潮州人粉麵店

營業中

休息中

來西環住這麽久了，都是最近才終於光顧到正街這一間老字號潮州粉麵。其實我對它並不陌生，因為每每我從太子坐小巴回來，由高樂站走路回家，都必定途經它，但奇怪的是無論我是天亮抑或天黑走過，它都是大門鎖上，情況更持續好幾年了…所以我對這神秘的小小店，總是產生莫名強烈的好奇.....直至最近和老公結伴經過它時聊起，我說點解呢間嘢，硬係從來都唔見佢開嘅，唔通係黑店？……誰知老公大反應話：咩黑店呀？人地不知幾好生意，通常未天黑就賣晒啲嘢收檔架嘞！…老公仲一臉得意話佢做附近間舊公司時，成日都同同事食，仲話蝴蝶腩超好味咁話喎!可惡！有好嘢食居然唔話我知，仲從來冇帶我食。見我嬲，老公即刻話星期六同我去食！但可能蝴蝶腩真係太好味，我地連續兩星期六去到都賣晒三點都未夠！但雖然食唔到傳說中嘅蝴蝶腩，我都試咗豬肉丸同魚片，又真係幾正！可能係佢地用上胡椒湯底，食落啲料特別鮮，又有好香嘅芹菜味，我想像呢個湯同蝴蝶腩一定夾到絕！終於今日我清假，唔信邪，自己一個人下午嚟，十二點半就已經好多人企响門口等位，等唔怕，最重要係即刻同門口阿姐落定order, 今日終於有得食蝴蝶腩嘞！Yeah～～～～我仲叫咗魚片添！好香好香！飲咗一