炑八韓烤 (屯門市廣場2期)

營業中

休息中

屯門市中心燒肉鋪有好幾間，但韓燒卻只有一間。輕快的K pop、寛闊舒適的座位，係家人、朋友食飯聚腳的好地點。韓國燒烤比日本燒肉優勝的地方在於前菜任添，海帶、泡菜、芽菜、酸蘿蔔有益健康又好味，我地添左好幾轉😂除左前菜，粟米芝士、生菜、泡菜雞蛋、生蒜粒同青辣椒都可以refill，配搭各種燒肉一齊食，增添口感之餘，亦會令你不知不覺食左好多菜！我地點左好多野食：🐱特級牛肋骨$288好長的牛肋骨，而且醃得好入味！燒好的牛肋骨牛味濃，而且相當彈牙，肥瘦適中。即使唔點任何調味料都非常好食🤤仲有一隻大蝦，燒香之後都好彈牙，配泡菜一起食好惹味！🐱牛舌$138出乎意料的好食😋濃濃的牛味，薄身煙靭，卷著半溶的芝士粟米一起食牛味更出。🐱厚切五花腩$138好長！服務員會換鐵板幫我地燒，燒到每邊金黃色再剪開細細條。雖是五花腩，但沒有肥膩的感覺。肥瘦相間反而增加左肉的口感，好彈牙香口。用生菜包住五花腩、青辣椒、泡菜、蒜同韓國辣醬，口感豐富，彷如置身韓國的正煮食法。🐱梨汁雞腿肉$88梨汁好香，肉很滑嫩😋咩都唔加都超好食。🐱大八爪魚$108好大隻八爪魚，所以比較難燒熟，要有啲耐性。八爪魚好彈牙，配韓式辣醬一起食好惹味！