湊湊火鍋‧茶憩 (Nan Fung Place)

營業中

休息中

平時久唔久都會嚟呢間連鎖台式火鍋店，除左幾鐘意佢哋呡湯底，亦都鐘意佢地任食嘅鴨血。呢度嘅食物定價尚可，未算得上抵食。 不過食物都幾特色，例如好似企鵝嘅墨丸。 肉類方面都算多，擺盤靚。服務都幾好。環境靚，算企理。 醬料小食都多選擇。豬頸肉好食，蝦滑好食，有咬口值得食下。不過佢地嘅鴨血唔係會黐牙果隻，個人偏向鍾意果種。不過蔬菜清洗唔太好，食食下發現左一隻唔似蟲嘅物體😅😅 我地即時停手，通知待應。最後佢地將成個煲換過個新嘅，waive 左大部分嘅飲品。 送多幾粒企鵝同丸。同行5人，最後埋單$1916。 本身營業時間至晚上11點，不過10點已經催埋單。不過都食飽，早少少走都無所謂。希望今次係個別例子😅

2個女人食左$814其實都唔係寫好多野料OK湯底很普通花膠雞湯的花膠係雞扎果類炸過的花膠，而且個湯杰到有點異常，唔知加左乜，而雞唔係雞件係類似雞髀粒。只能說方叔叔花膠雞湯的花膠係真花膠，真雞件，正好多。台灣麻辣湯底，唔香、唔夠辣，可能台灣麻辣就係咁啦重點：入座時係有講明兩個鐘交枱但佢交枱時間早廿分鐘就印單要埋單然後出面無人等都不同職員每隔一段時間提交枱當然你準時收枱由佢吉喺度有你道理，但明明無人都要咁？唔識彈性點處理？食到都無哂mood，本身想加單都加唔到(我哋最終係坐多半小時走人，因為d野都未食哂）難怪咁多港人北上消費No next time.

珍珠奶茶跟火鍋最配！🍲新出的花椒火鍋拼麻辣鍋麻辣鍋無限加豆腐跟鴨血餐廳環境很棒，很適合跟朋友聊天聚餐，服務也很貼心。現在的小食台還有炸芋球，好好吃喔蔬菜拼盤裡面有生菜、娃娃菜、甜粟米等，剛好一人一個擺盤真的好漂亮，今天還吃了墨魚泥做的小企鵝🐧小料台的魚皮也很清爽、西瓜也很甜牛肉+芝麻醬絕配鴨腸很彈牙，跟麻辣鍋絕配大紅袍珍珠奶茶超級出色，大大杯濃郁的茶味加上煙靭的珍珠平時行過可以淨係買嘢飲都好ok毛肚食麻辣鍋點可以唔無毛肚唔會有內臟味但好彈牙七上八下就可以食得了

今晚同三五知己撐腳去「湊湊‧茶憩」打邊爐，正！🍲 店內氣氛寫意，添咗杯貴妃烏龍先，味道唔錯，幾解渴。先飲湯，鴛鴦鍋嚟一次過享受兩味：麻辣鍋足料，帶有啖啖滿足感，豆腐同鴨血真係無限Loop，唔洗怕唔夠；花膠雞湯底嘅花膠保證係真材實料，湯口滑溜透心涼，勁贊。啖啖肉嘅各位，嚟呢度會開心到跳起，毛肚脆口得嚟唔腥，牛肉幾嫩滑，伊比利亞豬肉更加係入口即溶，口感好過癮！仲有飛魚籽墨魚滑，每一啖都飽滿得黎鮮美，個企鵝丸又得意又好味。至於巴沙魚同文蛤，魚香滑、文蛤鮮甜，食物質素真係掂。奶茶控揸住，大紅袍珍珠奶茶必飲，呢杯真係勁過癮，珍珠Q彈，茶味夠香郁，飲嗰陣心情都跟住好轉起上嚟。最後自助吧價錢親民到爆，又玩到啲小遊戲。總括嚟講，喺呢到食宵夜，係會再嚟添嘅，價錢抵，食物正，氣氛正，大家記得試下呀！👍😊🧋

到上環分店用餐，打算慶祝女兒生日，早聽聞湊湊鍋服務和食物均屬一流，故滿心期待。當晚我自己先到拎位，就開始清洗碗碟，其後用紙巾擦杯，發覺很多茶漬，非常誇張，再嘗試擦另外一隻，情況亦是如此(見附片)，於是我叫店員幫我替換茶杯。點知店員將杯子好大力咁放低，我可以聽到隻係需要3秒才停定，可想像那種力度之大，最後更得知該人是經理，我感到非常震驚。震驚原因不但因為d 杯竟咁污糟污糟，更令我反感的是該店經理的態度，實在令人氣憤。最為唯有離開，再為女兒尋找其他餐廳慶祝。原先滿心期待的生日飯就如此泡湯了，點解通關之後會有咁多香港人選擇北上消費，原因不言而喻，飲食界請好好反思。

今晚一行五人到餐廳食火鍋，我們點了四人火鍋套餐。火鍋食物的份量非常充足，海鮮有帶子和鮑魚，海鮮很鮮甜，牛，豬和其他食物亦好新鮮，蔬菜盤內菜式種類繁多，應有盡有，亦不需要額外添加火鍋食物。生果和小食都是自助任取任食，火鍋醬油亦有很多不同的選擇。員工服務態度友善和細心，先叫我們品嘗花膠雞湯，之後才開始火鍋，亦不停巡查湯水是否足夠，主動為我們添加免費的麻辣豆付和鴨血，價錢合理，服務態度極滿意。會再次光顧。

我來到一家以台式火鍋為主打的餐廳，因為帶着小孩的關係我們點了椰子雞煲。湯底上桌時，我馬上被椰子的香氣所吸引，它散發出濃郁的味道，讓我驚喜不已。我首先嚐了一口滑雞，它的肉質鮮嫩多汁，帶著淡淡的雞肉香氣。滑雞完美地吸收了椰子雞煲湯底的味道，散發著誘人的香氣，令人回味無窮。接著，我品嚐了牛柏葉，它的肉質細嫩，口感綿滑。牛柏葉搭配椰子雞煲湯底，帶來了一種奇妙的風味組合，這是我第一次嚐到這麼特別的組合，讓我的味蕾充滿了驚喜。肥牛是我最喜歡的火鍋配料之一，它的油脂豐富，肉質軟嫩。在椰子雞煲湯底的烹調下，肥牛肉散發著濃郁的香氣，入口即化。這道菜肴給火鍋增添了豐富的口感，使整個火鍋更加美味。最後，讓我們談談麻辣鴨血。這是一種具有辣味和嫩滑質感的食材。鴨血以其獨特的口感和味道而聞名，這裏的事可以隨意加添，因為小孩不吃辣，我們便麻煩他另外上菜。

以前體驗好好，後來一次比一次差，人手不足，已經再隔左四個月先再返黎，超級失望平日lunch time都唔少人，樓面得三個員工， 但好似由帶位，落湯底，上菜都得一位男員工騰來騰去做曬，一度覺得連入廚房整野都係佢，另外兩位女員工就慢條斯理推吓車 出吓嘢飲咁12:15入座，12:40分上湯底，1:30先開始上菜到1:40終於上齊，野食質素係keep到，但等個半鐘先上菜 夠時間淥野都食唔切，夠錢周圍開分店，好心認認真真請多啲人，唔係做死啲員工又留唔住啲客

放假難得約到一班朋友食飯, 人多最好就係打邊爐, 可以邊食邊傾計🍲😋四人餐 $1288呢個餐最抵, 已經包括鴛鴦湯底 (蕃茄牛膝/麻辣鍋), 肉類, 丸類, 海鮮同蔬菜, 樣樣都可以試吓👍🏻其中嘅伊比利亞黑豬肉同特選級牛肉都好肥美🤤鮑魚同帶子都好新鮮山海一盤 $588呢個同樣份量十足, 除咗啲沙白瘦啲之外, 其他都唔錯, 值得試吓🙌🏻餐廳有滷肉飯, 麻辣魚皮, 水果可以自助任食, 當中嘅麻辣魚皮好受歡迎，去到記得第一時間攞😛食台式火鍋店嘅一個好處係有台式特飲可以揀, 唔使成日飲嗰啲酸梅湯菊花茶🙈

之前在尖沙咀的分店，吃過一次。這次lunch time來吃。一點前到現場已有客人，一點鐘點好估計十分鐘上桌。點了花膠雞和台式麻辣，服務生說台式麻辣算是輕微麻辣，很香，愛辣人士很愛。小料台醬料種類很多。趕時間不推薦花膠雞，熱的很慢，而且湯底不像湯，像粥一樣很濃，涮菜有點膩。喜歡鴨血和豆腐的記得叫服務生免費加入他們鹵好的。店內屬於很難有服務的程度，大部分時間看不到服務生。二人餐肉量很足，兩個男生應該也會足夠。買單七百出頭。

同事生日約左打邊爐，有自座bar可以拎醬料同生果。裝修以黑色為主，係有花心機。同事話XO醬冇海低撈甘好食，但有魚皮同中華沙律。叫左二人餐選左兩個牛肉再單叫響鈴，毛肚，羊肉。本身可以選擇海鮮有蝦或鮑魚，最後選左蝦。企鵝丸同皇帝菜都可以跟餐。蝦好新鮮，唔算大隻但肉結實唔會霉。肉上檯以為好多但入面包住左啲菜。企鵝丸又係可以打卡但冇咩特別。服務好好，會主動加湯同清蝶。結尾會有個迷你沙冰同甜品送，折埋算貴但中環邊有甘多平餐廳。

今晚為朋友慶祝生日， 訂了枱。店家安排了房間， 可容納我們8個人。房間很清潔、舒適、又很寧靜，我們可以一邊食一邊傾談。食物質素非常好， 尤其是湯底， 特別推介椰子雞湯底， 超清甜，能帶出食材嘅鮮味。飲品的選擇很多， 而且味道都不錯。店員服務態度非常好， 有些額外要求都很樂意為我們做到，很貼心， 又有禮貌。以前去大部分火鍋店都好像打仗一樣， 又嘈吵又混亂又擠迫， 很難和朋友交談。很享受在這家火鍋店， 可以舒舒服服食火鍋， 和朋友歡聚。值得推介！

一向都覺得湊湊邊爐係舒舒服服打邊爐嘅好地方，前排酒同朋友book左去上環食！❣️外面有自助bar，除左醬料外，仲有水果、麻辣魚皮、海帶等任食！❣️餐廳內仲有獨立房，想有privacy咁食都ok❣️入座有正山紅茶，滿滿茶香味🍲 清涼椰子雞$198- 入面都幾多雞肉，用上鮮嫩日本雞肉，雞味好濃。湯底好fresh 好濃香椰子汁，幾清甜，仲有好多- 如果淥菜更加會吸曬湯嘅甜甜味道🐙小章魚福袋$49- 造型好可愛，入面有粒粒章魚🐙🐷 伊比利亞黑豬肉$138 - 薄片香口，豬肉味濃，除肉質本身甜甜地外，更加吸曬椰子嘅甜甜味道，正！外面自助bar竟然有麻辣魚皮任食，每粒都彈口透明，幾有質素！另外仲點左：🌟 深海珊瑚蚌$198🥬奶油生菜$38飲品方面，點了：🌟 生椰大紅袍$28- 用上椰子奶配茶，茶香味濃，甜度適中

環境相當雅致，座位寬敞，兩個人都可以坐四人卡位🥰，燈光昏暗有格調，醬料、前菜、水果、魯肉飯都是自助和任食的～🍲清涼椰子雞湯底係香港＆新加坡限定嘅湯底！加入椰子水、椰肉、檸檬葉、珍珠馬蹄等製成，打邊爐一定要先嚐湯頭，椰子水香甜清新仲有雞肉去肴製多了份鮮甜味道，雞肉嫩滑香口椰子肉煲得林身而且有煙韌口感～好值得推薦大家揀呢個鍋🤤🧡深海珊瑚蚌係野生嘅珊瑚蚌，每一片都好大塊，烚10秒左右就食得，非常彈牙鮮甜，而且價錢實惠，必叫之選！🥩美國特選級牛後胸烚15秒食得，牛味香濃突出又嫩滑，如果烚耐左都唔會硬。配合埋鮮甜嘅湯底，更加帶出牛味。🥠小章魚福袋有6個，內裡包住肉碎和香菇，仲有好多湯汁，小心燙口🐧企鵝丸其係湊湊嘅signature 打卡菜式📸佢係由黑白墨魚丸組成，墨魚肉又香又彈牙。，賣相非常可愛，有少少唔忍心食😇🥬奶油生菜奶油白菜嘅葉子厚實多汁又少渣，帶有甜味和奶油香，口感極佳🫖生椰大紅袍少少似港式奶茶嘅味道，用左椰奶去代替奶，唔會太甜又有另一翻風味

[ 湊湊火鍋‧茶憩 ]適逢下午6時前埋單及離座有85折優惠，都幾抵食，今日決定下午嚟打邊爐先👅✿ 金湯酸菜魚鍋 (單鍋) $198酸菜魚鍋加入豬骨、四川泡青菜🫑熬製而成，湯頭酸中帶點辣🌶️。配料有魚片同酸菜，魚片入口嫩滑，酸菜爽脆得來酸酸微微，好醒胃。✿ 美國特選級牛後胸肉🐂 $118牛後胸肉係牛身體後半部分肉，口感同質地一流，牛味重，而且不嚡口。✿ 深海珊瑚蚌 $198外觀呈橙色而有光澤，只需要烚熟40秒左右就可食用，最爽口彈牙。✿ 奶油生菜🥬🥬 $38特別選用水耕種植蔬菜，賣相好睇之餘，大片生菜厚實多汁，入口無渣。✿ 小章魚福袋👝 $49福袋每粒裏面包含小章魚🐙，章魚鬆軟且帶點彈性，福袋主要食材係腐皮，呢個菜式幾特別。✿ 鮮豆腐 $38口感嫩滑，豆味濃郁，用嚟打邊爐一流。✿ 生椰大紅袍 $29全新生椰系列🥥🥥，椰乳醇厚，配搭茶香濃郁嘅大紅袍茶，有種獨特嘅風味，口感清爽，後味鮮甜。總結🫦店鋪環境座位舒適，空間感大，坐得好舒服，埋單時候加入湊湊社交平台仲附送沙冰同甜品，當日係菠蘿冰沙🍍同蜜桃大紅袍茶凍，啱哂打完邊爐食😊✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿湊湊火鍋‧茶憩地址