潮州人粉麵店

營業中

休息中

潮州人係我識我家大佬時帶我去食！仲記得十唔知幾多年前第一次去食，已經排晒長龍！就係呢個第一次，攪到上咗引！唔係住喺香港島嘅我都一定會九唔搭八專登去食！主打豬雜、牛雜！魚皮餃係個人推介細細粒皮香肉滑。當日星期六下午2:00左右！都係常態！排長龍！我今次食豬雜河！望落清澈嘅湯，味道清新而濃郁！香港冇第二間做到！豬雜都唔需要每樣料講！乾淨得嚟食得出每款內臟嘅特有味道同口感，食得出嘅新鮮。河粉薄滑通透！入口順滑！平時十分喜歡辣椒🌶️油+渣，呢度啲自家製！不能錯過！不過千祈唔好放落個湯度，因為個湯係好正，個人認為辣辣油+渣另外用個碟用嚟沾啲豬/牛雜就一流！食過就知，會成日心郁郁想去食！順便一提我大佬推介蝴蝶腩。

Arisse住係西營盤，第一篇當然係要介紹咁多年嘅至愛啦！😋 鼎鼎大名嘅「潮州人粉麵店」👍🏻👍🏻👍🏻👍🏻👍🏻👍🏻👍🏻 該店都有d歷史架啦，配方食譜都係上一輩傳承，每日一到飯鐘一定會大排長龍🚶🏻‍♀️🚶🏻‍♂️🚶🏻‍♀️，點解咁出名？一齊睇下👀👀「潮州人」嘅四大招牌。招牌一，湯底。🍜🍜食粉麵最重要係個湯底，因為所有嘢都係係有湯底嘅基礎上再加。而「潮州人」嘅湯底每日用大量豬骨煲，當中加入胡椒粒，一啖飲落去鮮味一流。建議係落辣椒油之前首先要試一試個湯底。招牌二，辣椒油。🌶「潮州人」嘅辣椒油係上一輩嘅配方，仲要自家炒製👩🏻‍🍳，難得一見。如果係落係碗麵到，落小小就得，因為尼隻辣椒油用料足且非常辣🥵，放半羹落碗已經可以見到成碗麵變得紅噹噹。💛我嘅食法係首先將辣椒油與沈底嘅渣撈返埋一齊，再不小小渣落醬油碟或者匙羹，落半匙羹魚露取代辣椒油浸住佢，需要時點一點，咁樣辣之餘帶d鹹香味，與豬雜等絕配🤤🤤。（順帶一提，檯面上有免費嘅冬菜，落d入碗麵到都幾好食）招牌三，食材。「潮州人」嘅食材出名新鮮，下午四五點去已經有好多嘢賣曬。🐖🐖豬雜洗得好乾淨，可以放心嗌粉腸，連出名難洗嘅豬肺都有得吃。而且仲有蝴蝶腩賣，姐係包

第一篇食評，從回憶中的尋常味道開始。改革開放以來，深圳一帶高速發展，潮汕地區相較起來經濟不算富裕；潮州人卻以生意頭腦見稱，離鄉奮鬥者眾，單計香港已有七十萬人。若說北角是福建同鄉的集中地，西環肯定是潮州 ga ki nang 的大本營，全因鄰近上環三角碼頭，久而久之在碼頭附近安身立命。中西區因而有不少潮州菜館和粉麵店，在這新舊交替的老區中掙扎求存，默默為廣大居民奉上價廉物美的家鄉味道。潮州人粉面店不是老店。此店約於七年前開業，老闆娘出走自鄰近的永記，也賣豬牛雜潮州粉面。兩邊人的溏心風暴，說來話長，詳見《飲食男女》927期「恩義永記」一文。出外吃飯，不置喙店家的家事；但見同屋人反目成仇，難免不捨。欣悉近年兩店關係緩和，一家人嘛，有緣相聚，總有和好的時候。潮州人以人龍見稱。上午十一時抵達店家，已見老饕在外等候入座，幸好不消五分鐘已有食客離開。餐單乾脆利落，詳列供應的豬、牛雜和魚類製品。潮州人以內臟聞名，來了一碗 蝴蝶腩、鮮牛肉、豬黃喉米，三拼盛惠$39。餐廳環境和服務是一般粉面店的標準，沒有什麼特別，是可接受的水平。餐桌上除擺放潮州店鋪必備的胡椒粉、辣椒油、辣菜脯外，還放了一瓶魚露。據侍應阿

此小店2012年開業以來，小人保守估計幫襯左無一百次都有九十次。一來係西環街坊，五分鐘路程已到，二來論麵底、湯底還是辣椒油，至今仍未有第二家粉麵店可以比得上，其水準比起潮州人老板父親的老店（位於修打蘭街）還要高。潮州人因近年愈來愈出名，想lunch hour 去幫襯起碼要係門外等半個鐘，不過排隊既人繼續有增無減。多數客人都必點天梯、蝴蝶腩等豬內臟，不過小人唔食內臟，所以一直都係叫魚蛋、白菜仔、牛肉、河粉底。叫得魚蛋預左等二十分鐘先有得食，因老板即叫即煮，潮洲人當然食返潮州白魚蛋，彈牙大粒，魚肉味豐富，白菜仔不會煮得過淋剛剛好，通常中午前已經俾熟客叫晒。本地牛肉片食既時候仲係呈嫩粉紅色，只能說整碗粉的製作時間實在配合得太完美！最後要讚既係中午前就會賣晒既河粉，又薄又通透，完全吸收芫西豬骨胡椒湯底味道，不過千萬唔好叫外賣，因為河粉好薄身，係外賣盒焗一陣就會痴住一餅餅，麵條一夾起就斷。所以，無辦法啦，唯有乖乖地去排隊T v T

雖然岀名牛雜，但因為我唔食所以每次去我都係叫墨魚丸牛丸河粉😂😂不過對我嚟講個重點都係佢個胡椒湯底✨✨好濃郁好入味，令成碗麵昇華🔥🔥🔥唔係平時車仔麵嗰啲清湯淡茂茂，要靠食餸💩💩另外佢個辣辣醬都好岀名好似做過專訪，不過我自己就冇試過。除左lunch hour要排20分鐘基本上都好好🤙🏻🤙🏻(不過我唔介意，我個人就覺得等都值，因為真係好好味😚😋😋)建議想試嘅人避開午食時間去食🔥

豬雜唔係度度有得食,點解?因為工序繁複 又好難整得好食 呢間粉麵店正正主打豬雜麵 呢一間可以話係西營盤人氣小店,每逢午餐一定大排長龍,門口落單等位,一一包辦,入到去食完就走既特色亦不阻人龍形成。門面就沒有特別裝修,一般粉麵店的牌場,冷氣十分足夠呢一點很重要,因為呢一間店舖除了豬什外還有辣椒油也是很出色 ,沒有足夠冷氣真的會很難受 哈哈多數過了中午時段,大部分材料已賣完,今天下午四點來到也不例外,只剩下蝴蝶腩及幾款食材,最後點了 蝴蝶腩魚皮餃米粉。上菜那一刻 ,你可以清晰地聞到粉麵湯底傳來的香氣,那個湯底非常清甜100%自家製沒有味精,簡單嘅味道亦都係最令人回味的味道。蝴蝶腩即係豬腩,有著獨特的香氣,令人一試難忘,每次品嚐粉麵也一定會配搭著秘製辣椒油溝魚露,這個配搭有著畫龍點睛的效果 很辣很過癮。每一次食完都很滿足期待下一次再光臨!!!

常言道:好食既野通常都唔健康, 健康既野通常都唔好食. 呢句說話正正就係代表左「豬什」. 區內呢間潮洲人都薄有名氣既, 佢鋪頭細細, 鋪面亦唔顯眼. 由此可見,佢係一個間好有內在美既餐廳我當日叫左個豬粉腸墨魚米. d豬粉腸一食落口就已經. 哇!粉到呢!香到呢! 唔會有豬臭味, 又無「壓」味，新鮮!!佢仲有炸菜俾你落落去,好惹味佢份量唔算多, 但係都食得好盡興因為身體既關係,我唔敢叫全豬什, 就咁加左墨魚丸同轉左做米粉就算啦,當平衡下. 呢間野真係唔簡單,我終有一日會試哂佢d豬什

今日路過西環,睇食評,呢間粉麵舖好似幾出名,於是走去試下,中午時間12點幾都要係門口等位,大約8分鐘。叫左佢地標榜既蝴蝶腩,黃喉粉腸三拼麵$38元,出餐速度好快,D嘢食好好食同新鮮。湯底都幾好清清地，唯一唔同係D麵好似好幼既上海麵。其實佢地叫做潮州人,理應D牛會更好,可惜今日比佢個推介吸引左,叫左豬因為果D都唔係四圍有得食,由其黃喉我都好似未見過邊間粉麵舖有,下次來其他食物都應該好值得一試，因為佢地嗰啲食材睇來都好新鮮。如果途經好值得試下.幾有誠意既小店.

呢間粉麵舖係西營盤好出名，平日午飯時間同下午茶時間都要係門口等位，大約5-10分鐘。食過佢地既豬雜，蝴蝶腩，豬黃喉，粉腸都好好食。佢d湯底係胡椒湯底，所以食完個人會好熱既，所有粉麵都值得一試，我經常食都係米粉或者油麵。其實佢嗰啲炸魚皮都好好食！同埋嗰啲魚蛋，魚片或者其他食物都好值得一試，因為佢地嗰啲食材都好新鮮。仲有佢哋啲員工都好友善，成日都記得你個名同埋打招呼，仲有奶茶咖啡亦都好好飲，唔係好似其他粉面譜嗰啲好難飲，係似港式茶餐廳嗰啲質素！

呢間店幫襯咗好多次！搭車又嚟食、揸車又嚟食🤪真係神奇嘅粉麵店，去親西環就諗起佢，我唔食豬雜淨係食佢蝴蝶腩同丸類，加D魚露、冬菜同店主自製辣椒🌶️油‼️ 爽呀👍🏼，地方就一般但都乾淨，要接受到👉🏼食完就走先好幫襯🖖🏼同埋佢哋假期有D飄忽冇佢哋放假表就最好打電話問問👁

搬離西環差不多一年，懷念嘅潮州人！今日走一轉條龍依舊🤣輪到我啦！最懷念嘅魚皮餃，果然冇令我失望！超好味，一口一隻，其他地方食唔到嘅鮮味👍🏻一點幾已經有好多嘢賣完，例如蝴蝶腩、豬天梯等！米粉爽、河粉滑。好滿足呀！

位置：位於港島太平洋酒店門口對面食物：餐廳有兩個鎮店之寶。第一是他們的胡椒豬雜湯底，幾乎每位客人都會一滴不留喝清光。第二是他們自製的潮式辣椒油，又香又辣。個人對內臟不是特別喜好，所以通常會點他們的牛筋和蝴蝶腩。 牛腩我們聽得多，蝴蝶腩卻比較少聽見，原來這是豬肺邊的肉。 兩者都炆至軟腍又不失嚼勁。環境及服務：小店面積小座位不多，營業時間較短，只做早市及午市，而且每碗粉麵製作需時。 基於上述種種原因，導致長期有客人在店外排隊輪候。P.S.每月休店時間會貼於門口。

聽過這個店有一段時間，感覺好有卓頭的做法：早收，過左有7點後就無得吃，所以我老公縱然是附近街坊，但卻無辦法食過一餐。不同時間食過兩次這店後，決定寫文。事關感覺兩餐都有不同口味。第一次我叫了招牌蝴蝶腩河粉，今日去吃也叫了蝴蝶腩，但同時加配紫菜及豬肺（豬什是這店的招牌系列哦）。今次值得我寫的原因，因為今次明顯在湯底上有驚喜。他們選用胡椒作湯底，相對一般潮州粉面店用魚或牛或豬骨作清湯不同。 這胡椒湯配搭豬什等餸，口味確是為「夾」。加上今天是雨粉粉的天氣。飲了一啖熱辣辣的胡椒湯，胃部即時舒暢起來。餸方面，蝴蝶腩比起一般切腩冧，而豬肺都「啤」夠水，咬落爽口而乾淨無壓味。  價錢也很相宜，41蚊連飲品。 整體是令我覺得可以再去的一間潮州粉面店，當然就要醒目揀岩時間了

1. 味道正宗，服務及生產流程要改善2.出貨太慢，什麼時間去由落單到吃得最少20分鐘（未計門口等位）枱枱都等食，趕時間一定唔可以去吃3. 只有老闆兩夫妻輪住起貨，應該加人手出貨，做不到貨如輪轉，出貨時間一定要改善4. 樓面人手4-5個店面細，路都塞滿了，坐下來有點擠爆5. 落單仲用人手所以成日錯6. 新來的亞姐成日搞錯嘢7. 單只㝍價格，沒有寫落單內容，樓面又唔記得次次問是誰的，左問右問浪費時間8. 新舊店味道都好真心希望你們改善，不想你們退步⋯⋯🙏

識得嘅潮州人，不論男女皆豪邁，有點粗老。😂食開果間裝修，今日重遊潮州人。味道可能不及食開果間，但呢間工作人員個個好好口，很有禮貌。早上生意好好，客人滿滿，她們仍然讓你好好選擇位置。不會迫你坐邊，或者迫多D人坐落黎。很值得讚。🤩當然你對人好，人亦對你好。客人個個大隻佬，個個賓賓有禮。😊我們點了糊蝶腩、牛丸，和豬雜米。味道好好。魚皮$12仲大碟。食幾十蚊野，連收碗都猛咁同我講多謝。今時今日，食到好味，抵食，又唔駛一肚氣。我要大大聲同你地講多謝就真呀！