漁匠料理 (已結業)

老婆成日都叫我帶佢食好嘢，又係時間食返個豐富嘅日本餐，為左食好西，又千山萬水來到上水食返餐好！呢間都唔係第一次來食架啦，我覺得真係食物好有水準，服務又好。水牛爆珠雪糕特飲一個大大嘅雪糕球放在杯上, 下面就係冰涼嘅雪碧，加上最底層一粒粒細小嘅爆珠，上枱已經好吸引，牛奶雪糕好香，一粒粒爆珠入面都有糖水，好甜好好飲，已經算係一個甜品。原條鮮魚刺身師傅刀功好犀利 砌出嚟嘅魚片薄而通透，魚肉嘅顏色鮮豔，可見得魚肉非常新鮮，食囉去魚肉爽口彈牙帶有少少清甜嘅味道 還可以配上師傅特製嘅醬汁，食落去另有一番風味。藍鰭吞拿魚壽司盛師傅用吞拿魚做出唔同款式嘅壽司，小卷物，軍艦，壽司，火灼壽司，我自己最喜歡食火灼壽司 。用火輕輕在吞拿魚面燒；入口嘅時候帶有少少燒焦嘅味道 ，加上吞拿魚非常新鮮，食落一啲腥味都冇，還有吞拿魚獨有嘅甜味，算係一流。叫左大蝦天婦羅，師父將天婦羅排成一個小錐體, 雙腿造型好特別，今次做嘅天婦羅做得唔錯，天婦羅面層非常鬆脆 又唔會非常之厚，入邊嘅蝦食得出好新鮮，口感彈牙又唔會學梅爛爛咁，有水準！呢間用料新鮮，比個讚！

難得家姐一家係美國返港媽媽說今晚不煮飯，齊齊落街吃本來打算到商場那邊吃，但見到商場太多人所以無入去，直接過去舊墟那邊的漁匠食可能我們到的時候，時間尚早，人流不算多入座後慢慢就已經很滿座，真的很幸運金目鯛刺身 $636刺身好嫩滑，味道較清再蘸師父自家製的醬汁酸酸地帶點柚子味道，更加引發魚的鮮味日本南瓜天婦羅(6件) $38每片都切得很大件南瓜外層炸到很香脆，炸粉亦不多南瓜很甜，內𥚃很軟身且熱辣辣藍鰭吞拿魚壽司盛(二人前) $378不同肥美度不同質感不同做法的吞拿魚都可以吃到由較為少脂肪的開始吃起味道一件比一件層次香濃先吃吞拿魚壽司、再吃中拖羅、大拖羅吃完已經齒頰留香，再吃火炙赤身、呑拿魚蓉軍艦、鐵火卷，十分滿足日本室津生蠔 $32/隻比平時食的法國或澳洲的生蠔很不同肉質豐厚，一大啖食落去，十分滿足日式炭燒西冷牛扒(160g) $108牛扒煎至八成熟外層灑了黑椒再煎，令牛扒更香切開一件件上碟，方便入口而旁邊的醬汁同牛扒味道好夾，讚伴隨的沙律菜可減底肉的油膩感若加一點沙律醋在沙律菜上就更好了大根鵝肝 $53因為自己的口不算太大，不能一口好似漢堡咁咬所以先吃上面的菇，菇吸收了鵝肝的香味入口好香

自從出黎做打工都好少有時間同屋企人食飯，難得今日收早，就返左上水同阿媽食飯，平時阿媽好少食日本野，於是就帶左佢黎呢間漁匠料理日本室津生蠔 $32/隻生蠔十分肥美新鮮，好重海水味上面再有蟹籽作點綴，多重口感金目鯛刺身肉質嫩滑，整條魚上碟，色澤很新鮮魚既味道再配合自家製的汁，更易入口藍鰭吞拿魚壽司盛(二人前) 分別有大拖羅、中拖羅、呑拿魚、火炙赤身、呑拿魚蓉軍艦、鐵火卷有不同的吞拿魚壽司做法，自己就較喜歡大拖羅因為特別喜歡脂肪較多的魚生，入口好快就融化另外較喜歡鐵火卷，因為可以一口過可以將整件吃完大根鵝肝 做法幾特別，先食冬菇，再將兩塊蘿蔔片夾住煎過的鵝肝，蘿蔔將鵝肝既油膩減低，兩者味道很夾日本南瓜天婦羅(6件) 本身不太喜歡吃南瓜的我，吃完這個天婦羅後，對南瓜的味道有所改觀，外面炸到非常脆口，南瓜食落好甜，再蘸天婦羅汁，外層的炸漿炸完有點像大排檔的蠔餅感覺，很香脆日式炭燒西冷牛扒(160g) 牛扒肉汁豐富、肉質不太韌黑椒牛扒再蘸附上的醬汁更加惹味日式炭燒咖啡(熱)

最近成日睇日劇，搞到成日都想食日本野，就來到呢間好味日本餐廳。日本廣島運嚟嘅生蠔，咬落去肉質爽口，帶有一點creamy嘅感覺，味道清甜蠔味都幾夠新鮮。之後叫蟹味噌甲羅燒，這裏嘅燒物做法特別，會有一枱一個小炭爐畀你自己燒住嚟食。真係用炭嚟畀你燒好有風味，佢係用蟹殼裝著滿滿嘅蟹膏，入邊放有啲蟹肉同一隻鵪鶉蛋，望落去已經非常之吸引。仲有鹽燒大涌雞肉串，同埋鹽燒煙肉番茄仔，兩個都好香好好食，正！最後就梗係甜品時間啦，再叫個溫室蜜瓜紅豆芭菲，呢個淨係睇賣相已經不得了，食落蜜瓜又甜雪糕又好味，紅豆仲要係日本入口添，真係一個完美嘅甜品。呢餐真係好滿足，下次要叫多d人來再食多d。

出開去上水又係時候encore漁匠料理， 上一次你食咗去過shabu-shabu很不錯，今次泥試下其他嘢先 首先同朋友仔一人一個生蠔開開胃先， 生蠔上面放咗三文魚子， 口感爽脆，而且三文魚子嘅鹹鮮味更大提升不少生蠔嘅鮮味， 很好嘅一個配搭 這個精選壽司拼盤共15件， 都幾多款式選擇， 乜都有啲 ，而且每一件也很精緻， 鍾意食壽司嘅朋友呢一個都係個不錯嘅選擇。 有陣時如果一個人嚟食又唔知食乜 ，呢一個拼盤就真係乜都有曬啦。 食完壽司唔夠喉，再點咗多一份刺身 ， 食多轉， 同朋友仔兩個人食呢一個份量就啱曬啦。 當中中拖羅，油甘魚 同埋三文魚刺身 件件厚切 ，十分肥美。 牡丹蝦同埋北海道帆立貝夠曬q彈。 原來海膽加埋三文魚魚子放喺紫菜上面食 爽脆口感 ，感覺又係另一番滋味。 網燒西冷牛 經過 燒烤 散發著一點點焦香味， 燒嘅時候將啲肉汁鎖喺裏面，所以到我哋食嗰陣 咬落好juicy 天婦羅軟殼蟹 就咁睇都知道佢咋都非常酥脆， 雖然感覺好似有點熱氣，但不得不讚送酒真係一流。 這個是用日本蘿蔔 夾住塊鵝肝上面再加咗個冬菇而製成記鵝肝夾餅， 甜甜的日本蘿蔔中和咗

我們幫襯了這家 漁匠料理 都有兩三年之久 , 其食物的質素有保證而且一直也有追蹤其 facebook , 知道何時有靚魚入貨便會立即前來幫襯 , 就是這樣 , 當我們得知有新鮮吞拿魚到貨 , 還要是即場劏的 , 我們便一早訂檯 , 來吃最新鮮的 鮪魚盛宴 ~鮪魚盛宴 ( 即日到店 - 限定放題 ) $ 420/位 , 包括 : 刺身 ( 赤身、中拖羅、大拖羅 ) ,  壽司 ( 赤身、中拖羅、大拖羅、火炙赤身 ) ,  手卷 ( 赤身、中拖羅、大拖羅 ) ,  刺身丼 三色鐵火丼 ( 赤身、中拖羅、大拖羅 ) ,  味噌湯 ,  雪糕即場劏的 吞拿魚 就是夠新鮮 ~刺身 ( 大拖羅、中拖羅、赤身 )大拖羅 : 肉質緊實細緻 , 味道豐腴甘香 , 入口幾乎立即化 , 散發出甘甜魚鮮味 , 鮮味無比 , 是重量級的美味 ~中拖羅 : 油脂和鮮味都非常均衡 , 油脂在口中適度地融化 , 也有微微酸味 , 濃厚味鮮 ~赤身 : 質感偏軟 , 魚鮮味強勁 , 帶有適量的酸度 , 吃後在口中的餘韻良久不散 ~壽司 ( 赤身、中拖羅、大拖羅、火炙赤身 ) : 食材夠新鮮 , 壽司師傅也夠經驗 , 握

今日來到上水搵朋友一起來漁匠吃晚飯今次點了生蠔 (HKD32/隻) 在生蠔上加上魚子海水微咸加上魚子鮮味，顯得生蠔更清甜這種吃法可以encore多幾次，比點茄汁更鮮更好吃！ 刺身併盤(HKD408)，樣樣有肥美厚切，又新鮮海膽味道清甜，配吃紫菜吃！ 正！ 只是紫菜size比較細片。 大蝦刺身肉質爽，蝦味濃三文魚刺身，肥味有魚脂香什錦壽司併盤15件 (HKD228)長長的三文魚壽司吃得最過隱壽司飯我覺得握的大小剛好，我本身不太好大件的壽司飯這個正合我心意天婦羅軟殼蟹 (HKD58)整隻上，炸得非常酥脆香口熱辣辣，脆漿沒有很厚，無粉感 很難得天婦羅我會覺得不錯，這個非常好吃！大根鵝肝 (HKD53)鵝肝夾在2件大根中間爽甜大根添鵝肝香氣，一點都不油膩甜品跟朋友share了一個溫室蜜瓜紅豆芭菲 (HKD88)超大半個溫室蜜瓜，清甜中間夾了2個雪糕球及紅豆雪糕固然好吃，紅豆很大粒而且夠腍有"沙"的味道而且紅豆很香想不到有這道甜品，夠正！ 

大老遠從九龍區進入水貨聖地—上水，本來打算光顧另一家的有名拉麵店，亦電話再三確認是在營業中，可惜的是兩點到達門口卻因為因午市的拉麵已售罄而吃了一大個檸檬TT.在傷心亂逛之際，走到近一街之隔的漁匠料理，在店外擺放的餐牌也很吸引，於是便決定安坐下來。午市的餐牌超過十款款式，當下既想吃湯麵又想食飯，剛好發現醬燒三文魚飯定食($50) 有小菜和湯烏冬，幸虧當下很肚餓，所以統統都吃光了~~小菜用碟子呈上的是中華沙律，份量也不是算少，味道不辣而且夠凍；然後主菜來了~~~ 因為是即叫即燒，所以店員溫馨提示小心碗邊熱。醬燒三文魚該也就是火灸三文魚，約有7片近半個手掌大的三文魚片，一塊搭一塊的圍著碗邊，所以會是半生熟的狀態，但略嫌醬汁太咸，雖然說配著飯一起吃會較好。而湯烏冬的分量也不可以小看，起碼也有半個大小配上清徹的味噌湯底，這頓午餐簡直比美出奇蛋，一次過滿足三個願望，而且性價比高，要是我住在附件相信定必變了飯堂！！

之前睇電視見到呢間漁匠料理，就去試下啦，去到一打開個餐牌，大部分都過百，所以後來點左個都唔平嘅餐，諗住質素唔會差，個餐嚟到之後，真係爆失望，賣相已經唔靚，手卷上面啲蟹籽掉晒出嚟，啲飯又有異味，紫菜軟晒，再睇啲壽司，都係嗰句，飯有異味，而且魚生唔新鮮，叫左兩個A餐，三文魚刺身都勉強可以接受，但係兩個三文魚同碟上，好似想洗少隻碟咁，另外牛排真係差極，醬汁咸到死，蓋過牛排嘅鮮味，牛排又硬又有梳打粉味，討厭極!連味噌湯都衰過人，太咸，飲左半碗已經忍唔住，總之一句講晒，魚冇魚味，牛冇牛味，真係唔會再嚟!

未試過一間咁中伏嘅日本料理，價錢唔平，對比尖沙咀都唔算平，不過非常差！呢個刺身拼盤$408，＄180嘅質素都冇，仲差過爭鮮！自問唔係要求高，但真係好難食，我好鍾意食海膽，未試過會食剩海膽，啲海膽入口直頭苦，有少少想嘔！食剩既海膽！仲未解凍嘅刺身黐埋一舊，四百幾蚊一盤刺身，冇理由俾啲咁嘅質素我囉！刀功"一流"，衰過元氣，無鮮味！未試過食日本野食得咁唔開心！好嬲，連其他小食，2個人埋單700幾，垃圾質素咁貴，唔明點解咁多好評！唔怕中伏就去食！真心嬲

呢間上水小店，外觀望落雖然唔算太豪華，但佢其實好有內涵架，講緊嘅係佢啲日式料理。呢碟壽司併盤每樣壽司都有件咁，岩晒貪心嘅人壽食喇！三文魚腩好新鮮，啖啖油香食落嘴度，真係Oishi呢個西京燒用嘅係鱈魚，魚質夠滑就唔使講啦，重點係啲魚肉同啲汁好夾，燒得岩岩好，焦脆表皮下面嘅魚肉夠晒Juicy呢個一魚兩吃嘅魚湯泡飯夠晒鮮甜，魚香十足，加埋其他配料，夠晒飽肚呢個一魚兩吃嘅刺身，師傅會用當日最新鮮最靚嘅魚嚟整，味道當然係夠晒鮮味啦，好似岩岩喺海度捉上嚟咁

自問平時對食並無太大要求，所以一直無寫食評，今次食過呢間漁匠之後真係忍唔住開一個account黎寫....小妹平時最愛日本料理, 琴晚肚餓又好想食魚生飯，就去左呢間看似好日本居酒屋ge小店食一打開個餐牌，價錢都唔平，去到刺身丼果版，都差唔多全部過$100，有啲仲$200幾咁是但啦，諗住呢個價錢就獎勵下自己食好啲，應該質素有保證啦，最後點左個三文魚帶子丼（$118）等左一陣，個飯終於黎到，佢送呢果陣已經見到隻碗出煙...送到枱面果時完全失望到極點，同佢menu張相完全兩回事，係求其裝碗飯擺3片三文魚+3粒帶子啲白飯係熱ge仲要零醋味，刺身比白飯ge熱已經搞到係暖ge，放入口果下好嘔心...果下嬲到無影到相，最後勉強吃下魚生就比錢走，我發誓唔會再黎呢間野度食，完全係中伏！我未食過咁難食ge魚生飯！

數天前在官 FB 得知我上個月錯過了的 ⟪鮪魚盛宴⟫ 已鐵定在今個月的三十日載譽歸來，醒目的我即時致電訂位並排開那個晚上的行程，更在月曆上劃上 😋 饞嘴的記號好讓我每天倒數。 ⟪ 鮪魚盛宴 ⟫ 的開始時間是由晚上六時至十時，鮪魚是即日空運到店，喜歡的話是可以提早一點到達欣賞鮪魚解魚儀式。 除了 ⟪鮪魚盛宴⟫，這裏的刺身亦屬時令の選，直送自日本，務求做出不時不吃！ 到達料理店時解魚儀式正在進行中，這條重約 42 . 50 kg 的原條鮪魚 ( 藍鰭吞拿魚 ) 是由日本長崎人工養殖，可能有些食客會嫌養殖魚是不夠野生捕獲魚的肉質彈牙，但是在地球共同資源的保護下尤其是藍鰭吞拿魚，養殖總比野生的叫人吃得安心。時間尚早，料理店內已坐有食客在等待著 ⟪鮪魚盛宴⟫ 的開始，師傅繼續手起刀落，轉瞬間，鮪魚已被切分成赤身、中拖 和 大拖。簡單的把 ⟪鮪魚盛宴⟫ 介紹一下 : 每位只需付出 $ 420 便可以由晚上六時至十時內任點任吃 藍鰭吞拿魚 的赤身、中拖 和 大拖，師傅會把這三個部位以刺身、壽司、手卷、刺身丼來饗客，另外每位客人還可享用一碗味噌湯及一杯雪糕新地。味噌湯鮪魚刺身 (左) 大拖羅、(中)

上水美食何其多，基本上要通通吃完要花點時間吧~今次與友人來到漁匠料理尋找日本滋味~根據網上上水居民所說，漁匠料理的魚刺身經常轉換，按星期日本空運來港，這點已經深深吸引我們!目仁魚刺身花漾登場，其精緻的造型擺盤實在太誘人，鋪得滿滿的刺身都看不到魚骨，盡顯高貴風範。軟而即化的濃郁感瞬間爆發口中，久久不散的鮮美令人迷戀。生蠔肥厚又碩大，口感綿滑軟嫩，鮮美滋味甘醇，特殊的海味，果然是極新鮮的好味。伴上鮮甜的魚籽，鮮上加鮮，不用沾上任何調味料已經好吃。珍寶三文魚壽司這厚度與長度光看就滿足，舌頭稍微的頂一下三文魚，魚肉在嘴巴內不用怎麼咀嚼魚油就化開了，鮮度令人著迷。油甘魚腩壽司中含豐富的油脂，甘甜肥腴，難怪大家都愛油甘魚腩，一入口後，侵襲而來的是高雅又即融的脂肪甜味。珍寶赤海蝦壽司滿嘴鮮甜滋味，滑潤好吃，完全沒有腥味，令人驚豔。海膽軍艦甘甜味香，滋味細緻而清冽的韻味，讓人還滿喜歡的。珍寶帆立貝壽司灑上酸酸的檸檬汁，多了一層鮮味，完全將帆立貝的甘甜給鎖住了，富彈性，海味滿滿。大根鵝肝鮮甜的蘿蔔搭配入口即化的鵝肝，真是極致享受。細緻的蘿蔔與濃郁綿滑的鴨肝，不甘示弱展現迷人風華。漁匠蟹味噌甲羅燒蟹膏清爽

本人住上水，間中幫襯魚匠，首先舖面較细约座三十人左右，而整体質與量只可說一般，得閒試試，不要有大期望，特別是壽司魚生也只是一般，價錢也一般，致於串燒海鮮也平平無奇，不是好新鮮，烏冬及拉麵也只是一般，總,之平平無奇，不值高分！