瀛豐放題料理專門店

營業中

休息中

同女朋友好耐都無食過放題，心思思想揾間平靚正既食下擦番餐勁既，咁啱比我地揾到呢間係銅鑼灣既瀛豐～ 佢位置都好方便，喺銅鑼灣C出口附近，一啲都唔難揾👍🏻佢呢個放題係有分午市同晚市既，午市都再有分12-3pm同4-6pm兩個時段~~ 我地見同樣價錢但12-3pm呢個時段可以食到三個鐘我地就揀咗星期六既午市去食，食中午12點到3點呢個時段，可以慢慢食，食得舒服d，唔洗滾水淥腳咁😌 當日係$229一位，另外我地額外加多$148/位食埋佢個升級任食極品海鮮拼盤，海膽帶子同生啤任飲，所以埋單係人均$420到～ 講番d食物，佢頭盤例如沙律，蒜味螺肉，芝麻八爪魚，甜品同埋野飲都係以自助形式自己係岀面攞既，其他任食既野食就係qr code落單，相當方便～佢呢間放題主要係做日式加泰式食物任食，任食既食物款式唔算好多～而我地因為額外加左錢升級食佢個海鮮拼盤同海膽帶子既關係，所以我地一開波就狂點呢兩樣食🤣🤣 佢個海膽帶子的確係幾好食嘅，十分鮮甜，我地都連續每人食左超過十粒😆 另外佢個海鮮拼盤有我同我女朋友都好鍾意食既蟹腳同醬油鮑魚，仲有牡丹蝦同其他魚類刺身，我哋食咗幾盤都覺得刺身好新鮮，鮑魚亦都好入味，幾好食

鐘意食海鮮嘅你必試😆因為+$148就可以試到升級版任食任飲😁😁包括一盤凍海鮮拼盤有；長腳蟹，鮑魚，矜貴嘅魚籽醬，大蝦，象拔蚌，另外海膽帶子都可以任食😍另外刺身拼盤都好昅晴，刺身新鮮肥美，三文魚方面仲係三文魚腩刺身，格外肥美鮮甜😁而家蝦剌身方面都有格外驚喜，有食指咁大隻又爽甜👍各式各樣嘅燒海鮮，壽司，天婦羅都有🫰🏼特別一提係，好少放題會提供海膽軍艦壽司😱😱海膽新鮮鮮甜～餐廳環境都大，大部分係卡位比較闊落坐得舒服！

老公知我鐘意放題特登揀左間•日式🇯🇵X泰式🇹🇭 既放題而家仲有優惠升級任食大閘蟹🦀真係岩曬我心水🥰位於銅鑼灣sogo附近，真係好方便人氣放題。過百款任食日式同泰式美食🍣🍛🍤🍘🥘🥗🍗🍖🥓🧁🍧🧃🥤🔆升級大閘蟹🦀隻隻都爆羔，而且肉質肥美！🔆刺身款式種類多，三文魚、油甘魚、希靈魚、馬刀貝等等⋯仲有珍寶赤蝦，啖啖肉而且鮮甜美味🤤🔆帶子配海膽，兩者配搭鮮味好出，配搭得非常之好！🔆海鮮大併盤，大鮑魚、長腳蟹、熟蝦、翡翠螺、魚子醬等等⋯樣樣鮮味十足，好正👍🏻🔆軍艦同埋手握壽司🍣都有好多選擇，好多款都好出色👍🏻🔆熟食種類仲多，涼伴菜色、天婦羅、芝麻炸雞翼、七味雞軟骨、炭燒豬頸肉、各種串燒等等等等⋯多到數都數唔到！樣樣啲醃料同調味都好好，食到停唔到口😋最後仲有唔小得🔆甜品類有布甸🍮、啫喱、雪糕、雪條等等⋯

我願稱之為我食過最高質嘅海鮮放題！啲海鮮特別特別新鮮，重點係升級之後啲海鮮係任食！任食！任食！而且新出埋大閘蟹放題OMG😱佢啲蟹膏係超級香🤤刺身每一樣都係勁鮮甜。有好多海鮮我都係第一次知道原來可以咁好食！！！魚子醬有種咸香同魚脂味，海膽帶子都係好好食，我其實唔係幾好海膽，平時食過都唔多唔少有啲臭但原來新鮮嘅海膽係香甜嘅🥹🥹我以前食嗰啲乜嘢嚟？！我個人特別鍾意食佢嘅螺肉。仲未講佢放題嘅其他熟食，完全0伏我真係第一次遇到好食嘅放題

新出午市定食食評稿件位於銅鑼灣 瀛豐日本料理最近試咗lunch定食🎉🎉 套餐另外跟飲品同埋湯京蔥拖羅蓉丼$78拖羅新鮮，配日本白米，每啖都好有口感火炙壽司定食 ＄65食材新鮮，魚油豐富，唔使用豉油都好好食另外再叫咗佢哋嘅午市放題$209/位任食3小時😍😍😍 刺身 壽司 海膽手卷 各种熟食任食點單餐牌任選任吃 以及自助區菜品，甜品，雪糕、飲品等•••180款 日韓泰美食、應有盡有、各類刺身新鮮熟食炸既即叫即炸、燒物都燒得得好岩火喉，惹味

銅鑼灣瀛豐放題罕有地午餐可食足三小時，真係可以慢慢涼冷氣慢慢食！第一輪上的魚生質素非常優質！魚生鮮甜，選擇又多，有多款魚生如三文魚、鰹魚、油甘魚、鮮蝦、馬刀貝、希靈魚等等！上枱時擺盆精美；而另一盤是極品海鮮拼，內有大鮑魚、魚子醬、翡翠螺、熟蝦、鍋牛、長腳蟹等等！另外再加了一份鮮帶子海膽，一碟八件，於帶子上加了海膽上，更添鮮味！店中還有不少泰式X 日式嘅小食甜品，熱食方面推介泰式通菜及炒蜆、泰式燒元貝；甜品方面推介芝士年糕和燒菠蘿！出面自助區更有多款蛋糕、甜品、豆腐花、雪糕等。難得一提是，有大閘蟹食！細細隻但有黃！仲要不在季節上也有大閘蟹任食，可解一解相思之苦～另外也想一讚員工，明顯看得出缺人手，但他們態度保持好好，非常有禮貌，也收碟密，願意補濕紙巾、醬汁等。

朋友喺外國返嚟，好想食刺身壽司，所以帶咗佢去食放題！✨極品海鮮拼盤擺盤好靚💕，有三文魚、珍寶赤蝦丶油甘魚丶希靈魚、蟹腳、鮑魚及象拔蚌、海膽帶子！全部刺身好厚身，新鮮肥美！！✨炸物/串燒有炸雞翼、黃金豆腐同埋必叫榴槤波波、炸芝士！喜歡榴槤同芝士的你一定要試吓！牛柳串燒、燒菠蘿🍍，好juicy 好甜呢！✨泰式料理我地叫咗冬陰功同抄通菜! 朋友最愛抄通菜，夠晒鑊氣👍✨自助區前菜冷盤、飲品同甜品、種類都好多！我自己食咗兩支榴槤雪條，大滿足呢🩷

好耐無食日本野，今日去銅鑼灣行街，順便搵間日本餐廳試吓！今次黎到呢間「灜豐放題料理專門店」，見佢新推出午市定食，價錢合理而係款式選擇多！ 我哋叫左「火炙壽司定食」同「北海道刺身丼」！火炙壽司係我最愛，壽司燒到好香，三文魚腩仲入口即溶，充滿油脂香味！北海道刺身丼，有多款唔同刺身，飯裏加左鰹魚粉，味道生色不少！除此以外，呢度仲有午市放題，食物選擇除咗日式料理，仲有多款泰式食物，例如炸蝦餅、魚餅、炒蜆、炒通菜等等！味道都好出色！呢啲有多款飲品同甜品選擇，估唔到呢到竟然有海鹽味雪糕，食落去有好香嘅奶味！食完好滿足😋總結餐廳位置方便，價錢合理，值得一試！

今日同朋友搵地方食午餐，見到新推出午市定食加午市基本放題。原條鰻魚飯 $88原條鰻魚好有氣派，雖然望落去好似好深色，以為鰻魚汁會好咸，但又唔係喎，微甜嘅鰻魚汁，口感柔軟，唔係乾柴嘅。北海道刺身丼 $78材料有牡丹蝦，油甘魚，帆立貝，三文魚，刺身十分新鮮，牡丹蝦爽口彈牙，油甘魚肥美，帆立貝非常鮮甜，三文魚油脂分布平均。另外可以掃碼落單，選擇都好算多，我同朋友禁禁吓就叫到成枱都係嘢食，午餐嚟講係勁滿足囉。

Lunch set 幾抵食，環境乾淨、座位闊、坐得舒服，所以介紹比大家😆🔹️北海道刺身丼🦐🐟有大大隻帆立貝，三文魚(都幾厚切)、大蝦刺身和其他魚生🐟，都幾鮮甜，質量唔錯，反的分量也很多。🔹️火炙壽司定食🍣 $68有10件壽司，包括火炙三文魚、貝類和蟹柳等，都幾好呀，CP值高。另外，之前都係度食過放題，各款日泰料理都不錯，例如係泰式燒蠔、扇貝、松葉蟹杯、刺身、泰式大蝦，各款飲品和甜品等，應有盡有。

唔想夜晚食太飽瞓唔着，晏晝嚟食放題又唔使擔心會變肥😋鍾意食日本同泰國嘢嘅我，今次一次過揀咗一間日泰放題專門店。意外地俾我發現，原來佢哋午市套餐最平嗰款$58咋，銅鑼灣呢個價絕對冇得輸。仲有好多選擇。原條鰻魚飯$88超抵食。大大條肥美多汁嘅鰻魚鋪喺面。我自己有喺某間日本超市買開鰻魚就知個價位。呢個餐88係抵食嘅！蔥爆牛肉井$78。一食就知係靚牛肉。仲有多款刺身井。下次嚟開銅鑼灣行街lunch可以食個快靚正午市套餐。放題+148。仲可以任食魚子醬同鮑魚、長腳蟹丶螺片。同出邊同類型放題比較。價錢差唔多，不過呢間真心抵食，多咗魚子醬可以任食！

3號波同👦嚟咗銅鑼灣食放題再升級食埋佢嘅極品海鮮拼盤同埋海膽帶子升咗級之後任食 爽呀帶子新鮮又夠厚 一啖放落口都係啱啱好一咬 啲海膽咇出嚟 雙重口感等嘢食過程梗係出去夾頭盤食啦我就夾咗中華沙律同埋海蜇 👦就夾芝麻八爪魚食到咁上下 升級食物上枱又有象拔蚌 鮑魚 松葉蟹腳 蝦 螺 仲有 魚！子！醬！ 除咗生冷嘢 仲有熱食主打泰菜 飛天通菜 金邊粉都有 鍾意飲酒嘅朋友 啤酒任飲呀另外仲可以整番枝大吟釀添㗎 咁嘅價錢食到以上呢啲嘢食 性價比好高

捉咗同事陪我去銅鑼灣出街做job 兩個人嘅lunch hour 佢竟然想食午市放題😅 最後我哋去咗瀛豐 佢食放題 我食新推出嘅lunch set 各自各精彩🥳-🍣火炙壽司午市定食午市定食選擇多 壽司🍣丼飯🥣串燒🍢川式🌶️泰式🐔都有 我唔食得生嘢但又鍾意壽司 最後要咗呢個$65有10件嘅壽司定食 甜蛋呀🥚和牛呀🥓蟹柳呀🫔呢啲大路口味之外 仲有視覺效果好靚嘅原條穴子炙壽司 火炙左口魚邊都唔錯 食曬全部已經夠飽-🥢午市放題同事專攻海鮮 多款刺身都差唔多俾佢食勻 最正係鮮甜爽口嘅珍寶赤蝦🍤 蒜蓉焗生蠔都唔錯

由於最近好為食既原因，今次去左𤅗豐放題料理專門店食放題，而家仲做緊推廣活動加$148可以歎任食升級既海鮮拼盤，包括：松葉蟹棒、鮑魚、海螺、象拔蚌、魚子醬、凍蝦，款款都勁好食；魚子醬味道濃郁，松葉蟹棒有淡淡嘅海水味，唔使加調味料已經好鮮味，鮑魚預先烹煮過好入味好腍，象拔蚌同埋海螺都好爽口彈牙；除咗升級海鮮拼盤仲可以歎埋海膽帶子，帶子好鮮甜加埋啲海膽個配搭好特別。而本身嘅放題呢，就包括咗冷盤小食、刺身、壽司、卷物、天婦羅、燒物、泰式料理、飲品、甜品同埋雪糕；通常好少放題可以食到泰式料理如果你鍾意食泰國嘢就真係啱晒啦！除左海鮮拼盤同埋刺身超好食之外，我自己比較推介鹹蛋黃炒薯條、七味雞軟骨同埋八味黃金豆腐，三樣都好野味😝😝@yingfeng_food #hkfoodie #foodie #instafood #hkgirl #吃喝玩樂 #食玩訓 #放題 #料理 #海鮮拼盤 #任食 #銅鑼灣 #瀛豐放題料理專門店

我已經好耐無食放題，但另一半突然話好想食❤️所以上OpenRice睇左好耐…肯定就是你-《瀛豐放題料理專門店》😆《瀛豐放題料理專門店》就係京都廣場，銅鑼灣地鐵站C出口一出就到，地點超方便！佢哋係掃QR code落單，除此之外，外面都放咗好多小食、甜品、飲品等…我哋忍唔住加錢升級咗極品海鮮拼盤，佢哋嘅海鮮拼盤真係完全震撼到我😱真係超豐富又高級！入面有魚子醬、鮑魚、海螺、長腳蟹腳等…佢嘅刺身退冰都做得幾好，款式有三文魚、油甘魚、大赤蝦、赤貝、白玉貝、吞拿魚等…當然仲有好多唔同款式嘅壽司同手卷！另外餐廳仲有好多熟食，例如：燒豬頸肉、炸天麻雞翼、冬陰功、飛天炒通菜等…都好好味！我哋食放題最驚就係漏單拖單，食材唔新鮮，刺身退冰唔女，佢哋完全唔會有呢個問題！而且環境同座位唔會俾人嘅感覺好逼，員工態度好好，價錢又好抵食，食到最後，我哋真係覺得無揀錯👍🏻