炑八韓烤 (屯門市廣場2期)

營業中

休息中

【Overall 評分】食物質素：★★★★★環境感覺：★★★★★服務質素：★★★★★衛生指數：★★★★★抵食指數：★★★★★打卡指數：★★★☆回頭指數：★★★★★🔜 最近日日OT，壓力山大🥺 終於捱到星期五，決定返屯門「炑八燒烤」刷返個大餐黎釋放下壓力😆 ────────────────────【無限Encore】。老老實實每次黎炑八。都係為左佢嘅粟米芝士同泡菜菜。真係食極吾厭架😂。仲有六中前菜都可以無限refill。包括生菜，胡麻沙律，醃蘿蔔，海帶，泡菜同豆芽.【甜辣炸雞 無骨 半份 $118】。食韓國菜點少得招牌炸雞。炸雞咬落外脆內嫩，香脆中又不失肉汁。雖然有分有骨或無骨。如果中意啖啖肉的，必選無骨炸雞。味道甜甜鹹鹹，又帶點微酸。大人小朋友都必愛。底下仲有香脆粗薯條添，值得推薦.【特級牛肋肉 $288】。連骨帶肉嘅牛肋肉，勁爆長呀。牛肋肉以韓國醬油醃製入味。醃製時長高達10個鐘。香煎後，入口軟腍且含豐富肉汁。味道鹹甜，配上泡菜及生菜食，一流.【牛舌 $138】。薄切嘅牛舌口感更佳。入口爽口又不失柔軟。再唧D檸檬汁，有提鮮之用.【梨汁雞腿肉 $88】。以梨汁醃製入味，令肉質更嫩滑。味

好耐冇食過韓燒，又冇得去旅行，今日一於拆餐勁既。呢間位於屯市，近近地同埋地方又大，坐得舒服。店員都好友善，比較難處理嘅肉，例如五花腩，店員都會主動幫手慢慢燒。呢度既芝士粟米，泡菜蛋，前菜（泡菜、芽菜、海帶、醃蘿蔔），都可以無限refill架。原味牛舌 $138我最鍾意係呢一碟，薄切牛脷，燒一陣好快熟，口感有少少煙韌，肉味濃郁，超好味。梨汁雞腿肉$88有8件雞髀肉，醃製味道啱啱好，清新帶少少甜，雞肉Juice，肉質嫩滑。厚切五花腩 $128呢個係店員幫手燒，燒得好靚。雖然睇落好多肥豬肉，但唔算好油膩，因為燒到好啲油出晒嚟，同有少少焦脆，好香。特級牛肋骨 $288醃得好入味，甜甜地嘅醬油，油脂比較多，大大塊，好好味。大蝦都好鮮甜，有蝦膏，肉質彈牙，絕對唔係陪襯。八爪魚$108原條八爪魚，大大隻。要先剪開一條條八爪魚腳同頭，再慢慢笑，燒到收水就食得，好彈牙。但醃得唔夠入味。醬油蒜頭有骨炸雞（半份）$118半份都非常多，炸到好香脆，熱辣辣。個醬油甜甜地，但略嫌炸雞既麵粉厚左d。薯條好出色，炸到好乾脆，薯仔味突出。薄荷荔枝梳打 $38菠蘿梳打 $38食咁多燒肉同炸雞，飲番杯冰凍嘅梳打，爽！

成日行過見到炑八，但今次係第一次食，原來除咗韓燒仲有大量熟食可以選擇，就算帶住小朋友都好方便。呢度嘅爐邊蛋入面加咗泡菜，但唔辣嘅，有少少似菜甫，增加口感之餘都幾好味。爐邊蛋、邪惡嘅拉絲芝士粟米、泡菜同生菜都可以無限refill，店員見我哋食得七七八八會主動問我哋要唔要加，服務有效率而且好貼心。沙律爽甜嘅生菜同車厘茄配胡麻醬汁，清新開胃，可惜呢個沙律無得refill 。半隻炸雞系列(有骨) $118半隻炸雞有大概六件，肉汁豐富，配埋甜酸醬，難怪小朋友爭住食。順帶一提，墊底嘅粗薯條都好出色！特級牛肋骨 $288牛肉又長又厚，只有末端係骨，其餘全部都係肉，想食幾多就煎幾多嚟燒。醃好入味，燒完勁惹味。牛舌 $138薄切牛舌輕輕一燒就食得，口感柔軟。梨汁雞腿肉 $88第一次食用梨汁醃嘅雞肉，甜甜哋好好食，而且餐廳選用咗雞脾，一啲肥膏都冇，啖啖肉。炑八厚切五花腩 $128燒五花腩嘅時候店員會幫客人換鐵板，咁就唔驚啲油滴落去爐度好大火。五花腩份量都幾多，無醃製過嘅五花肉原汁原味，肥瘦層次分明，入口滿口油香，建議點醬再包埋生菜食一齊。大八爪魚 $108第一次燒原隻八爪魚，都幾壯觀。八爪魚口感彈牙，味道

屯門一次過食韓燒同炸雞前菜任fill （泡菜、海帶、芽菜、蘿蔔、生菜）每一樣前菜味道都真心可以，泡菜味夠濃有少辣，記得一定要配埋新鮮爽口生菜包住燒肉，味道口感都一流！爐邊嘅泡菜蛋同埋芝士粟米任fill食得最多嘅配菜就係泡菜蛋同芝士粟米，真心好食，任加真係停唔到口，每次都望住等佢加熱快啲熟透！特級牛肋骨 $288原條牛肋骨夠晒份量，一放低落去燒，香氣即刻涌上來，望見肉汁鮮嫩慢慢滲透出嚟，食口溶化嘅感覺真係不得了，再可以配其他不同嘅配菜更有另一番風味！厚切五花腩 $138五花腩肉質均勻，質感咬口都不俗，燒起來油脂果種感覺十分吸引你，再加上店員熱心地幫助你烹調，令你食得更享受！梨汁雞腿肉 $88雞肉鮮嫩多汁，再加埋用梨汁醃製，入口更爽滑彈牙！原味牛舌 $138牛舌厚度真係剛剛好，燒到七成熟左右，肉汁豐富加上入口半熟溶化嘅口感，再加上殘留嘅肉汁，層次滿分！八爪魚 $108燒完隻嘅八爪魚，呢個真係好震撼，份量勁多，每一隻八爪魚腳都好爽口！醬油蒜頭有骨炸雞半份 $118金黃香脆嘅炸雞，仲要有香脆嘅薯條墊底，雖然用咗醬油蒜頭但係都有少少甜甜地嘅感覺令你入口更惹味！藍天使梳打 $38荔枝梳打 $38加

今日好想食燒肉，就喺屯門搵燒肉食☺️炑八相信好多人都好熟悉，而且價錢公道合理，近近地就食佢☺️一嚟到就唔會有兩邊，一邊係可以芝士粟米一邊係蛋☺️仲有啲前菜都好好食☺️沙律菜同後面個菜係比你配肉食☺️梨汁雞肶肉，呢個醃咗個汁甜甜哋好好食大八爪魚，好推介，好有韓國食嘅味道，而且香港好少見到咁大隻八爪魚牛舌，呢個都好新鮮好好食好靚☺️特級牛肋骨，呢個仲有隻大海蝦☺️佢個肉已經醃咗，燒完就可以食☺️正另外仲叫咗兩杯梳打，一杯菠蘿梳打，一杯䄂子梳打☺️仲有個豬腩肉同埋炸雞都好好食😋超級滿足，推介大家去食

Happy Friday 緊係要食得豐富啲啦😋今次近近地就同太太去左屯門市廣場嘅「炑八韓烤」又可以食到太太最愛嘅「幻想家鄉」菜啦😂啲泡菜蛋 同 粟米芝士都係無限添加架😋特級牛肋骨 $288牛舌 $138炑八厚切五花腩 $138梨汁雞腿肉 $88大八爪魚🐙 $108半隻炸雞系列（有骨）$118荔枝梳打 $38柚子檸檬梳打 $38P.S. 店員們態度非常友善 兼 主動👍八爪魚🐙 同 五花腩肉 都係由職員主動幫手燒！因為都比較難處理，所以都要店員幫手處理😊

好耐冇去炑八食野，覺得佢水準高左，幾驚喜。先講下佢地嘅小菜，有泡菜、芽菜、海帶、醃蘿蔔、沙律。其中海帶最好食，幾新鮮又有咬口~全部都好大碟仲有得添！其他小菜其實都ok，唔似係放左好耐再攞出黎嘅~仲有係邊邊燒嘅芝士粟米同泡菜蛋，又香又可以refill！特級牛肋骨 睇到呢個雪花都知唔會差，呢個算係比較油脂多嘅，但肉味非常濃郁，蝦都好新鮮有蝦膏，絕對唔係陪襯🤩厚切五花腩 呢個正呀！職員會黎換板幫手燒，唔會坊間全部都係油脂，層層肉入面有膠質的！包住生菜同泡菜食唔會太膩，好滿足~梨汁雞腿肉 好似好common甘，但佢呢個汁真係醃得唔錯！好入味，雞腿唔‘’鞋‘肉汁都幾多。原味牛舌 一碟都有唔少！煙韌得黎唔會咬唔到，冇渣渣，呢個價錢性價比都幾高。八爪魚 一開始唔知要成隻燒，剪左個頭先知，最後都係職員幫我地燒，真係好nice~呢到嘅海鮮真係好新鮮又大隻，食唔曬攞翻去翻熱都仲有鮮味唔韌。醬油蒜頭有骨炸雞半份 佢黎到好懷疑自己叫左1份，分量真係好多，薯條意外地好食，脆度岩岩好有薯仔味，好足料。炸雞醬料好食由唔會太鹹~我地仲叫左檸檬柚子梳打同藍天使梳打（菠蘿檸檬），酸酸地配燒肉絕配~一杯都好大杯夠飲🤤

眼見身邊好多朋友仔都搭飛機去旅行了。唯有羨慕啦。去食韓燒一樣有去左旅行的感覺。同朋友仔放工後黎食晚飯，6 回到達，人流未算多，點菜後慢慢傾。前菜先上枱，好清新。點最愛的 特別牛肋骨$288，店員會幫忙 或提示燒烤技巧，服務一流，燒得半生熟，醃製醬甜甜地，包生菜泡菜，好夾。牛舌 $138 薄燒，非常新鮮。還有五花腩，實在好肥美。豬油肥瘦分明。大 八爪魚一隻$108 原隻上真係好吸引，燒下再慢慢剪開， 八爪魚腳真係啱下酒。鍋邊的蛋, 芝士粟米真的無敵，店員好殷勤，會無限添加。點左兩杯飲品 , 柚子檸檬梳打$38， 又有柚子皮甜甜地， 青檸梳打$38 好 解渴。

又係睇戲日＜緣路山旮旯＞一定去爺爺區，再實踐去旅行的感覺，飛轉台灣吧！支持本地製作，當然要開心食吓嘢，行來行去，就想去間冇限時，可以hea住開心食的地方。 去韓國一轉，必吃烤肉泡菜凍蟹燒鰻魚……今次就選了前菜（芽菜，泡菜）此乃心頭好，芽菜鮮嫩，泡菜味濃，送飯也一流。此餐廳的好處，就是可以添食，令人開心。 在燒盤旁有蛋漿，用了慢火烤得剛剛好，每人也可以製出自己的心頭好，我就最愛外面剛熟，內裡軟滑，再加了飯在蛋漿內，又多了一份口感。 特級蔥蒜牛五花餐：肉嫩味濃，細火慢烤，烤得五花牛香口，再用剪刀剪成一口大小，方便品嚐。 一處好地方去享受幽閑時刻。

Happy Friday食得豐富啲再加上同家人慶祝生日，去市中心食韓燒烤。地點方便就腳食飽又可以去行下街，服務員安排坐靠窗卡位，感覺舒服又可以望吓出邊嘅環境。前菜冷盤有泡菜，大豆芽，醃蘿蔔，柚子汁沙律，主角有粟米芝士蛋邊烤蛋，以上所有小食仲可以不斷Refill.我們叫了特級牛肋條併大蝦一隻＄288都幾大塊，成個手臂咁長，牛肋條兩邊烤5分鐘已經好好味，肉香嫩又甘香，大蝦也不錯好新鮮牛舌＄138 牛舌嘅口感煙煙韌韌，牛烤少少燶邊食落更香口。厚切五花腩＄128 腩肉肥瘦分配很均勻，慢慢烤慢慢食，腩肉配辣椒醬生蒜頭和生菜包一齊食口感更加豐富又juicy. 所有肉都會有配菜：冬菇、南瓜等等幫助解油膩。韓式豬大腸12件＄78賣相不錯，本身有少少驚豬大腸會好臭，點知烤起上來再沾少少辣醬……又幾好食喎！韓式辣醬葉八爪魚＄108呢個不得了一定要嗌，好大隻看到佢已經好想食，服務員會主動幫我哋烤，切開之後有好多夠晒抵食，味道唔錯㗎烤到燶燶哋又唔會太辣，焦焦脆脆一口接一口。最後點半隻韓式炸雞配薯條＄118，好吸引有好多薯條墊底，甜辣醬配薯條香香脆脆好味我都係第一次食好開心，味道夠突出。雖然今餐飯有啲貴但係食得

同朋友一年一度飯局，每次都會選擇黎炑八食韓燒，貪佢坐得舒服之餘，服務態度又好，而且仲可以幫手燒肉，確保到食物係最佳質素！出咗消費券大家決定豪食一餐，盡情嗌自己鍾意食嘅嘢食！原味牛舌 $138每次燒肉必定會叫牛舌！已經encore過無數次！帶有少許炭火香氣，再加埋岩鹽，嫩滑得黎又有咬口！八爪魚$108平日好少燒海鮮類嘅嘢，因為覺得好難煮得熟透，一係就燒過龍，容易燒燶，好在朋友話我知原來店員會主動過嚟幫手燒，所以先試下！八爪魚腳非常彈牙，而且炑八係用炭火燒，別有一番風味！梨汁雞腿肉$88用雪梨汁調味好似係韓國獨有，少少甜味可以令到肉更加軟滑，燒出嚟一啲都唔會有柴嘅感覺，肉質非常細嫩！厚切五花腩 $128五花肉肥瘦相間，睇落非常滋味！店員仲主動過嚟換燒烤版，同幫我哋燒，話因為油花比較多，容易彈到，非常貼心！特級牛肋骨 $288一上枱比呢一碟超級長嘅牛肋骨嚇親，造型非常靚仔，適合打卡，燒完牛味突出，頗為軟嫩！醬油蒜頭有骨炸雞（半份）$118估唔到咁大份，原來仲有薯條墊底，啲雞係韓式甜醬炸雞，雖然有骨，但係仍然都啖啖肉，配水果梳打一流！

每隔兩星期就會食一次韓兆，今次就黎到位於屯門市廣場（炑八韓燒）由於我哋未到六點已經入座，所以唔會太多人不用訂位！入到餐廳餐廳環境寬敞坐得都幾舒服，餐牌上面有各式各樣的燒肉仲有炸雞系列，我哋每樣都點了少少試下，安排入座之後店員為我們捧上前菜、邊爐蛋及芝士粟米😋前菜亦都可以無限refill👍特級牛肋骨牛肋骨大大條，服務員燒完之後剪開一片片方便我哋食用，牛肋骨醃製得好入味，肉質口感不錯。牛舌牛舌切得好薄好爽口，加入燒汁已經好好味。炑八厚切五花腩五花腩好肥美，燒嘅時候油脂滲出，豬肉亦都能夠鎖住肉汁好美味，鮑魚生菜同埋泡菜一齊食，口感及味道層次豐富。梨汁雞腿肉燒完之後帶有炭燒味道，雞肉亦都好嫩滑！大八爪魚大大隻八爪魚賣相吸引，加上有專業服務員幫手燒，火候控制得好好，煙煙韌韌👍半隻炸雞雞炸到金黃色，熱辣辣脆卜卜再加入甜甜地嘅醬汁，食唔停口。再飲埋杯青檸同埋柚子檸檬梳打，消暑解膩一流😋

最近天氣經常下雨，有時真是不知道可以做甚麼，所以轉了行商場，反正派了消費劵，決定和朋友來一餐豪放的燒肉。以前和家人來光顧過，覺得不錯，今晚再來。位置：近屯門杯渡輕鐵站，在眼鏡店的對面。環境：米色的門面，擺設了一些餐牌，室內呈長方形，所有座位都是寬敞的卡座，有窗邊位來採光，而景觀是輕鐵和商場大樓，最棒是煙味不濃，煙爐設計是跟韓國特色，整體是以灰黑色的設計，大方舒適。服務：職員上菜時會介紹菜品，又提醒我們如何燒八爪魚和五花腩，需換一塊鐵板，又竟自示範一次，態度主動又親切🤩。前菜：泡菜、大豆芽、海帶、醃蘿蔔、柚子汁沙律、粟米芝士和爐邊蛋，以上都可無限添加，🥰真是好想念粟米芝士和爐邊蛋，是韓國燒烤必吃前菜之一，是回憶的味道😚。🥢原味牛舌🐂 $138厚切的牛舌，粉紅色的肉，一碟有八塊，😚肉質是滿有牛味而帶少少嚼口，個人認為不點醬或只點少少海鹽都很夠味道👍🏻。🥢特級牛肋骨🍖 $288特級長肋骨，至少有手臂那麼長😮，比牛舌更厚身，火侯更要控制得好，否則會變有有點過。我們太貪心🫣，剪得大塊，其實應該剪小塊，就會更容易入口。另配上一隻大蝦，很鮮美🤭。🥢炑八厚切五花腩🐖 $128上菜時已送了生菜和蒜片，職

前菜有心思，以前最怕食韓國燒烤油煙味帶回家，這裏已經沒有這個問題，座位舒適，設備最適合就是韓國燒烤，嘢食係好味嘅，前菜任添，枱桌上還有檸檬水，店東很夠細心，食物質素好味，配上火爐邊蛋，肉質新鮮。

點了兩個下午茶餐1）部隊鍋加泡菜餃子2）雞扒蛋飯兩個餐都要加錢配飲品。食物質素不錯，雞扒蛋飯一向是信心保証，無咩失手，用分換左個柚子梳打。部隊鍋有年糕午餐肉泡菜魚片，好野味，少少spicy. 個泡菜餃反而不spicy.最唔好係個收錢亞姐，態度好差