影片
更多
2018-03-04
232 瀏覽
第1次寫食評，多多指教。漁匠剛開張時食過一次，但記得無咩特別，地方又有d逼，所以一直無再去。尋晚想食日本野，上水多間日本鋪都要排長龍，漁匠睇落最快，所以就選擇幫襯。我地4個人，由於懶得諗食咩，所以叫左個日本活魚刺身4人餐。食物如下:1 蟹子沙律 (一般味道，無咩特別)2 蝦頭麵豉湯 (蝦頭好甜， 麵豉湯無咩蝦味，正常麵豉湯味) 3 炸蝦天婦羅 (如果唔沾汁個蝦係完全冇味嘅，淨係得炸粉味) 4 活魚刺身 (叫餐嗰陣時都有問可以揀咩魚， 侍應話係師傅揀嘅，無得揀， 上碟嘅時候問咗呢條叫“盧魚” 由於好少食“非一般”既魚刺身，所以唔太識評價😅有魚味，但唔係好濃個d， 質地唔係煙韌或爽口，適中)5 四色壽司 ( 吞拿魚同蝦壽司比較出色， 三文魚同鰻魚都係 正常味道)6 蒜香鐵板牛肉 (好多蒜片，牛本身無咩味，一直要沾汁， 味先出返嚟)7 清酒煮蜆 (蜆有少少沙，味就夠嘅)8 輕井雞鍋 +黑毛豬鍋 (有2個鍋，每個鍋都有蔬菜， 分量好足， 另外仲有兩個烏冬 加上肉之後個湯底有甜味)9 餐飲 隨餐有四杯熱飲叫咗熱朱古力同熱柚子蜜 味道啱啱好總括嚟講呢個餐都抵食，埋單唔使加一，共560蚊 四個人。下
漁匠剛開張時食過一次，但記得無咩特別，地方又有d逼，所以一直無再去。
尋晚想食日本野，上水多間日本鋪都要排長龍，漁匠睇落最快，所以就選擇幫襯。
我地4個人，由於懶得諗食咩，所以叫左個日本活魚刺身4人餐。
食物如下:
1 蟹子沙律 (一般味道，無咩特別)
2 蝦頭麵豉湯 (蝦頭好甜， 麵豉湯無咩蝦味，正常麵豉湯味)
3 炸蝦天婦羅 (如果唔沾汁個蝦係完全冇味嘅，淨係得炸粉味)
4 活魚刺身 (叫餐嗰陣時都有問可以揀咩魚， 侍應話係師傅揀嘅，無得揀， 上碟嘅時候問咗呢條叫“盧魚” 由於好少食“非一般”既魚刺身，所以唔太識評價😅有魚味，但唔係好濃個d， 質地唔係煙韌或爽口，適中)
5 四色壽司 ( 吞拿魚同蝦壽司比較出色， 三文魚同鰻魚都係 正常味道)
6 蒜香鐵板牛肉 (好多蒜片，牛本身無咩味，一直要沾汁， 味先出返嚟)
7 清酒煮蜆 (蜆有少少沙，味就夠嘅)
8 輕井雞鍋 +黑毛豬鍋 (有2個鍋，每個鍋都有蔬菜， 分量好足， 另外仲有兩個烏冬 加上肉之後個湯底有甜味)
9 餐飲 隨餐有四杯熱飲叫咗熱朱古力同熱柚子蜜 味道啱啱好
總括嚟講呢個餐都抵食，埋單唔使加一，共560蚊 四個人。下次會再嚟，不過就未必再叫餐，會散叫，試其他嘢。 感覺壽司卷物嗰啲會好食啲。
張貼
