灃味館

營業中

休息中

剛過的復活節，除了掃墓，最重要是要赴一個相約良久的聚會！老早決定於家中 BBQ，可惜天氣不如人意，於是選了「灃味館」晚膳。其實「灃味館」一直放在我的 Wish List 裡，竟藉天公作「美」地搞定了，嘻嘻！溫馨提示一：必須盡早訂位、支付訂金及預定菜式。溫馨提示二：以現金或現金形式方法支付，全晚免開瓶費。我們當晚的菜式由相熟的友人發辦，我們不用傷腦筋，坐定定等吃就是了，Let's Cheers！如溫馨提示二，我們幾個好酒之徒，當然不會錯過免開瓶的機會，第一支是友人從日本帶回來的清酒，剛好與第一道的溏心皮蛋伴陳醋舟山海蜇頭 HK$188 配搭得天衣無縫！青瓜多汁、爽脆入味。拌入醇厚陳醋與芝麻的舟山海蜇頭，滋味與口感同是美妙，令人相當滿意的青瓜與海蜇頭 ！唯獨皮蛋的溏心有點失準，只差一點便滿分，可惜！第二道是鮮菠蘿拔絲脆皮咕嚕肉 HK$158，帶著焦痕的新鮮菠蘿，表現出絕對的誠意！據聞「灃味館」選用第一刀製作咕嚕肉 ，怪不得肉質爽口、滿滿回彈力，非常的討好。相比下，醬汁則稍為平淡，個性未算突出！手工菜的懷舊江南百花脆皮雞 HK$298 (半隻)，香氣奪人！百花雞排列整齊，入口隨即感受到火喉的

星期六，酒友安排飯聚，先到CC super 清酒節，人少少試完之後吃晚飯，鄰近地鐵站，方便就腳⋯⋯食店位於銅鑼灣落克道樓上鋪，朋友帶路才知這食店。餐牌第一頁大㕑介紹⋯⋯椒鹽魷魚酥$68~今晚主要是與好友作清酒配對，所以主食多數配下酒小吃為主。先嚟椒鹽魷魚酥，粉漿薄，炸得香脆。金沙地三寶(南瓜、番薯或芋頭)$88~全碟都是番薯，細看餐牌才知原來三寶是三種其中一種，哈！喜歡金沙的朋友會喜歡。糖醋脆魚皮$88~筆者認為，這個比金沙魚皮更吸引，醋香酸甜，減低魚皮油膩感，乾辣椒帶出陣陣香味，惹味吸引，下酒小吃推介。糖心皮蛋伴陳醋舟山海蜇頭$188~另一個醋香下酒小吃，海蜇頭相當爽脆配上皮蛋、青瓜，令筆者一件又一件的吃下。菠蘿拔絲咕嚕肉$158~打開餐牌，這個招牌菜的相片很吸引，怎能抗拒那相片的魅力。當端上桌時，真身和餐牌上的照片分別不大，同樣可愛，盛著咕嚕肉的石塊很精美，一啖咬住那咕嚕肉，就像嬰孩的Baby Fat 感覺，肥嘟嘟，啖啖肉。葱油炸子雞$298/半隻~炸子雞炸得甘香，皮脆肉嫩，最吸引筆者的，反而是碟底下的欖菜橄欖油，欖角嘅香氣配合清新的橄欖油，陣陣幽香，混入葱花及炸子雞一起進食，層次

多謝朋友設局, 提早寫好菜單, 準時出現帶酒就可以食到酒友們極推薦嘅灃味館 溏心皮蛋伴陳醋舟山海蜇頭 - 清新少少酸醒神又開胃濃湯雞煲翅 - 雖然呢家講環保少咗好多食翅, 廣東人都喜歡飲碗熱騰騰湯先食飯, 仲要係咁出色, 破例食吓翅新鮮菠蘿拔絲咕嚕肉 - 有姿勢有實際, 醬汁比例剛好, 肉炸到酥脆內裡juicy, 如果肉丁大小再大D完美雞油花雕蛋白蒸蟶子配陳村粉 - 超級好食, 陳村粉索哂鮮味油香酒香, 蟶子都新鮮爽口大海蝦鍋巴 - 醬汁惹味但帶唔到去蝦肉, 鍋巴都因為醬汁而糊咗, 可能大蝦先去殼, 鍋巴分上會更好花膠扒配粗麵 - 全場焦點, 花膠汁相當出色, 帶得出花膠鮮味, 大家都好期待店員快D分完起筷, 淨低少少汁都用埋嚟撈飯, 可想而之幾受歡迎脆皮蔥油雞 - 蔥油味道唔夠突出, 但雞肉係鮮嫩薑蔥肉蟹煲煎腸粉底 - 肉蟹味道中規中矩, 但係底嘅腸粉係大癲, 索哂薑蔥香味同肉蟹鮮味, 加上煎過更香口鮮百合雞湯浸菜苗 全哥炒飯 - 炒得非常有鑊氣, 粒粒分明好味最無記憶點同失望係呢個甜品

上星期朋友話請我地食飯，諗咗好耐都唔知食咩好，揾吓揾吓，不如食私房菜啦。搵咗好幾間決定嚟呢度！一去到飯店服務員都好熱情招待我哋入嚟，服務態度非常好總會主動幫我哋拎凳擺袋亦都會為我地介紹有啲乜嘢招牌菜好食，點完才等多陣就上菜啦！呢個鹹蛋魚皮非常好食脆卜卜係前菜一流之選另外一定要特別推介呢個脆皮菠蘿咕嚕肉，啲咕嚕肉個皮真係脆㗎啱啱炸起，一定要趁熱食，皮同肉分離，咬落去好有層次感，酸微微好開胃另外呢個客家龍仔蒸芥蘭我都好推薦，食咗咁多炸嘢食返啲菜就中和返仲有淡淡的荷葉味，真係唔錯👍🏼如果下次唔知食咩我都會推介朋友嚟呢間食因為仲有好多其他想食嘅嘢冇叫到

朋友推介的「灃味館」，食物有水準，而首先上場的 大刀金沙脆魚皮，更是謀殺了不少菲林，魚皮咬落酥脆可口，黏上的少量金沙，真是邪惡到極點。😋雞煲翅湯底呈奶黃色，大廚經過繁複工序，熬製多個小時而成，難怪鮮香味足；骨膠原豐富，吃後滿嘴也是黏黏的，據說有加強肌膚彈性及保濕等效果，真係滋潤又美機。蟶子皇雞油花雕蒸陳村粉，以嫩滑的蛋白墊底，蟶子肉厚鮮爽；陳村粉軟糯順滑，可惜份量太少又碎濕濕，有點不是味兒。侍應招呼周到，更是話頭醒尾，抵讚！清酒達人負責Sake，當然100個放心；當晚預備了5款不同風格的清酒，由淡到濃。這支「勝山 伝」是自己最鍾意的，精米步合達35 %，像果實般的香氣，口感鮮明且濃醇，配襯今晚的食物，有相得益彰之感。其它食物也很不錯，值得一試！#黑松露蛋白炒帶子 #大刀金沙脆魚皮 #蔥油白灼墨魚仔 #招牌濃湯雞煲翅 #鮑汁扣十二頭花膠扒公一件跟麵底#灃味館南非鮑小炒王 #招牌拔絲咕嚕肉 #煙燻脆皮茶燻雞#蟶子皇雞油花雕蒸陳村粉#薑汁雞油炒豆胚#銓哥炒飯#灃味館地址: 銅鑼灣駱克道491-499號京都廣場7樓電話: 37053892

最近食咗一餐非常唔錯嘅功夫廣東菜🤗由食物嘅質素、食材嘅配搭、烹煮嘅功架、擺盆、上菜嘅安排，到店員嘅服務態度，都令我印象深刻，席上每個賓客都讚好，個個食得開心愉快，呢度絶對係一間值得推介嘅餐廳，有朋友仲已經再訂咗下一餐😋唔係廣告，自費㗎😚我哋12個人，食咗以下呢個菜單:糖心皮蛋半舟山海蜇頭鹹香黃花魚金沙脆魚皮👍🏻 - 酥香脆薄，每一片脆卜卜嘅魚皮都沾滿咗鹹蛋黃，但係一啲都唔油膩黃金魚湯脆米海東星班👍🏻 -全晚其中一個重頭戲，店員俾5秒你影完相，就會喺你面前倒啲熱辣辣嘅魚湯落去啲脆米上面，碟餸咋咋聲出晒煙，影相影video都好有睇頭。味道方面，魚湯相當濃郁，淡淡都充滿鮮味，生猛同大大條嘅東星斑，肉質爽滑鮮甜，油脂部分充滿膠質，配埋脆卜卜嘅脆米，味道好有層次，食唔停口新鮮菠蘿拔絲咕嚕肉👍🏻 - 醬汁酸甜味恰到好處，晶瑩薄脆嘅脆漿包住肉質鮮嫩嘅新鮮豬肉，加埋新鮮菠蘿一齊食，一個字：正鮑汁扣原件花膠扒配粗麵👍🏻 - 大大件花膠發得啱啱好，口感綿滑但有咬口，粗麵彈牙冇鹼水味雞油花雕蛋白蒸蟶子王伴陳村粉👍🏻 - 隻隻蟶子好似筷子咁長，蒸煮嘅時間啱啱好，肉質又鮮又嫩，蛋白同陳村粉吸收晒蟶子嘅精華，配埋

成日聽人講 灃味館 幾正幾正，終於有機會試下，結論係： 真係正嘅～！！ 先講下啲員工，個個都係好好禮貌有講有笑，絕對係令用餐經驗有加分。 食物方面，溏心皮蛋伴陳醋舟山海蜇頭：爽口嘅海蜇頭 配 黃金皮蛋，作為前菜呢個無得輸，醋味亦無搶晒其他野嘅味。濃湯雞煲翅： 呢個不得了，一大煲翅，濃厚雞湯，入面嘅雞肉都仲係滑嘅～新鮮菠蘿拔絲咕嚕肉：呢個係食過最好嘅咕嚕肉之一，肉實淨，炸得好，少少拔絲，啲糖慢慢就變得硬左脆左，高質！雞油花雕蛋白蒸蟶子配陳村粉： 呢個大癲，鮮味油香酒香口感所有野係配合得好好，直頭係叫白飯撈落去喇。大海蝦鍋巴： 呢個係我全晚唯一無咁鍾意，啲汁搞到啲鍋巴好癡口，蝦好食但汁有色蝦有殼食嘅時候都要份外小心。花膠扒配粗麵：呢個又係大癲，又係被秒殺之後再叫飯落去撈埋個汁。脆皮蔥油雞： 直接將 蔥油 淋喺雞面，雖然有少少影響到脆皮，但係雞就滑左同香左好多薑蔥肉蟹煲煎腸粉底：呢個又係相機食先喇，腸粉係重點，好好食。全哥炒飯： 有蝦有菜有鑊氣炒飯~ 為成餐飯劃上完美句號。

真係估唔到呢間咁舊嘅大廈有間非常有驚喜的小店裝修企理價錢超值服務態度好叫咗個花膠配生麵啲麵仲要飛咗鹼水非常好食😋咕嚕肉做得出色肥瘦比例恰當另外一個菜式要讚就係個魚翅好大兜，足料👍性價比高

同朋友見到有人介紹呢一間中菜好食所以就找來試一試結果冇失望！首先個鮮菠蘿拔絲脆皮咕嚕肉 我真係覺得好好食 佢同我哋平時食開嘅咕嚕肉唔同 我唔記得咗佢用咗咩部位係完全冇骨 食落口啖啖肉 仲要個肉質係好彈牙 而佢嘅外脆係拔絲好似食緊冰糖葫蘆咁樣連我同行唔係好鍾意甜嘅朋友佢都覺得呢個好食黑松露金磚豆腐外皮脆脆的 豆腐好滑👍🏻三黃雞濃湯雞翅好足料 雞湯好濃郁👍🏻聖子陳村粉蒸滑蛋呢個又做得好好味 最底層係蒸滑蛋中間嗰層有一片陳村粉 聖子好鮮甜品個人就覺得冇乜特別因為呢度係私房菜形式所以係需要訂位 我又係好好彩即日訂位竟然比我訂到另外入邊有啲菜式係需要預留的例如豬油撈飯（嗰日見到好想食但係冇預留）仲有呢度嘅服務態度又真係好好雖然呢一間我覺得相對來講可能貴少少但係好值得試一試

📍灃味館A local restaurant that its people is more important than its food. All the servers were superb. Putting their age aside, they were all attentive, hard working, welcoming and provide just the right amount of service. Good job to the boss for keeping all the staff despite the pandemics. As for food, it’s fair at it’s given price point. The shark fin chicken soup is recommended. Generous portion given its price.The sweet and sour pork, I can see why comments are quite opposite. It was very cru

喺追月夜晚約咗屋企人食飯同長輩食廣東菜實唔會有問題聽過朋友介紹呢間粵菜菜式有特色所以特登book嚟試吓餐廳樓面唔算大大概有六七張大枱另外佢仲有包廂侍應全部都好主動幫手全晚都有換幾次碟脆魚皮好大塊打卡幾特別但味道同普通魚皮差唔多金磚豆腐做到外脆入面嫩滑仲有淡淡松露香值得推介人蔘杞子燉雞湯飲落好重人蔘味好足料唔錯個咕嚕肉真係冇得頂香脆嘅外殼包住軟淋嘅梅頭肉咬落去果下真係好享受同埋佢個咕嚕汁冇好酸值得一讚海虎蝦蒸糯米飯呢個就冇乜特別啲蝦冇乜味同埋啲肉可以再實啲百花脆皮雞其中一個必點嘅美食芝麻味好香雞皮好香脆蝦膠好有咬口索埋啲雞油真係冇得頂呢個手工菜真係唔係度度有得食正正常常嘅一碟浸菜豉油王蝦子炒麵味道上都係冇乜特別同驚喜不過就要讚讚佢吵得好乾身完全唔覺油膩每條麵都分開最尾送個甜品芋頭西米露買個靚尾總括嚟講 啲嘢食都真係唔錯尤其是係食得出有心機準備可以再戰

灃味館呢款金沙大刀脆魚皮勁正，巨型既勁香脆魚皮鋪滿鮮香嘅鹹蛋黃，味道香濃得嚟又唔會太鹹。而且店員比你影完相後仲會貼心問使唔使剪細塊上碟，方便食用💯貼心加分湯品滋潤鮮甜啱晒秋冬嘅天氣💕 炒蝦仁爽口，上湯時蔬正正常常，仲請埋我哋食甜品添整體食材新鮮味道都唔錯，茶有得揀人參烏龍（埋單先知唔使另外加錢），價錢又唔貴。坐得舒服環境舒適又唔噪，銅鑼灣少有既好選擇聽講咕嚕肉都好有水準，下次嚟要再試吓唔同嘅餸，唔知點解午市完全無人，無啦啦有包場服務😂

上星期一行三人去食晚飯，訂枱時已講明要預交$500訂金，之前看過很多食評有很高評價所以也極想試吓。地方很細只有三張8人檯及3張3-4人枱，6張枱有5枱坐滿，樓底也很低所以很嘈吵，十分不舒服！至於食物 ：1. 叫咗三碗濃湯雞煲翅 - 很濃雞湯味，不錯2. 拔絲咕嚕肉- 不脆，咬開看不到肉，唔知食緊乜，菠蘿好像放咗很耐，有些發黑，唔敢食3. 生炸皇子鴿 - 似是返炸，有些乾，不juicy4. 蟹肉粉絲煲 - 大量粉絲，少量蟹肉兼淡而無味5. 啫啫唐生菜 - 叫做ok總之一定唔會再去！

銅鑼灣值得一試嘅小菜館👍🏼而且可以open rice訂位超方便😂👍🏼個咕嚕肉係必食，好脆🥰可能係全港頭幾名🤣仲有花膠扒同雞煲翅都好正😄茶燻乳鴿好香好juicy，但原隻食比較麻煩😂仲有個脆米湯都好食，不過最好多人食，可以食多啲野又翅又花膠埋單都唔洗$1000 塊花膠仲要好巨型😂

最近食過最鍾意既中菜 ☺️ 全部野都勁好食～環境相對樸素 不過真係cp值超高！👍🏻 川味花甲王👍🏻 冰鎮話梅車厘茄👍🏻 金沙大刀魚皮成條魚既魚皮 超級大塊呀 打卡一流！👍🏻 濃湯雞煲翅👍🏻 上湯焗龍蝦係配香煎脆米粉底 而唔係伊麵 冇咁滯👍🏻 鮑汁扣原件十頭花膠扒👍🏻 新鮮菠蘿拔絲咕嚕肉👍🏻 煙燻皇子鴿👍🏻 鴛鴦米配北海道新鮮帶子灃味館 Fung Mei Gwun銅鑼灣駱克道491-499號京都廣場7樓