滾得棧

營業中

休息中

👩🏻咩季節都鐘意打邊爐🍲。呢間餐廳火鍋料選擇多，而且大多數都可以叫半份，人少少都可以試多幾樣嘢。✨潮州湯底$79湯底充滿大地魚甜味，仲有大量紫菜、蔥花、唐芹、肉碎、豆腐。湯底越煮越香，但唔會太濃味，食完唔會口渴。✨炸蝦餅$98炸得金黃香脆，差唔多全部都係蝦肉嚟，極之足料。即叫即炸熱辣辣，鮮甜又香口。✨爽脆金錢𦟌$188金錢𦟌半筋半肉，幾有𡁻口，仲越咬越有肉味。我哋仲試咗招牌手切牛頸脊，估唔到可以做到入口即溶。真係好食過其他火鍋店。✨鮮帶子 $108本身expect係幾隻連殼嘅扇貝，結果竟然係成座山嘅帶子肉。鮮甜軟糯，質素唔錯。✨自製墨魚滑$89口感彈牙仲有唔少墨魚肉。✨雜菜拼盤$66比起其他火鍋店嘅份量起碼多一倍，夠三至四人食。📍滾得棧 (天后)天后電氣道80-86號成功樓地下C舖連閣樓

滾得棧 @hotinapot📍 天后電氣道80-86號成功樓地下C舖連閣樓.滾得棧係一間點心同火鍋嘅專門店，有天后、油麻地同深井三間分店。天后分店係三間分店唯一一間午市有點心同炒粉麵飯食嘅分店；而火鍋食物種類多，湯底有10款以上，多款海鮮同上等牛肉，性價比高~.🥥 清甜蘆薈椰子雞湯底: 湯底用上三黃雞去骨熬湯，皮薄少脂肪，肉質有彈性，雞味濃郁，再配上清熱嘅蘆薈同椰子，仲加入大量紅蘿蔔、雪耳同紅棗，非常清甜又暖身（記得湯底未加入任何火鍋料前飲番碗，真係好正👍🏻）；雞肉切件，夠嫩滑，仲有幾粒鵪鶉蛋𠻹～🥩 招牌手切牛頸脊: 呢碟係鎮店之寶，例牌份量都算多，牛肉味濃，脂肪分佈均勻，厚薄適中，有入口溶化嘅口感～🥟 韮菜餃: 韮菜餃皮薄，餡料飽滿，韮菜好新鮮，蝦肉鮮甜彈牙～🐷 豬面青: 豬肉肉質嫩滑，肥瘦適中，口感爽彈～

滾得棧 是家著名的 火鍋 打邊爐 菜館，在深井及天後均設有分店。除了有不同的優質精選肉類外，更有多款新鮮直送的海鮮材料，絕對是熱愛火鍋人士的好去處！我們點了鴛鴦湯底，一半是麻辣，一半是木瓜雪耳湯，湯底料也比較足。據說它家最最好吃的是招牌手切牛頸脊店主建議牛眼根灼至少十五分鐘以上才會較美味，愈灼得耐愈好味。熟了的牛眼根能看到側邊的筋位，食落相當有嚼勁，爽口得來又不韌，果然特別又美味，值得一試。招牌手切牛頸脊，脂肪分佈平均，肉質入口幼嫩，牛味頗濃。除了牛肉我們還點了羊肉，同樣口感味道都非常非常好。除外我們還點了一些配菜，豬紅，雞腎，滑豆腐，竹笙，午餐肉，還有一些蔬菜，都很新鮮。個人很推薦這家，非常適合廣東人口味，尤其是愛吃辣的廣東人。👏🏻

4/5Very good quality dim sum in hot pot place! Hope they could have even more selection. Amazing chef with heart, much better then lots tea house! Must try! Tried prawn dumplings, soup dumpling, chicken feet, char siu bun etc, all good really!Wanna try their hot pot next time too.

Really disappointed when my takeaway is missing one order when I got home. it was missing one dim sum and it’s crazy to ask the customer to go back and pick it up againWas planning to order again for dinnerHell No Now

下午邊爐癮起，就簡左呢間試下，環境都幾闊落，坐得都舒服叫左個 椰子雞湯底，好足料，有成半隻鷄，而且仲有好多椰子，紅羅白，而且仲有紅棗TIM，湯底好夠味，係好味，值得讚😊嘩，上枱好吸精架，睇佢啲色水紋路都流曬口水，可惜食落比想像總有點距離，鞋口左少少，係好食，但絕對唔係好好食，有少少失望咁囉😅反而呢個蝦油炸鬼過癮喎， 就咁食熱辣辣卜卜脆，又可以放落個湯底嗰度拖一拖索咁啲湯，最緊要係佢好夠味，食落有驚喜😋另外仲叫左碟 蔥油炒麵，岩岩炒起好香，可惜冷氣太大而且係風口位，碟野好快凍曬😫凍左就唔同曬，始終食野熱辣辣至好味總之野食黎講中規中矩，冇話特別驚喜。而且可能中午lunch過後 冇乜侍應，所以叫好耐至會有人留意到，呢方面有少少唔好😅

之前試過喺朋友屋企度外賣叫呢一間🔥嗰陣叫嗰啲肉好好食🤤今日朋友生日指定要黎呢一間睇佢個Menu有少少user friendly大嗰本好清楚有晒價錢細呢張只有食物👻坐低同佢講話食打邊爐💃🏻侍應即刻拎咗調味俾我哋🙌🏻不過我哋嗰陣未人齊侍應又好似好想好快手走咁👉🏻👈🏻之前食外賣嘅時候朋友好鍾意食呢個牛頸脊彈牙又有牛味👍🏻不過今次又好似🙄冇之前咁有牛味🤭試咗佢椰子蘆薈雞湯佢啲雞似新鮮雞超有雞味😝湯底都好有椰青味同埋冇乜味精嘅感覺👏🏻👏🏻同埋叫咗蝦膠油條💖蝦膠好有蝦味同埋超彈牙油炸鬼嚟到嘅時候都係熱辣辣係新鮮整起完全冇油益味👍🏻👍🏻👍🏻其實我哋原本仲嗌左啲點心但係我嗰幾張相唔知做咩死晒所以鋪唔到出嚟激死我🤷🏻‍♀️

連續兩次外賣邊爐，響鈴同魚皮都係淋曬嘅，其他食材唔差嘅，但係我有whatsapp同負責人講過冇回應， 正所謂投訴無門， 不知道現場食是否一樣請各位食客注意注意注意注意

食物可，價錢合理，但部份店員服務態度極差，特別係樓面安排坐位的'三X'。我地一早留左位都安排唔到坐位，明明有位都要我地等，仲要比面色同說話客人聽，背後做小動作，極度唔友善，因為佢唔會再黎！

未有疫情之前，已經係滾得棧既常客，以前成日黎食宵夜，一來貪佢可以坐到好夜，二來啲牛頸脊出色。同埋要介紹返佢哋啲員都好好，好有禮貌同埋好好服務！最近佢終於開返到12 點，終於可以唔使趕住走，可以食宵夜，好開心！！！ 牛頸脊係必點，238， 例牌，非常出色！今次唔小心點錯肥牛🥲🥲🥲其實佢唔係差，以178 一碟例牌，其實都👌🏻，不過相比牛頸，就當然差一節。芝士蝦滑丸&墨魚滑丸好正，有流心芝士，不過要注意佢啲滑唔夠多包唔住啲芝士，煮得太耐啲芝士會流晒出黎，我有幾粒撈上黎已經無晒芝士🥲🥲🥲🥲推介鹹菜肉餃！超級正！另一推介蝦滑油炸鬼！好正！！！響鈴好普通。可以唔叫。

今日同朋友去咗天后打邊爐，店裏面地方都算大，唔算好逼夾都幾好坐，嘢食又新鮮👍🏻一行4人好似食咗$1500左右💸🔸店員話係油甘魚刺身🐟🟡魚身做咗刺身👇🏻都好鮮甜😋，口感比較爽😌，好食👍🏻🟢魚腩部份用咗嚟打邊爐滾熟咗口感比較腍，都好鮮甜。個人鐘意刺身多啲。🔹牛頸脊🐮賣相好靚好新鮮，都幾有睇頭，牛肉片切得都厚身，食落肉質好有咬口，好有牛香味，肉質唔韌，肥瘦適中😋🔸黑豚肉🐷無豬膻味，肉味濃郁，肥瘦適中，肉質唔會過韌🔹醉雞火鍋湯底🐔（有半隻雞）雞肉嫩滑🔸響鈴(都有8條嫁)🔹鮮支竹（分量都算多)🔸魚皮餃🥟6粒(似四州魚皮餃🤣）🔹鮮魷魚🦑🔸雲吞🥟5粒（好食😋有蝦.豬肉）👍🏻🔹韭菜餃🥟5粒（好香韭菜.豬肉)👍🏻🔸3支Asahi🍺，一罐可樂🥤

疫情關係，買外賣返屋企打邊爐，明明有9折，職員又唔主動比折，每次都客人主動問，不是太老實。買牛頸脊，比肥牛，食落完全兩回事，買外賣，攞到返屋企先打開，一肚氣，嬲到連相都無影。問佢攞少少蒜蓉，辣椒🌶️，話要買套餐先有？ 我唔見佢有套餐放出黎比人選擇，最大問題疫情以來一直散買開都有比，其實都唔算什麼價值，基本一兩個人份量火煱調味料，服務越來越差！ 劣評😡😡😡😡希望大家購買前先問清楚價錢

呢排成日落雨，放假想行遠啲都無可能😪 有朋友提議搵齊四隻腳去 #游乾水 真係最好不過，可惜 #小秘書 #學藝未精... 好彩最後只係輸少少就當交學費👉🏻👈🏻 我哋幾個就由日頭打到天黑，輸乾輸淨又係時候放飯出去輕鬆吓🤩 正當大家煩惱緊食咩好之際，原來朋友仔已經一早喺 滾得棧-天后店 幫我哋book定枱，真係抵錫😘 店員安排我哋坐喺餐廳嘅角落，雖然擺位有啲奇怪，不過既然坐抵咗就算啦😝 我哋叫咗個鴛鴦鍋，#木瓜雪耳豬骨湯 拼 #沙嗲鍋，#滾得棧 嘅 #湯底 一向無得輸，我尤其鍾意用佢哋嘅 #沙嗲湯 嚟灼 #牛肉，非常夾味🤤今日人少少，我哋叫咗個細嘅 #金錢𦟌，不過實物份量都唔少，肉味好重，口感比較有質感🤤 另外佢哋嘅 #鮮蝦雲吞 都做得相當出色，蝦肉彈牙、非常新鮮🤤雖然朋友極力推介佢哋嘅 #梅菜豬肉餃 好受歡迎... 但係我都係對我嘅 #鮮蝦雲吞 一心一意😉 整晚嘅食材可為無懈可擊，不過佢哋啲service真係有待改善。「阿姐」成晚黑口黑面，除咗叫我哋將 #脆肉鯇魚 改 #游水海鮮 嗰吓笑咗一笑之外，佢每次過嚟都裝成好煩咁樣🤪 我哋叫咗jar #蔗汁，想順手落埋張食物單，手舉到一半... 阿

呢間其實唔係第一次去，不過唔知點解次次去到都只係掛住食無影相 今次都係影得少，不過見疫情嚴峻，食巿大受打擊，都希望分享下覺得好味的餐廳 疫情過後，定當再大力支持湯底叫左花膠響螺雞，一滾起就裝左飲左一半，無影到相。料足湯好味，下次去時會補番張相食火鍋必定要叫牛肉。今次叫左牛魔王，其實係拼盤咁，樣樣有少少，但係唔會ｈｅａ你，件件厚切有咬感蝦膠釀油條。上枱時剛炸好，脆口好味呢個唔記得個名，一口腐皮，落水三秒好食啦其實叫左好多食物，包括四寶丸，自家餃子，炸魚皮。。。食物全部新鮮，基本上回頭率80％以上

雖然天氣不算涼，但是還是想打邊爐！有朋友推介去天后打。裝修上花了心思，齊整而有條有理。冷氣也很足夠，不會一邊食一邊出汗。坐位是有點擠逼，但香港寸金尺土。但是，這裡確實和網上的評論一樣，食物質素可以，但服務卻很一般。即使訂了位置也不會預留...而且店員會請你出店外等候，到了訂坐時間要再次詢問查詢。然後，用餐時除了下單會有店員幫忙外，其他都是自助式。但是，有心理準備所以都知道服務質素是這樣。清湯湯底打邊爐一流，蔬菜和肉類湯底更加鮮甜。牛肉沒有雪味，肥瘦均衡。不錯不錯。三秒腐皮（推介）淥三秒剛剛好，保留到香脆口感，同時也有軟化後的軟荏荏口質。墨魚滑比一般的滑和彈牙，但好難以分割。匙羹可能比牛油刀合適。