漢發麵家 (大南街)

營業中

休息中

曾經家住太子,那時候漢發仲係大排檔,麵好食湯好飲,果陣重有淨鹵水鷄腳,之後入鋪水準依然,不過自從變咗網紅之後,水準大不如前,琴日特登去幫襯,叫咗豬手粗麵,炸鷄翼,涼粉冰。結果,豬手重有毛未去淨,林到甩晒皮,粗麵鹼水10分勁,炸雞翼依然係冇去毛,懶兼核突,涼粉冰冇嘢好講,如果咁都唔識沖真係執笠好過,總體而言失望,永別漢發...

飽到飛天既一個午餐, 同個friend 2條友,特登黎呢到食個豬潤麵! 嘩。。。真係不得了!! 豬潤扒出前一丁, 我再叫杯紅豆冰, 朋友仔叫豬潤扒蛋出前一丁加杯凍奶茶。 隨即見到隔離枱有人叫左個西多士。。。 我地又叫埋, 都貴既個西多士,40蚊,但好吸引,所以忍唔住叫左先算。真係不是普通豬潤麵,而係豬潤扒麵,太激動! 好好食,好 juicy, 唔會好命似x記咁好乾, 正,價錢唔平嫁,五十幾蚊嫁!就係見到隔離枱叫左呢個1,我地跟叫。。。飽到夜晚都食唔落。豆多又林,正,無跟餐價就貴啲啦

依區講到豬潤麵，就有兩間好出名由大排檔起家做到開茶餐廳，漢發麵家絕對無介紹錯吾係誇大讚依間小店，而係小店豬潤麵 vs 維記豬潤麵比較，維記食物水準保持吾到往日風味而漢發豬潤麵水準一直保持兩間餐廳堂食先不比較，先比較食物漢發豬潤麵灼得岩岩好，豬潤上枱吾會過熟仲帶汁🤤湯底吾會過咸而維記起家有一段時間👉🏻但過往維記豬潤麵比依家好食好多，現在維記豬潤麵食過好幾次豬潤都係灼過龍，同以前風味好吾同🙅🏻‍♀️而且湯底咸好多所以食豬潤麵會簡漢發漢發除左麵食好食外，連凍檸茶帶大排檔風味，食過麵好回味

如果你中意食豬膶 你絕對要試宜間！以前只係識食深水埗維x，但見佢宜家質素無以前咁好 跟本唔值都得再去排。加上你試完漢發跟本就番唔到轉頭，只會怪自己太遲認識佢地....講到好似好誇張咁 但絕對係真！佢地用既係黃沙豬膶 本身已經較厚身同爽口加上煮到滑一滑又無腥味 真係一絕咬落唔會有渣喔😍而且每碗面都有大約5舊豬膶 絕對夠食👍🏻👍🏻👍🏻👍🏻....唯一要踩一踩既係佢地既凍奶茶🥤略嫌太淡無咩味真·食評

男朋友知道我豬潤控，仲要厚切😝特意帶我來試厚切豬潤。但食好嘢都需要時間排隊的，我們等了差不多1個鐘終於有位。豬潤麵呢度嘅豬潤不得了，超厚切，勁大塊。一口咬下去，又爽又滑，好味到唔識講嘢，食到停唔到口。d豬潤爽得嚟，裏面帶creamy質感，不會有腥味，正宗黃沙潤，係我食過最好味嘅豬潤。麵方面，本來是配出前一丁的，但我怕肥，諗住揀幼麵清啲健康啲，自我感覺良好🙈幼麵幾爽口，但有些少鹼水味落入湯頭中，但這不減我對呢度豬潤麵嘅喜愛，豬潤才是主角，下次選米粉就好了😂🙈。法蘭西多士呢度嘅西多士竟然要$40，但係一場嚟到就試試。裏面係花生醬，可以配糖漿或煉奶，我就選了煉奶。上枱賣相非常吸引，金金黃黃，有一大塊微溶的牛油，香噴噴🤤。將牛油塗均切開後急不及待要吃一口，蛋香濃郁，鬆軟有空氣感，真的像吃疏乎厘，非常有驚喜。裏面的花生醬香濃，配上甜甜的煉奶，非常邪惡😈但真係好好味，食完先再減肥！

麻咪推介我嚟的 今次同埋佢一齊食好西我地點了一碗雙拼的豬潤牛肉米粉 啲豬潤 同牛肉嘅份量都好多下🤩😍🐷🐮豬潤勁厚切 質感好爽滑 超級好食🐷🤤🤤同埋啲牛肉都好🈶️滑牛嘅感覺👍🏽👍🏽🐮仲🈶️個西多士超級無敵霹靂好大塊炸🉐️靚同埋塊牛油都好正🧈🍞仲🈶️得煉係配上蜜糖🍯或者煉奶🥛小妹係揀左蜜糖 識揀一定係咁揀 哈哈奶茶紅豆冰 都幾大杯下👍🏽👍🏽同埋紅豆的份量都係超級多☺️☺️係🈶️半杯嘅份量 啲紅豆size大細唔一樣 不過質感咬口都算係咁 同埋個奶茶都好好飲 甜度適中 奶同茶的比例都剛剛好 歡💜整體都值🉐️推介 絕對🈶️回頭的機會喔😉☺️

呢間野終於開翻，之前一路都想試但係佢得外賣，難得開返堂食我又要去附近買嘢就去試吓。一去到超多人，多人到我唔想等，不過都係等啦真係想試吓。結果都冇乜令我失望，本身想食豬膶粗麵，但係服務員話公仔麵出名啲，所以就轉左豬潤公仔麵，佢啲豬潤好厚，口得來都算係啱啱好，同出邊講嘅出名豬潤麵係略勝一籌，分量都幾充足，加上佢個奶茶好好飲， 整體來講我除咗唔夠飽之外都冇乜地方可以扣分但係如果下次要我等半個鐘或以上我就唔會等完。

平日下午時間去都要等位，等左20分鐘左右先入得，咁嘅天氣等一陣都熱死人(34度)。一年冇黎，加價幅度非常高，超碼都有一成（但我人工都冇加一成咁多）鬼叫我鐘意食豬潤咩，但又唔係間間都整得好食，所以講咁多咪又係照食。豬潤公仔麵$43有酒味，共5塊豬潤，塊塊厚切，食到第4塊都開始飽飽地，講真，係好好食嘅。老公叫嘅牛腩河$50好貴呀依碗牛河，不過牛腩係唔差，同出面2幾3十蚊碗嘅牛腩河係唔同嘅。另外叫左個小食，炸雲吞配芥末醬$39雲吞剛炸起好脆，點埋芥末醬好清新，唔錯～紅豆冰$28不過不失依餐食左$179，好貴呀，真係為左食豬潤嫁咋，我諗都要隔一排先再黎，但我怕到時又加價，到時食唔起啦。但我返到屋企勁飲水，我諗味精都唔少。

新近搬来住在附近，看资料这家餐厅虽然是小店但却很有名气。但因为 COVID-19 疫情，这里全日不设堂食有很多星期了。我只买了两次外卖。据说，猪润面很出名。我买了外卖来试试。猪润算 OK，但只提供出前一丁面。而且这里不提供任何套餐。连早餐都得散叫。另一次，买了一份这里很受欢迎的西多士，只不过不失。这里最弱的是服务员态度。最近一次，看见它恢复了堂食，就进去想吃早餐。结果一肚子气离开，没有吃就走了。本来，对于茶记，我们都要求不高，又不是大酒店。能忽袖而行的，都算几得。

第二次到此店， 1個人易有位啲! 等咗10分鐘!食物:豬潤生麵，今次啲豬潤有2種色; 有啲係黑棕色，有啲係粉棕色! 一半半， 每種3片! 黑棕色唔好食，硬又鞋! 唔知係唔係隔夜嘅!粉棕色好味，夠粉又有彈性! 同上次食嘅一樣!湯底好有層次，鲜甜唔似重味精湯！可以飲多啲！雲吞正常! 豬扒可以! 凍奶茶， 好味！環境: 普通大細，要搭檯，有裝修，有特色，等嘢食時可以欣賞壁畫！冷氣普通！衛生: 非常清潔！服務: 非常好！全女班！客客氣氣！細心聽客人點嘢！

食物:豬潤生麵，冇得輸！夠厚、夠粉、夠多！麵底嘅份量多！女仕多數食唔曬！湯底好有層次，鲜甜唔似重味精湯！可以飲多啲！雲吞生麵，好食！凍奶茶， 好味！環境: 普通大細，要搭檯，有裝修，有特色，等嘢食時可以欣賞壁畫！冷氣普通！女仕唔會叫凍個隻！坐得都舒服！衛生: 非常清潔！服務: 非常好！全女班！客客氣氣！細心聽客人點嘢！唔似好多麵店個個樓面多數好唔耐煩！

下午茶時間都要等位，證明係有實力有口碑，最終等咗10分鐘至有。呢種相其實都睇到厭唔會認真去睇，不過奇怪幾乎間間都有發哥，真係佩服佢對食嘅熱誠。唔係話每台兩個人嘅咩，我坐低之後佢仲想喺我前邊加塊白板然後對面坐多過，我表示反對，佢都算從善如流無夾硬嚟。杯奶茶唔掂，鞋口，苦澀，一啲都唔滑唔香，而且價錢唔平。麵我叫之前已經問清楚侍應有冇鹼水味，佢話冇咁我嘛叫囉，結果第一啖感覺係微苦，食落去的確係唔覺㗎因為味蕾已經適應咗，咁係咪代表個侍應冇呃我呢？湯熱嘅時候仲幾香有薑蔥味，凍咗之後又係一浸鹼水味完全唔飲得。早知食出前一丁算啦。枱上面又冇醋，焗哽！豬潤好厚切，第一啖入口會懷疑佢係咪豬潤，因為喺屋企煮嘅唔會咁爽咁滑，但食落又真係好新鮮豬潤嘅味道，冇得唔佩服店家嘅功力。豬潤火候啱啱好，剛熟。店主五點幾就收檔，聽講係為咗陪屋企人，我諗呢張就係店主兩公婆小朋友畫嘅大作。

深水埗超人氣麵店主打豬膶麵可能大家通常會諗到維記但呢間就遠少少但同樣人氣高企口碑怎至更勝一籌豬膶麵 | $38超厚切鮮豬膶 足1cm厚 真係好少見煮得剛剛好 超級爽口好重鮮膶味沒有渣而且俾足有5-6塊 好抵食超鐘意食豬膶的我好滿足湯底有少許薑味更帶出豬膶鮮香味好正絕對係我食過最出色的豬膶麵(沒有之一)漢發除咗豬膶麵之外 另一招牌一定係西多士真係差唔多枱枱都有叫西多士 | $40有別於平時茶餐廳食的西多士呢個圓身脹卜卜 表面好乾身比一般的西多士少油 唔會覺得好油膩一大片牛油好鬼邪惡 另外可以配煉奶或糖漿食落口非常鬆軟好棉 索哂牛油糖漿味道好正略嫌中間花生醬太少 否則會更好食但就少了一份脆感 喜歡軟棉口感的值得一試不過$40又真係貴左少少奶茶紅豆冰 | $30以為會好甜但估唔到奶茶會咁突出茶味香濃 配紅豆比想像中夾紅豆甜度適中 原粒紅豆唔會煮到爛哂亦唔會過硬夏天消暑飲品必選

此店之厚切豬潤厚度簡直係同一塊扒無分別，口感爽，不乾不柴， 生熟度適中完全冇騷味，非常正對比豬潤麵鮮牛肉麵就有點失色喇， 牛肉有啲淋， 口感麻麻， 最重要係肉味較淡……西多士簡直係驚喜之作， 與其他餐廳煮法不同 ，脹卜卜， 好香蛋味再加埋用煉奶加牛油， 簡直係下午茶number one 熱奶茶好飲唔出奇，而家啲茶餐廳凍奶茶真係好難得飲到茶味， 呢度就畀到你

每次來到深水埗都記得這間餐廳，佢地最出名便係豬潤面， 確實佢地堅持要新鮮又大塊又好味呢！ 而價錢是平民的， 希望不好太多價錢增福，讓更多深水埗街坊都可以品嚐到好味新鮮的食品啊！門面貼滿老闆娘和明星藝人合照，應都多人到這一嚐了！