潮州人粉麵店

營業中

休息中

好吃的潮洲粉麵店不多，這店優點特別多，除了用楜椒豬什湯底，用料新鮮，無論牛和豬都是鮮嫩可口，其秘制的辣椒油的味道只此一家，愛辣的人必試，包保你上癮成了它的粉絲，此店早開早收，下午很多食物都售罄，所以吃貨們要12點前，否則很多都售罄便掃興了，本人推介黑栢葉、鮮牛肉、粉腸、牛腩、炸魚片頭，其實很多都十分引人迴味，不得不提，此店的員工服務態度十分好，笑容滿面，快樂的員工帶給人客快樂的餐食，賞心的午間食堂！

以前姐姐同細佬未分開店舖時候，姐姐，已經好用心同丈夫一起煮㗎 粉腸米粉細碗，已經加價到25元 。 另外再加淨墨魚丸(細)，也是25元 。外賣需要每碗另加一元 。粉腸洗得乾淨，冇腥臭味，處理得好， 最緊要係佢哋每一次 食品 都好穩定，偏差少 。 始終小說話多做事、專注係姐姐嘅特質 ， 亦都係潮州人成功之處

黎過好多次，份量唔算多，適合小鳥胃，加杯飲品剛剛好。平時2,3點黎食唔洗等。今日正午12點黎排隊排咗5分鐘，等碗河粉等咗20分鐘😅😅😅不過味道很好，似正宗潮州河粉而且冇咁油，豬潤唔乾，粉腸爽，河粉好薄！中意食辣嘅朋友絕對要試下佢個辣椒油，好香！佢仲有東菜，胡椒粉，魚露俾人選擇。見隔離啲人點牛比較多，仲有蝴蝶腩，應該都唔錯。住附近嘅人如果想買火鍋料都可以同地買。第一次見河粉店賣埋凍肉😂😂推介

今日lunch time 又係西環搵食～未夠1點黎到，已見到門口有大約十人等位！心諗真係咁好食？係門口等緊既時候，有個姐姐出黎幫我地落單！咁我就試下個「蝴蝶腩+魚蛋+墨丸米」！等左大約十分鐘就可以入去，坐低兩三分鐘啲野食就到～飲下個湯先.....oh! 好胡椒味....飲一啖，成身暖晒，啱晒呢啲剛剛轉涼既天氣^^蝴蝶腩：好冧，有啲似煲湯果啲豬展肉魚蛋：好彈牙，有魚味墨丸：冇咩特別！可以不叫🙊食粉麵必定要加辣椒油！試下佢啲辣椒油得唔得先～一匙羹辣椒油+少少魚露 嘩！啲辣椒油又香又夠辣！好正🤤三餸米total $34我仲加左炸魚皮($12)，放落湯度食！

25/10/2017, 今日食晏，去試下潮洲人，聽聞佢好出名，豬什，牛什好池名，上過報紙有賣，網上亦有介紹，但去到排長龍，要等十幾個，為左要試下，所以照等，等左25 分鐘先入座。坐低叫了2 餸米： 粉腸豬潤米粉 $29 單叫黎到好細碗，平時食粉麵我都會食唔晒，點知呢碗食完好似無野到肚咁豬潤好簿，黎到係半生熟的，好ok, 粉腸有粉都ok但各有5 片/條，米粉又少，唔夠食無預期咁正，比起永記，就真係差好多，不過味道都ok嘅，其實我係嚴佢少啫。或者佢其他出名的蝴蝶腩，豬黄喉，比較出名吧，但我都無試啫。

今早, 到了一間潮州人粉麵店喺港島太平洋酒店對面食早餐, 我叫咗碗兩餸河, 由於所有早餐要散叫無餐飲跟所以我只係叫杯暖水送藥, 當我叫到第三次想要杯暖水個仕應完全檔我透明, 直頭唔望我, 之後我再次叫另一位年紀較大嘅婆婆, 當她問完廚房之後出來對我講廚房唔夠杯用所以比唔倒水你, 簡直無肉客人智慧, 當時至早上八點, 有咩可能唔夠杯.......

我係依間店已經食過無數次，基本上每星期一定會食兩次，因為真的非常好食！超級讚必食推薦是豬什類而我每次必叫是粉腸，不過這裡河粉賣得比較快，每天下午2點後基本上是只剩米粉和油麵！今日我叫左粉腸牛丸麵，我朋友叫左粉腸牛肚米。店家的辣椒油是自家制，非常出名，我非常喜歡食辣，每次一定落很多辣椒油。另外必配合粉麵一定是我最最最愛的ice lemon tea, 無得輸如果唔想食粉麵，可以考慮一下這裡的奶油厚多士，也是非常好食！真的超級推薦這間店

來西環住這麽久了，都是最近才終於光顧到正街這一間老字號潮州粉麵。其實我對它並不陌生，因為每每我從太子坐小巴回來，由高樂站走路回家，都必定途經它，但奇怪的是無論我是天亮抑或天黑走過，它都是大門鎖上，情況更持續好幾年了…所以我對這神秘的小小店，總是產生莫名強烈的好奇.....直至最近和老公結伴經過它時聊起，我說點解呢間嘢，硬係從來都唔見佢開嘅，唔通係黑店？……誰知老公大反應話：咩黑店呀？人地不知幾好生意，通常未天黑就賣晒啲嘢收檔架嘞！…老公仲一臉得意話佢做附近間舊公司時，成日都同同事食，仲話蝴蝶腩超好味咁話喎!可惡！有好嘢食居然唔話我知，仲從來冇帶我食。見我嬲，老公即刻話星期六同我去食！但可能蝴蝶腩真係太好味，我地連續兩星期六去到都賣晒三點都未夠！但雖然食唔到傳說中嘅蝴蝶腩，我都試咗豬肉丸同魚片，又真係幾正！可能係佢地用上胡椒湯底，食落啲料特別鮮，又有好香嘅芹菜味，我想像呢個湯同蝴蝶腩一定夾到絕！終於今日我清假，唔信邪，自己一個人下午嚟，十二點半就已經好多人企响門口等位，等唔怕，最重要係即刻同門口阿姐落定order, 今日終於有得食蝴蝶腩嘞！Yeah～～～～我仲叫咗魚片添！好香好香！飲咗一

幾次經過潮州人粉麵店都見到店外出現小人龍，事出必有因，今次決定買碗走，叫了個豬潤栢葉油麵，一打開蓋已經有股香氣撲埋個鼻度，湯底頗濃而且味道鮮甜，豬潤新鮮剛熟，一點也不＂鞋＂，栢葉爽但就韌左小小，整體不錯，下次試埋其他野先

西環除咗契仔契女多 實力小店都不少 日日試不同小店 都起碼要兩個月以上 在這裡長大就是這份純真無味精的人情味 潮州人特色的粉麵 總是給人簡單精彩難忘 不求花巧 實力製作 他們的湯底又香又甜又濃郁 不含味精 即使成碗飲晒 都不會令你渴死 魚皮餃是必吃 千萬不要錯過 要光顧就要早少少 六點準時收工 五點啲嘢差不多賣晒了

上個星期六，我第一次坐港鐵去西營盤站，目的係去食我期以久既墨丸蝴蝶腩米。這間「潮州人」麵店最出名既係蝴蝶腩，有時晏咗少少去都賣晒㗎。人間有情的小店，做的大多是街坊生意，我見店員和街坊有講有笑，十分互動😉 這間店鋪除了員工親民之外，價錢亦算親民亦合理。哩間店鋪除了蝴蝶腩外，最大既突式係個湯底：用胡椒來做湯底，所以特別清香（有點似胡椒豬肚湯既味道）比較特別的是，不像別的麵店用濃汁牛腩湯底，搶過牛肉既味。豬什麵都係好多人叫㗎，不得不讚師傅既刀工，切到大小適中，唔會太大件難入口。P.S 喜歡食辣的我，最愛就是這裡的自製🌶油。倒在湯匙上，點蝴蝶腩和墨丸。

最美味的魚鮫本人覺得非朝州人莫屬，皮薄鮮味👍另出名的豬雜亦不甘示弱👍👍湯抵清甜。但每次去食都不是沒有最正的河粉、就是沒有魚鮫👊其他另類的招牌貨便更甚了，例如蝴蝶腩、豬天梯之類。值得一提是工作人員都招呼很好👍👍👍

鄉下人出城，今天來到正街附近。辦完正經事，才有時間吃午飯，（其實已經是下午四點半）。向地膽查詢附近有咩好食。得高人指點，去“潮州人”啦！閱讀完餐牌，點了個三拼米粉，選擇了粉腸、豬肺、蝴蝶腩。呢D咁唔普遍嘅食品是呢間舖頭嘅特色。去買餸，街市可以買到粉腸同豬肺嘅，不過洗是一個浩大工程。咁，有專門店，就去食啦！反正呢D內臟，淺嚐就好啦！三種內臟各有特色，平時煲湯，D豬肺會大舊D，咬落痛快D。不過呢度襯粉麫，就要“薄切”啦。粉腸最好食，有它獨有的香味。三拼米粉＋熱檸水＝＄36。食品有特色，味道絕對是及格以上，值得支持的小店！下次再出城，我會“安哥”ga。

鋪頭裝修簡潔光猛，唔會好逼。一坐低就叫豬雜米粉，好快就有得食。一來先飲一啖湯底，勁香胡椒味 材料非常豐富，鋪到整碗都有，有豬粉腸、豬脷、豬膶、豬心同豬肺，全部都好入味同新鮮。豬粉腸 - 入口唔會太粉無異味，而且唔韌，洗得乾淨，食得安心豬肺 - 索哂d湯底，好味豬脷 - 豬既香味齒頰留香豬膶 - 夠爽好味，一點都不會苦，好新鮮豬心 - 爽口無異味咁多款材料中，個人最喜歡豬粉腸同豬肺，因為好索湯底。最後當然要將胡椒味湯底一飲而盡，感覺好滿足。下一次會再試豬黃喉同蝴蝶腩。

要是說北角是福建人的聚腳點，那麼西環便一定是潮州人的集中地了。其他的不說，單是售賣別區難得找到的潮式豬雜湯的店子，便有位於修打蘭街的「永記」、在皇后街街市內營業的「陳春記」和這間座落於正街的「潮州人粉麵店」。在這三間售賣正宗潮州豬雜湯的店子裡面，這間「潮州人」應是最新的，也最少人提及。其實根據道聽途說，聽說這間「潮州人」與「永記」是有點淵源的，既然兩者同出一脈，那麼實力方面應該都是不相伯仲吧！這一天，因為晚上的飯局還沒有那麼早開始，而我又已經感到肚餓，於是正在附近蹓躂的我，想起這間「潮州人粉麵店」還未曾幫襯過，便決定先來個下午茶，試試它的馳名出品 。這小店的馳名出品可是挺多的，就在店子門外已貼上近期「紅極一時」的蘇絲黃對它的介紹，評分竟是「甲」等 ，無論豬雜、蝴蝶腩、黑柏葉、豬天梯以至辣椒油都得到阿蘇的盛讚。見到阿蘇的強力推介，我竟有點擔心 。幸好，這天所吃的最終並沒有令我失望 。店子地方不大，除了其中一邊擺放有數張大圓檯外，另一邊便只有一排靠牆面壁的座位，讓客人坐在顏色鮮明的藍色膠櫈子上，把各式食品放在上面的鋁質長架子上進食。不過店子陳設雖然簡潔，可也光鮮乾淨，坐得都