潮興隆

營業中

休息中

登龍街一向都好多美食，行過一間潮洲菜門口有相吸引住，亦見裡面都多人就入去食！見到餐牌除咗有飯麫類，亦有不少小食 ！鮑魚冬菇XO醬撈麵  :好多料，有冬菇粒，鮑魚粒，仲有啲瑤柱絲，魚仔整個醬，好鮮味。啲麵好彈牙，無乜鹼水味。紫菜四寶：有墨魚丸、肉丸，兩隻都好彈牙、魚餃好飽滿，餃皮煙韌，餡料鮮味及扎肉，好咬口，每樣有2件，湯底鮮甜，紫菜都唔少，食完仲可以飲埋碗湯鼠(米曲)粿：呢個我見餐牌寫住小食推介，睇落去幾特別！糯米粉摻入鼠(米曲)草造粿皮，餡料係甜嘅，裏面有啲花生碎，煎咗香口啲，可當飯後甜品。普寧豆腐：係炸咗嘅豆乾，幾酥脆，點鹽水蔥汁，都幾惹味。另外特飲自家製：金銀花菊花，清熱解渴，少少甜，啱晒。安溪鐵觀音：清香茶味，解膩唔錯。

原本只係想快食磅崩沙腩河，點知有驚喜。除左粉麵，原來餐廳食潮州小菜。崩沙腩河粉，崩沙腩係牛腹部下側肉，表面有一層橫膈膜連著腩肉，筋膜連少少肉，軟腍味香，肥瘦剛好！意外的係隨麵附上蘿蔔，蘿蔔無根清甜！潮式煎蠔餅蠔肉嘅份量都幾多，蠔餅炸得酥脆！糖醋煎伊麵這道糖醋煎伊麵則是另一番風味。麵條煎得香脆，搭配醋汁和糖，讓人一口接一口，停不下來。炸魚皮口感酥脆，店員仲主動問我哋需唔需要俾啲湯我哋浸！整體來說，食物質素好，價錢合理，店員服務態度好好！

諗住喺銅鑼灣搵新嘢食，點知中伏兩個人叫咗一碗粉，一個飯，同埋一個小菜個粉都正正常常個飯同埋小菜，簡直係圖文不符******************************鮑魚冬菇XO醬炒飯（$65）明明餐牌張圖有兩粒鮑魚仔同兩條菜個炒飯嚟到一粒鮑魚仔都搵唔到個炒飯入邊嘅配料全部碎上食完都分唔到自己食緊鮑魚粒定係冬菇粒******************************南乳炆豬手（$68）個豬手嚟到仲嬲明明個餐牌張相原隻上點知嚟到，隻碟仲細過手掌心豬手就剩係得四細嚿一咬落去成口都係毛同個女職員講：有冇搞錯咗啲咩，同餐牌張圖爭咁遠嘅？個女職員隨即回覆：餐牌嘅圖淨係俾我哋宣傳之用，只供參考，我哋之後會加返「圖片只供參考」喺餐牌度******************************個女職員嘅回覆真係聽到火都嚟我哋都放棄咗碟豬手冇食晒（雖然剩係得四細嚿）餐廳亦喺我哋冇要求底下waive左碟豬手嘅價錢******************************但唔係錢嘅問題Waive咗呢$68都冇阻我寫呢個食評人生第一個OpenRice食評就係為咗警惕大家唔好相信呢間餐廳餐牌嘅圖如

熱鬧的登龍街又添新食肆，「潮興隆」是集潮州菜/粉麵/米線/雲吞/餃子的中菜館，選擇多，相信是時代新趨勢吧！小吃:紅桃粿~是潮汕人逢年過節及重大典禮的喜慶小食，寓意着幸福美滿，粿餡有糯米、栗子和花生米，粿皮脆、餡綿糯。炸魚皮~十分香脆可口。鹹蛋捲~脆皮捲著濃濃甘香鹹蛋黃蓉，很有新鮮感的口味。主食:      鮑魚海參撈麵~ ，鮑魚汁、鮑魚粒、冬菇粒和少量海參撈麵，味道香濃而不鹹，很具特色，奉上的清湯有很濃香的胡椒香味。                      沙爹牛肉炒 河~沙爹炒河還有雞蛋抄，多了一份蛋香，牛肉和河粉份量頗多。牛筋河拼牛肚麵~牛筋軟滑，牛肚又腍又入味，加$12拼牛肚很抵食，非常推介。飲品~   自家制金銀茶菊花、香滑 熱奶茶。清心丸綠豆爽~粉糯的綠豆蓉、爽滑清心丸伴清甜糖水，是我的至愛甜湯。

放大假同老婆去時代廣場行街， 行完去咗登龍街搵嘢食，見到有間新開嘅潮州粉麵店，兩公婆膽粗粗走入去試下。叫咗個鮑魚海參撈麵，冇諗過會有鮑魚同海參食，食落味道濃鬱，海參鮑魚爽彈唔錯。叫咗一碗崩沙腩例牌 (員工推薦) 果然好介紹。新嘗試叫咗個牛沙瓜河粉，食落去爽口彈牙。叫咗兩個潮州小食，通常要喺潮州菜館先食到 一個係紅桃粿及炸粿肉，值得試下出面唔多可以食到。我哋都叫咗兩樽飲品， 鮮榨油柑汁，口感清新 輕微酸澀 及潮州鳳凰丹單叢(鴨屎香) 都幾好飲。老闆話原來佢哋夜晚係有潮州菜食的，搵日嚟夜晚試下先