排、牛肋肉及泡菜冰麵，實在非常非常豐富和多元化，喜歡海鮮的我、喜歡牛肉的另一半都能滿足得到！大八爪魚是令我們印象最深刻的，因為這可算是這個套餐的重點之一，如果質素不理想，就會令人很失望了！幸好……可能是燒的時間拿捏得好，所以咬下去是爽口的，不會覺得很韌很難吞，另一半細心的將它剪成細細件方便的食，味道很入味，我們都不用點什麼醬汁，而其份量亦相當多，兩個人各自都可以吃到很多件。另一比較特別的是芝士生蠔，用錫紙小盆盛載著滿滿的芝

來到這間韓燒店，真的會不知不覺點了很多嘢食， 還吃得飽飽的， 減肥計劃完全泡湯了以下的時候別的韓燒店很少吃到的巨型八爪魚 ，八爪魚真的是全只上的， 當你烤完後，你可以用它提供的剪刀把它剪開小件， 然後再食用下面也是十分推介的芝士熔岩飯，芝士的量真的十分多，佈滿成個飯, 每一粒飯粒也能食道之士的香味這個是最後的甜品, 是紫薯粒，配上雙面像花生脆脆的粒粒，再沾上他特製的煉奶, 攪拌來吃，比雪糕還好吃呢~

好耐無去一田，同2個朋友行到好攰，諗住去扒王食返個扒補充返D腳力，點知已經轉左做炑八，唔想食黎食去，朋友又無所謂就坐左入去見到大部份人都係食套餐，於是我地都叫左套餐，因為散叫2、3碟已經係一個餐既價錢，初時諗住叫多樣野食，不過食D前菜已經飽飽地，所以都係無叫，前菜、芝士粟米同泡菜蛋都可以REFILL，3個人食2人餐絕對足夠有餘芝士生蠔好正，成個鍚兜放上爐燒，燒到D芝士岩岩溶晒既時候最好食，生蠔仲係半生熟狀態，好鮮好YUMMY其他食物都唔錯，係個雞比較多皮多脂肪左D，燒完去埋皮同脂肪唔係好多肉淨，不過幾嫩滑好食

自從食過一次紫薯冰沬之後，就一直念念不忘，終於忍唔住捉左老公去重溫。由於主角係冰沬，我地無叫太多野食，只係叫左護心豬肉同牛小排，呢兩樣真係每次都要encore 既item，雖然餐好似抵食好多，不過老公對海鮮敏感，所以次次黎都係散叫~牛小排d雪花分佈好平均，輕輕煎一煎已經油香四溢，入口鮮嫩；護心豬肉就相對有咬口~兩碟肉仔雖然好似好少，但係加埋d前菜，同埋用生菜包黎食，其實都幾飽下~見差唔多食完，就叫定甜品，入座既時候問過侍應，佢話食之前早15mins左右order就得~點知……晴天霹靂…….竟然話部機壞左………超唔開心……..不過佢地話都係岩岩有order開機先知壞左......無計啦~~

平時很少來這頭， 這店的前身是扒王之王，現在已變成一間韓燒店。店舖的風格很現代， 有很多年青人來食。每張枱也配備獨立的燒烤爐。 以下是牛排骨， 雞扒和護心猪肉。 我們一邊看烤，一邊聞到肉的香味。 烤至微乾， 再點上他讀特制的韓國醬汁，芥末和調味粉， 十分好味我們亦點要一個海鮮煎餅。 煎餅了很多料。底部的質地不是pizza皮， 是比較好食的 麵粉皮。 上面有蔬菜，墨魚，八爪魚 等等配料，配上煎過的餅皮，好好吃最後點了一個柚子檸檬凍飲和一個紫薯冰沫消消热氣。 紫薯冰沒的冰很綿，入口即溶。 比刨冰軟，配上紫薯和煉奶，感覺新鮮，想一試再試

放工約同事食飯，五點八左右黎到，D職員圍埋一齊Briefing緊，有個女仔過黎同我地帶位，我地兩個人佢比左張4人sofa卡位我地，坐得好舒服~個女仔同我地講話唔好意思，因為briefing緊所以六點先可以order~咁我地又唔餓當然無咩所謂啦。睇左一輪餐牌，發現最抵食都係個套餐，4百幾蚊可以試多款野食，不過美中不足就係佢個兩個套餐其實分別不大，都係大八爪魚套餐，主要就係豬牛之分，其他材料一樣，當中仲要有唔少海鮮，如果唔食得海鮮就慘lor，雖然我咩都食，不過如果可以有更多配搭可以自選就更好套餐入面既食物質素唔錯，最正係牛小排。但係我覺得全餐最好味係爐邊芝士粟米! 我地總共refill左3次~職員黎講真係睇人啦，大部分都nice 既，不過有一個你叫佢refill咩佢都係應左你但係好耐都唔會同你refill...

今天晚飯到了屋企樓下的瑋華中心用膳。 餐廳前身是扒王之王， 現在轉成了韓國料理店。烤的我們點了多春魚， 芝士生蠔， 豬排骨和牛仔骨 。海鮮鍋肉烤起上來十分好味。可以配搭傍邊的泡菜蛋芝士焗粟米來吃。 烤牛肉和豬肉很好吃，配上他的特製韓式醬， 真的想一吃再吃 而多春魚也很新鮮。 最棒的士芝士生蠔， 這個配搭很好吃很有韓式的風味。這個是芝士熔岩飯。 芝士分量很多，攪拌後粒粒飯也沾滿了芝士，拉起上來還有芝士伊，真的滋味十足好好吃。這個是十分清涼的水冷麵。麵下有冷水和冰。 蕎麥麵配上點點芝麻和芥末醬，味道十分清新。這個是蜜桃冰沫。 橙色的是水蜜桃。 上面有雲呢拿雪糕，而下面的冰雨綿綿的 十分幼細。 配上旁邊的蜜桃醬，很消暑降火。

見附近新開左間炑八，帶父母親大人去食個生日飯，父母親第一次食韓燒（除左好耐之前$100自助任食果d）一切都覺得好新鲜，佢地都覺得d前菜好好味，我教佢比用生菜包住d烤肉同泡菜食，母親非常like, 話又健康又飽肚，唔駛啖啖肉，感覺健康好多~我地三個人叫左個韓式牛肉大八爪魚套餐，3個人食都好飽，果條大八爪魚真係大得誇張，原條上視覺好震撼，不過味道就普通啦，反而其他牛肉，生蠔，蝦果d就有驚喜，好有鮮味，食得出係新鮮貨，五百幾蚊一家三口食到頂住個肚走，超值！

大家忙多麽漂亮理由，已經沒有和豹豹一起吃飯許久了，今日為左就喜歡韓燒的她就跑到沙田去赴約。先黎一大盤沙律，次次黎呢度都會強制性要自己食完先好食烤肉，內心會自覺無咁熱氣同油膩，沙律菜好爽口蕃茄仔又夠甜，份量也是真材實料的超多，成班fd share食啱啱好。平日的一天到來，店員也是忙到不可交加，幸好選了較易燒的肉類，較易掌握，不像五花腩那般難控制火喉，又得剪剪剪，小妹我實在不會喔。去韓燒又點少得爐邊既粟米芝士呀，簡直就是亮點之中的亮點啦。芝士烤到剛剛熱辣唧唧叫响，配上粟米格外清甜兼帶咬口，最鍾意就係拉芝嗰種視覺享受喇，好刺份外好味道咁。最正係無限fill芝士所以甚得我們歡心。泡菜旦就向來不喜這種配答，覺得個味奇怪所以只好浪費不理會。炑八宮廷冷面128芝麻芽菜青瓜菠菜蘿蔔酸瓜雞旦刺中菜的那種撈起。食材看上去是蠻色彩，天氣過份熱，還保留彈性的幼面面，凍凍的加上配料食，再加上辛辣醬，刺激得黎實在健康飽肚呀，既是前菜也為主食。對個面有些驚喜哎。牛小胸肉125有100g相對下較有嚼勁，肉比脂肪多，賣相像豬肉，吃起來肉味ok，100克其實份量看上去一點都不少呢，一大伙人吃最化算，啱曬食肉獸啦。牛舌13

六月份係生日月，得知炑八推出生日優惠，所以預早打定電話卜枱。因為生日送既韓牛要預早兩日訂。滿心歡喜又期待去到食，首先係餐廳裡面成班員工briefing緊，當時門口已經企左堆客，最後六點二，三先有職員出黎接待。門口又唔覺眼有標明幾點係落場時間。同職員講訂枱訂左有生日優惠送韓牛，此時職員先講係要前六日後六日先有優惠。首先宣傳張poster 無寫明，其次訂枱果陣職員亦無講清楚係要前六後六日。咁無計啦！肉在砧板上。既然無韓牛就諗住唔燒野，食其他野算數。點知又話個爐已經開左，哇！即係一黎就迫客人一定要食燒肉者。重點係無職員講過或問過我地係叫咩野食，一黎已經開左個爐啦喎！！真係未食已經慶慶地，一波三折。咁好啦，又唯有叫燒肉食。620蚊既海鮮餐，包好多野食，三四個人份量好足夠，平心而論 ，食物係唔錯，海鮮幾新鮮。而且大堆頭好多碟，非常豐富，未食已經見到咁既擺盤好開心。前菜羅白泡菜等任食，爐邊蛋同芝士粟米任加亦好正。但都比較高消費。