影片
更多
2022-09-21
682 瀏覽
成日行過見到炑八，但今次係第一次食，原來除咗韓燒仲有大量熟食可以選擇，就算帶住小朋友都好方便。呢度嘅爐邊蛋入面加咗泡菜，但唔辣嘅，有少少似菜甫，增加口感之餘都幾好味。爐邊蛋、邪惡嘅拉絲芝士粟米、泡菜同生菜都可以無限refill，店員見我哋食得七七八八會主動問我哋要唔要加，服務有效率而且好貼心。沙律爽甜嘅生菜同車厘茄配胡麻醬汁，清新開胃，可惜呢個沙律無得refill 。半隻炸雞系列(有骨) $118半隻炸雞有大概六件，肉汁豐富，配埋甜酸醬，難怪小朋友爭住食。順帶一提，墊底嘅粗薯條都好出色！特級牛肋骨 $288牛肉又長又厚，只有末端係骨，其餘全部都係肉，想食幾多就煎幾多嚟燒。醃好入味，燒完勁惹味。牛舌 $138薄切牛舌輕輕一燒就食得，口感柔軟。梨汁雞腿肉 $88第一次食用梨汁醃嘅雞肉，甜甜哋好好食，而且餐廳選用咗雞脾，一啲肥膏都冇，啖啖肉。炑八厚切五花腩 $128燒五花腩嘅時候店員會幫客人換鐵板，咁就唔驚啲油滴落去爐度好大火。五花腩份量都幾多，無醃製過嘅五花肉原汁原味，肥瘦層次分明，入口滿口油香，建議點醬再包埋生菜食一齊。大八爪魚 $108第一次燒原隻八爪魚，都幾壯觀。八爪魚口感彈牙，味道
呢度嘅爐邊蛋入面加咗泡菜，但唔辣嘅，有少少似菜甫，增加口感之餘都幾好味。爐邊蛋、邪惡嘅拉絲芝士粟米、泡菜同生菜都可以無限refill，店員見我哋食得七七八八會主動問我哋要唔要加，服務有效率而且好貼心。
沙律
爽甜嘅生菜同車厘茄配胡麻醬汁，清新開胃，可惜呢個沙律無得refill 。
半隻炸雞系列(有骨) $118
半隻炸雞有大概六件，肉汁豐富，配埋甜酸醬，難怪小朋友爭住食。順帶一提，墊底嘅粗薯條都好出色！
特級牛肋骨 $288
牛肉又長又厚，只有末端係骨，其餘全部都係肉，想食幾多就煎幾多嚟燒。醃好入味，燒完勁惹味。
牛舌 $138
薄切牛舌輕輕一燒就食得，口感柔軟。
梨汁雞腿肉 $88
第一次食用梨汁醃嘅雞肉，甜甜哋好好食，而且餐廳選用咗雞脾，一啲肥膏都冇，啖啖肉。
炑八厚切五花腩 $128
燒五花腩嘅時候店員會幫客人換鐵板，咁就唔驚啲油滴落去爐度好大火。五花腩份量都幾多，無醃製過嘅五花肉原汁原味，肥瘦層次分明，入口滿口油香，建議點醬再包埋生菜食一齊。
大八爪魚 $108
第一次燒原隻八爪魚，都幾壯觀。八爪魚口感彈牙，味道有少少辣。
藍天使梳打 $38
顏色好靚，味道係波子汽水味。
菠蘿梳打 $38
酸酸地嘅菠蘿味好解油膩，但記得要攪勻先飲。
我覺得個爐嘅設計非常好，佢旁邊有個位可以放燒好咗嘅嘢食，唔使堆到成碗都係，又有少少溫度可以熱住。
順帶一提，而家喺OpenRice訂位8:30前有折。
張貼
