瀛豐放題料理專門店

營業中

休息中

來到餐廳時未夠12點，但係唔使排隊就可以入去，好人性化，超like ，雖然未有得用qr code點食物，但自助區小食同飲品櫃的飲品就可以任意取用，飲杯嘢抖吓然後再“搏殺”，哈哈，好寫意。跟我慣例刺身係首選，落單：八爪魚刺身，鮑片，馬刀貝刺身，北海道角螺刺身，赤貝刺身，北寄貝刺身，赤蝦好快來到，之後，赤貝，北寄貝，馬刀貝，鮑片，角螺encore咗幾次，點解？好食够新鮮囉；再來個壽司拼盤，一口海膽壽司，龍蝦膏甜蝦壽司，鵝肝帶子壽司，一口鰻魚陸續來到，細細件一啖一件，鍾意再來過，對個胃唔會有太大負擔；炸榴槤波波，芝士年糕，和泰式燒羊腩，小龍蝦因應自己喜歡而點，榴槤波波够流心，芝士年糕同樣地有流心芝士。泰式燒元貝及飛天通菜，蝦餅就係泰式食物，今次來食嗰放題就係貪佢有港，泰，日式菜式180幾種，選擇多多一定有啱你同朋友們的喜好嘅。