滾得棧

營業中

休息中

最近多咗去天后附近食飯，今晚就去咗打邊爐。坐低後，店員就會放低醬料架自己混醬。揀咗雙拼湯底，就睇餐單揀火鍋配料，原來右上方個紅色三角形代表配料唔可以雙拼，4人以下先有得雙拼。🔥味菜胡椒豬肚湯底和潮州湯底揀咗雙拼湯底，味菜鹹鹹酸酸，豬肚嫩滑無腥味；潮州湯底有紫菜、豆腐、蝦仔、肉碎和唐芹，味道鹹香。🔥招牌手切牛頸脊牛頸脊顏色鮮紅帶油花，口感軟滑易入口，味道頗濃。🔥三秒腐皮滾三秒，咬開時，吸入的湯流出，響鈴脆口。🔥自製四寶丸墨魚丸、蝦丸和鯪魚丸都彈牙爽口，蝦丸有蝦肉；鯪魚丸的陳皮幾香，牛丸口感實淨。🔥西班牙黑豚肉黑豚肉唔油膩，肉有嚼勁。🔥鮮海蝦蝦紮紮跳，好新鮮，蝦膏甜美，蝦肉彈牙。

今日同同事下午去飲茶飲到一肚氣呀一去到，攞位，明明好多枱，講到好似冇枱咁叫我地坐低咗！開唒茶，先話有人訂咗！要我地搬去另一枱！訂咗枱一定要嗰張枱架咩一路遞手叫人落單，有個男人來來回回都係話等陣幾驚落唔到單搞到遲到返唔到工呀四個迷你漢堡好似要$36兩個雖然係好食嘅，但都偏貴最鬼嬲係右面嗰碟呀！明明係炸花卷！竟然話係葱油餅炸到油淋淋咁！知係咁嘅樣一定唔會叫呀左面係炸鮮奶同佢張圖係完全唔同！嬲到有啲想報海關呀呢個響鈴腸明顯又縮咗水呢個所謂雲吞雞，得三粒雲吞，幾粒好細嘅雪藏雞肉$34⋯⋯燒賣$26兩粒，雖然都係貴但總算又大粒，蝦又爽花膠鮮竹卷，$26⋯⋯都還可以黑松露帶子蛋白炒飯，$128總算係合理價錢又好食嘅喺附近做咗幾年嘢，久唔久都會幫襯！但質素差咗，價錢貴咗！回頭率急跌呀⋯⋯

同朋友係天后行完街又唔知食咩好 就求其上網揾下打邊爐店 貪佢坐得耐又可以吹下水
本身無抱著任何期望去食 點知食完我同朋友都一致好評 揾到間隱世打邊爐店 當日已經約定第二日再去其他分店食


今日幾條友約我去食飯，我就帶咗佢地去咗打邊爐，對我嚟講其實主要係食牛肉，嚟滾得棧，食牛就從來都無令我失望過嘅，個牛頸脊係真係正，朋友比較喜歡吃海鮮，特別要咗個象拔蚌刺身，食落就知真係加拿大蚌，個味道堅係同平時食個啲美國蚌唔同。另外蝦仲係識郁嘅，桶蠔好肥美大隻，其他嘢食，質素都唔錯，總括嚟講成餐飯個體驗都唔錯，低我幫襯完一次又一次嘅！

食物質素其實不錯，可惜員工態度好差，唔出句聲就加開瓶費入單，到埋單自己查看才知道。我們分2枱，20多人想攪清礎，開口查詢問就三個職員輪流來指控我們，兇神惡殺，一定不會再來。

食物價錢合理 牛頸味道好 菜有虫 一叫即換俾我 抵讚既 鱔有少骨但味道係好既 四寶丸係好食既 真手打 尚算清潔，上菜速度少少慢埋單先黎發生不愉快事件， 話說距收多左我一碟丸錢， 咁叫距void 左張單同payment， 距話距做唔到 ，叫我下一次黎食先退俾我，咁我話refund cash 俾我算啦， 距就refund 淨係碟丸既錢俾我， 我提番距張單你收左我加一 你應該退埋加一既錢 距就發悔氣 。態度極差下一次唔會黎 垃圾鋪頭 自己做錯都唔道歉

一年一度 #小秘書 #專屬飯局 正式開始😄 呢晚有 #首領 相伴就更熱鬧🥳 識我嘅人都知我對 #港式火鍋 情有獨鍾，所以 #烚吓烚吓 就最啱我😉 好耐都無幫襯嘅 滾得棧-天后店 #小秘書 呢晚重遊舊地。仲諗住自己好準時，點知朋友仔一早已經到齊，真係有心❤️ 佢哋仲特別為我哋叫咗個 #花膠雞 用湯底，最啱呢排dry dry地嘅我🤭 未放 #火鍋料 落湯之前，梗係先要飲返兩碗 #花膠雞湯 補吓身，#湯料 原來都幾豐富㗎，#花膠 同 #雞 當然係主角，鍋裡面仲會搵到 #金華火腿 同埋啲 #豬軟骨，成煲湯充滿 #骨膠原 🤩 講到 #火鍋料，#肥牛 當然唔少得，仲有我至愛嘅 #蝦滑 同 #鮮蝦雲吞 一定唔少得😝 師傅打 #蝦滑 嘅手勢真係有一手，入口彈牙又充滿鮮蝦味道… 正呀‼️#滾得棧 整體食物質素都唔錯，只係樓底比較矮、張枱就真係略嫌細咗啲，不過迫迫地我哋又可以乘機坐得親密啲，難得齊人，梗係要傾盡佢啦🍻📍 滾得棧 (天后)電氣道80-86號成功樓地下C舖連閣樓

點咗蝦餃、黑松露燒賣、芝士蝦春捲、 蒸魚肚、牛肉腸、芝麻卷、煎釀青椒， 點心價錢非常之便宜真係似一般外賣店唐x點心， 28蚊4小條蝦春捲裏面有一份唔夠1cm蝦包住厚實春卷皮非常之差， 芝麻卷淡而無味， 糖份唔夠亦冇黑芝麻香味， 牛肉腸上枱竟然係微暖腸粉皮厚厚， 冇味道，煎釀青椒青椒好似隔夜攞出嚟再翻熱咁咬落去淋bet bet。 一朝早打電話訂枱接聽男士非常有禮，去到時候員工都好有禮，加水亦都快， 回答也友善有禮。但係咩原因其他食評寫服務超差，發現女收銀員收款時候態度行為非常之差，所以我明白點解有人話佢地服務差，有害群之馬拖累。 天后舊區，附近幾間酒樓普遍都價錢超平，食物質素亦成正比。 燒賣外皮蒸到爛開， 調味不足冇味道。 可以當佢係唐x點心堂食有加一服務。

十二月十六日星期五晚上七點，去完工展會，見倒火鍋店就上去睇吓有冇位，女服務員話要八點半交枱，我哋只係兩個人所以冇問題。叫咗普通元茜鍋底，一碟大牛肉，脆骨腩，四寶丸，約六樣嘢，可能我哋叫得少嘢。當問嗰個女服務員有乜嘢飲，佢話有汽水，啤酒，竹蔗水之類，但問有冇樽裝水，個女服務員話冇，敢我哋叫佢開壺滾水嗰陣，可能因為唔叫其他飲料，佢黑晒面嬲爆爆敢走咗，之後都冇拎水嚟，最後我哋叫咗另一個男服務員開咗壺水，終於有嘢飲，而最後八點半前離座。我唔否認佢哋啲食物係幾好食幾新鮮，牛有肉味，脆骨腩非常好食，但有嗰個敢嘅服務態度嘅服務員，簡直就係趕客走，下次請我免費食我都唔會去，怕受氣。希望火鍋店老闆認真對待依件睇落簡單嘅事，因為絕對影響你哋個品牌。

疫情前，要去滾得棧打邊爐，取消要提早一個禮拜訂位，疫情後，佢哋生意真係差咗好多，希望佢哋可以捱得住。身為一個邊爐精，去過全香港好多唔同嘅火鍋店，有啲差啲，有啲唔錯，唯獨是滾得棧，我會不停咁樣返去。佢嘅湯底，基本上平貴都好味，平如沙嗲湯底沙嗲味香濃，貴如椰子雞煲或者花膠雞煲，材料調味都做得啱啱好，湯頭鮮美，基本上每次淥食物之前，起碼都要飲兩至三碗先至滿足。呢度極力推介嘅有幾樣嘢，最貴嘅手切牛肉，當然係肥瘦適中，牛味濃郁，大家應該都識點。但係反而好平嘅牛眼筋，大部份人應該都唔會識得食，因為並唔常見。牛眼筋最少要淥15分鐘先至可以食，同肥牛好唔同，淥得越耐越好食，佢嘅口味比一般肥牛香濃好多倍，咬落去諗得來又有𡁻頭，實屬愛牛者不二之選。珊瑚蚌同桂花蚌係鍾意食蚌嘅老饕精選，出面好多火鍋店嘅珊瑚蚌都係急凍，但係呢度嘅珊瑚蚌係非常新鮮，淥一陣就可以食，鮮美飛上，食過咁多次除咗一次爭啲之外，次次都非常得。令外仲要介紹嘅係韭菜餃，唔知係咪自己包嘅，一樣好食！呢度最令我唔鍾意嘅係，每一次坐低，都有個阿姐一定會叫你點象拔蚌。而呢位阿姐同其他大部份嘅侍應一樣，服務態度話佢非常一般都已經係俾高佢。呢間餐廳係得一

今日約咗兩個朋友飲茶 ，佢哋提議來滾得棧， 呢度點心特別， 又唔貴， 一於嚟試下啦 。三個人點咗十個點心 ，果然有啲特式嘅點心。例如青介蝦堡小漢堡， 兩個滴滴式式嘅漢堡包仔 ，中間夾住蝦餅 ，有啲青芥辣味， 真係幾特別幾好食。 有個冰鎮話梅豬手， 酸酸甜甜， 豬手炆得夠淋，一啲都唔漏。煎堆仔都唔錯， 芝麻夠曬香 ，唔會太甜 。白汁芝士蘑菇批雞批， 都係好有特色， 批皮薄 ，焗得香 ，啲餡清爽唔漏， 擺盤又靚 ，好似酒店嗰啲點心。 鹹水角都值得推薦， 鮮炸脆卜卜 ，細細粒容易食。 其他的點心都不錯， 唯有是環境比較狹窄 ，樓底矮， 雖然環境輸蝕啲， 最緊要啲點心好食， 係值得回頭嘅飲茶點。

今日帶媽嗎黎到天后間呢間火鍋點心店撐枱腳😆點解特登黎呢道？因為有朋友仔介紹話啲野食又平又靚，咁就梗係要黎試下喇！😝下晏1pm到，已經坐滿人咁制，真係好熱鬧呀！- 冰梅炆豬手 💰$25冰梅好入味，酸酸咪咪好開胃😋- 冬筍活剝鮮蝦餃皇 💰$22皮薄餡靚，鮮蝦大大隻😍- 黑菘露蒸燒賣 💰$22充滿黑松露香，好食😍- 醬皇蒸鳳爪 💰$20咬落好軟熟，一咬即散☺️- 黑金流沙包 💰$24一咬落去啲奶黃流沙餡即刻唧晒出嚟，正呀😍😍- 七味虎皮尖椒 💰$30- 白汁芝士磨菇雞批 💰$32撻皮好鬆脆☺️- 層層薑汁糕 💰$20薑味好濃☺️- 清酒雲吞雞 💰$32好香清酒味！☺️雞好滑！- 高湯如翅灌湯餃 💰$45份量都幾大，仲有粒帶子添！🤣我同媽咪都好滿意呢餐！啲員工服務非常周到，食得好舒服 好開心呀！😆

今日一個人工作到這個點還未吃午飯，就在天后區搜尋食什麼，經過滾得棧見佢有個牌大大個寫住下午茶同埋好多食物的圖片見到很吸引想說很久沒有吃過這間，以前食好好味的但係一個人飲茶又真係未試過，猶豫咗2秒最後都係比美食吸引咗上去哈哈哈， 點心紙的款式同幾年前食嘅都差唔多一樣，不過多咗幾個新款其中最吸睛的就係安格斯牛肉燒賣不得了見到個名都好想食作為牛肉愛好者！ ！ ！咁就極速落單買咗五個點心講吓啲點心先，安格斯牛肉燒賣上枱時熱辣辣有煙的真係好驚喜！肉質細嫩，安格斯牛肉味都重，我覺得最精華的是那個跟安格斯牛肉燒賣而上的汁，同安格斯牛肉燒賣簡直係神仙搭配呢個絕對值得Encore另外好食嘅就係芝麻香芋綠豆餅，上枱時都係熱辣辣芝麻嘅香味伴隨著不會太甜的綠豆仲有淡淡的香芋味天阿！實在太好味啦講咗好食嘅而家又講吓我認為比較伏嘅點心，高湯鮮竹卷的皮超級無敵勁硬身簡直無法入口，但係唔食啲皮裏面啲餡係OK的，但係鮮竹卷唔食鮮竹咁仲有鮮竹卷的意義嗎？？我覺得呢個只係值2分如果5分滿分的話，仲有就係鳳爪，鳳爪一上枱就已經係和暖，跟住食下其他點心再食佢嘅時候覺得可能因為凍咗啲醬汁黐住一齊，一劈咁樣同埋有啲鹹如果呢一個5分

呢間餐廳雖然主打火鍋但原來天后分店有點心食㗎～ 🙈 店內裝修簡約，環境乾淨又舒服，距離地鐵站都只係幾分鐘嘅路程，食完可以行返去銅鑼灣行街添，經過嘅不妨入去試試呀！安格斯牛肉燒賣都係第一次見，上枱時熱辣辣，牛味濃郁，肉質細膩，爽口彈牙，推推！碧綠帶子餃係賣相精緻，水晶皮厚度適中，餡料滿滿，好味道😍 五香鹹水角色澤金黃，口感外脆內糯，鹹中帶點甜味，食到停唔到口呀😌 炸鮮奶多士卷味道偏甜，咬落香脆可口，可以留返嚟做飯後甜品💞 醬皇蒸鳳爪軟而不爛，夠入味但唔會死鹹，唔錯唔錯😝平時都好鍾意食包所以私心叫咗幾款👉👈 黑金流沙包咬開後會流出大量香甜但唔膩嘅奶黃餡，滿滿嘅卡路里🙈 蜜汁叉燒包夠濕潤，叉燒的香味配上蜜汁簡直係perfect match！青芥脆蝦小漢堡行新派風，香脆彈牙嘅蝦餅搭配迷你漢堡，打卡得嚟又好食🍤 愛心白汁芝士蘑菇雞批都幾特色，外層金黃香脆，混合芝士蘑菇同雞粒好滿足呀🤩 最後以層層薑汁糕作為結尾，口感軟糯，大大件，食完即刻飽囇😝

滾得棧既火鍋都幾多選擇，而且食材都有唔錯。湯底我哋叫咗潮式湯底，用上大地魚、肉碎、紫菜、豆腐等材料整成，清清哋得來帶點鮮味，又唔會話太濃味影響咗之後打邊爐嘅材料，我都幾推介呢款😛手設牛頸脊$248來講都算幾大碟，肉質都幾多雪花，好淋身都好食。西班牙黑豚肉都值得叫，唔會話太瘦太乾，如果唔食牛肉嘅話都係一個幾好嘅選擇。手打蝦丸牛丸都有心機，蝦丸更為出色，幾爽口有蝦味。墨魚滑都好彈牙而係份量好足，好似食極都仲有咁😂三秒腐皮件件都好飽滿而且唔會話好油膩，同埋都幾想讚一讚佢個雜菜拼盤，啲菜洗得幾乾淨，都幾impressed☺️而且佢好多貨款式都可以嗌半分，所以少人都可以食到多啲款式。