漢發麵家 (大南街)

營業中

休息中

深水埗人龍店之一嘅漢發麵家，由鐵皮屋起家，久仰大名今次第一次黎潮聖，午飯時間門口圍滿人，由於無得加單關係所以人流都快，等左大約15分鐘就有位。Order左招牌豬潤出前一丁，牛腩麵，炸鯪魚球，紅豆冰等食時見到牆上油畫好可愛，回味下有鐵皮屋嘅日子。牛腩麵湯底好濃，幼麵夠爽，吸收晒濃湯嘅味道，牛腩入味夠林，吾會過咸。紅豆冰好多紅豆又夠奶味，好飲招牌豬潤出前一丁麵，見到厚切豬潤嘅時候，真系會驚一驚，一來驚佢吾夠熟，二來又驚佢會好鞋，點知完全錯晒，入口軟滑又爽，真系出乎意料之外。炸鯪魚球都好味，吾怪得可以成為人龍店，保持到水準最為重要。

喜歡食豬潤既朋友，識食一定係食漢發，其他豬潤麵都唔夠佢黎，要行埋一边，我個人覺得超厚切豬潤，超正，冇得輸!!!自從幾年前食過第一次就爱上了，久五久要去食吓，每次都係大滿足，超好食!之前有一段時間係豬瘟時期，豬肉開始加價果排去過幾次都冇豬潤食，確實失望，勁掛住但雖然無豬潤食但次次都幾多人食。好耐無去食過喇，所以今次去博下啦，經過過往既經驗打電話去問咗先好似比較保險，於是打去確認咗先，yeah.今次終於有得食喇，超正識食一定係豬潤丁加咸牛肉豬手同牛筋超淋，好味道

我最鍾意就係食豬潤，所以呢我每一次放假都會嚟到深水埗呢一間漢發麵家，因為佢哋個豬養真係整得好出色好冧，每一都好大塊，仲好多好足料添我最鍾意就係佢個湯底因為呢佢落咗啲薑，咁所以碗湯嘅薑味都好重食完佢呢，我都會覺得好暖胃嘅👍🏻不過其實呢一家麵檔，成日都好多人排隊所以建議大家早啲嚟😃

漢發，聽得最多係佢嘅豬潤麵好過維記漢發我未食過，今日星期一特登出去試，但我冇叫豬潤麵，恕我講一句，唔太健康可能年紀大左先有呢個諗法兩點幾去到唔多人，量一量體溫先入去，雖然我未食過，但好快叫左西多士、鯪魚球同凍檸茶呢度冇餐，全部散叫。首先想讚下燈光幾柔和，唔會好似一般茶記好鬼光猛，感覺舒服雖然要搭枱，但坐得都尚算舒服凍檸茶黎先$19 檸檬得三片，但算厚身，唔會太薄，因為太薄身檸檬味唔出的夠冰凍嘅，茶味濃，糖水同茶比例較得啱西多士$40 我覺得幾貴的，要味道上攞返分先得唔同坊間四方形嘅西多，漢發嘅係圓形的，熱辣辣的可以揀煉奶同糖漿，我要後者，中間有咖央，食落軟綿綿，好甜，啱我胃口我食完西多先食鯪魚球$39，都飽飽地仲暖的應該係自己搓再炸，正常囉，冇咩特別，我俾西多高分啲總結：我未試其他野食例如雲吞水餃、豬扒豬潤嗰啲，但西多值得試下，同埋佢杯凍檸茶有水準的

深水埗一向有間很出名的豬潤牛麵，但經朋友介紹，原來有間仲正，只係大家要行多幾步，相信大家一定不會後悔，重新認定深水埗豬膶王定位。首先一定要講主角豬潤，每碗大概有6片豬潤，重點係每片都是厚切，好似豬扒一樣。雖然佢厚但十分爽口，而且味道濃郁。鮮牛也十分出色。但要提提大家，最好講清楚想要面的質地，是比較爽口或淋。另外蚧介鯪魚球也要推介，一碟5粒，沒有腥的味道，魚肉內沒有軟骨，又係彈牙之選。至於西多士我喜歡較實身，但呢個反而好軟，淋劈劈的口感較油，相信是占了厚厚蛋漿。

深水埗出名既餐廳好多講起深水埗豬膶麵 以前會諗起維記而家就會諗起呢一間啦🐷.🐽豬膶麵（$37）豬膶一d都無騷腥味加上係厚切 爽口有口感🍴一啲都唔粉 好好食襯埋出前一丁食一流🍜.🥪西多士（$40）多士配上大塊牛油同煉奶🧈超級邪惡口感鬆軟 口感有啲似梳乎里🥞幾有空氣感 味道唔錯.人均消費：$40美味指數：😋😋😋😋😋😋😋😋 （8.5/10）抵食指數：💰💰💰💰💰💰💰💰 （8/10）打卡指數：📷📷📷📷📷📷（6.5/10）.店名：漢發麵家 (深水埗)地址：深水埗大南街192號

之前聽某YouTuber介紹，漢發麵家嘅西多係全香港第一，西多控嘅我一於搵啱時機去潮聖！之前去過兩次，原來小小麵家超有名氣，等候人龍排到街尾，懶得等所以調頭走；適逢雨天終於冇乜人，咁就可以慢慢食。兩大名名物豬潤麵 & 西多當然不會忽略，友人因為炸雲吞有芥末醬所以想食；友子話豬潤好爽，屬於好食級別，我就欣賞餐肉係厚切，仲有肉絲而唔係全粉咁低級炸雲吞係豬肉餡，唔係得一粒蝦咁少份量，幾ok，皮又夠酥脆西多上枱，個樣有啲似餐包而唔係四四方方，原來係索滿咗蛋漿！所以發到啲高，食落好有質感，中間亦有花生醬，遵從傳統。侍應識得問要配煉奶定糖漿，顯然知道唔同人對西多有唔同要求，而漢發麵家相信都係對西多用心研究！真係暫時食過最好食嘅西多！

估唔到依家呢個時勢，漢發都要等起碼半個鐘。心血來潮好想食碗好食嘅豬潤，上網搵到呢間好多人讚嘅，朋友們又好食呢樣野，就拉大隊去漢發。我地已經係人地正常lunch hour前去，去到都見到有條人龍仔，排隊聽到好多人都特登揸車去食，搞到我好期待....最想食嘅人通想都會有啲意外，漏單...個個都有得食，得我等到夜深...好彩好快就追返我碗豬潤米返黎豬潤岩岩熟，冇爆血水！好爽呀，好大塊又厚身！好滿足！不過唔知點解食到最後一塊係有少少苦。嗰湯酒同薑味唔重，正常ok！飲完會有少少口渴。

由第二代接班人郭滿唐延續經營至今45年，光顧過嘅藝人有周潤發、林峰、金剛小儀等👨‍🎤大家注意星期日同公眾假期唔開，而平日淨俾開到下午5點半，認真巴閉唔憂做🤣但實際原因係老闆好注重親子樂嘅時間👨‍👩‍👧‍👦💗豬潤牛肉出前一丁($44)每塊黃沙豬潤都係1cm厚切，好似午餐肉咁，而且有5至6大舊😍好食嘅關鍵來自花心機泵乾淨血水，切片後再沖水，用自製薑汁酒醃一晚，最後大灼3分鐘。咬落去厚身口感十足，啱啱熟唔會太韌，表皮爽脆內裡粉嫩，甘香嘅膶味好突出，無渣無腥味。鮮牛軟嫩完全唔鞋，咬落爽滑彈牙，牛味亦幾濃🐮麵煮得啱啱好夠煙韌。湯底帶薑酒味，味濃唔鹹但欠鮮甜。個人幾鍾意佢冇咁大陣薑味同啖啖薑渣，反而偏重紹興酒香，面頭冇淨起泡泡同雜質夠乾淨🍜💗豬扒火腿出前一丁($49)豬扒肥瘦適中，冇用蘇打粉醃，而係用心將豬扒揼鬆。炸得唔油膩而且透徹，邊位脂肪脆脆身，肉質嫩滑，但依然富有彈力，厚切所以做到鬆軟多汁，而且咸度調味適中🐷薄薄嘅火腿片都仔細煎得透身，仲有少少燶邊，得一塊有d唔夠喉添😝💗魚片魚蛋米粉($37)魚蛋肉質雪白新鮮，胡椒味唔重，食落軟諗，不過悲傷小姐比較鐘意彈牙個款；魚片厚切後外皮炸得煙韌，內𥚃彈

關於內臟，我唔抗拒但平常好少會想食，今日老公講起話有間豬潤麵好出名，咁就即管試下有咩特別啦。位置唔算方便，3點半去到要等位，大概10分鐘後可以入座，雖然店面唔大但唔算坐得好逼，店員仲好好人咁拉多張椅俾我放低個超重背囊，加分!我地嗌左2個豬潤一丁再加份豬扒，豬潤份量好多，舊舊都厚身大塊，食落爽口彈牙，一d都唔粉，刷新我對豬潤既印象，湯底唔咸，麵亦煮得剛剛好。豬扒係另上，唔怕會浸到淋哂，個人覺得可以再整燶少少，會再香口d，不過依家都唔差，肥瘦適中，調味足夠，都食得過。

其實呢我真係食咗漢發好耐，我係內臟人，第一次食佢嘅豬潤麵簡直驚為天人，嘩！好厚呀！嘩！好滑呀！因為以前食豬潤，冇一間敢片咁厚，重熟得啱啱好，咁佢敢煮，我敢食！食完又冇穿冇爛咁就即係冇野啦～～ 不過呢其實中途佢係有過暗黑期，嘀豬潤前兩三年前無啦啦變咗，冇咁靚同光滑，食咁幾次都係咁，我就失望咁無去成年，有時呢，係佢忠實粉絲，但你又真係開不了口讓他知道⋯嘀野唔同咗，你食神咩？！點講喎？唯有黯然離去，好彩我賊心不死，今年又去返，又變返以前嘅佢啦！雖然未到巔峰期但係都有九成功力！ 之前我成日叫人去，又已經貼過好多次豬潤麵相，唔貼啦！再貼意為我有股份，貼下西多啦！有次睇電視話佢勁有心機，一層層蛋漿咁淋上去炸，脹卜卜，我都成日嗌㗎！

Whenever you think pig liver noodles, SSP is definitely the place to go! Found this place on openrice and was attracted by how thick the pig liver were so I decided to give it a try. I absolutely fell in love with it and would visit again for sure! The pig liver’s texture is perfect - tender enough and flavourful with every single bite! This place is also known for their french toast but when we saw that it had a price tag of $40, we became a bit hesitant. Still, since it was cooked in a soufflé

最近經常去茶餐廳覓食，上星期日從綱上見到漢發麵家有好食西多士立即出發，原來星期日休息，白走一趟今天再去，去到已經是下午茶時間，門口已經贴出豬潤售馨，但對於不好內臟的我就無失望，反而更快入座，不過都要等10 分鐘。門口寫明西多士，炸雲吞.....制作需時，不可翻单，所以坐低立即一口氣order 西多士，豬手麵，滑牛出前一丁，雲吞麵，奶茶就必試啦!奶茶最快到，下单時巳叫多奶，高分滑牛出前一丁，滑牛名符其实豬手麵，豬手夠淋，但味道太鹹雲吞麵，雲吞略硬，蝦唔夠爽，麥文記價錢，質量不算太好當幼麵稍凉便浮現梘水味最後主角出場，西多士，加糖槳非常期待的西多士，入口太油，只是面層有小小蛋白梳乎厘口感，不過再食下去巳經失去這個口感，收費$40-1件聞名不如一試，但試過之後又覺得價錢略貴，無套餐，全部散叫，以這個價格，其实有更多更好的選擇

呢間野味道一味！食材又唔靚，服務態度又唔好！份量又細，比bb食咩？又加價都幾密，係咪想追番d租金？唔明佢既食物有咩吸引到人黎食？堅既，真係都唔會有下次，請都唔會黎！

過深水埗買電話卡，點都要食下豬膶麵既，地點唔算太方便，不過十二點幾都已經唔少人排隊了。坐低之後就叫左碗豬潤麵同熱奶茶！個面一黎，馬上飲頭啖湯先，清甜，少少薑味，個人鍾意薑味，所以覺得可以重手d。飲完頭啖湯，咬一口豬膶，夠厚，有咬口，夠爽！再食啖面，面就淋左少少，個人鍾意爽身d。最後飲啖奶茶，爽！好耐無飲過奶茶了雖然覺得杯奶茶d奶可以重d，同d茶味可以濃多d，但都已經好過好多茶記了！間舖都應該幾多熟客，見老闆娘係咁同唔同既人都有兩句，又幾nice咁，加分啊