炑八韓烤 (屯門市廣場2期)

營業中

休息中

前排好想食韓燒 咁啱見到炑八推出咗個新套餐 好吸引！即係同朋友試吓😋五花肉與海鮮的社內相親套餐 🦞🐙 💰$498(作為社內相親呢套韓劇嘅fans 一見到個餐牌即刻就order呢個set🤣)套餐包咗五花肉、梨汁雞肉、牛五花、大啡菇、八爪魚、大蝦、泡菜煎餅。雞牛豬都有！仲要有我最鍾意嘅八爪魚😍唔好睇小呢個set 2-3人食完全ok! 性價比高🌟加多$20 就可以飲埋佢哋嘅炑八梳打特飲🤭另外加咗份豬皮 🐷 💰$85(本家豬皮配辣炒芝麻黃豆粉)個人覺得食韓燒一定要有豬皮先稱上完美😙燒豬皮外面脆卜卜 入面煙煙韌韌 好過癮！🤤🌟呢排好似都多咗好多套餐推出，如果食量唔算特別大 我覺得嗌set抵過食放題😆呢度仲有炸雞薯條可以order！啤酒慢慢飲🍻另外 一啲韓式小菜(泡菜 涼拌芽菜 白蘿蔔⋯)都可以無限Refill 😋❣

7月6日到屯門店惠顧，呢次係值得高度表揚嘅一餐。女待應的熱情令你用餐都開心啲，對食物嘅詳細介紹、推介，起初以為係一般侍應嘅手法啫。原來唔係，叫咗個豬腩肉，親自過嚟換鐵板話要用鐵板先可以做到脆皮，燒完再換返燒烤網。佢原來係水吧嘅part time仲要係PT，（叫寶怡或寶儀）再俾多個Like你。唔係高層都咁有heart唔係口黑面黑，掂！雖然......食物唔係超卓水準，只係一般。但服務搭夠，拉返高個性價比。你好嘢，下次為咗你會再幫襯。

我同屋企人上個月晚上光顧屯門炑八韓燒，去到嘅時候我哋用之前幾次幫襯儲落嘅會員積分換了兩杯嘢飲同埋一碟雞腿肉，再落單叫咗一份豚肉拼盤。食到一半嘅時候，突然有員工走過來話俾我哋聽最低消費係每枱最少要叫兩份燒肉。我哋問佢點解落單嗰陣唔講，佢話因為本Menu有寫。或者我哋冇睇晒成份Menu嘅每一個字係我哋唔啱，但如果佢哋下單嗰陣話俾我哋聽，我哋根本唔會叫比其他燒肉貴好多同份量多好多嘅拼盤，而會分開叫兩份燒肉，價錢平啲，而且食得晒。最後我哋逼不得已除了拼盤外再點多一份燒肉，但其實兩個人食真係太多。最令人憤怒嘅係，嗰個用嚟燒肉嘅爐根本就係壞嘅。我哋剛剛嚟到嘅時候有個女侍應嘗試幫我哋調低個火，但當調到最低嘅時候個爐會自動熄滅，再撻都撻唔着。之後個女侍應要走去拎火槍過嚟點火，個爐先可以撻得着。個女侍應最後都無將個火調低，而我哋都冇為意到。當啲燒肉嚟到，我哋放肉上去已經出晒煙，燒唔夠半分鐘啲燒肉已經燶晒，旁邊啲芝士都燶到食唔到。期間有另外一個侍應發現我哋嗰枱好大煙，個火太猛，嘗試再過嚟調火，仲問我哋點解調到個火咁大。但再一次，個爐較到最低火嘅時候就自動熄咗，又係撻唔返著，又要去拎火槍嚟點。我哋忍唔住問佢

燒肉套餐包括了前菜的泡菜，大豆芽，醃蘿蔔，柚子汁沙律，另外有埋生菜🥬主餐有梨汁雞肉，五花肉，牛五花，八爪魚，兩隻大蝦，大啡菇 同泡菜煎餅。另外我地仲叫左豬大腸而燒肉當然不少得粟米芝士同爐邊蛋，要不斷refill梨汁雞肉甜甜地，五花肉的肉唔老，基本上沒有什麽好挑剔八爪魚用辣油醃製夠大隻，但大蝦有點不新鮮泡菜煎餅係爐邊煎一煎，會脆好多加埋芝士正正正😆豬大腸🈚調味有點so整體兩個人食真係很夠飽

今日中午去左食午餐，因為朋友介紹食，點左個泡菜年糕拉麵，年糕根本就未熟，叫店內嘅同事（後生男仔) 嗌左好多次都冇人應， 態度差，D野食未煮好，叫人又無人理，不會有下次，本來約左生日同二十多個朋友來燒烤，看來只好改地方男同事服務態度非常差(應該係副經理)泡菜年糕拉麵，年糕仲係生嘅

炑八堂食就食得多，今日就簡單單咁叫左啲外賣在家食。因為炑八唔係主打烤雞，所以在另一間炸雞店叫左一盒炸雞，而在炑八就只叫左「鰻魚蛋包飯+炸牛肉迷你紫菜包飯」堂食通常食烤肉，但兩款食品都係第一次食。打開一睇，鰻魚飯賣相都ok嘅，但蛋包飯就好似飯上面加左一大塊蛋皮，蛋有點過熟，老火左，鰻魚睇落有點肥美，但唔知是否因為凍左，我覺得有點魚腥味。飯卷，完全係冰凍🥶（唔知堂食是否都係凍冰冰），好彩飯唔會硬，如果唔係我諗成條會無人想食整體：這兩款食品我下次都一定唔會再食，或者佢哋嘅堂食比外賣優勝掛

09.04.2022 星期六炑八韓烤 記得以前到過炑八燒烤堂食，印象中人很多排隊，食物味道不錯；最近改了食外賣，見外賣平台做優惠，於是試試幫襯。餐單很豐富，包括各式韓式套餐，例如蛋包飯、人參雞鍋、燒豬排骨；又有各款主食，如迷你紫菜包飯、韓國伴飯、拉麵等；當然要有韓式人氣無骨炸雞，還有不同口味選擇，包括原味、甜辣、蜂蜜牛油、醬油蒜頭和芝士；另外還有幾款小食。堂食可以燒烤，外賣也有二人、四人和六人原材料燒烤套餐。前菜：芽菜x2、泡菜、蘿蔔、沙律前菜可選擇兩款或加飲品及沙律，很便宜抵食，分別只是$11、$18和$28; 而且幾款前菜都很美味；我自己尤其喜歡蘿蔔，雖然份量不多，但酸酸地很開胃。炑八牛肋骨煲配飯上網見評價不錯，來到果然不令人失望；牛肋骨肉質濃郁及夠淋入味，份量不少，湯汁不會太鹹，送紫菜飯剛剛好，值得推介。韓式人氣無骨炸雞（芝士）最初期望不大，通常炸物外賣送來多會淋，不好吃；但今次餐廳用錫紙包裝，花心思保存，一打開香氣撲鼻，咬下去不會一口炸粉，炸雞肉質鮮嫩，惟一不覺有芝士味，芝士份量少。下次或試試其他口味。無論食物質素、份量和包裝都很滿意，意料之外；惟一可能食肆太忙，忙中有錯，送漏

生日同屋企人去左食韓燒，屋企人叫左個王者牛肋骨，真係同一個成年男人嘅手臂一樣咁長，燒完食完仲有種好依依不捨嘅感覺，真係好好食，另外仲叫左個套餐，但唔記得係咪同牛肋骨一套，上面仲有隻牛嘅出生日期，勁得意

提早慶祝聖誕節🎅🏻，去咗炑八韓烤🍖，叫咗個「聖誕月見和牛奇妙套餐」究竟有幾奇妙呢！？😂好奇妙咁有月見和牛肩肉扒、牛舌、豬肋肉、蔥蒜牛五花、牛小排、韓牛前胸肉同埋雜菇。雖然芝士粟米同埋🥗🍳泡菜雞蛋係任食，第一個餐嘅份量我覺得唔係好夠食，點都要加多個小食或者飯之類先夠飽，六百幾蚊有和牛食其實都算抵食，雖然和牛唔算係好靚嘅級數，不過都食得過，況且我鍾意食芝士粟米🧀🌽仲要係任食。所以都食得好滿足😊

以前細個第一次食燒肉，係食韓式燒烤放題，當時覺得驚為天日，以前韓式燒肉多數用獨特既醬汁醃製，覺得好惹味，鍾意食個味多過肉既本身，所以以前唔重視D肉質得唔得，個味好食就得架啦。依家人大左，食多左唔同既餐廳，發現原來肉質唔同係好大分別，韓牛既肉味特別濃郁，依家唔會好似以前咁，太濃既醬汁反而遮蓋本身既肉味。 今日食左呢間韓燒，叫左個套餐，食物一到已經流晒口水，好靚仔咁喎。油脂分佈好均勻，燒左一陣已經油花出晒黎，一放入口，肉味先 滲透喺口腔入面，再黎好香既肉汁流出，好滋味。韓燒最正係爐側邊既芝士同蛋漿， 雖然好膩，但芝士既香濃，令人越食越想食。呢間真係唔錯，本身肉質好有彈性，D調味又唔會太濃，啱啱好，坐得都好舒服。下次再試其他野食先

突然之間好想食燒肉，朋友介紹去咗呢一間韓式燒烤店食！！呢間餐廳環境裝修幾別字，而且都幾有韓國風味❤️❤️而且呢度嘅價錢比想像中平好多！同埋呢度肉類嘅種類唔算好多，不過勝在味道都算好好！！最鍾意嘅就係呢度嘅燒爐旁邊可以有芝士同埋有蛋！仲要係任加！🤩🤩

本人常到屯市炑八用膳，基本已經係飯堂黎，今天特意寫食評讚賞，感謝貴司員工亞Cat。今天中午本人和家人到貴司用膳，兩個囡最鍾意烤肉餐，老公必點雞扒蛋包飯，我就最鍾意牛肋骨煲❤一如既往，食物賣相可口，熱度十分足夠，員工亦有禮反應快。結賬時收銀員工亞Cat也一如既往，笑容可掬，結賬快速準確，今天還向本人介紹了貴司的韓國特色月餅，十分感謝亞Cat的推介🥰😍🥰😍！本人還會經常光顧，希望貴司繼續保持水準，Thank You

平日中午去食lunch 人都幾多full 地 但兩個人都坐4個人既卡位 幾舒服叫左個韓國炒粉絲 粉絲唔會太更/太冧炒得幾爽 又夠味 應該有用韓式麻油 好香 又有好多配菜 泡菜同海折同芽菜 全部都係鍾意食既 又有一碗冬瓜湯 係幾好飲 但比較多味精

星期日去了炑八食下午茶點了雞扒蛋包飯$48+$5 凍奶茶+$8 薄荷荔枝梳打仲有一個會員生日月份送的紫菜湯我很喜歡炑八的雞扒蛋包飯平靚正大大份雞蛋多又滑雞扒煎得又香又脆但唔柴仲配沙律好抵食飲品雖然要加錢但大大杯本來想叫檸茶但賣晒轉左奶茶梳打其實真係麻麻薄荷味好假飲在喝漱口水韓國人生日會飲紫菜湯餐廳贈送的紫菜湯並不馬虎大大碗熱辣辣有好多紫菜豬肉原隻雞蛋足料味道也不錯

幫襯左幾次，但一次食評都無寫過嘅韓燒店。佢真係幾好食，一來便上前菜，蛋液同芝士粟米，蛋液我們要求不加泡菜，真正純蛋液，沒有加味精湯，好香好滑，所有小菜，蔬菜，蛋同芝士粟米都可以要求免費再續。總括而言， 我覺得散叫抵過食套餐，牛肉唔叫有骨嘅都好好食，有骨嘅唔係唔好食，主要係唔抵食豬肉之言，五花肉係最好食，配韓式醬汁最野味我們另外再叫左人參雞湯，個湯好甜唔會好重參味，雞肉好嫩滑叫左紫菜卷，味道一般，飯亦比較硬炸雞都係一般貨式