影片
港鐵銅鑼灣站 C 出口
繼續閱讀
電話號碼
28916928
62099831 (WhatsApp)
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
今日係銅鑼灣行街想食放題都好多選擇見到呢間𤅀豐有任食奄仔蟹，決定去試一試我地加左錢叫左任食任飲升級版，除左有奄仔蟹任食，仲有任食海鮮拼盤同埋海膽帶子，仲有埋生啤任飲tim海鮮拼盤夠哂大份，有魚子醬、長腳蟹同鮑魚等等，高質鮮甜海膽帶子啖啖鮮味，食多幾隻夠哂滿足再黎個刺身盤，多種魚生俾你揀，個人最中意三文魚同埋油甘魚奄仔蟹超大隻勁多膏，非常重本，食兩三隻都回本了，超級惹味仲有好多唔同種類既熟食椒鹽九肚魚超讚，外脆內軟豬頸肉燒得好香好入味炸雞軟骨脆卜卜飛天炒通菜辣辣地好惹味飲品甜品種類都好豐富，十分滿足
繼續閱讀
今日喺銅鑼灣無意發現瀛豐放題料理專門店，價錢真係幾吸引！$209起已經有約180款港、日、泰料理任點，前菜到主食樣樣齊全。今次我哋加$148升級任食任飲，包海鮮拼盤、魚子醬、生啤任飲，仲有海膽帶子；而家升級仲送奄仔蟹，蟹膏滿滿，質地細膩，鹹香濃郁，單係食一盒魚子醬加一隻奄仔蟹都覺得回本😂 刺身種類豐富、壽司選擇多元，手卷亦有多款，整體新鮮度同口感都令人滿意。熟食部分涵蓋日式、港式、中式、泰式：有天婦羅、炸物、燒物、炒粉麵飯同串燒，熱辣辣上枱，外脆內嫩、香氣四溢，份量慷慨。呢個價位食到咁多款式，CP值真係高，約friend聚餐就最啱！🍣🦀🍺
繼續閱讀
位於📍銅鑼灣嘅瀛豐放題料理專門店🇯🇵😍完全係抵食放題之選🌟啱灑我呢d中意乜都要擺落口試一試嘅人😌整係前菜都已經有成十幾款😙刺身都有好多選擇🥰厚切三文魚腩魚油豐富😛超級有口感🤭油甘魚又係厚切🤫一樣有油甘香😆其他刺身仲有希靈魚、蝦🦐、八爪魚🐙等等！仲有佢成個盤上菜好grand😗超級打卡able😏🌟鮑魚好鮮甜飽滿🥹又high-class 又好味😆仲有海膽帶子🌟🥹幸福感滿滿💕⬆️原粒帶子ft.鮮甜海膽好癲🫶🏻熟食點少得呀！選擇一樣多籮籮🤫各款炸物炸得香脆可口😏燒鰻魚、燒菠蘿、泰式串燒、鯖魚呢d放題基本款呢度都有😆味道不錯👅😌個人覺得燒生蠔🦪值得再叫，如果你個胃食完咁多野尚有空間🤣呢度簡直係放題天花板😏食🉐嘅你值得黎try一波😗
繼續閱讀
今日去咗銅鑼灣食嘢，因為真係可以想食有質素既日式放題，依間仲加左泰國款，真係一流一定要介紹既一定係奄仔蟹，好肥美既，又鮮甜，推介！佢加148仲可以任食帶子海膽，海鮮併盆，仲有魚子醬，真係超級豐富，每啖咬落去都好有口感，好肥美，仲有長腳蟹，超開心。就算唔加錢，佢既食物都好豐富，有刺身，真係刺身都食飽。好推介佢既泰國食物吖，包括咁陰公湯，炸蝦餅，炒椰菜。燒蠔同元貝都好正，好香口，又好強蒜蓉味。服務都好好，基本上真係點完好快就上。京都廣場仲係銅鑼灣地鐵站嘅對面，超近！
繼續閱讀