炑八韓烤 (屯門市廣場2期)

營業中

休息中

太耐冇食燒肉了今日行開屯門市中心，經過炑八，即興入咗去食嘢🤣🤣🤣你會估佢唔到咁抵食只需要$28，就可以食到勁大碟的五花腩泡菜燒肉飯味道正正常常，同普通嘅五花腩燒肉冇乜分別，不過就真係好大碟，一定夠飽肚🤣🤣大大杯荔枝梳打🥤真係有大大粒荔枝喺入邊㗎仲要係跟餐附送的👍👍👍咁嘅價錢，都算有質素嘅食物真係去邊度都搵唔到

呢度下午茶真係好抵食,前菜係送嘅,有泡菜、芽菜嗰d,而且仲好好味雞扒蛋包飯嗰飯有四塊厚切雞扒,塊扒煎得好香,淋上燒汁,好味！另外蛋又唔會過熟,加埋沙律菜同芝麻醬,好豐富特級芝士泡菜五花肉韓國拌飯鐵板飯上枱時熱辣辣,泡菜同豬肉份量足,加埋芝士撈埋一齊食炸雞薯條兩樣都即叫即製,所以需時。炸雞皮脆肉嫩,薯條香脆大條。最後叫咗杯凍柚子蜜,清吓喉

最近比較少外出堂食難得心血來潮好想食韓國野😋之前有經過幾次呢間餐廳但無去食過，因為本人好少會去連鎖店餐廳，比較喜歡去自家經營的小店。估唔到今日經過炑八竟然幾乎全個餐廳滿座，而且我去既時候已經係4pm，呢個鐘數加疫情期間滿座真係好誇張！於是我企係門口大約五分鐘等位，侍應都比較忙所以服務水平不適宜評價。一坐低侍應話用QR CODE落單，感覺都幾先進，同埋唔怕啲侍應落錯單，下午茶都幾抵40蚊左右已經食到好豐富。由於本人生理期到既關係想食啲暖粒粒既野食，所以我無揀到下午茶餐，揀返正常午餐既人蔘雞湯同紫菜包飯。等左8分鐘左右，我的一人午餐就到左啦！有樣嘢要讚左先！炑八既泡菜好好食！醃得唔錯！✨烤牛肉紫菜包飯✨ Gimbap with Grilled Beef賣相黎講都唔錯，不過食落就普普通通，牛肉完全無味，可能牛肉無醃過只係直接煮熟就捲紫菜包飯？呢個可以唔需要特別去試。✨人蔘雞湯配紫菜飯✨Korean Ginsen Chicken Soup with seaweed Rice一擺底係枱度已經見到出煙，即刻飲一啖暖身❤️飲左一啖個心到講左句好好味啊！因為我其實好討厭食人蔘，連人蔘糖我都覺得好苦好難食

呢間餐廳響Storellet App 有提供優惠今次用咗兩張coupon分別係醬油蟹同埋檸檬柚子蜜用QR CODE落單, 但係始終都要侍應過嚟幫我地redeem coupon.燒牛五花次次都滿意，有前菜有湯有飯。至於個牛肋骨煲，今次唔夠熱，叫侍應拎返入廚房返熱.超滿足

見到用外賣平台有半價即刻要返屋企食先第一次食佢嘅炸雞半隻，薯條份量也很多，甜辣醬好正，惹味，雞肉juicy鰻魚卷好清新不過鰻魚份量就唔多啦雞扒蛋飯超級抵食之餘$30唔使4塊雞扒，好味

指定要食醬油蟹當然無問題，為醬油蟹而來，好采提早半小時七點到場坐定定，轉眼未到七點半已經滿座爆場要排隊。真露原味，醇香提肉鮮。韓餐配韓酒、泰餐配泰酒、日餐配日酒、越餐配越酒，非常基本。爐邊蛋，耐心等候泡菜雞蛋烤熟凝固，留意不要過熟變老，大量嫩滑清甜烤蛋混著咸辣脆泡菜粒撈飯食不得了！大豆芽，爽甜多汁完全不腥嗅，淨食可口，捲肉生菜包更滋味。泡菜，居然大部份都係最愛的莖位，甜酸辣均衡融洽，爽爽醒胃。昆布，好少見的小碟，酸酸甜甜有益健康。蘿蔔牛腩，味道咸到苦，我的腎啊！兩啖放棄。紫菜肉碎湯，湯底油淋淋無走蔥，最敝勁咸入唔到口，放棄。大豆芽湯，淡茂茂水汪汪。醬油蟹，百搭名菜點食都可以，點食都美味！蟹仔細細但蟹膏澎湃兇湧，蟹肉幼滑綿綿，混著清新海鮮醬汁，無可抵抗的誘惑！白飯乾爭爭應該已放段時間，微波爐叮熱？咸鮮蟹糕蟹肉拼埋海鮮醬油撈飯，痴孖筋的星級佳餚不是浪得虛名，卓號飯之強盜無講錯！原來熱辣辣泡菜蛋醬油蟹撈飯一樣無敵，好好好好味！本家雞肉，全部雞扒厚滑嫩彈，煎到雞皮微焦半濕半脆更香口，輕醃淡淡沾點烤醬或豉油或海鹽仍是不錯。人蔘蜂蜜味芥末五花肉，吃不到半點人蔘味或芥末味，幸好高質油潤甘甜，瘦肉帶彈

叫網上外賣平台 外賣依間野，三款雞味叫齊冇貨又唔打來，俾哂三份原味我。其中一隻味比原味貴10蚊，所以連左啲前菜同汽水送黎 free 返俾我。但老實講邊個會想食3份原味呀，食到勁dry。又冇俾餐具，okay fine支持環保。薯條冇俾茄汁，韓式拌飯冇俾韓醬。野食味道冇問題，但依啲乜都唔俾又要我硬食原味真心唔okay. 係咪信用卡俾左錢，就可以乜都唔理。真心呢間野冇下次

Currently they are offering very valuable tea set menu, not only rice set, and also the BBQ set, good to try a BBQ dishesOmelette Rice with chicken having a large portion, the egg omelette is cooked well with smooth texture, with four pieces of chicken, honestly it's quite much for a girl, better sharing with friends Mini soft Boiled Egg rice with grilled beef having good taste, lovely boiled eggs in the middleMini soft Boiled Egg rice with sliced pork belly and kimchi is nice tooFried Single Bo

疫情肆虐，礙於工作都係要食Lunch既，今日去左炑八食韓烤午餐，一入去店員有為我地量體溫，佢地亦好貼心為客人準備左一個信封裝口罩，值得加分。講返主題，我今日叫左一個黑毛豬餐，有護心肉，五花肉等等，材料解凍程度ok，唔會係一舊冰咁，而肉既質素係呢個價錢已經唔錯，燒得好唔好食當然就睇燒果人既技巧啦🙈 配料方面預設配左大醬，鹽，同燒肉汁，當然仲有生菜。野飲就要加8蚊，所以我地埋單係$116，免加一。以呢個價錢計算抵食，仲有免費爐邊蛋。

誠心推介，上次食完真係覺得好好食，今次又再返嚟食。呢度嘅牛舌真係好好味，唔單止大塊，味道亦都好好。店員好好咁樣喺牛舌上面解咗啲文，等佢受熱會均勻啲。果然真係好易燒，仲要好好食，真係好好咬，同埋真係好香。我自己好鍾意用佢提供嘅生菜包住嚟食，感覺特別清新。佢呢度除咗啲燒肉好好食之外，啲嘢飲原來都好好飲。試咗佢嘅草莓熱茶，飲落去真係好舒服，唔會太甜，好天然。佢個草莓鮮奶忌廉都幾特別，估唔到咁樣撞埋一齊都幾好飲。最重要嘅係個樣真係好靚呀！

呢間韓國燒烤真係唔錯，食物質素好高，環境又靚。我試咗佢個黑毛豬，真係同一般嘅豬肉好唔同，有一種特別嘅肉香味。而且佢嘅顏色好靚，一睇就知好新鮮。佢唔似傳統嘅燒肉，佢都有啲海鮮，我試咗呢個大蝦，都真係幾好食，海水味好重，而且有少少海鹽嘅味道，連埋啲芝士一齊食，就最夾。同埋佢隻蝦都幾大隻，冇估錯應該係珍寶蝦。我想講我個朋友呀買晒啲港女嘅嘢飲，係士多啤梨熱茶，實際個名唔係好記得，但係我試咗一啖，唔係特別甜，原來都幾好飲。

山長水遠去左friend間hall到chill，之後當然要食返啲好嘢食啦。korean bbq係一個唔錯嘅選擇，所以就嚟咗呢間食啦。其實兩個人食唔到好多嘢，所以就帶咗最值得試嘅嘢食嚟食下。呢個牛肋骨真係best of the best，超大條不特止，重要好juicy，個sauce配合得好好，好入味。同埋呢度service好好，啲waiter會幫你燒埋，唔驚燒燶哂。食完肉我哋都飲咗個湯，係大醬湯。超級大煲，我哋飲唔晒。你係咪好多唔同嘅ingredients，瓜同埋肉都有，好好飲。

每次食依一間韓燒，都會特別期待烤爐旁邊嘅烤蛋同芝士粟米🌽🥰。為咗食芝士粟米唔好咁有邪惡感，我慣性將部分嘅芝士放過去蛋嗰度一齊烤熟。今次我哋添加左四次蛋，食蛋都已經吧左我半個胃。佢其他嘅配菜都可以任添加，包括：泡菜，芽菜，海藻。但之前佢有嘅醬油薯仔，我嗰日去食就冇啦，有啲失望。佢前菜仲有送多一碟沙律俾你，但呢個沙律就冇得添加㗎😅。侍應嘅服務態度好好，我哋不斷添加嘢食，都冇黑面，仲會睇吓你枱面有乜嘢配菜食晒，問你要唔要添加添👍🏻👍🏻。我哋當日帶咗全份牛小排，五花腩，海鮮蔥花煎餅，泡菜紫菜包飯，石鍋飯。牛小排嘅肉質都唔錯，輕輕煎香，五六成熟，就已經好嫩滑同香牛肉味。燒五花腩真係要好有耐性，我哋燒左20分鐘都仲未熟得晒，要剪開再煎香佢。燒烤嘅肉質素唔錯😘。韓燒嘅醬料都好足夠，仲可以任添蒜片，同埋生菜🥬，有生菜包燒肉，唔會咁熱氣😚😉。而佢嘅蔥花煎餅都煎得幾香口，餡料就唔多，但都值得試吓。☺️。佢嘅泡菜紫菜包飯，圈得好細份，同幅圖都真係有啲差別，正所謂圖片只供參考🤣。而且冇乜特別，唔建議一試。最後嘅石鍋飯，飯質較為濕，韓式辣醬亦都唔夠味道，味道質感都差啲😔。但好彩個石鍋都夠熱，最後都整到一啲飯焦，鍾

冇人埋態度極差⋯⋯又其喺自稱經埋唧員工有D不知所喟！我去幫襯我唔知點解我要俾錢幫襯佢哋?入到去嗌完嘢食之後完全冇人理我地！我叫個經理出嚟佢只係不停咁叫我等等!我去過青衣城嗰間分店人哋係好好我唔知點解屯門呢間分店係咁差㗎其實我好欣賞呢間鋪頭嘅不過唔知點解屯門呢間分店真係差到不得了

平時為左支持男朋友減肥,  所以我都陪佢一齊食小d,但今日係我地相識一周年, 抑壓左好耐既我仲唔趁機會食到夠!!我只係影左我地揀左既menu, 男朋友話小小地叫個燒肉餐食住先, 但我又點會放過機會個lunch set烤肉餐除左可以揀3款肉,仲包飯, 湯, 小菜,  無限添加既生菜同爐邊泡菜蛋呢度分別有牛仔骨, 五花肉, 豬背肉我既+$25無限添加爐邊芝士mixed cheese + 粟米, 真係人間極品!!如果唔係要趕去睇戲, 我一定唔止refill左2輪咁少男朋友+$8叫左杯凍奶茶(佢都傻傻地, 邊有人食烤肉配奶茶) 無限添加既小菜, 芽菜一般, 泡菜唔錯,為左唔浪費, 我都清左佢張相有香味飄出黎咁嘻......我有大食大, 再叫多半隻柑橘炸雞,原味同酸甜味炸雞都可以揀有骨/無骨, 但呢味同蜜蜂牛油味就無得揀,原以為有骨既炸雞炸出黎會比較滑嫩, 但只係50/50,而薯條沾柑橘醬食, 感覺好清新食完呢餐, 我地飽到夜晚都無食, 一餐抵3餐, 咁都唔係好罪過姐~~