影片
更多
2021-09-11
852 瀏覽
尋日食完今日忍唔住出post因為真係有幾樣野都幾伏😂首先講咗好味嘅地方成餐飯最好食就係咕嚕肉，呢個都係佢哋馳名小菜，係幾好食，果皮夠脆，唔會厚粉，酸甜味適中，仲有新鮮菠蘿仲有預訂嘅江南脆皮百花雞，呢味餸好考功夫，雞皮入邊樣住咗蝦滑，再炸，呢味餸係我哋食完其他餸最後出現，差啲唔記得佢，跟住我哋都話好彩有呢個叫做OK，不過想講佢有個汁俾我哋點嘅，但係個汁冇味㗎，其實唔使點，唔使整呢個汁，就咁食OK😂我哋叫咗嘅餸係：1) 咕嚕肉 2）懷舊江南百花脆皮雞3）雞油花雕蛋白蒸花蟹跟陳村粉4）澧味生炸皇子鴿 5）頭抽煎大虎蝦 6）花膠扒 7）鮑汁扣原條關西遼參8）姬松茸南非鮑魚花膠燉烏雞 - 9）小食：炸豆腐，墨魚仔，冰鎮黃金球配話梅首先要講吓雞油花雕蛋白蒸花蟹跟陳村粉，完全冇味，一啲花雕味同埋雞油味都冇，好失望，要加啲醋食先得，當佢賽螃蟹咁囉，好彩隻蟹都叫新鮮，陳村粉要加醋先有味⋯⋯🥶🙈 個經理入嚟問我地啲嘢食點，我哋直接話真係冇味，佢講咗一大堆唔知咩嘅理由，又話來貨貴又剩，咁我哋話關冇味咩事？😂😂佢話陳年花雕冇攞出嚟😅 又話其實好耐冇做呢味菜，知道冇人哋做得咁好，我心諗其實既然做唔好你應該取消
因為真係有幾樣野都幾伏😂
首先講咗好味嘅地方
成餐飯最好食就係咕嚕肉，呢個都係佢哋馳名小菜，係幾好食，果皮夠脆，唔會厚粉，酸甜味適中，仲有新鮮菠蘿
仲有預訂嘅江南脆皮百花雞，呢味餸好考功夫，雞皮入邊樣住咗蝦滑，再炸，呢味餸係我哋食完其他餸最後出現，差啲唔記得佢，跟住我哋都話好彩有呢個叫做OK，不過想講佢有個汁俾我哋點嘅，但係個汁冇味㗎，其實唔使點，唔使整呢個汁，就咁食OK😂
我哋叫咗嘅餸係：
1) 咕嚕肉
2）懷舊江南百花脆皮雞
3）雞油花雕蛋白蒸花蟹跟陳村粉
4）澧味生炸皇子鴿
5）頭抽煎大虎蝦
6）花膠扒
7）鮑汁扣原條關西遼參
8）姬松茸南非鮑魚花膠燉烏雞 -
9）小食：炸豆腐，墨魚仔，冰鎮黃金球配話梅
首先要講吓雞油花雕蛋白蒸花蟹跟陳村粉，完全冇味，一啲花雕味同埋雞油味都冇，好失望，要加啲醋食先得，當佢賽螃蟹咁囉，好彩隻蟹都叫新鮮，陳村粉要加醋先有味⋯⋯🥶🙈 個經理入嚟問我地啲嘢食點，我哋直接話真係冇味，佢講咗一大堆唔知咩嘅理由，又話來貨貴又剩，咁我哋話關冇味咩事？😂😂佢話陳年花雕冇攞出嚟😅 又話其實好耐冇做呢味菜，知道冇人哋做得咁好，我心諗其實既然做唔好你應該取消咗呢味菜唔好喺餐牌出現。😂
頭抽煎大虎蝦 係好大隻，不過都係冇乜味囉，同埋啲蝦肉唔覺得好新鮮冇好彈牙.. 花膠扒 都夠林，但係我自己都係覺得冇乜味，個汁好淡，
跟住乳鴿就好鹹，不過都算可以接受。朋友話燉湯好飲，我本身就唔係特別鍾意飲湯所以唔識評價，不過都好夠味嘅。
最經典嘅就係雷沙湯丸，諗住叫個甜品沖喜一番，點知出現咗人生最難食嘅雷沙湯丸，一出場個樣已經嚇親，其實似普通湯圓碌咗落啲生粉度，一食落口成口粉，好dry, dry 過你阿嫲，好似食完水泡餅咁要飲水，粉仲要好苦，入邊個餡都係好乾，唔係平時嗰啲好滑同流心嘅效果⋯⋯衰過普通茶樓🥶🥶
其實我都好少比負評，真心唔算腌尖，但係今餐真係幾失望…本身唔係好熱愛中餐，都係大班人先會揀，咁啱早排食完神燈同埋鯉魚門，覺得好食好多，更加有對比。
同埋OpenRice見到佢全好評，一個普通同埋喊都冇，好驚人。我諗如果比我評我會係考慮緊係普通定係劣評😂不過佢哋服務算係幾好，見你生日又幫你熄晒燈攞蛋糕出嚟搞吓氣氛😂 員工都有禮貌。經理有問過我哋幾次覺得啲嘢食點啱唔啱食，佢見我哋面有難色，就話唔使夾硬嚟，唔啱食可以講，我就直接同佢講其實雷沙湯丸你不如直接取消咗佢啦，唔好再整啦😂
Overall, 老實講佢唔係話真係超難食，但大部份嘢都普普通通，唔算特別，不過叫做有間房（$5000最低消費），銅鑼灣地段方便，免收開瓶費（不過要比現金先得喎），呢啲原因，所以如果人多都可以揀佢咁解。
如果真係要去，就唔好食嗰隻蟹同埋雷沙湯丸。建議預訂江南百花雞，再加咕嚕肉同埋啲小菜，可能就穩陣啲。
人均消費 $700 （共9人）
Rating: 2/5
冰鎮黃金球配話梅
40 瀏覽
0 讚好
0 留言
雞油花雕蛋白蒸花蟹跟陳村粉
$1300
54 瀏覽
0 讚好
0 留言
頭抽煎大虎蝦
34 瀏覽
0 讚好
0 留言
咕嚕肉
$200
43 瀏覽
0 讚好
0 留言
花膠扒
$700
31 瀏覽
0 讚好
0 留言
乳鴿
35 瀏覽
0 讚好
0 留言
江南百花雞
$568
42 瀏覽
1 讚好
0 留言
雷沙湯丸
34 瀏覽
0 讚好
0 留言
32 瀏覽
0 讚好
0 留言
張貼
