如果晏晝唔係食得咁多嘢嘅朋友仔，又可以考慮吓佢哋由$58至$88不等嘅午餐set lunch。牛肉丼，油甘魚鮫飯應有盡有，選擇繁多。
海鮮拼盤嘅鮑魚軟腍帶有少少酒味，北海道角螺刺身帶有天然的甜味，口感爽脆彈牙。個海鮮拼盤拼出視覺的震撼感，無論咩角度打卡都好澎湃。大閘蟹啲殼易剝又唔易碎，入面d 膏係爆漏出嚟，十分治癒兼滋補。
熟食方面佢哋嘅咸魚炒芥蘭同辣椒膏炒蜆都非常之惹味同足料。冬䕃功蝦湯亦好有辣椒，香茅同酸子味。另外柚子蟹柳冷赤麵d湯酸酸甜甜也頗開胃，麵身也甚為實淨。其次泰式燒羊腩也值得一讚，鬆化酥脆兼多汁。
飲品嘅雪櫃，更是琳琅滿目，多姿多彩。御生榨椰子汁、得米薑母茶、LOTTE Let’s Be Cappuccino同Frais Jus 菠蘿汁都係比較新穎同好飲。餐廳嘅冷氣唔會話太凍，卡位亦都好寬敞，一路同朋友傾吓偈計、點下嘢食，慢慢打卡確係一場賞心樂事啊。
