滾得棧

營業中

休息中

雖然天氣不算涼，但是還是想打邊爐！有朋友推介去天后打。裝修上花了心思，齊整而有條有理。冷氣也很足夠，不會一邊食一邊出汗。坐位是有點擠逼，但香港寸金尺土。但是，這裡確實和網上的評論一樣，食物質素可以，但服務卻很一般。即使訂了位置也不會預留...而且店員會請你出店外等候，到了訂坐時間要再次詢問查詢。然後，用餐時除了下單會有店員幫忙外，其他都是自助式。但是，有心理準備所以都知道服務質素是這樣。清湯湯底打邊爐一流，蔬菜和肉類湯底更加鮮甜。牛肉沒有雪味，肥瘦均衡。不錯不錯。三秒腐皮（推介）淥三秒剛剛好，保留到香脆口感，同時也有軟化後的軟荏荏口質。墨魚滑比一般的滑和彈牙，但好難以分割。匙羹可能比牛油刀合適。

今次終於有一個比較平靜的週末同friend一齊來打邊爐。個前台帶位個姐姐真系態度好差同埋面黑，差評。想投訴都搵唔到經理系邊。總之 都不會再來 服務太差東西食材ok和鍋底都ok

Happy Friday ah 🎉🎉🍺🍺！又係要慶祝既時候啦 🍲🍲！同事要走啦，所以我同同事5個女仔一起去打邊爐，無錯，五月頭先去過呢間，月尾又encore啦 ！可見拒已經成為我暫時最愛去既香港火鍋店❤️❤️ 。📌最愛最愛既始終都係手切牛頸脊，紅當當既牛肉每一片都有非常美麗既紋路，肥瘦均勻，切得少少厚，好大塊，只需要放入湯度10秒就已經食得啦，牛肉入口鬆化有牛味，係一種幸福既感覺🥰🥰。📌今次試左呢度另一個招牌菜「爽皮雞」 ，都十分驚喜😃😃 ，只需要湯滾落去滾2分鐘就可以品嚐到皮脆肉結實彈牙既雞肉，第一次食到咁脆既雞皮😋！📌手打四寶丸入面既牛肉丸勁正，好juicy，咬開有汁出架！味道有d似山竹牛肉，幾得意。📌象拔蚌丸好彈牙有鮮味。其他食物如韭菜鮮蝦水餃、竹笙、珊瑚蚌、墨魚滑 、炸魚皮、炸腐皮卷、牛栢葉等都唔錯。係個3秒響鈴麻麻地，太硬啦，3秒絕對唔夠！😅 應該係太厚同埋炸得唔夠火候 。整體來說呢間絕對洗可以encore既火鍋店！🥰👍🏻

和小朋友玩完活動後，例牌家長聚餐！上網搜尋後，見這裏有點心飲茶，整體評價也不錯，便來一試！價錢絕對大眾化，服務沒有網上說的那麼差，可能是運氣還好。樓底雖然有點矮，但整體來講，坐得闊落、空間夠，我們四大三小坐了張十二人大圓枱我們叫的點心也不少，但開餐時間我們做家長的總會高談闊論，所以沒有多拍照了！整體味道是正正常常的，一般酒樓貨色，那也就不探討了！只可以說：樣子越普通越傳統的點心，味道更好。建議不要點有些太有創意名子的點心🥧⋯⋯那麼這裏也是一個不錯的選擇！加上以七個人黎計，埋單都不到五百，港島區算係可以接受啦

D 料係新鮮好味，又有特色，平時一般火煱未必有既佢有，牛肉有牛肉味（廢話），又夠辣。地方寛鬆，去左幾次都吾會迫到爆（吾知咁係咪好事），容易book枱，不過貴咗D啫

打邊爐既季節黎啦！以前試過一星期食三次邊爐，睇黎依家又要開始番呢種生活😂以前係天后附近讀書成日行呢條食街，都無留意到原來有呢間上樓既打邊爐！今次就一於去試下。揀好湯底又係自己整調味料既時候，相對其他鋪頭黎講佢既選擇比較少，原來係因為湯底本身夠濃，如果想要多啲調味都可以問店員。特級肥牛兩個人食望到佢都知聽日早餐唔洗食都得😂估唔到佢份量咁多，果然一分錢 一分貨！平時食火鍋好易一邊肥一邊瘦，但佢完全唔會，油花都好靚又香！肉味好新鮮！響鈴 (三秒腐皮)!豆味好香濃，同佢個名一樣放落湯到三秒! 即刻可以入口食，佢就會變左少少軟但有幾分脆脆地既咬口感，食響鈴就係要恰恰好！魚皮餃+烏冬魚皮餃算係比較大粒個種，皮唔會太薄再配埋支日本清酒！

打邊爐係季節性宜家天氣轉涼 即刻約人啦剛好呢度湯底方面新出左椰子雞煲唔洗返大陸食但椰子味未係好出而配料方叫得唔多，因為我地得兩個人有：牛肉，皇帝菜，凍豆腐，烏冬，四寶丸牛肉唔錯，無雪味其他都正常仲另叫左個新菜式：梅菜豬肉餃兩者唔係好夾整體尚可，價錢偏貴下次要試下其他海鮮類

好似已經係個幾星期前食，拖到而家先寫嗰晚好多人，個場好旺喔，所以都有嘢食慢咗上個湯好足料，好多粟米豆腐蕃茄蘿蔔所有嘢食都新鮮同大碟，搞到叫多咗 (兩個人)，勁飽地離去推介魚，真不錯

天后間滾得棧成日都咁鬼多人，我知佢本舖係深井，但平時跑步路經深井係無得停低打邊爐。今晚就係天后試下先。個場幾大，不過都好多人等，建議大家要book位。叫咗個胡椒豬肚湯，好足料，愈食愈辣，頂唔順，哈哈。鍾意胡椒既朋友可以試下。炸魚皮，即炸嘅，好脆口，正呢個牛拼盤幾正，咩都有，樣樣都好食，夠牛味。建議叫啲湯唔好太重味，咁先食到牛肉嘅味道。可能即切關係，等左一段時間先有。都值嘅，食住其他野先。打邊爐點可以唔叫番杯啤酒飲下？

夏日炎炎，都會想再熱上加熱。今日突然想食個打邊爐。岩岩去完中央圖書館。又到肚餓時間，去到尼間火鍋店。我只可以講，佢既海鮮真係好鬼新鮮。佢d蝦上台時仲識郁。（$98有成11隻蝦）價值一點都唔貴。份量仲好多。打邊爐要食靚料，尼間絕對可靠！

今午約了幾位舊同事敍舊，特別選了電氣道覓食，因為舊公司就在電氣道附近，大家可緬懷一番當年的光景。 十幾年間，電氣道食肆林立，競爭激烈，很多以前幫襯的餐館己經消失了。 聽說滾得棧於2011 年已經開檔，到現在還䇄立不倒，應該有可敢之處。 如其名，主力是火鍋，但原來午巿他們點心聽說也很不錯，所以今次在眾多餐館選了此店。1時到，樓上己坐滿人，我們四人共點了七樣點心 （珍寶鮮蝦腸、黑椒醬汁金錢肚、薑牙豉汁蒸魚雲、鮮露筍津白扎、七味虎皮尖椒，水晶鮮蝦韮菜餃、鵪鶉蛋燒賣）和雜菌雞球炆米。食物十五鐘內己到齊。點心整體來說不錯，腸粉很滑、金錢肚夠味，鵪鶉蛋燒賣坊間不多見，但味道一般，不太推介。   我們結果閒聊至4 時。下次我們再來試試晚上火鍋。

今年天氣好冷， 成日都想吃火鍋！ 滾得棧係我最愛的火鍋之一， 最愛雙拼火鍋，今次叫了大地魚拼麻辣！ 湯底好足料， 好味！ 麻辣需要滾一段時間才出味，一開始我略嫌不夠麻和辣。 大地魚非常足料而主角永遠都係牛頸脊！ 非常好味，牛肉味極濃，品質很有保證。 還有必叫的係時令海鮮， 例如像拔蚌， 桶壕，原條魚刺身，各式的餃， 響鈴， 都是非常好的選擇。 呢間火鍋到7點就基本爆滿，所以一定要book位！ 價錢我覺得還算合理， 係一個係天后打邊爐的好選擇！

約了好友打邊爐，事先訂咗呢間，準時去到，上一樓地方唔大，裝修簡潔，每枱有入枱電磁爐，地方企理，坐低店員就斟豉油，再放低豉油配料，火鍋配料選擇多，有啲食材都幾少見！湯底（$79）味菜胡椒豬肚湯底：辣辣地暖身，好多料，豬肚唔韌！正！芫茜皮蛋湯底：比其他食店嘅多材料，湯底清甜，皮蛋味濃彈牙，豆腐超滑，原粒馬蹄爽脆無渣！甜瓜增加風味！正！手切牛頸脊（$218）好大碟，雪花好靚，微微淥一淥，牛肉油香滿咀，肉質唔韌！牛味濃，好味！魚雲（$34/半份）朋友食！魚眼好新鮮桂花蚌（$57/半份）自己好喜歡食爽脆有咬勁嘅食物，厚肉新鮮彈牙，爽爽爽珊瑚蚌（$54/半份）爽爽爽，又夠厚肉！彈牙好味帶子片（$54/半份）切半嫩滑新鮮，好味花彫碎蝦（$108）上碟仲郁架，浸浸下就醉晒，淥熟蝦肉爽嫩，有酒香無苦味！正！韮菜餃（$32/半份）皮嫩滑，韮菜餡好香，爽嫩唔老，菜多肉少健康好味炸魚皮（$39）上碟仲有熱氣，新鮮炸，炸漿薄又脆，浸湯好味牛脷托（$39/半份）第一次食呢個部位，薄切有咬口，爽夾牛味濃，正！西洋菜（$38）新鮮爽嫩無渣！正加拿大象拔蚌（$680）擺盤好靚，蚌肉好新鮮，爽脆有咬口！連內臟部分都新鮮無

這間店的裝修雅致，乾淨又舒適。湯底要了麻辣加沙爹，徧愛麻辣，足料又不會太辣。叫了鎮店的牛頸脊，鮮味有咬口。鮑魚，很鮮甜鯪魚肉，一般，不差但也不特別好。四寶丸，唔錯雲吞，大大粒，有完整鮮蝦黃蕹菜，口感特別，新鮮油麥菜，一樣好新鮮竹生，一般枝竹，很嫩滑豆腐，盒裝的，一般酸梅湯，夠凍味美。埋單$1065，頗貴，但整體很滿意。

邊爐，係要成日打的。打了幾間訂位，最終只有朋友介紹的這𥚃，八點半有位，真是一位難求😩湯底有貴有平，我們自選🍅番茄芫西豆腐及沙嗲湯底拼合成鴛鴦湯。看見食評，牛頸脊是不可不叫的。很多湯底及食材都可以雙併，最適合人少少選擇，✔️✔️紙有記號，註明哪些是不可併。雙併～也是我今天的不愉快小插曲。一搾？上枱時真的嘩了一聲好大支，但係飲就麻麻地好味選了兩款蔬菜，份量OK多。西洋菜較粗，以為很老，但卻出奇好味，很嫩。現炸响鈴，很簿身👍🏿，水準之作，但兩人吃，太多了，吃剩。叫了雲吞及韮菜餃2️⃣兩款雙併，上枱就是這樣，覺得奇怪🤔，單數？又覺得雙併只有五粒，也太少了吧！食到第四隻也是同款雲吞。知道是出錯了，因夠飽所以無追另一款合併餃。好戲在後頭響鈐夠簿，夠鬆脆。牛頸脊的確好味，肥瘦適中，牛味濃厚活生生的蝦🦐，在杯子內飲酒🍻，醉了。煮熟很蝦頭在實實在在的酒味🍺，很滿足，得新鮮✨。湯底我較喜歡番茄那邊，無論配菜還是肉，也比較合適，而且當中蕃茄量亦多。這裡沒有人會主動為你添湯，吃至尾已乾水了。最後埋單，影了發票細看，隨後侍應取來簽卡賬單，我們問侍應來了五粒雲吞，不知道那是全份還是半份。那侍應以抱怨態度👺👺：「得幾粒係半