湊湊火鍋‧茶憩 (Nan Fung Place)

營業中

休息中

話咁快 又到一年一度嘅中秋節啦去咗上環 食久違嘅湊湊打邊爐呢實不相暪 係我第一次去食湊湊啊環境幾舒服 有自助區可以拎醬料有涼拌魚皮時令水果 可以任食嘅仲有滷肉飯同埋甜品 大大滿足哇而食材份量足同夠新鮮 好高質喔-鴛鴦鍋臺式麻辣鍋 ($138)麻辣湯底濃郁 食落麻辣度適中呢配料好足 有好多鴨血同臭豆腐啊清涼椰子雞 ($138)香濃嘅椰子味加埋人蔘果 飲落好清甜唷仲有滿滿嫩滑嘅雞肉同椰子肉 好健康呀-花好月圓海鮮拼盤 ($238)賣相好華麗 有鮑魚海蝦扇貝 蜆肉同鱔片哇海鮮拼盤 二人份量嚟講都好足 真係好新鮮-企鵝賞月 ($108)有四隻企鵝 係用墨魚整嘅 食落口感彈牙仲有個月亮型 大大舊嘅魚籽蝦滑 好鮮味-新鮮白鱔片 ($78)賣相好吸引 食落爽口且肉質結實仲吸收咗湯嘅精華 味道特別鮮甜-美國特選級牛肩胛 ($158)係我嘅最愛 食落肉質鮮嫩 食到停唔到口-爽口牛黃喉 ($58)原來係血管嚟 咬落口感幾特別 爽脆彈牙-油麥菜 ($38)-雙柚愛玉茉香茶 ($33)香甜嘅柚子味 茉香茶茶味濃郁配埋愛玉增加層次感 清涼解渴-雙柚愛玉茉莉(冰沙) ($35)

地理位置位於上環，地鐵一出行3分鐘就到，好方便。餐廳環境好靚，好岩慶祝或一家人聚餐一齊嚟。另外，餐廳出面仲有自家台式飲品，就算唔打邊爐都可以買飲品。除咗叫野食打邊爐之外，餐廳仲提供台式自助區，可以任食任拎，有滷肉飯、麻辣魚皮、麻辣杏包菇同地瓜球，仲有台式邊爐醬料自己配搭。臺式麻辣鍋（$138）台灣特色麻辣的火鍋，入面必有嘅鴨血同臭豆腐，湯底帶有藥材，麻味好足料，都好岩唔太成日食辣嘅你地，好健康嘅湯底。清涼椰子雞（$138）椰子味好濃，搭配啖啖肉嘅雞肉，味道清甜，仲可以飲當湯飲添，好岩夏天。華麗海鮮拼盤（小）（$238）豪華嘅海鮮拼盤，有各種新鮮的海鮮，蝦、扇貝、花蛤、鮑魚同白鱔，兩個人食足夠晒。企鵝賞月（$108）每次食都會叫，今次臨近中秋，擺碟都好有心思。企鵝睇得又玩得，食落去仲好香墨魚味。月亮係蟹籽蝦滑，每一啖都好香滑，好足料。新鮮白鱔片（$78）爽口彈牙嘅白鱔片，一共5塊，食完停唔到口，淥大概1分鐘就差唔多熟晒。美國特選級牛肩胛（$158）特選級牛肉好濃嘅牛肉味，每塊都大大塊，好有口感。爽口牛黃喉（$58）必叫之一，大大份，食落爽口、滑溜。油麥菜（$38）份量都大份，口感清脆，味

都唔係第一次食臭臭火鍋，燙住冒煙嘅鴛鴦鍋，酸菜白肉湯底首先飄出酸香，清爽開胃；另一邊嘅台式招牌湯底則濃郁豐滿，香料層次分明，兩者好似有對比但又好和諧海鮮拼盤非常精緻，當中包括鮑魚、鮮蝦、元貝同埋脆肉鯇，口感豐富。鮑魚嫩滑彈牙，鮮蝦鮮甜飽滿仲識郁！元貝輕輕一咬就散開，脆肉鯇鮮香爽口當然，火鍋最唔可以缺少嘅係肉類。白鱔片輕輕一汆就滑入口，鮮味四溢。美國牛肩胛肉油花分佈均勻，燙熟後依然嫩滑多汁，牛黃喉脆口彈牙。而油墨菜就吸收咗湯底嘅精華值得一提嘅係，湊湊既鴨血同豆腐係任添，鍾意食呢啲嘅人可以食到飽。醬料區非常豐富，仲有滷肉飯、西瓜、芭樂同埋幾款涼拌小食，齊全得嚟，照顧到唔同人嘅口味不得不提佢既茶飲都係出色既！雙柚愛玉茉香茶作為完結，柚子嘅清香同愛玉嘅滑溜口感，加上茉莉花嘅幽香，輕輕散發喺口腔裏，解辣之餘勁舒暢@coucouhotpothk#台式火鍋 #湊湊火鍋 #coucouhotpothk #hotpot #火鍋 #打邊爐 #花膠雞 #中秋節 #團圓

估唔到湊湊火鍋都有lunch set❣️1. 胡椒豬肚雞小火鍋套餐 $88個胡椒豬肚雞湯湯底清甜又帶有少少胡椒香 豬肚爽口 雞件滑嫩 食落都幾暖胃 仲有得揀烏冬 放入去個鍋一齊煲 熱熱地 食到個熱辣辣嘅溫度2. 九份鹽酥雞飯 $78成座山咁高嘅鹽酥雞 份量絕對十足 食落都十分酥脆 而且個餐仲有燥肉同菜 仲有麻辣豆腐同鴨血 仲有豆腐布甸做甜品 仲有出面自助吧啲水果同鹵肉飯食 抵食3. 茉香珍珠奶綠 $29叫左無糖 十分健康 真係淨係得個奶綠嘅味道 茶同奶都幾balance4. 檸檬紅茶 $24叫左五分甜 飲落酸味會多啲 檸檬味幾出 📍湊湊火鍋‧茶憩 上環德輔道中173號Nan Fung Place 1樓1-2號舖

火鍋店竟然出左午市套餐🤩平時lunch打邊爐真係有d趕，午市套餐就夠晒效率，慕求快、靚、正~難怪吸引左不少上班族嚟食🤭款式都多，有一人小火鍋、麵餐同飯餐，仲可以任食出面嘅生果、前菜、滷肉飯，而且仲包每人一個甜品，認真豐富😻✨經典紅顏花膠雞小火鍋 - 湯底好濃稠入味，揀左跟烏冬，勁掛汁👍🏻隨餐原來跟左鴨血、豆腐、肉躁蔬菜，幾有特色🍲✨寶島慢煮蕃茄牛肉小火鍋 - 牛肉全部都好腍身，食到好香牛肉味，而且好足料幾多牛肉😚✨大紅袍珍珠奶茶 - 茶底幾濃，珍珠係細size版，幾軟糯易咬🧋✨美人烏龍珍珠奶茶 - 茶味比較清香，大大杯慢慢飲好抵玩🤭

湊湊火鍋，平時夜晚都有去食火鍋，原來午市時間有半自助台式套餐$7x 起，台式飲品(珍珠奶茶必飲）仲有半價。最緊要就係自助吧有佢嘅招牌滷肉飯任添同埋生果，餐前小食(麻辣魚皮好食)任食，甜品就有紅豆豆腐花，好滿足！中午lunch time 想坐得舒服，食下好西又多一個選擇！慢煮蕃茄牛肉小火鍋跟烏冬蕃茄湯湯好清甜，牛腩煮得好腍身入晒味！九份鹽酥雞飯！又脆又香，雖然係炸，但係感覺都唔係太熱氣…..台灣風味返曬嚟！

返工無論做到幾忙都要醫肚仔，公司附近有間好抵食，人氣超旺盛嘅湊湊火鍋，對於香港人任何時間，無論春夏秋冬，早午晚餐都可以食火鍋🍲嘅人來講，就好似我咁，諗起就去，想食就食😛——————-中上環區，環境靚地方大，座位寬濶、招呼周到，100元有找嘅午市套餐，仲要有自助吧攞嘢食，真係超級無敵好抵食👍👍——————老壇酸菜魚小火鍋🍲：足料又好味道，辣的味道可以自己揀，魚肉滑溜，酸菜又夠味，配白飯或配烏冬自己選擇，配有小食鴨血、豆腐，炸蛋、鹵肉、娃娃菜，夠哂滋味😇——————-經典紅顏花膠雞🐣：濃郁美味花膠湯，雞肉滑溜，用美味的湯放在飯內吃，更加好味道————————大紅袍珍珠奶茶：不太甜，而且奶茶味道濃香，珍珠煙煙靭靭好好食😋——————-雲朵絲絨大紅袍：飲落去好滑溜，軟綿綿的感覺———————精緻的食物🥘⋯舒道的環境……其實開心🥳簡單就在我身邊.食….拍…寫.. 已經成為我生活中的一部份鍾意食..鍾意拍.鍾意寫..留下美好回憶————————

成班同事即興出街食午飯，個個話咁熱天氣，要打邊爐、飲珍珠奶茶🧋! 知道上環南豐Place有間台式"湊湊火鍋"，做緊個週年優惠午市做套餐，可滿足佢地既願望，即時book 位食過飽!🫶🏻💥餐廳做緊午市半自助餐，叫餐仲有得享用自助吧! 除左有多款醬汁調味及水果外，仲有任食既台灣肉燥飯、小食既香辣杏鮑菇及凍既爽脆辣魚皮🌟特別要提一下肉燥飯，佢既燥肉汁調整得合適港人食，不會過鹹；燥肉肥瘦適中，鬆軟鮮甜! 同事知道有得任食，食左三大碗飯!🤣💥紅顏花膠雞小火鍋-烏冬花膠厚身大塊，而且夠淋，食落膠質好足！雞湯濃郁滋味，加上打邊爐，可突出花膠嘅鮮味，不錯既選擇；湯底濃稠，可令每條烏冬容易掛汁! 烏冬夠彈牙，每啖都有花膠雞湯既味道，不知不覺，成煲湯飲晒~😂💥老壇酸菜魚小火鍋-烏冬台式酸菜魚，香味自然，酸香撲鼻；味道鮮甜且酸辣，食落不覺油膩；魚片滑溜厚身，兼大件，整體非常惹味，亦很開胃😋💥九份鹽酥雞飯大大份熱辣辣上枱，己聞到炸物跟胡椒混合既酥香味道；表面夠乾身，一咬落去，肉汁漏出黎，而且鮮嫩，極之酥脆!🫰🏻 💥每份套餐都配有鴨血、滷豆腐、肉燥雜菜及炸水蛋，樣樣吸引😍💥跟餐仲有甜品送，今次係紅豆奶凍；奶凍QQ

It is one of the best quality hotspots in Hong Kong.The environment and decoration is illuminating, when you walk into the restaurant, the vibe and atmosphere is like a top quality diner. The restaurant provides unlimited appetizers and fruits, and even a sauce mixing bar with many varieties. For the food, the soup is very tasty with rich flavors and the food is very delicious, with an extraordinary presentation.The boba is also really delicious! Definitely a restaurant worth trying!

上星期同同事去湊湊火鍋食lunch ~ 🍲依家佢地午市有小火鍋套餐 仲有台式自助bar喜愛滷肉飯的人有福了😂因為可以吃到飽仲有台式小吃 水果都係!!!😋 連我最愛既芭樂都有!!!好爽脆清甜🩷.我地揀左寶島慢煮蕃茄牛肉小火鍋同經典紅顏花膠雞小火鍋🍲可配飯/烏冬🍅蕃茄湯底都幾甜 牛肉煮得好軟腍 將烏冬加落湯 煮一陣再食 好掛湯!!! 另外仲有麻辣鴨血豆腐同滷肉菜盤 好豐富麻辣鴨血同豆腐索晒啲汁 非常入味花膠雞湯底相對濃稠 有雞件 花膠 花菇等等滋補養顏之選🫶🏻女士必備.配返2杯大紅袍珍珠奶茶🧋茶底香濃 珍珠煙韜彈牙飲唔晒仲可以拎返公司下晝慢慢飲🙂‍↕️😆正!

係上環湊湊火鍋食午餐，有卡位坐好舒服！而且仲有自助吧，自助吧任食水果🍉有西瓜，柑，哈蜜瓜～～仲有魯肉飯食，正！老壇酸菜魚小火鍋 $88小小辣既酸菜魚，肉質嫩滑！美味嘅酸菜湯配爽脆嘅芽菜～配上烏冬，好滑溜，好飽足！經典紅顏花膠雞小火鍋$88花膠雞好滋補養顏！花膠煙韌入味，雞都幾多，落埋冬菇一齊煮！可選擇烏冬或者米飯🍚冰美人烏龍珍珠奶茶（大杯）珍珠有咬口有甜果，配上冰美人烏龍，好有茶香百香果綠茶QQ百香果酸酸甜甜，加上綠茶既清新，有d QQ咁好岩夏日飲！🍱湊湊火鍋‧茶憩 (Nan Fung Place) (上環)📌📍上環德輔道中173號Nan Fung Place 1樓1-2號舖

食過呢間邊好多次，外面醬料區有幾款小食同埋水果任拎，仲會送一杯細嘅沙冰同埋甜品，好抵食。最近有五周年生日優惠再嚟食食佢😋 今次用咗優惠，叫咗一份$98嘅日本A4和牛三角胸小排同埋71折嘅白鱔片。台灣麻辣鴨血鍋同埋胡椒豬肚鍋湯底今次叫咗台灣麻辣鴨血鍋同埋胡椒豬肚鍋。我個人最鍾意飲呢度嘅胡椒豬肚湯😋口感比較Creamy，有少少胡椒味唔會太喧賓奪主，外面自助吧有白飯自取，配飯食一流，每次嚟都會飲好幾碗先打邊爐，出面有好多豬肚同埋另外會有雞件，好足料。台式麻辣鴨血湯會有無限refill，但係湯底就一啲都唔辣，想食辣嘅最好叫四川麻辣湯底，鴨血同豆腐質素就普普通通，勝在可以無限加。$98日本A4和牛三角胸牛小排牛小排嚟到個樣幾靚仔，可能係唔好彩呢份肉脂肪比較多，食落去入口即溶，但係幾乎冇牛味，有啲可惜。71折嘅白鱔片 肉質幾彈牙，幾好食，可惜就唔夠大塊。飛魚子墨魚滑呢個係每次必嗌，呢間火鍋店獨有，每一啖都有卜卜嘅口感，墨魚滑新鮮彈牙，你都記得要試一試。最鍾意呢間火鍋係佢哋嘅湯底，湯底好飲又有無限refill。另外叫多幾樣餸就食到好飽肚，好滿足。之後都會一直encore 。

邊個話夏天熱辣辣唔好打邊爐？喺冷氣房裏面打邊爐都係感覺好正🥰今次我哋去咗上環冷氣超級足嘅火鍋店打邊～我哋揀咗椰子雞和喇沙湯底，湯底好足料椰子雞湯底的雞件非常滑溜，而且椰水好甜拎嚟打邊爐感覺好特別。喇沙湯底裏面會有好幾隻食落彈牙新鮮的大蝦，兩個湯底加埋已經好足料啦！我哋今次叫咗蝦滑、龍蝦🦞魚片等等食材，好食之餘，我發現卡路里好低🥰減肥都可以食住減！呢間舖頭的食材全部都好新鮮，龍蝦切好上碟之後個頭竟然仲郁緊🙈🙈值得一讚的是自助吧仲有水果、肉燥飯、魚皮等小食任拎🥳而且質素都唔錯㗎～環境舒服，收工過嚟食吓嘢傾吓偈都幾開心🥰🏠湊湊火鍋‧茶憩 (Nan Fung Place) (上環)上環德輔道中173號Nan Fung Place 1樓1-2號舖

食物好食員工服務態度良好 整體嘅用餐感覺係幾好嘅 第一次食唔明嘅地方員工都好耐心咁樣解釋 上菜速度好快好而且菜都好精美 環境上間舖嘅裝修幾好 食嘢好有氣氛 而且大致上好乾淨

做媽媽嘅，梗係要有Metime啦！由於我哋都係住港島西區，所以都盡量搵間坐得舒服同埋方便我哋返屋企嘅！湊湊就變咗我哋嘅聚腳點！呢間湊湊嘅好處就係，我哋每次book枱都訂到包房🤣🤣🤣點解要包房，因為一班女人實在太吵了，唔係咁好意思吵到其他人嘅！包房其實都有個規定，就係要點個3色鍋，即係3款湯低，當然我哋又覺得ok嘅，人多除開都嘴口普通枱差唔多。今次就order咗最正嘅台式麻辣湯底+金湯酸菜魚同胡椒豬肚雞湯。3款都各有特色。當然愛吃辣嘅就會好鍾意台式麻辣湯，入面仲有好正好入味嘅鴨血食😍😍😍而我哋就點咗好多嘢食，有美國特選級牛小排、伊比亞黑豬肉、鵝腸、黑毛肚、小酥肉、魚腐、油炸鬼、魚皮、時菜湊湊（拼盤），海鮮湊湊（拼盤：有蝦、貝、墨魚、鮑魚等等）。超級正，每一樣都好精緻好有特色。最緊要係咩？湊湊每次order台式麻辣鍋，都可以安排每個人帶走一份鴨血😍😍😍返屋企第二加熱就可以食㗎啦！不過唔知係咪每間湊湊都一樣，覺得服務員真係好少好少，唔係服務唔好嘅，只係佢哋真係忙到無時間兼顧咁多枱客！環境：⭐️⭐️⭐️⭐️⭐️食物：⭐️⭐️⭐️⭐️⭐️服務：⭐️⭐️⭐️⭐️價格：⭐️⭐️⭐️⭐️