灃味館

營業中

休息中

成日聽人講 灃味館 幾正幾正，終於有機會試下，結論係： 真係正嘅～！！ 先講下啲員工，個個都係好好禮貌有講有笑，絕對係令用餐經驗有加分。 食物方面，溏心皮蛋伴陳醋舟山海蜇頭：爽口嘅海蜇頭 配 黃金皮蛋，作為前菜呢個無得輸，醋味亦無搶晒其他野嘅味。濃湯雞煲翅： 呢個不得了，一大煲翅，濃厚雞湯，入面嘅雞肉都仲係滑嘅～新鮮菠蘿拔絲咕嚕肉：呢個係食過最好嘅咕嚕肉之一，肉實淨，炸得好，少少拔絲，啲糖慢慢就變得硬左脆左，高質！雞油花雕蛋白蒸蟶子配陳村粉： 呢個大癲，鮮味油香酒香口感所有野係配合得好好，直頭係叫白飯撈落去喇。大海蝦鍋巴： 呢個係我全晚唯一無咁鍾意，啲汁搞到啲鍋巴好癡口，蝦好食但汁有色蝦有殼食嘅時候都要份外小心。花膠扒配粗麵：呢個又係大癲，又係被秒殺之後再叫飯落去撈埋個汁。脆皮蔥油雞： 直接將 蔥油 淋喺雞面，雖然有少少影響到脆皮，但係雞就滑左同香左好多薑蔥肉蟹煲煎腸粉底：呢個又係相機食先喇，腸粉係重點，好好食。全哥炒飯： 有蝦有菜有鑊氣炒飯~ 為成餐飯劃上完美句號。

真係估唔到呢間咁舊嘅大廈有間非常有驚喜的小店裝修企理價錢超值服務態度好叫咗個花膠配生麵啲麵仲要飛咗鹼水非常好食😋咕嚕肉做得出色肥瘦比例恰當另外一個菜式要讚就係個魚翅好大兜，足料👍性價比高

同朋友見到有人介紹呢一間中菜好食所以就找來試一試結果冇失望！首先個鮮菠蘿拔絲脆皮咕嚕肉 我真係覺得好好食 佢同我哋平時食開嘅咕嚕肉唔同 我唔記得咗佢用咗咩部位係完全冇骨 食落口啖啖肉 仲要個肉質係好彈牙 而佢嘅外脆係拔絲好似食緊冰糖葫蘆咁樣連我同行唔係好鍾意甜嘅朋友佢都覺得呢個好食黑松露金磚豆腐外皮脆脆的 豆腐好滑👍🏻三黃雞濃湯雞翅好足料 雞湯好濃郁👍🏻聖子陳村粉蒸滑蛋呢個又做得好好味 最底層係蒸滑蛋中間嗰層有一片陳村粉 聖子好鮮甜品個人就覺得冇乜特別因為呢度係私房菜形式所以係需要訂位 我又係好好彩即日訂位竟然比我訂到另外入邊有啲菜式係需要預留的例如豬油撈飯（嗰日見到好想食但係冇預留）仲有呢度嘅服務態度又真係好好雖然呢一間我覺得相對來講可能貴少少但係好值得試一試

📍灃味館A local restaurant that its people is more important than its food. All the servers were superb. Putting their age aside, they were all attentive, hard working, welcoming and provide just the right amount of service. Good job to the boss for keeping all the staff despite the pandemics. As for food, it’s fair at it’s given price point. The shark fin chicken soup is recommended. Generous portion given its price.The sweet and sour pork, I can see why comments are quite opposite. It was very cru

喺追月夜晚約咗屋企人食飯同長輩食廣東菜實唔會有問題聽過朋友介紹呢間粵菜菜式有特色所以特登book嚟試吓餐廳樓面唔算大大概有六七張大枱另外佢仲有包廂侍應全部都好主動幫手全晚都有換幾次碟脆魚皮好大塊打卡幾特別但味道同普通魚皮差唔多金磚豆腐做到外脆入面嫩滑仲有淡淡松露香值得推介人蔘杞子燉雞湯飲落好重人蔘味好足料唔錯個咕嚕肉真係冇得頂香脆嘅外殼包住軟淋嘅梅頭肉咬落去果下真係好享受同埋佢個咕嚕汁冇好酸值得一讚海虎蝦蒸糯米飯呢個就冇乜特別啲蝦冇乜味同埋啲肉可以再實啲百花脆皮雞其中一個必點嘅美食芝麻味好香雞皮好香脆蝦膠好有咬口索埋啲雞油真係冇得頂呢個手工菜真係唔係度度有得食正正常常嘅一碟浸菜豉油王蝦子炒麵味道上都係冇乜特別同驚喜不過就要讚讚佢吵得好乾身完全唔覺油膩每條麵都分開最尾送個甜品芋頭西米露買個靚尾總括嚟講 啲嘢食都真係唔錯尤其是係食得出有心機準備可以再戰

灃味館呢款金沙大刀脆魚皮勁正，巨型既勁香脆魚皮鋪滿鮮香嘅鹹蛋黃，味道香濃得嚟又唔會太鹹。而且店員比你影完相後仲會貼心問使唔使剪細塊上碟，方便食用💯貼心加分湯品滋潤鮮甜啱晒秋冬嘅天氣💕 炒蝦仁爽口，上湯時蔬正正常常，仲請埋我哋食甜品添整體食材新鮮味道都唔錯，茶有得揀人參烏龍（埋單先知唔使另外加錢），價錢又唔貴。坐得舒服環境舒適又唔噪，銅鑼灣少有既好選擇聽講咕嚕肉都好有水準，下次嚟要再試吓唔同嘅餸，唔知點解午市完全無人，無啦啦有包場服務😂

上星期一行三人去食晚飯，訂枱時已講明要預交$500訂金，之前看過很多食評有很高評價所以也極想試吓。地方很細只有三張8人檯及3張3-4人枱，6張枱有5枱坐滿，樓底也很低所以很嘈吵，十分不舒服！至於食物 ：1. 叫咗三碗濃湯雞煲翅 - 很濃雞湯味，不錯2. 拔絲咕嚕肉- 不脆，咬開看不到肉，唔知食緊乜，菠蘿好像放咗很耐，有些發黑，唔敢食3. 生炸皇子鴿 - 似是返炸，有些乾，不juicy4. 蟹肉粉絲煲 - 大量粉絲，少量蟹肉兼淡而無味5. 啫啫唐生菜 - 叫做ok總之一定唔會再去！

銅鑼灣值得一試嘅小菜館👍🏼而且可以open rice訂位超方便😂👍🏼個咕嚕肉係必食，好脆🥰可能係全港頭幾名🤣仲有花膠扒同雞煲翅都好正😄茶燻乳鴿好香好juicy，但原隻食比較麻煩😂仲有個脆米湯都好食，不過最好多人食，可以食多啲野又翅又花膠埋單都唔洗$1000 塊花膠仲要好巨型😂

最近食過最鍾意既中菜 ☺️ 全部野都勁好食～環境相對樸素 不過真係cp值超高！👍🏻 川味花甲王👍🏻 冰鎮話梅車厘茄👍🏻 金沙大刀魚皮成條魚既魚皮 超級大塊呀 打卡一流！👍🏻 濃湯雞煲翅👍🏻 上湯焗龍蝦係配香煎脆米粉底 而唔係伊麵 冇咁滯👍🏻 鮑汁扣原件十頭花膠扒👍🏻 新鮮菠蘿拔絲咕嚕肉👍🏻 煙燻皇子鴿👍🏻 鴛鴦米配北海道新鮮帶子灃味館 Fung Mei Gwun銅鑼灣駱克道491-499號京都廣場7樓

估唔到又蟹又花膠又翅(piggy支持無翅，但壽星安排嘅菜單🙃係壽星book枱同寫菜單🤣🤣🤣)仲要銅鑼灣地段，每人六百幾真係幾抵，仲有手工菜，好似脆皮百花雞😋同超大磈打咭魚皮，piggy最鍾意係個菠蘿咕嚕肉，同蟹煲底嘅煎腸粉🤪🤪

幫朋友慶祝生日，事前已經寫好咗菜單俾餐廳我地自己一間房，唔驚嘈到人🤣🤣川味花甲 花甲好鮮甜，個汁好醒神，類似口水雞嗰隻，不過都有啲辣大刀魚皮個魚皮真係超大，炸到好蘇脆👍🏻濃湯雞煲翅個湯好足料，好濃郁夠味😋😋咕嚕肉個咕嚕肉好驚喜，啲肉細細粒，但係炸得好脆，個汁又調教得好，菠蘿好甜 😋鮑汁扣花膠配鵝掌 粗面花膠超大塊，好淋好入味，個麵撈埋個汁一齊食超正欖角豆豉蒸東星斑球 個斑球好滑，啖啖肉 👍🏻薑蔥肉蟹煲 煎腸粉底 呢個蟹好得，辣辣地，肉又夠多，同埋個腸粉煎到好脆，索埋啲汁，不得了，大推👍🏻👍🏻荷香客家梅菜蒸菜心江南脆皮百花雞用雞皮包住啲蝦滑，煎到卜卜脆😋👍🏻呢間餐廳的菜真心好食，上菜速度啱啱好，又會成日同你換碟，服務唔錯一大玩人食飯啱晒

The restaurant receptionist said he couldn’t find the company that booked the table. I don’t know the booking name or phone number. He refused to let me in or help me find which room / table, so I had to leave. AND the company representatives were seating inside the room the whole time.

今日與屋企人相約在銅鑼灣午餐一坐下Staff 有為我地開茶比我哋慢慢坐松露金磚豆腐炸得外脆內軟 松露味不算濃Staff推介鮮菠蘿拔絲脆皮咕嚕肉很難忘咕嚕肉外脆內軟，炸漿不會太厚，咕嚕汁微酸不嗆喉，令人一件接一件停不了口懷舊江南百花脆皮雞 呢道菜而家啲菜館都好少有，皮脆帶芝麻夠哂香口，而且蝦膠也彈牙上湯浸娃娃菜 湯頭鮮甜濃郁 娃娃菜索哂啲湯好正！蝦子蔥燒伊麵 伊麵不會炒到糊狀 亦不會食到一口油 蝦子味較淡臨尾店員送上焦糖燉蛋配菠蘿粒桃膠燉蛋香滑蛋味濃 菠蘿酸酸甜甜為呢餐劃上完滿句號今天中午客人不算很多，能在鬧市中靜靜地食同傾計很舒服 店員服務也很nice期待下一次帶家人黎食花膠扒😋

友人推介，第一次去這中餐館食飯加飲幾杯。先叫魚皮送酒，味道不錯。咕嚕肉，外脆，汁醬味道剛好不會過濃過酸，還有新鮮菠蘿伴碟，讚。 花膠扒，性價比高。煙燻乳鴿有驚喜，皮脆肉嫩，沒有任何羶味。脆皮牛腩直頭有酒店中菜廳水準，牛腩熟靚位，牛味濃。脆米帶子，脆米吸了帶子鮮味，帶子亦煮得較好，鮮甜多汁。員工友善，效率高。總括而言，廚師出品有誠意，鋪面員工投入工作，如此價錢，性價比高。除了坐得迫了少少外，無可挑釁。

一早已預訂8點餐枱，7:50 到場可先入座，入座後經理再確認原先已預訂的餐單，服務感覺不錯，但之後 。。。要求上菜後，15分鐘開始有第一樣菜餚：百花脆皮雞，即係芝麻雞皮蝦餅，蝦餅彈牙，但蝦膠分佈並不平均，有些1.5cm厚身，有些只有5mm，師傅手功略嫌求其，而且汁醬淡如水，什麼味道也沒有，可有可無，失敗 。。第二樣：濃湯雞煲翅，聞到香濃雞湯，還可。第三樣：頭抽煎大虎蝦，唯一滿意之作，大蝦新鮮。之後等了30分鐘，什麼食物也沒有。整家餐廳只有6枱客人，職員有6人，一對一的服務比例正常，效率應該相當高，但職員除了不停換碟外，不會跟單，亦不會催單，還錯漏百出，不屬於我枱的食物送上枱，人家比我們遲點的東西，還可更早享受。距離關門時間只余30分鐘還欠3樣菜餚。不停空著肚子呆等，迫於無奈叫其他小食。金沙炸大魚皮，全為呃 Like 已設。之後20分鐘，才連上3個餸：～ 燒乳鴿：正常，唔鞋，但係我叫左成粒鐘都無，對面枱遲我半粒鐘都食緊囉！多謝晒 ～ 香煎米粉配海中寶，直情係搵笨之作，米粉無味都估到，個汁又水，又無料。～ 牡丹蝦汁脆米伴北海道帶子，原本應該係有汁淋上帶子面同埋汁撈到下面啲飯，但結果上枱完全