影片
更多
2021-09-12
130 瀏覽
上星期同屋企人入咗東涌玩， 玩完之後就當然係相當肚餓啦。東薈城除咗有outlet之外，仲有好多嘅餐廳迎合返附近大型屋苑嘅食客需要。喺芸芸眾多嘅餐廳之中， 就揀咗呢一間食潮州嘢嘅《滿樂潮州》。先嚟一個《鹹菜胡椒豬肚湯》， 鹹菜豬肚湯可謂一個講求心機同埋考功夫嘅老火湯， 稍一不慎，好容易就有一種異味。 而且鍾意食湯渣嘅朋友亦都不能錯過新鮮嘅豬肚，豬肚爽脆，口感一流。而且加入咗大量鮮胡椒泡製， 味道帶點辛辣， 有健脾暖胃嘅功效， 濕氣重嘅時候飲呢一個湯， 除咗美味之外， 亦都有食療作用。《韭菜豬紅》 係潮州菜必備嘅菜式， 豬紅爽滑， 亦帶一點彈牙， 韭菜鮮嫩而且冇渣。 韭菜豬紅用上瓦煲來上碟， 能夠保持熱辣辣。 味道嚟講，帶有蒜香，辣味適中，非常惹味。《鮮蠔仔泡粥》， 呢個蠔仔粥用料相當豐富，蠔仔肉大大粒， 相當飽滿， 而且味道鮮甜。 蠔仔粥頁加入大量木魚去調味， 鹹鮮味十足。 我最欣賞嘅就係加入咗冬菜同芹菜， 絕對能提升整個蠔仔粥嘅層次。最後來一個 《清湯蘿蔔筋牛腩煲》， 呢一個牛腩煲味道凊甜卻帶有濃郁嘅牛香， 加入咗八角，香葉等香料， 令牛腩嘅味道層次提升。 牛腩帶點半肥瘦， 脂肪入口即
東薈城除咗有outlet之外，仲有好多嘅餐廳迎合返附近大型屋苑嘅食客需要。
喺芸芸眾多嘅餐廳之中， 就揀咗呢一間食潮州嘢嘅《滿樂潮州》。
先嚟一個《鹹菜胡椒豬肚湯》， 鹹菜豬肚湯可謂一個講求心機同埋考功夫嘅老火湯， 稍一不慎，好容易就有一種異味。 而且鍾意食湯渣嘅朋友亦都不能錯過新鮮嘅豬肚，豬肚爽脆，口感一流。而且加入咗大量鮮胡椒泡製， 味道帶點辛辣， 有健脾暖胃嘅功效， 濕氣重嘅時候飲呢一個湯， 除咗美味之外， 亦都有食療作用。
《韭菜豬紅》 係潮州菜必備嘅菜式， 豬紅爽滑， 亦帶一點彈牙， 韭菜鮮嫩而且冇渣。 韭菜豬紅用上瓦煲來上碟， 能夠保持熱辣辣。 味道嚟講，帶有蒜香，辣味適中，非常惹味。
《鮮蠔仔泡粥》， 呢個蠔仔粥用料相當豐富，蠔仔肉大大粒， 相當飽滿， 而且味道鮮甜。 蠔仔粥頁加入大量木魚去調味， 鹹鮮味十足。 我最欣賞嘅就係加入咗冬菜同芹菜， 絕對能提升整個蠔仔粥嘅層次。
最後來一個 《清湯蘿蔔筋牛腩煲》， 呢一個牛腩煲味道凊甜卻帶有濃郁嘅牛香， 加入咗八角，香葉等香料， 令牛腩嘅味道層次提升。 牛腩帶點半肥瘦， 脂肪入口即溶而不膩， 令人垂涎。 再加上炆得非常之淋嘅白蘿蔔， 清甜而冇渣， 吸引到絕對不比牛腩訊息。
一家人難得喺疫情之下都能夠團圓相聚， 玩樂過後後都能夠食番一餐好嘅，滿足滿足。
張貼
