影片
港鐵銅鑼灣站 C 出口
繼續閱讀
電話號碼
28916928
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
🥢刺身拼盤，嚟到嘅時候仲有乾冰嘅效果！非常適合打卡！我哋叫咗幾種唔同嘅魚類，再加埋赤蝦！三文魚腩非常好食，而且食得出非常新鮮，亦都冇腥味！希靈魚亦都唔錯！我同朋友都非常鍾意食佢嘅赤蝦，好新鮮大大隻. 食落去嘅時候覺得非常鮮味，淨係食呢一樣都回本！真係好！🥢我哋仲加咗升級刺身！有另一個海鮮嘅拼盤！有譏笑鮑魚長腳蟹馬刀貝仲有魚子醬.！魚子醬都非常好食，鹹鹹地我幾鍾意呢一個口感！馬刀貝亦都非常爽脆加埋少少芥辣嘅效果，令到佢嘅味道更加突出！鮑魚就非常大隻，而且厚身非常有口感！鍾意食鮑魚嘅朋友不能夠錯過！長腳蟹亦都非常好食，肉身非常好！唔會話好腥！整體刺身嘅質素非常好，淨係食頭盤都好飽！正！🍺加咗呢一個升級之後仲可以任飲出邊嘅啤酒！有兩款唔同嘅生啤酒我就選擇咗1664！充滿果香甜甜地非常好飲！🥘熟食方面餐廳係屬於偏向泰式嘅方向！鍾意食佢嘅燒羊腩！第一次係識到呢一個方法烹調嘅羊腩！外身脆脆地幾好食！忍唔住叫多咗幾次！🥘另外都有叫佢嘅串燒，燒帶子亦都非常好食，由於係即刻叫即刻做嘅關係，所以都係熱辣辣！再加埋少少蒜蓉同埋香蔥，令到成個口感更加好食！我都叫咗炒大硯，非常有鑊氣同埋有風味，大大隻硯，非常好味！🥤除咗啤酒之外，亦都有好多種唔同款式嘅飲品，我就應該飲咗韓國嘅芒果汁！都覺得唔錯！🍦雪糕就主打香港品牌有好多種唔同嘅味道，亦都有韓國榴槤雪條
繼續閱讀
人大左其實少去左食放題，不過屋企人生日想咩都食到就帶左佢黎銅鑼灣呢間放題食下平日食夜晚唔算貴，所以升級埋個放題，有得任食海膽帶子同任飲啤酒，仲有盤海鮮拼盤同魚子醬送。餐廳環境都算大所以坐得舒服，掃QR落單，出面有凍櫃可以拎小食,嘢飲,雪糕,甜品,啤酒機淨係刺身都超過10款，入口新鮮，每樣都厚切。另外送嘅果個海鮮拼盤份量都幾誇張，D海鮮都好鮮甜，特別係鮑魚幾有彈性，剩係食呢個都已經飽左一半有本地牌子雪糕，仲有榴槤雪條另外因為升級左，仲送左兩隻牛油海鹽炒奄仔蟹，蟹唔算細隻，個蟹身多膏，不過略嫌太多鹽有D鹹，不過D膏位好香好食
繼續閱讀
「銅鑼灣都有平價放題」小編今次就帶大家黎到銅鑼灣，同大家介紹一間價錢親民，選擇亦相當多元化既平價放題 一瀛豐放題料理專門店 @yingfeng_food小編今次食既系午市放題星期一至四 12-15:00 $209星期五至日 12-15:00 $229🌟刺身部分：鮑片、三文魚、珍寶赤蝦、醬油吞拿魚刺身等等🌟壽司部分：一口鰻魚、軟殼蟹卷、芝士鰻魚卷、芝味炸蟹卷、火炙芝士魚生船、蟹皇芝士蟹棒壽司、海膽醬火炙蟹棒壽司、海膽醬火炙三文魚壽司等等🌟燒/炸物部分：芝士年糕、炸榴槤波波、芝麻炸雞翼、泰式燒生蠔、大蝦天婦羅、皇帝蟹棒天婦羅除左放題以外，亦可以選擇單點午市Set Lunch🌟原條鰻魚飯 $88平民價錢食到原條鰻魚，而鰻魚肉質亦好肥美🤤👍🏻🌟北海道刺身丼 $78刺身丼分別會有帶子、三文魚籽、珍寶赤蝦、醬油吞拿魚刺身，平民價錢，份量亦算大方，刺身亦食得出鮮甜🤤👍🏻📍瀛豐放題料理專門店地址：銅鑼灣京都廣場3樓#銅鑼灣 #瀛豐放題料理專門店 #瀛豐#放題 #壽司 #炸物 #刺身 #天婦羅 #留港消費 #支持小店 #京都廣場 #覓食銅鑼灣 #食在銅鑼灣 #為食關注組 #原條鰻魚飯 #香港美食地圖 #銅鑼灣食乜好 #北海道刺身丼 #九十後行到邊食到邊 #HKIG #HKIGER #HONGKONGFOODIE
繼續閱讀
在瀛豐放題用餐，體驗中規中矩，略有失望。海膽份量偏小，細過指甲蓋，入口鮮味不足，未能展現應有的濃郁口感。魚生整體新鮮度一般，口感稍欠彈性，甜味亦不明顯，與期待中的日式放題水準有差距。其他菜式選擇豐富，包括壽司、刺身、熱食及甜品，但質素參差，部分菜品味道普通，未能令人驚艷，優點只有平。餐廳環境整潔，服務態度尚可，態度友善，惟食物質素未有突出表現。整體而言，餐廳在食材新鮮度及口感方面仍有進步空間。若能提升海鮮品質及穩定菜式水準，相信會更具吸引力。希望下次再訪時，能有更好的體驗，特別是海膽及魚生的質素能有所改善，令食客更滿意。
繼續閱讀