漢發麵家 (大南街)

營業中

休息中

從維記、品記吃到漢發無論别人說哪裡的豬潤麵好吃 我也會去捧場知道我喜歡吃豬潤麵好多朋友介紹這裡除了豬潤麵、炸豬扒麵 還有一個fluffy 西多士 （一嘗我想吃Fluffy pancake又唔想排隊的心願）豬潤夠爽夠厚切炸豬扒好juicy 煉奶西多士真的好看又好吃 😋簡單的東西做得好吃就是我尊敬的地方吃東西不一定要吃最貴或者有什麼名牌It doesn’t matter Michelin or not, as long as it’s yummy 乾淨、好吃、令人回味無窮才是王道大家有更多其他推介歡迎介紹

慕名而來，大南街漢發麵家，聽說是從前大排檔店主搬入店舖繼續營業，又為了天倫之樂，營業時間縮短了很多，食肆一般背後有個故事都會特別吸引，當然我亦不例外😅門面盡是一些名人合照之類，也收廣告之效，店內牆壁上有手繪圖畫，應該是繪製從前大排檔之貌😬客人比想像多，我們只能迫在其中一個角落，坦白講，如果不是慕名而來，我應該會拂袖而去🙁既然一場黎到，也循例看一看餐牌，其中一張黑白照片，應是他們歷史的見證，餐牌隨便看了一下，其實心中已打算好order什麼🤔先嚐嚐地道的凍、熱咖啡☕️，水準之上，也合格，只是少甜比預期甜了少許，咖啡的味道不帶酸，不錯👍🏻遠道而來試的豬潤公仔麵，放下的時候「嘩」了一聲，實在太大片，看上去好像發漲了的，跟我平時吃慣的的豬潤麵，賣相截然不同😬可惜，入口令我有點失望，咬落去怪怪的好像pump漲的魚蛋一樣，像啤水啤漲了的肝，當然，純粹是個人感覺，只吃了二片已經放棄了，公仔麵就正常，整體感覺「名大於實」☹️價錢我唔敢話貴，見仁見智，好食嘅就貴一貴都值，唔啱食嘅話，就請我都冇用😬

我經常要去深水埗搵物料，搵搵搵，行到腳仔軟，係時候坐低抖抖。話說深水埗開左好多特色Cafe, 皮革工具店，舊區翻新，非常有型格。行到有間麵店，店外一排名車，店舖的玻璃貼滿老闆娘同一堆明星嘅合照。嗯... 應該係有D實力，等我看過究竟。午市都幾多人，我叫左個牛🐂潤+蛋🍳麵+油菜+奶茶無餐跟，全部散叫，當然比茶餐廳平時45 - 50Lunch貴。麵份量不多，所以我叫多蝶菜，男仔可能不夠食，湯好渴，沒味精感覺，香噴噴。注意平時5點30收工，星期日休息，好串🤣🤣🤣

今朝睇完朋友介紹呢間 漢發麵家 就即刻嚟試下碗豬潤麵有幾好食😋真係正，豬潤又厚又爽夠鮮味，杯咖啡亦唔錯👍仲有份西多士係必食推介，賣相已經夠晒吸引，入口軟熟夠蛋香，食西多士加煉奶真係無得輸，仲有值得一讚嘅係店員好有禮貌唔該前唔該後，唔似其他出左名嘅小店態度咁囂張(唸住食西多士最好早啲叫，因為要等好耐)

同事有日建議食豬潤麵，就帶左我地黎呢度。十二點半已全場爆滿。望價錢牌會覺得佢偏貴，一碗麵要接近四十蚊，冇飲品跟，但食完都覺得值👍同事不停推介潤牛麵，但我就揀潤蛋麵。望住碗麵就超開心。塊塊豬潤都有厚度同大塊，浸一浸等佢再熟少少，一口好滑無渣！好味。隻蛋仲要煎到半生熟，配出前一丁一流。不過個湯略嫌豬潤味唔太出 唔夠喉。我地仲叫左炸鯪魚球，一上碟唔食得住，太熱😂。 一咬好有果皮味🤤🤤 彈牙好食，可試 (一碟有五粒，$36)同事點左牛腩飯，佢話好食，仲附送一碗湯 (同事話應該大地魚湯），我飲左一啖都不錯，清甜冇味精☺可encore 😍

話說去左深水埗買電話卡去旅行用,難得黎開深水埗,無理由唔去搵食嫁ma之前黎開深水埗都係食劉森記,車仔麵醒起上網睇過人地話漢發豬潤麵好掂~把心一橫睇住GOOGLE MAP 搵路去搵食終於比我行到啦~由於一個人比較快可以進入,LUNCH時間唔洗點等 勁正呀豬潤大大件,有成五六件都算，哇~ 厚切到成舊午餐肉咁呀極度爽口彈牙每一舊都無渣無腥味先至係重點,你無睇錯....真係$34 環境又好....乾淨企理,有冷氣,衛生下次想試埋西多士呀....牛腩麵~ 但豬潤麵都要叫埋~

早幾日去左深水埗食早餐，因為知道有間厚切豬潤麵。之前豬潤麵只食過維記，不過本人覺得麻麻，因為我覺得佢d豬潤比較乾身，好似細個屋企人煲完豬潤水，拎番起d豬潤咁。點左個豬潤蛋爽丁，上到枱，豬潤真心係厚切嘅。食落仲好嫩滑，無渣。口感好豐厚滿足，不過，我嫌湯低比想像中無咁鮮甜。佢應該係用番丁麵嘅湯粉。反而維記應該係連豬潤一齊煲左個湯底，所以會鮮甜d。不過如果比我揀，我會選擇食哩間。起碼豬潤先係重點，同埋下次我會識叫多蔥。後記: 好似食神話齋，不如溝埋維記湯底，漢發豬潤做豬潤麵牙！笨！

呢間其實之前同事介紹試過食之後，真係返唔到轉頭勁好食，剛剛好熟，唔會乾柴柴，時間掌握得啱啱好，而且30幾蚊一碗入邊有四、五塊勁大塊既豬潤，湯底都係勁香，加埋粗面索晒個湯，正👍🏻👍🏻👍🏻仲有最好唔好四點之後過嚟隨時冇晒

(#深水埗必食）比同區嘅豬膶好食❗️❗️❗️❗️豬膶牛肉出前一丁🥢 大大件厚切豬潤五六件，咬落去極爽極彈牙，完全唔會un🤤而且剛剛熟透，食落好有膶味而且無渣無腥味👍非常juicy😋 牛肉滑口加埋出前一丁再加上辣油，真係不得了。😋❗️❗️❗️p.s如果想食全香港最好食既豬膶 ，一定係呢間。🤤🤤🤤牛腩牛筋麵🥢牛腩牛筋超滑超腍，唔洗點咬已經喺胃入面，啱哂我呢啲冇牙力既婆婆，加埋佢既生麵好正好好食，腩汁好濃好入味都係冇得輸。不過佢愈黎愈多人食😣，牛腩牛筋好明顯質素下降，之前揀最靚嗰part比人食，而家就已經唔係😟（真係好傷心💔），好彩豬膶仲維持到質素👍😋味道指數：🌝🌝🌝🌝🌜抵食指數：🌝🌝🌝🌝回頭指數：🌝🌝🌝🌝🌜⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）豬膶牛肉出前一丁$41牛腩牛筋生麵$34💡餐廳資料：漢發麵家 (深水埗)深水埗大南街192號

一直沒為意原來大南街有間漢發麵家, 因為附近都是賣皮制品賣布料的鋪頭, 冷冷清清的街竟然有食肆, 而且還時有人排隊, 令我想一探究竟人流都去得好快, 排隊期間見門口貼住好多明星合照, 又見不時有人揸車專登過來食, 心裡懷著滿腔期待! 即刻上openrice check下有咩名物推薦先 ~ 原來係豬潤麵 !坦白講豬潤平時唔會食, 唯一只在維記食過, 今次發現與同區豬潤麵各有千秋 首先因爲平時少食, 大鄉里第一次見豬潤五塊都同午餐肉一樣咁大件咁鬼厚, 完全無腥味, 口感猶如脆肉鯇般彈牙!唯湯底覺得有點格格不入, 可以改善! 而熱奶茶只屬一般, 下次想試埋西多士, 又有借口再來 ✌

友人推介。。誠意邀請去試佢地馳名豬膶麵。。知佢早收及星期日例休。。星期六下午3點9到。。已排隊中。。即取飛等等了20分鐘有枱坐下後。。因先前已見到張貼麵包沽请，所以冇去諗西多，三文诒。因下午茶。。不想食太飽，故同友人共享豬膶公仔麵，牛腩幼麵。。兩杯茶走少甜。豬膶公仔麵，，湯底算请，冇乜血水。。豬膶大大塊，啱啱熟。。好爽口。。正。。但公仔麵就淋咗DD牛腩幼麵。。。麵身爽口。。牛腩汁好入味。。但牛腩變成牛肋條。。口感好淋。。但冇咗牛腩爽口感覺。。有D失望奶茶。。茶底係傳統茶餐廳風味。。配合煉奶。。帶出濃濃茶味。。超正整體黎講。。食物質素好ok註。。事後向老板請教為何用失肋條。。佢回答話係特登。。因佢話吾想冷鮮牛腩。。。小弟愚見。。牛腩吾係牛腩。。已失去本質。。係咪難做就用代替品呢?

早上行逛到此附近,想起人家介紹過這家豬潤麵比維記好吃,於是到來找找,也容易看見,門面貼有很多名星相的,步入店內見有位,看餐牌,點了豬潤出前一丁麵,豬潤大大片,剛熟,不太老,麵湯已是豬潤湯了,忘了出前一丁麵湯吧,湯好喝,麵中規中矩,確實比得上維記,這家店員很客氣的,全程舒服地用餐,這天人不多,很寬敞的環境,才是平日0900左右,很喜歡這樣的牆畫,旁邊有這店的昔日相片,吃過之後欣賞一下,長智識了,連同明星相,很是看得開心,下次或再來試西多。

早晨。西多。行左到隔離區漢發食西多。黎之前一直好奇$35一份西多究竟有幾掂？！黎一份+奶茶，先講奶茶，茶味有，奶偏多，欠左d厚度。西多係好食既，每一啖都食到花生醬同少少蛋香。淨同煉奶唔加糖漿已經好好食。價錢係好貴不過食完又覺得算值得。抵食就一定唔會不過的確有心做好份西多。早餐時段見到基本枱枱都會點豬潤，豬潤望落的確比同區X記厚身同量多。下次黎試下先。食完過附近藍山買外賣咖啡慢慢行上山hea下放空。愉快。

以前講起潤牛麵，就會即刻諗起深水埗維記，今次爸爸大人話帶我黎呢間試下喎其實呢，本身我係麻麻地潤&牛嘅，純粹係陪下爸爸大人食，不過今次呢間確實係幾好食喎👍爸爸大人食潤牛麵+熱齋啡，我食潤牛米+凍奶茶，凍飲竟然只係比熱飲貴一蚊，即刻開心叫凍嘢飲試左個湯底&麵先，湯底雖然冇維記咁濃，但都幾清甜。個人口味而言，幾鍾意佢冇咁大陣薑味&啖啖薑渣。偷食爸爸大人個丁麵，配丁麵係好食啲喎配米粉就清淡啲，有食早餐的feel~再黎試個潤&牛個潤真係超~級~好食啊厚切的豬潤僅僅熟啱啱好，完全做到外脆內滑的質感，一啲苦澀味都冇，勁好食啊牛肉就普通啦，唔係超好食，冇乜肉味但質地嫩滑，都唔錯嘅重點係潤牛份量超多真係食餸都飽呀

微雨的週末中午，慕名而來深水埗大南街近黃竹街由綠皮大排檔搬入舖的人氣食店「漢發麵家」。按照老友推介，點了豬扒蛋丁、豬膶米、和必吃的西多士。豬扒非常厚身，但就煮得好腍，帶點獨特酒香，食得出係揀手新鮮貨，煎蛋煎得好香（經常話而家唔少平凡茶記係連蛋都唔識煎的），兩個孩子就頻呼碟豬扒飯好味轉眼就食哂；豬膶我唔食，冇得評，但太太話除咗厚之外亦係好腍冇臊味；西多士就真係令人眼前一亮，個心非常夠熱，花生醬、牛油和煉奶香味融為一體；奶茶夠滑，非常夠茶味，係上品，留意到牆上曾經做過的「飲食男女」專訪，原來佢地杯茶係舊蘇屋邨嘅「杜鵑茶餐廳」個師傅教的，唔怪得咁正啦，清拆前嘅「杜鵑」同青山道嘅「新華」在奶茶來講當時真的是一時瑜亮啊！總體而言，我對「漢發麵家」的評價甚高，絕對值得專程前來。