火薈中日火鍋

營業中

休息中

心血來潮想食火鍋，見到黎間火鍋店有7折優惠，所以一於就揀黎間。餐廳環境好乾淨整齊，枱櫈好闊落，坐得好舒服黑松露野菌鍋 $168(美味指數: 😋😋😋😋)打邊鍋最緊要係湯底，未上枱已經聞到好香既菇味，店長話專登訂黎隻野菌，因為佢真係好香，直頭香到想飲多幾啖湯，而且配搭埋黑松露，簡直就係香上加香老友鬼鬼 $78(美味指數: 😋😋😋😋)睇個名都已經估到佢係油炸鬼，不過估唔到原來係油炸鬼釀蝦滑先岩，真係唔係度度都有得食，所以真係值得一試。可以即食又或者擺落火鍋涮一涮，油炸鬼脆卜卜，配埋蝦滑係一個唔錯既小食招牌手打四寶丸(12粒) $138(美味指數: 😋😋😋😋)(墨魚丸、蝦丸、牛丸、豬肉丸)四寶丸真係手打自制，食得出真材實料，爽口彈牙😋整體食物質素：4 / 5💰性價比：4 / 5👍推薦指數：4 / 5

由太子地鐵站一出，一直行到花園街盡頭方向，門口只做接待，行樓梯上去便到餐廳。店員服務非常友善，會詳細解釋先喝湯、食雞，再加湯打邊爐。刺身拼盤 (松) $298有甜蝦、北寄貝、帶子、螺、飽魚，樣樣都新鮮甜美，貝類尤其爽甜彈牙。海南椰子雞鍋 $238用新鮮真椰子做湯底，加雞一齊滾熟，便先喝湯，湯鮮甜而且椰子味濃，雞相當嫩滑。頂級安格斯牛頸脊 $268肉質嫩滑、爽口，油脂分布適中，而且牛味濃郁。鴨紅 $48都係彈牙，質量高，只係湯底唔係重口味，索個湯汁唔明顯，所以如果湯底係麻辣的話，一定要叫這個!!美國桶蠔 $1484隻，大大隻，相當肥美，而且色澤光鮮，豐滿，熟透後，沒有收縮很多，咬下去，十分juicy，裙邊爽口，而蠔肉非常多汁，不用多力已經咬開，相當新鮮滋味。蟹子墨魚滑 $78稻庭烏冬 $42萵荀件 $32蜂巢豆腐 $36脆鯇骨腩 $78

我諗香港人10個有八個都鍾意打邊爐同埋食日本嘢一餐飯點樣可以滿足呢兩個願望呢？就係去有日本嘢嘅中日火鍋店！呢間火薈我留意咗佢好耐喺太子警署附近嘅花園街今次終於有機會同朋友嚟試一試鋪頭都幾多座位仲有一間VIP房如果人多book呢間房食團年飯做冬都得!一睇Menu梗係咋咋淋揀個湯底先啦店員熱情推介椰子雞鍋湯底係用椰子水煲出嚟未滾已經聞到好香嘅椰香味如果鍾情椰子味嘅朋友仔就一定唔可以錯過啦等湯底滾之前梗係嗌啲刺身食下先啦我哋嗌左個刺身拼盤樣樣都好新鮮呀打邊爐嘅食材都相當吸引牛頸脊好香好滑好有牛味仲有佢嘅蝦子墨魚滑又滑又彈牙！另外想大讚嘅係佢哋嘅服務係非常之周到我哋食完湯底啲雞搞到隻碟好多雞骨店員會即時上前幫手換過隻新碟俾我哋呢個價錢有咁樣嘅服務真係非常之抵呀

咁岩朋友喺太子收工，所以就搵下附近有咩食，見到呢間打邊爐又有7折優惠所以就想食下。呢度湯底有好多款，店員推薦我地食尊貴花膠魚翅雞鍋，冇諗到原來仲有鮑魚，好足料，魚翅份量都唔算少，仲有花膠大大片，個人最推薦係一定要飲佢個雞湯，好濃味，因為一加左湯就會變淡左！我哋每人都飲左兩碗，推薦！店員會幫手切冬瓜，冬瓜煲到好淋，我地叫咗個海鮮拼盤（$498），有波士頓龍蝦，聖子，海蝦，廣島蠔，因為冇晒大蜆，所以其他海鮮比多左我地，啲海蝦一上到黎仲郁緊，好新鮮，食落都好鮮甜，而聖子仲長過我隻手。呢個海鮮拼盤必叫。另外仲叫咗個刺身拼盤($298)，刺身款式都算多，而且都好新鮮，推薦甜蝦。另外最主要有七折優惠，所以叫咗蝦滑同墨魚滑，上面仲有蟹子，仲有自家製墨魚丸，另外估唔到仲有皇帝菜，因為好少打邊爐鋪頭有皇帝菜揀！ 最主要吸引嘅係七折優惠，所以大家可以叫海鮮牛肉以外嘅都有七折！下次會再嚟但係會揀其他湯底試下！

經過旺角太子附近，好耐冇打過邊爐，所以上OpenRice 搵吓有咩好食，見到呢間火鍋店呢排做緊七折優惠，所以我地就決定食呢間。望到有幾種湯底，本身諗緊食火焰波士頓龍蝦海鮮鍋，但係店員推薦花膠魚翅雞鍋，有鮑魚花膠魚翅金華火腿，所以我哋就揀咗呢個。呢個鍋鮑魚都有幾隻，一試個湯好清甜，好似屋企煲嘅老火湯咁，好正。我地叫咗個海鮮拼盤，有波士頓龍蝦，聖子，海蝦，廣島蠔。我哋四個人食份量岩岩好，我自己最推薦龍蝦，好鮮甜又多肉！而蠔都好新鮮！另外仲叫咗個頂級安格斯牛頸脊，呢個真係食到停唔到，牛肉肥瘦分布岩岩好，食落好香牛味！另外因為有七折優惠，所以就叫左自家製墨魚丸同黑松露鮮蝦丸，我自己就鍾意食墨魚丸，因為好香口彈牙，而朋友就好鍾意食黑松露鮮蝦丸，因為好香黑松露味。建議大家可以叫多啲其他餸，呢度仲有豆苗，不過個餐牌冇寫要自己問架，呢啲都有七折。下次都會想再黎食呢間，就會試下龍蝦海鮮鍋。

上星期同朋友慶祝生日，去咗太子一間坐得幾舒服嘅火鍋店，除咗空間咁大之外, 連坐嗰張櫈都好鬼舒服。我哋點嘅係海南椰子雞鍋， 首先係用新鮮雞連同椰子內椰子水 ，加上少許其他配料一齊煲煮，首先每人飲一碗鮮甜椰子雞湯，之後再加湯畀我哋去家火鍋配料，不僅飲嗰碗雞湯嘅時候感覺先甜連絡其他配料例如牛肉，手打丸，每件配料都沾滿椰汁水嘅味道，很清甜。響等 個湯底滾嘅時候我哋點咗一個刺身拼盤叫做“松”，裏面有海螺，北寄貝，帶子，鯛魚，魷魚同埋蟹子,朋友最喜歡嘅就係魷魚,因為佢十分新鮮而且口感一流,爽爽地之餘，完全冇唔新鮮嗰種黏笠嘅情況出現！ 帶子同埋北寄貝都係十分鮮甜，帶子雖然唔係有時食到好大件嗰啲質素,但係都好夠厚身,食完都有一種滿足嘅感覺.極尚本地手切牛肉, 打邊爐想係要食牛肉啦， 佢有好幾款唔同嘅牛肉，連牛肉拼盤都有，朋友話佢話食開手切嘅：我哋就點呢一款， 就咁睇落都知道係好新鮮，肥瘦分明， 淥完嘅時候佢冇縮到好細，好香油花嘅味道，而且佢一盤嘅份量，都好大我哋都食唔曬。 我推介大家點竹笙，因為竹笙可以完完全全索曬湯底，唔可以錯過湯底嘅精華！ 鬼馬油炸鬼外面係炸到好趣嘅又曬櫃裏面係手打蝦膠，，蝦膠嘅

生日食咩好？ 梗係食我2最鍾意既打邊爐啦！ 不過唔係我生日，係我friend生日，但大家都好鍾意打邊爐，仲就晒我friend過太子。去完迪士尼，打邊爐超滿足，可以大刷一餐。呢度幾清靜，雖然係打邊爐既地方，但啲食客都勁斯文，唔係勁大聲講野果種。原來餐廳開左3年，勁好彩，有7折優惠！講返野食先：# 海南椰子雞鍋 # ***** *** 8/10個湯底好清甜，最正係啲雞，吸收左啲椰子水既清甜，食落啖啖美滿幸福感！ 我真係超鍾意椰子雞啊，哈哈。啲2雞煮完都仲係好滑，因為店員好細心叫我地要熄火食左啲雞先。其實店唔講我都會咁做，因為我係椰子雞die hard fan！# 刺身拼盤 - 松 # ***** **** 9/10好多款刺身，有帶子，蝦，魷魚，螺，北寄貝等，我最鍾意一定係帶子，好鮮甜！螺都係我必食！# 極尚手切本地鮮牛 # ***** **** 9.5/10啲牛好有牛味，最鍾意本地牛，最唔鍾意食和牛，因為我鍾意本身牛入口煙煙in un有咬口有牛味！ 一個字，正！最緊要係，烚完啲牛，煲湯底無乜油！# 手打墨魚丸 # ***** **** 9/10好爽甜，打邊爐必嗌！ 無影到相。# 美國筒蠔

香港近排凍左咁多，就梗係要打個邊爐暖暖佢啦😌近排比我知道左原來係太子站附近有間舖開左三年，而家仲做緊七折大優惠😍所以即刻要同屋企人試試佢！來到之後，發現原來呢度唔止打邊爐仲可以食刺身，當然唔執輸，叫左碟來試下！刺身全部都好新鮮好鮮甜，無雪藏味！鮑魚片同帶子有浸浸甜味，好正好好食！接住落來梗係要打個邊爐啦，今之叫左椰子雞湯底。原來佢地係用純非洲椰子水，完全唔添加任何雞湯，煲滾左之後索晒啲雞味同埋其他材料，好鮮甜啊D雞又肥又大隻，足足半隻啊！！D雞好滑😚😚其他料方面墨魚汁墨魚丸從來都未食過黑色嘅墨魚丸㗎🤣佢撈埋啲墨魚汁落去令到墨魚嘅味道好重同時亦都好有咬口，feel到粒粒墨魚🦑花竹蝦之所以叫呢個蝦係因為老闆介紹食落果然冇介紹錯好大隻而且蝦肉肉質好爽口結實蟶子就更加唔使講啦鮮甜好味！食肉獸又點可以少咗牛呢呢幾層有唔同牛嘅部位隻隻都好重牛味而且油脂分布好平均淨係見到啲紋路都知係高級野個人就最鍾意食牛舌哈哈最後叫埋啲菇，索晒所有嘅湯汁，一流

天氣轉凍就特別想打邊爐，今次黎到呢間太子既中日火鍋店！去到門口見發現原來佢有7折，咁又好似幾抵下😍見間黎枱叫左刺身睇落好正咁，我地又叫左份刺身拼盤做左頭盤先！佢有6款刺身，每款大約4片，我最鐘意就係佢既甜蝦同帶子，好甜！🤗海南椰子雞鍋之後黎左個湯底，我地好奇問下侍應，原來個湯係純椰子水，再加雞落去！係佢滾左3分鐘之後就可以食啦，飲曬佢啲湯先最後加湯打邊爐。個湯真係好甜，加埋啲雞味真係好好飲，一人都有飲成2碗架！同埋啲雞好滑呢😛 記得唔好煮咁耐阿！仲叫左少少海鮮食下：花竹蝦同埋聖子皇。佢地都好新鮮👍🏼之後就係我最鐘意既肉啦！識叫就梗係叫火薈牛肉塔，有曬咁多款肉俾我慢慢試。佢個賣相仲好吸引TIM😍 推薦佢既安格斯牛肉同牛舌👍🏼墨汁墨魚丸, 都係墨魚味啦～什菇籃，有多種菇類，岩曬愛菇之人，份量都多架！

一人三行，突然想去打邊爐。剛巧走到花墟附近，我看見一間中日火鍋店，所以就決定試一試。-尊貴花膠魚翅雞鍋（$368）火鍋湯底全是真材實料，原隻雞、大量花膠，還有金華火腿、冬菇。湯底夠濃厚湯底，但絕不油膩。-白鱔片（$98）新鮮白鱔片，分量十足，鮮味無窮，是火鍋的最佳配料之一。-安格斯牛頸脊（$218）肉味濃郁，也是這裏必點之選。-即炸響鈴（$48）新鮮趣卜卜的響鈴，放進湯底2至3秒，吸收了湯的精華，簡直完美。-最近是餐廳的開業周年紀念，推出了多種優惠。尤其是七折優惠特別吸引，生日的壽星更有大優惠。在旺區竟然有一家優質和抵吃的火鍋店，下次必定會再來試一下。

在香港的火鍋店，很多都配料高質，但是用心製作湯底的不是太多家。這一次熊貓想為大家推薦一間不但配料美味的火鍋店，而且湯頭非常高質。這間位於太子的火鍋店，主打中日火鍋，他的用心製作火鍋湯底實在令人推薦。這次一行三人，點了這裏著名的花膠魚翅雞湯底，令人喜出望外的，是火鍋湯底竟然有原隻雞。首先湯底非常濃厚，用上非常高級的材料，包括花膠、金華火腿等等。火鍋湯頭絕不油膩，而且更想飲多幾啖湯底。火鍋配料方面，也令人喜出望外。喜歡吃牛肉的朋友，絕對不能錯過安格斯牛肩，肉味非常濃郁，配上用心製作的湯頭簡直正。令一款特別推薦的配料是，老友鬼鬼。油炸鬼上，加上鮮蝦，放在湯裏浸幾秒，非常好吃。而且這個菜式並不是每家火鍋店都有。環境方面，火鍋店非常舒適，每台之間都保持適當的距離，而且環境非常整潔。建議各位來之前預先訂位，就算平日也經常滿座。另外非常值得一提，適逢餐廳周年紀念，餐廳現正進行各款大優惠。最抵食當然是全天候七折優惠。用這個價錢，吃得到那麼高質的食物，當然要推薦大家啦！

來到太子，要推介一間樓上食肆火鍋店，位於花園街的一間樓上火鍋(火薈中日火煱)。位處於旺區帶靜的地方，舒適寬敞清靜，適合一邊火鍋一邊傾談商務或朋友聚腳的地方。先來一個養眼的刺身拼盤，不只好看，各樣的刺身都很鮮味。我們都想吃清淡一點，選了海南椰子雞鍋。意想不到湯底有新鮮椰子，很天然的味道，不像坊間火鍋湯底偏向味精先沖定的湯底。湯底要滾滾，還有雞在內，滾出味道來，很清甜而且飲了都不會易口乾。火鍋店選用之食材新鮮高檔，師傅又切削刀工幼細。食料放入火煱中很快熟透，且薄片大塊之鹿兒島黑毛豬，每片足夠一口份量，肉質鮮嫩，好吃！特别想介紹的更有手打黑松露鮮蝦丸和花膠，魚唇，魚肚之養顏三寶值得推介。香濃的黑松露味與鮮蝦很合配，口味可口。養顏三寶則是火鍋最愛，吸了湯底更好吃。而手打墨魚丸及手打鮮蝦丸之雙拼滑，爽口彈牙滋味無窮。也點了什菇籃，不用煩惱選哪種菇了，點這個籃每樣都有得吃。

11月好多人生日呀，要成班friend圍埋食一餐先開心🥳 今次朋友揀左火薈幫我慶祝生日，真係暖在心頭喇🥰🦐刺生拼盆(松)🦐首先黎個刺生拼盆，賣相相當吸引，有甜蝦、帶子、北寄貝等等，食落好新鮮，帶子鮮甜味十足👍🏻🥥海南椰子雞鍋🥥湯底係用新鮮椰子水、新鮮椰子肉、粟米、蘿蔔、 紅棗、杞子，加入半隻鮮雞，煮出黎嘅湯底好清甜，雞肉都好嫩滑。🌶火鍋調味盆🌶開餐前當然要整一碟醬料，調味盆有辣椒、蒜蓉、炸蒜、蔥、辣椒油、麻醬，啱晒愛混醬嘅一族😋🥩火薈牛肉塔🥩雖然慶祝生日，但係無訂到牛肉蛋糕🙈 即場都叫左個牛肉塔，成3層咁高，每層都鋪了滿滿的牛肉。有安格斯牛肉、牛柳粒、牛舌、牛𦟌、牛胸爽，放進椰子雞湯底烚一烚，牛肉變得更清甜。🍢招牌手打四寶丸+蟹子墨魚滑🦑手打四寶丸，有墨丸、牛丸、蝦丸、豬肉丸，另叫了墨魚滑，爽口彈牙，真材實料💯🥦新鮮雜菜籃🥦菜嘅新鮮程度和賣相不用多說，放進椰子雞湯烚，真的吃個不停，菜的鮮甜程度進一步提升。熬過咁多鮮雞、牛肉、蔬菜嘅湯底，真係好想一啖啖飲落肚，椰子肉我都食左幾舊，可以想像到呢個椰子湯底有幾正🤤朋友們仲叫左兩枝啤酒，不過我有啲唔舒服，都係乖乖飲暖水算了☺️原來依家慶祝開業三

近排天氣轉凍，好友聚會揀咗打邊爐， 可以一邊食一邊傾計不限時！朋人訂左呢間火鍋，有埋日式刺身食和做緊三周年慶典，埋單有七折。這店係太子地鐵站附近，交通方便。鋪門面裝潢高級搶眼，一樓樓上舖， 地方寧靜寬敞，裝修以黑色為主頗有型格！店員十分友善，安排我哋坐落地窗口位和推介 招牌 海南椰子雞煲！刺身拼盤(松)刺身有 象拔蚌、甜蝦、帶子、赤貝、蟹子魷魚。象拔蚌爽口有質感，甜蝦清甜有鮮味，帶子肉質嫩滑，蟹子混合魷魚切條 ，彈牙入口卜卜脆！海南椰子雞煲用原隻新鮮椰子汁和椰肉做湯底，絕無添加，味道清新非常潤喉，做湯底打邊爐不會上火 ，新鮮雞肉質嫩滑有雞味！牛肉塔用high tea層架放上牛肉粒，牛舌，安格斯牛肉，牛胸爽，牛𦟌，賣相非常吸引！ 各款牛肉部位，牛展、牛舌牛味濃郁。牛胸爽，油脂豐富爽口。安格斯牛肉、肉粒嫩滑多汁！手打四寶丸、蝦滑有豬、牛、魚、墨魚丸，真材實料份量十足。 肉類充實有質感，肉質豐富。魚丸、墨魚丸和蝦滑，材料新鮮，彈牙爽口！即炸響鈴即炸熱辣辣上枱，香脆可口，非常惹味吸引，可以選擇即食或用作打邊爐！但不消半刻，已給我們當餐前小吃，搶食光光！朝日啤酒好友難得聚會，梗係要啤一啤！這裏環

太子一帶都很多食肆，多選擇得選擇困難，家人提議打邊爐，在附近看到這間中日火鍋，要行上一樓入座的。上到一樓發現原來有很大空間，而且店鋪裝修別緻，座位也很舒適。一坐低，先給我們醬料吧加添打邊爐之外也想吃點刺身 點了一個刺身拼盤(松)很豐富，裡面有北寄貝、帶子、甜蝦、魷魚配蟹子等等一條條的魷魚切條配上蟹子口感很有趣 甜蝦鮮甜肉質彈牙全部刺身都很新鮮 很好！打邊爐選湯底，我們選了海南椰子雞鍋原來是配上材料滾的湯底，立即覺得很滋潤湯底特別清甜，忍不住狂飲湯鬼馬雙星看名字不會知道是什麼 其實是油炸鬼配蝦滑十分有趣的組合 意外地 吃起來口感又不錯 有趣！珍珠蚌很爽甜的珍珠蚌 加上椰子雞鍋湯底 更甚清甜爽口鹿兒島黑毛豬看到黑毛豬粉嫩的肉身都覺得新鮮 吃起來也是肉質鮮嫩肥瘦適中因為喜歡飲海南椰子雞鍋，特意再叫粉絲 粉絲吸了湯底一起吃 更加滋味很滿意這裡地方寬敞，坐得很舒服，打邊爐食物很多，有架放食物的車在旁，也不會覺得擠逼。加上食物質素好，會推介給朋友來試試。