漁匠料理 (已結業)

星期日中午，客人量不算多，眼見四位待應站在店中心不斷高聲談天，落單時叫了少甜飲品，最後店家給了走甜的飲料，便禮貌地要求更正，但待應態度充滿質疑及面露不悅，仿佛貼錢買難受，吉列豬扒也炸燶了，自從一年前在此餐廳用餐後得腸胃炎便沒再光顧，今天心血來潮再到訪此餐廳，感到相當失望，決定再再再也不會再到此店進膳！！！！！！！！！！！！！！！！！！！！！！！！！！！！！！！

大熱天時只想食涼快食物，所以通常揀日本菜，懶得諗就會揀質素有保證的漁匠，最緊要夠近星期六的lunch得lunch set，侍應無放低其他餐牌我同姐姐都叫咗鯖魚定食，有前菜、有湯、有飲品，仲有兩塊三文魚刺身，非常抵鯖魚我覺得還好，不過不失，但姐姐話佢戈條比較老咗少少，應該係原材料的問題埋單$75乘二，無收加一，合理

上水有好幾間日本，最高級的日本餐廳應該是這間了，價錢亦是最貴。當然，價錢貴是因為質素也很高，裏面的料理很花心思，刺身也是非常新鮮的。餐廳內的餐牌其實選擇並不多，我和朋友叫了一款二人套餐，包括有一個火鍋、一碟魚刺身、還有一些前菜，火鍋我覺得沒什麼特別，反而他即切既劏的魚刺身，我覺得很新鮮，他整條魚上，很是漂亮，而且我們選擇的魚類是每天參定不同的，所以是與平常吃的與魚類不同，挺為特別，不過稍嫌這份二人套餐，份量有點少，可能要另外再叫一些小食才夠飽。

唔知點解上水有好多日本餐廳😂在上水舊墟（石湖墟）近北區運動場尤其密集，一間要等得耐既話都可即時去另一間，幸虧大部分都係好食既，包括呢間「漁匠」。壽司夠新鮮既，同埋有我中意既火灸系列，加晒分！呢度夠晒特色係好多「明火」出現，例如呢個清酒煮硯，啲湯底好清，唔覺意都飲咗小半碗。同埋就算單點一串，都會有呢個串燒爐可以玩下！（只限夜晚先有）圖上係雞翼同雞軟骨，好惹味♥️由壽司到串燒再到打邊爐三種玩法都有，個menu真係好豐富！野菜籃都夠大盤，四個人的我們就叫多咗個烏冬同豬肉，就好滿足咁走～作為上水居民，lunch or dinner諗唔到食乜，通常都會揀呢間，極力推薦呀☺️

看到openrice的推薦 抱著期望的心情 結果強差人意 實在 ......魚生完全不凍 .. .. 連中意食生魚片既家人都話吾得甜蝦 肉質尚可但 都係好似over解凍咁 呢個鵝肝海膽算係覺得不錯的最好食既覺得係沙律而已 ......其他仲有d冇影到最強差人意既係壽司 點左個軟殼蟹壽司 但 d飯一d都吾係醋飯 而且係熱架 .... d飯好似一般飯 夾左d軟殼蟹 飯仲要係"淋"真係吾ok呢個品質就算係walkin 都吾ok 何況係以上水區日式料理黎講算多人推薦伏

食物完全唔新鮮，d壽司冇鮮味。嗌左個黑毛豬鍋物，d豬肉一睇個顏色就擺左好耐，完全冇肉味，勁難食。鍋物既配料幾乎全部係菜。叫左清酒，明明話凍飲，但上熱飲😪d串燒又係完全冇味，仲要俾個小炭爐我地燒，但其實冇乜用，又搞到勁大煙。一心諗住黎食好野，點知食係劣食，真心一肚氣。Openrice咁多好評，一係就係呢間野水準突然急降，一係就係....（自己推測）🙄openrice comment真係唔可以盡信！唔會再有下次！想食日本野既朋友真係要三思

話說上水以前有間日本料理都幾多人讚好，好多年前食過一次，坐無虛席，十分熱鬧！過咗咁多年再嚟食，人氣大不如前，得小貓三、四個客人。芒果蟹籽沙律蟹籽比以前少咗，沙侓醬都少咗d，不過都ok嘅~海膽軍艦海膽係淺色d，味道清甜。火炙左口魚裙邊壽司火炙過嘅左口魚裙邊，甘甜魚油慢慢滲出，層次豐富，濃郁甘香。活赤貝刺身新鮮、爽甜，正!軟殼蟹卷軟殼蟹炸得香脆唔油膩，不過飯卷醋味較淡。漁釧串燒盛煙肉蕃茄中、鹽燒雞中奕、鹽燒牛舌、豚肉露筍、大葱雞肉中、鹽燒豚肉腩各一串。上枱時連同一個炭爐仔比你自己燒，串燒上枱前已經燒至8成熟，自己燒多陣就食得，好食又好玩!玉子燒熱辣辣，甜甜地，好好味!

工作中午餐，我都會盡可以去試未試過嘅餐廳，今日去呢間上水區排頭位嘅日本餐廳，去到人少少，兩點幾去到唔使等位，店內長窄環境，桌椅都係平實木方枱，加啲日本🇯🇵裝飾，午餐選擇幾多，大家都揀到！食物好快到！四色刺身丼（$128）一碗顏色繽紛，魚生都係厚切，三文魚肥美，紅魚片厚切，味道鮮美，起肉蟹肉鮮美，三文魚子好似寶石脹卜卜，加上玉子絲，撈飯好味，白隻珍珠米隻彈牙，紫蘇葉新鮮！好味跟餐湯烏冬：細細碗，烏冬彈牙，湯底清甜！簡單好味跟餐中華沙律：細細碗，滑溜彈牙跟餐熱柚子蜜：夠晒熱，柚子蜜落得多，甜味清爽同事食：日式叉燒拉麵（$62）跟餐加州反卷：跟餐中華沙律：跟餐凍咖啡：食物唔錯，店員有禮有笑容，好快回應！幾好午餐唔使加一

第1次寫食評，多多指教。漁匠剛開張時食過一次，但記得無咩特別，地方又有d逼，所以一直無再去。尋晚想食日本野，上水多間日本鋪都要排長龍，漁匠睇落最快，所以就選擇幫襯。我地4個人，由於懶得諗食咩，所以叫左個日本活魚刺身4人餐。食物如下:1 蟹子沙律 (一般味道，無咩特別)2 蝦頭麵豉湯 (蝦頭好甜， 麵豉湯無咩蝦味，正常麵豉湯味) 3 炸蝦天婦羅 (如果唔沾汁個蝦係完全冇味嘅，淨係得炸粉味) 4 活魚刺身 (叫餐嗰陣時都有問可以揀咩魚， 侍應話係師傅揀嘅，無得揀， 上碟嘅時候問咗呢條叫“盧魚” 由於好少食“非一般”既魚刺身，所以唔太識評價😅有魚味，但唔係好濃個d， 質地唔係煙韌或爽口，適中)5 四色壽司 ( 吞拿魚同蝦壽司比較出色， 三文魚同鰻魚都係 正常味道)6 蒜香鐵板牛肉 (好多蒜片，牛本身無咩味，一直要沾汁， 味先出返嚟)7 清酒煮蜆 (蜆有少少沙，味就夠嘅)8 輕井雞鍋 +黑毛豬鍋 (有2個鍋，每個鍋都有蔬菜， 分量好足， 另外仲有兩個烏冬 加上肉之後個湯底有甜味)9 餐飲 隨餐有四杯熱飲叫咗熱朱古力同熱柚子蜜 味道啱啱好總括嚟講呢個餐都抵食，埋單唔使加一，共560蚊 四個人。下

本来想試個套餐，主要有活魚刺身半條，覺得套餐應該化算一点。而且阿囡想吃甜品，二十元可追加布甸。可惜店家說有些刺身沒有貨，只提示可轉個380的套餐，原本点的只是320,元，今次吃不了，可以等下次再試的。所以没有轉，改吃散叫的，沙律，手卷的，寿司，也要了一份燒汁牛肉套餐，肉汁，洋葱弄的汁，好好味，其他的一般ok,有一杯熱飲送，天冷飲咗，暖粒粒。反而我和老公覺得辣汁炒蜆有驚喜。整得不太多汁，辣味不是死辣的。可以一試。

作為上水居民難得見一間日本嘢唔錯，都幾經常過黎食今日又係一家人來吃晚飯首先等位已經安排得非常之差有大台唔比客入但拆散曬比細台入左去後，明明唔係好多台，但d阿姐好似好忙咁，全程西面十問九不應好似全世界得罪佢地雖然魚生quality真係好好但野食就算幾好食都食到一肚火真係不敢恭維啦。This was always a restaurant I would pick within this district since not many choices in Sheung Shui. While the food is nice, sashimi and sushi are fresh and presented nicely, the service is REALLY BADIf you don’t mind, just come and experience the SPECIAL SERVICE

一般日式餐廳既分量都比較少，去都係為左食魚生，今次既分量係好充足，我咁大食都夠飽。魚生都幾新鮮，其他小食配搭都唔少，每人都只係2xx絕對值得再食，下次可以嘗試食火鍋。

琴日放工約左個friend食飯 本身就諗住係旺角食可以多啲野揀 點知佢要ot 咁唯有去上水 佢返工個到附近食啦 其實上水真係唔知食咩好 只係知道多藥房同行李箱 最後我地上左openrice睇 揀左佢嘅首位 漁匠我地七點九去到 去到已經要等位 等左兩張枱就到我地 我地入到去就叫左鰻魚炒飯 三文魚壽司 劍魚腩壽司 帆立貝壽司 玉子壽司 日式餃子同埋鐵板牛油焗帶子 我地都係第一次食 點知食完我地都話下次要再黎 個鰻魚炒飯好大碗 而且竟然足料到差唔多每一餤都有饅魚 佢每粒饅魚都有手指尾第一節咁大 唔會食完都唔知自己食左 仲有個餃子 佢一碟有六隻 佢個皮真係好薄 好耐冇食過我覺得肉多過粉嘅餃子 不得不提壽司 佢塊玉子好長好特別 係自家製嘅 雖然唔知裏面有咩 但係係幾好食 佢三文魚唔會切得太厚太硬 好好食 有啲入口即溶 個帶子就普通 係多炸蒜 幾香口 整體黎講 值得推介 同埋我地兩個埋單都只係每人百幾蚊 都幾扺食

本人住大埔，食飯通常出市區食，好少在新界食，不過今次有朋友介紹話上水依間日本料理好正，專成入去一試，如果真係有驚喜門面燈光充足笛鯛+池魚仔活魚刺身：調魚肉口感柔中有韌，脂質含量適中，鮮美非常池魚仔：肉質滑淋，魚味濃郁壽司盛9件+鐵火卷3件：有海膽、三文魚籽、劍魚腩、牡丹蝦、油甘魚、帆立貝、吞拿魚等等多款壽司，所有都非常新鮮芒果松葉蟹肉野菜沙律：松葉蟹肉放滿菜面，絕對唔會菜就多多，蟹肉就少少，芒果好鮮甜，越食越開胃鐵板牛舌：口感微脆，牛舌鮮嫩帶有嚼勁野菜天婦羅：外層鬆脆，野菜新鮮，食落唔會覺得成口粉唐揚炸雞：無論雞的大小、油的溫度、時間的控制都啱啱好，外面薄薄的脆皮，咬一淡充分感受到肉質的原香，加少許檸檬汁更加係清新脫俗自家制玉子燒：玉子燒就好似千層蛋，一層蓋一層的蛋，食落層次分明漁釧串燒盛：有鹽燒牛舌、煙肉番茄串、鹽燒雞中翼、豚肉露筍、大蔥雞肉串等等抺茶紅豆冰：抺茶香濃帶有奶香，紅豆夠甜

去開上水見客，就無中發現到一間日本料理既小店，經過就入左去試一試坐底行到好口渴，即時點左兩杯野飲再點野食楊枝甘露爆珠芒果雪糕特飲味道香濃又好足料，唔會很甜，仲有雪糕係面令到成杯飲品都好豐富抹茶紅豆冰好香濃的綠茶味配上紅豆味道好夾，又唔會好甜池魚、笛魚點了兩款刺身，味道都很鮮甜美味，美中不足係刺身唔夠凍壽司盛9件+3件鐡火卷壽司都很鮮甜美味，而且有最愛既海膽和三文魚子野菜天婦羅超鬆脆的天婦羅，外皮又薄又脆，而且唔會覺得好溜鐡板牛舌用鐡板上，賣相吸引；而且味道豐富多汁，食得津津入味自家制玉子燒新鮮滾熱辣既玉子燒，味道很好！唐揚雞件有時不能夠靠外表，炸雞十分美甜，超級鬆脆既外表，內裡能鎖住肉汁，好juice食到停唔到口完全唔覺得油膩！漁釧串燒盛廚師燒6成熟，再拎出來俾我地自己再燒熟，自己控制火候，格外不同味道相當好