滿樂潮州 (東薈城名店倉)

營業中

休息中

今日剛好去東涌探朋友，閒逛完東薈城發現有間食潮洲菜既餐廳，好耐無食過打冷，即刻去試一試門口掛住唔同既滷味店內環境寬敞，坐得幾舒服嗌完野食，等緊上菜既時候，有前菜食，好耐無食過咸酸菜了，咸咸甜甜好開胃滷水鵝肉拼盤(細)有鵝片，蛋，魷魚，豆腐。好入味，唔會太老精粹係啲豆腐，好滑。魷魚彈牙花生雞腳雞腳非常入味，炆得好腍，但又不會過爛啲汁用黎撈飯一流，不過嗌左粥食唔落飯，留返下次方魚肉碎粥食親潮州野都要食粥，好足料。青蔥嘅芫茜唐芹味帶出魚香味，好正蔥花炆黃花魚魚肉好滑，朋友唔太鐘意食魚都食左唔少蓮子棗皇糕唔太甜，好煙韌，加埋蓮子既爽脆口感，更加出色總括黎講，全部野食都好味，下次叫多幾位朋友黎可以試多幾樣野

中秋節嘅中午 出嚟東薈城食下嘢屋企人話想食潮州嘢 於是 揀咗呢一間啦應該就唔係第一次嚟坐得都幾舒服 嗰啲卡位座位寬闊....鮮蝦腸 鳳爪 胡椒豬肚 蠔仔粥....見到佢仲有今晚嘅中秋套餐添...鮮蝦腸 嗰啲蝦都幾新鮮嘅 食得出唔係冰凍咗好多日嗰 雪藏蝦 而且肉都有醃過有啲味道， 鍾意清淡嘅朋友豉油都唔使落嘅蠔仔粥嘅材料好足夠 我諗有三四十隻真係冇偷工減料嘅 不過呢一個粥都百幾蚊 好似係.... 胡椒豬肚58蚊一碗仔就少咗啲 豬肚都整得夠耐夠淋身 總括嚟講係值得再嚟 埋單五百蚊有找

自從屯赤公道開左之後入東涌真係好方便，今日入黎探朋友都唔駛轉咁多程車。探完朋友之後就去左東薈城搵野食。因為太耐冇食打冷野所以就簡左呢間滿樂潮州，滷水拼盤係必點架啦，包左有鵝肉丶豬腩肉丶墨魚片丶滷蛋同豆腐，拼盤面頭放左鵝片, 肉質入口都幾腍同多肉汁, 鵝皮算可以，如果可以去埋骨就更好，墨魚幾煙韌，但就品唔係太夠味，豬腩肉就中規中矩，滷蛋同豆腐就最入味最好食。黃花魚呢碗方魚粥湯米分明，肉碎份量好多。鮑汁炆鳳炆得夠入味，份量都多。最後食埋個鴛鴦水晶包就飽晒。

滿樂潮州放假陪老婆入東涌行outlet shoping，行到夜晚想搵間中式餐廳食，見到呢間門面幾靚，即管入去試一試。散叫左幾款食物。首先滷水鵝肉拼盤，鵝肉非常入味，豬肉好軟熟，隻蛋滷得好出色，好入味。之前係方魚肉碎粥，餡料充足，都食到鮮味，但可能因為其他幾樣餸較為濃味，變相個粥食落有少少淡。再嚟係蔥花炆黃花魚，鮮美魚肉鮮美，冇腥味。推薦比中意食魚嘅朋友。鮑汁扣鳳爪，炆得入味，食起嚟d骨好易甩，叫多個白飯撈啲鮑魚汁就一百分。💯最後甜品係蓮子棗皇糕，好香紅棗味，新鮮滾熱辣出爐，記得襯熱食。總括來講，推薦鍾意食潮州嘢嘅朋友嚟。價錢唔算特別貴，有二人餐四人餐等等。座位亦算舒適寬敞。

上星期同屋企人入咗東涌玩， 玩完之後就當然係相當肚餓啦。東薈城除咗有outlet之外，仲有好多嘅餐廳迎合返附近大型屋苑嘅食客需要。喺芸芸眾多嘅餐廳之中， 就揀咗呢一間食潮州嘢嘅《滿樂潮州》。先嚟一個《鹹菜胡椒豬肚湯》， 鹹菜豬肚湯可謂一個講求心機同埋考功夫嘅老火湯， 稍一不慎，好容易就有一種異味。 而且鍾意食湯渣嘅朋友亦都不能錯過新鮮嘅豬肚，豬肚爽脆，口感一流。而且加入咗大量鮮胡椒泡製， 味道帶點辛辣， 有健脾暖胃嘅功效， 濕氣重嘅時候飲呢一個湯， 除咗美味之外， 亦都有食療作用。《韭菜豬紅》 係潮州菜必備嘅菜式， 豬紅爽滑， 亦帶一點彈牙， 韭菜鮮嫩而且冇渣。 韭菜豬紅用上瓦煲來上碟， 能夠保持熱辣辣。 味道嚟講，帶有蒜香，辣味適中，非常惹味。《鮮蠔仔泡粥》， 呢個蠔仔粥用料相當豐富，蠔仔肉大大粒， 相當飽滿， 而且味道鮮甜。 蠔仔粥頁加入大量木魚去調味， 鹹鮮味十足。 我最欣賞嘅就係加入咗冬菜同芹菜， 絕對能提升整個蠔仔粥嘅層次。最後來一個 《清湯蘿蔔筋牛腩煲》， 呢一個牛腩煲味道凊甜卻帶有濃郁嘅牛香， 加入咗八角，香葉等香料， 令牛腩嘅味道層次提升。 牛腩帶點半肥瘦， 脂肪入口即

好鍾意食潮州菜 如果地方乾淨仲加分 呢度既食物好高質 又坐得舒服 同屋企人食係好適合茶我地就叫左鐵觀音 屋企人一飲就話好香係靚野喎 我就唔識分😅滷水鵝肉拼盤 ($158)最上面有鵝片啖啖肉 中間就有啲鵝肉係帶骨嘅 仲有啲滷水墨魚片同埋滷水蛋豆腐 每樣都滷得好正好入味 食得好滿足鮮蠔仔泡粥 ($78)超多蠔 同埋食得出d蠔好新鮮同好嫩 呢個又係必食 潮州蠔烙 ($98)呢個同平時出面既有少少唔同 平時出面多數用薯粉 呢度用左蛋去整 蠔既份量都唔少 不過太重蛋味 似蛋餅多d 都係我呀嫲整既好食😅菜遠牛肉炒河 ($128)貴就貴左d 但真係好大份同埋好好味 好多牛肉片 牛肉既肉質唔會太林 有少少咬口 好正!!!點心香煎韭菜粿 ($33) 潮州粉粿 ($33) 醬皇蒸鳳爪 ($33)叫左d潮州點心 (鳳爪係純粹自己想食😛辣辣地好鬼正) 2款粿都好好味 個皮煙韌 d餡料又多又香

由於係東涌食晚餐，看見這餐廳是吃潮州食品的，所以二話不說進去。點了5款食物，有潮州菜很有名的咸菜豬肚袋湯。暖身又暖胃。有濃濃的胡椒味，飲到個人熱辣辣。之後又叫左另一名物，韭菜豬紅。沒有失望，豬紅新鮮，又夠入味，味道十足。另叫了清湯蘿蔔筋牛腩煲，蘿蔔很鮮甜，筋牛腩很軟，而且充滿牛肉的味道，真有身在潮汕進食的感覺。後來朋友說想試試這裏的椒鹽九肚魚，我們便點了一碟。魚肉很軟，比魚柳還要好吃，從此愛上了。由於我們沒有點飯的關係，所以要點另一名菜，先蠔仔泡粥。一鍋的粥不多不少，適合兩人食用。蠔仔肉很飽滿，亦充滿蠔味。滿意滿意。

近日在政府派發的電子消費卷 刺激下，市埸，商埸和食肆等，消費氣氛高漲！ 我也湊湊熱鬧！約同女友到東薈城購物一番兼吃個晚飯。 購物完畢，女友很有興趣再到上次曾光顧過的菜館。 這家店的家鄉小菜地道又精緻，我當然沒異議！環境舒適，服務好收費亦很合理！ 點了幾個小菜～ 瑤柱三色蒸水蛋， 粉絲雜菜煲，方魚肉碎粥等。都很美味！ 今晚最特別欣賞的還有～紅棗烏豆炆豬尾紅棗味道香濃，烏豆淋滑，豬尾啖啖肉調味非常好！夠軟滑！沒點錯這味菜！還有當然少不了必食的滷水鵝片！滷汁相當香濃，鵝肉嫩而甘香！有水準！今次來東涌又一次在這裏吃到好味道！滿意！

今天跟母親大人到了東薈城 outlet shopping，大人說想吃潮州菜，早前吃過戲曲分店的滿樂潮州自是不二選擇。鹹菜豬肚湯，豬肚湯率先送上，蓋子圃打開便傳來香濃的胡椒香氣，只是倚靠鼻子便能知道味道一定不會令人失望，豬肚口感軟嫩，略帶肚香，蘸上辣椒油同吃是一個不錯的選擇。韭菜豬紅，豬紅份量豐足，韭菜翠嫩，沒有多餘的纖維感，好一個水準以上的韮菜豬紅。清湯蘿蔔牛腩煲，牛腩炆得恰到好處，軟嫩之餘不會過腍，清湯在香茜和炸蒜的加持下，惹味程度絕不比先前的鹹菜豬肚湯遜色。椒鹽九肚魚，作為香口脆炸之物的椒鹽九肚魚竟然姍姍來遲，被放到了最後一道，實在令人格外期待，廚師將九肚魚中間對切，起骨後蘸上脆漿，大火油炸，薄脆可口，令人欲罷不能。

前幾日去左東涌行東薈城outlet，就到晚餐時間就去左滿樂潮州食潮州菜，第一次幫襯吾知味道岩吾岩我呢？杭州菊花味道帶濃郁菊花香味，咸菜、花生作為小食。紅棗烏豆豬尾煲(例): 第一次食豬尾煲初頭有點抗拒的，食落之後大大改變。豬尾咬落好夠林口，好似食緊豬手甘，帶有少少肉。雖然無豬手甘爽口，但豬尾已經入晒味。另外，仲有大量紅棗、烏豆，同樣地吾硬口啊！蒜香梅汁蒸鱔片：鱔片既皮口感夠晒爽口，鱔肉好滑又帶鮮味！由於加入蒜頭、梅汁，所以食落又咸又酸，味道幾特別！鴛鴦水晶包：利用水晶包當中既蓮蓉、紅豆作為甜點，真的不錯。包既外皮吾算太厚，而蓮蓉甜度好足，紅豆又甜又香口。

閒來到東涌東薈城逛逛，這個商埸品牌商店林立食店選擇多，來到我當然不要錯過於地下層的潮洲食店"滿樂潮洲"上次對這家潮菜館有良好印象，今次再來一定要再品嚐這裡有水準的家鄉味道！ 坐位在落地玻璃牆下，透視外面黃昏街景，非常開揚舒服~打開精美的菜牌見圖未食已令人垂 涎！當然少不了點上經典的滷水菜式;滷水鵝片拼墨魚片(例) $ 168墨魚片爽滑，鵝片入味滷汁香濃！鵝肉甘香，下層滷豆腐非常嫩滑！份量相當足！紅棗烏豆豬尾煲 (例 ) $ 108 很久沒嚐這道菜了，外面餐廳也比較少見，再嚐特別滋味！熱騰騰的上枱，紅棗甜味飄香，一件件 圓碌碌的炆豬尾醬油色澤閃亮，軟滑程度恰到好處！入口甘香肥而不膩！相當出色！蒜香梅汁蒸鱔片(例) $ 198豉汁蒸的經常吃，今次蒜香梅汁也相當的滋味！鱔片肉質細嫩，梅汁酸酸甜的非常惹味醒胃！方魚肉碎粥 $ 78潮洲粥的特點，湯與米分明，口感清爽，米湯鮮甜味道層次豐富，每口粥都吃到方魚片的香脆！這幾道潮菜非常滋味！環境，服務都很滿意！最後，喝一口香茶，再點一客甜品~蓮子棗皇糕 $ 33棗味濃濃軟滑Q彈！好味！再來東涌一樣會再光顧！

陪朋友到東涌Outlet shopping, 為避過放工繁忙時間搭車, 於是一齊食埋dinner先返屋企。同朋友食過太多日本野同西餐, 今日轉轉口味食潮州菜---滿樂潮州, 幾個月前係尖沙咀食過點心, 今晚就試試晚市水準!東涌分店位置都幾隱閉, 如非見到水牌, 再問客服, 真係唔知東涌有呢間餐廳存在。餐廳環境闊落, 事關怕入夜飲茶會夜晚訓唔著, 揀咗杭州菊花 HK$20/位, 啖啖花香清甜同時送上兩款前菜: 咸菜、花生 HK$24【鹵水鵝肉拼盆】HK$158 (例)面層佈上了三四片鵝胸, 肉質軟糯多肉汁, 鵝胸下就有鵝背, 幸好唔會太肥, 鵝皮算可以入口。伴碟有幾片薄薄墨魚片, 有鮮甜味; 再伴有幾小卡鹵水蛋; 墊底嘅有四件鹵豆腐, 但索咗鹵水汁, 令豆腐過鹹。【蒜香梅汁蒸鱔片】HK$198 (例)鱔片啖啖肉已被起骨, 肉嫩彈牙, 尤其鱔皮都係彈滑的, 每件鱔片都加上了蒜蓉, 淋上了梅汁, 蒜蓉令鱔片味道更鮮, 但稍為鹹咗少少。【方魚肉粥】HK$78有四飯碗份量, 賣落好似好稀, 但其實完全索咗粥水嘅米飯粒墜底, 有少少肉碎唔會太重口味,  仲加咗少少莞茜, 營造出超清甜清香味道, 有

東涌東薈城擴建咗之後一直都未去過，今次趁住有消費券，決定去血拼一番。滿載而歸之後，就去咗「滿樂」食潮州菜，餐廳地方十分寬敞，而且樓底極高，可以好好享受晚餐。鹹菜豬肚湯一打開湯蓋就聞到香濃嘅胡椒味，配上鹹菜，飲落十分開胃和暖胃，豬肚望落很白滑，相信洗得好乾淨，湯嘅份量也不少，足足有五大碗。椒鹽九肚魚最鍾意佢外層嘅脆粉不會太厚，能食到九肚魚嘅鮮味，而且肉質嫩滑，真係一件一件咁食唔停口。清湯蘿蔔跟牛腩煲蘿蔔夠爽甜，不單止有牛腩，仲有牛筋，炆得好入味，又夠淋，清湯帶有牛肉味，送飯一流。韭菜豬紅韭菜同豬紅真係絕配，所以我每次食潮州菜一定會叫，今次都冇令我失望，醬汁夠香濃，味道十分正宗，抵讚。鮮蠔仔泡粥呢個粥都幾足料，蠔仔夠肥美，還用上方魚，冬菇，西芹、芫荽和肉碎一齊煲，所以粥底鮮甜，沒有腥味，值得推介。

今日放假， 朋友提議去東涌outlet行街，想重拾一點去旅遊的感覺， 逛了整個下午後到晚飯時間，見到呢間樂滿潮洲，剛巧店員在門外招呼，就去試試喇！點了幾款傳統的潮州菜，整體味道都很椒鹽九肚魚大大碟一上枱已被外表金黃色吸引著， 脆漿薄，白色魚肉厚身，有新鮮微微魚香味， 最重要炸到骨都無，可以一啖啖放縱地品嚐。鹹菜豬肚湯不只是湯品咁簡單，仲有很多配料，豬肚，瘦肉，鹹菜外還有少少支竹 .豬肚很爽，洗得乾淨。整體味道不算太濃但有著清清的鹹菜味, 令人不自覺多飲幾碗. 清湯蘿蔔炆牛腩煲炆得非常之淋的牛腩， 蘿蔔爽甜，汁料底濃郁，味道實在非常吸引。鮮蠔仔泡粥 有少少方魚脆脆粒的蠔仔粥， 增添了咀嚼感；蠔仔大粒，洗得很乾淨，整體味道也很好。

朋友一直都係咁叫我去東涌探佢，既然佢咁熱情招待，咁就搵日放工去左東涌！一黎到東涌，總是不敵outlet的誘惑⋯⋯然後再由朋友帶路，去左食潮州粥！「方魚肉碎粥」呢個上湯好有鮮味，再加埋粒粒嘅米飯，夠哂滿足！當中有酥脆嘅方魚脆脆，口感豐富！「蒜香梅汁蒸鱔片」鱔片啖啖肉，肉質好嫩滑！配上梅汁特別開胃～～「鴛鴦水晶包」有紅豆餡 & 蓮蓉餡🤩唔會好甜，水晶皮夠薄又煙韌，岩哂我呢個煙韌控！紅豆餡係有陳皮味，好有驚喜！