港灣茶餐廳

營業中

休息中

剛係美國做左三星期展覽，一返到香港就接住香港 Show，假都無得放就即刻開工。仲諗住食個靚早餐心情輕鬆啲啦 ﹗點知一肚氣 ﹗太陽蛋火腿沙嗲牛肉出前一丁走包，我都係第一次要係門口等位架乍 ﹗等左五分鐘入坐，坐低再等 35 分鐘比碗發賬冷麵我食 ﹗沙嗲牛肉又凍又硬又鞋烚烚，隻太陽蛋更冰凍，我以為叫左個冷盤早餐 ﹗碗湯只係微暖，攞黎焗杯麵都厭佢凍呀，啲麵煮到過龍發脹，好明顯係先煮定個麵底，放左好耐再放湯。頂佢呀 ﹗又收得貴，仲要搞到我遲到 ﹗

Went to the convention centre for an exhibition last weekend. Need to grab lunch before going to the exhibition halls. Perhaps it was lunch hour, there were 3-4 groups of people quieing for table when we got there.Ordered shredded pork fried noodles, sweet and spicy pork neck fried instand noodles, roasted pork, kaya polo-bun, iced coffee and hot ribena with lemon. To our surprise, after the drinks are being served, the kaya polo-bun was served first. Weird, because this is supposed to be the de

今日最後一日珠寶展喇 ﹗今朝都係獨孤一味珠寶晨早晨特餐，即食麵 ﹗沙爹牛肉出前一丁配煎蛋火腿走包，加埋杯冰齋啡走甜，多謝 HKD38 蚊啦。我原本只叫沙爹牛火腿，點知個早餐原來包左雞蛋，我琴日睇完跌打要戎口架喎，但黎左無理由唔食架，食左先算，明知食完傷口會生水泡，話之佢，食食食 ﹗碗麵唔夠熱，煙都無啲。麵質又過腍，懷疑一早淥定個麵底，當有客 order 就放湯慳時間 ﹗唔可以咁做架，食得出 ﹗牛肉無上次咁好食，唔夠滑，不過都算滿意。

食物水平非常一般，服務員態度惡劣！會展有展覽會進行期間，設不成文的規則：客人只能購買指定難食飯盒作外賣。欲購其他食物外賣，客人需另加10多元之荒謬收費！無理之極！！！ 茶餐廳自居，卻價錢貴、分量少、味道差、服務劣！

記得那時還是冬天，某個寒冷的周末要到會展辦點事，逛得累了，就來這所會展專屬茶記歇一歇。此店食物的選擇真的多，上至扒餐、小菜，下至粉麵、粥、燒味、焗飯等，都是一應俱全，不過本人是日跟唔太都不太餓，所以最後就只每人一杯飲品，再一個包兩份吃好了。點了個平凡中見不平凡的咖椰菠蘿包，這個菠蘿包的外皮龜裂得不太強，也許應該說，實在是太稀少，是臭粉下得太少了嗎？吃起來明顯不夠香脆，變成有點點墨西哥包，不過牛油及蛋味也足，包身都幾鬆軟。內部的餡又如何，那個所謂咖椰餡，根本完全不似一般咖椰多士那種味道，斑蘭味道等於零，這堆疑似奶黃的東西，吃起來尚算有點蛋香的，就當它真的是個奶黃菠蘿包吃好了。本人依舊要喝奶茶，此店用的是一隻金屬杯，可謂是眾杯之中，最差的選擇，因為傳熱太快，所以很快就散走掉茶身的熱，先來嗅一下，想感受一點茶香的我有點失望，而奶香也沒什，茶身尚算有點稠，但明顯是不夠滑，而本人最注重的茶味，也真的是挺薄，入口沒有了奶茶為大家帶來的一份甘香。唔太要了杯熱薑蜜暖身，用匙羹舀一舀，有零星的薑片，不過薑味真的很薄，丁點也不辣，只能為舌頭帶來擦身而過的辛辣感，而所謂的蜜糖其實都是菜蜜之流，沒太多蜜糖的香

話說我一走入餐廳發現無單丁位，全部要搭枱，咁我咪諗住買外賣。點知行到入去見到成個 corner 位七八張枱無人坐，咁我就同侍應妹妹示意話坐啦，回應竟係清潔中唔比坐 ﹗早餐煩忙時間清潔？﹗您講笑定搵藉口呀？而且我唔見有人係度清潔喎，我只係見到一塵不染好乾淨乍喎。咁我梗即時黑面 ﹗算數，剛有客離開，咁我一個人坐落張二人枱，諗住可以靜靜地舒舒服服獨自嘆個早餐。誰不知唔夠三分鐘，叫個客埋黎搭枱 ﹗有無問過我呀？﹗係咪一定要比您搭既先？﹗火都黎埋 ﹗火係因為聲都唔聲就坐落黎，我依家唔係幫襯緊街邊檔或大排檔呀，過份呀 ﹗服務不殷勤不周到，目無表情無笑容，食都食得唔開胃啦，有待改善，再培訓 ﹗午餐肉唔夠熱既，只微暖，所以特別咸囉，雖則預左係煎定。太陽蛋屬靚貨，深橙黃色蛋黃，香濃蛋黃味，正。牛油餐包，夠軟墊，ok 啦，不過牛油少啲囉，咪咁孤寒啦。琴日朝、前日朝都係係度食同一個沙嗲牛出前一丁跟太陽蛋，只係塊肉轉一轉啫。今日超水準既沙嗲牛肉出前一丁，為之驚嘆 ﹗一食落口就知道牛肉係新鮮製造，唔係乾增增有死屍味既隔夜貨、唔係鞋烚烚黑蚊蚊既罐頭貨，嫰滑味鮮。沙嗲汁打得濃厚適中，味道香甜，不咸不膩，色澤鮮明吸引

每年都只會係珠寶展期間先有機會黎食野，仲只限於早餐乍 ~ 價錢比一般茶餐廳貴，但質量、衞生、環境都較好，唯一真係要好好改善既係服務，一幅唔休做既能度，而且笑容欠奉 ~腸仔係炸過既，因夠快夠方便麻，掉落炸爐唔洗理，味道都係偏咸，想搵間有好味腸仔食真係好難。太陽蛋品質高，見到個靚靚顏色，食落黃味特濃就知啦。牛油餐包，不過不失。沙嗲牛肉出前一丁，必定加辣椒油一齊食，夠刺激，奈何茶餐聽辣椒油水準點夠潮州粉麵檔好呢。個麵底真係煮得唔錯，時間剛好、軟硬適中。沙嗲味香濃入味，但牛肉有少少過火，鞋鞋地，差啲啲。

五月中旬‧大雨都算是吃勻香港很多好吃的乾炒牛河，也專誠來試試這裡的。一人來，只點一味，吃完就走，簡單快捷。牛河是即炒的，熱辣辣。但看河粉疊在一起的，明顯炒得不夠透，火侯很一般。牛肉非常非常滑身，其口感適合老人家。但吃完碟底有攤油，後生仔才會頂得住。如果大家樂即炒的有50分，這裡的有60分，但何洪記的是88分。非常明顯。不記得確實價錢，好似是四十幾蚊。Please keep waiting, i will give u my answer for sure some day later.*原本食物，環境及價錢都係中中地，可以說是一個「ok面」。但是日服務真的差到無倫，我一個人搞了好幾轉都未安排到坐得底，叫落單又越叫越走。服務一欄比平常差，咁就一個唔該拿了個「凄涼面」。

琴日同左女友去左行會展,行到好攰了,所以就去左呢間o係會展o既茶餐廳坐得食下野抖下,費事行番出去,叫左個火雞菠蘿包,味道算唔錯,d包都算鬆軟,幾好.佢地間店都幾大,坐得都算舒服,d小二都算有禮貌,雖然係收你貴d,但果度呂係會展,都可以再去一次的.

My friend hosted a gelato booth in the food exo in the HKCEC last week, so we paid her a visit and walked around the expo at the same time. We went to the Harbour Kitchen at the HKCEC for tea before walking around.There was a great flow of people flushing in and out of the expo at 2pm, so there was a short queue in front of the restaurant. Upon arriving the restaurant, I immediately spotted the pastry window display and had my time in choosing between Pineapple Bun and Chicken Pie.....Chicken Pi

朋友 W 問起去 HOFEX 時會食什麼 Lunch (乜你咁八嘅哈哈 ), 忽然記起上兩次在這邊食的乾炒牛河很好吃, 而之前也已經寫過一次食評. 上兩次食的就連澳門細龜都無做到這水評. 另一食友不經意聽到後, 覺得很奇怪為何一間普通茶餐廳會有可能做得比眼見著明火炒的好味 - 但確實那兩次是好味, 而這邊也是差不多的火同鑊去炒, 因是 Open Kitchen 看得到. 這裡也算是世界有名的香港會議展貿中心 (Hong Kong Convention and Exhibition Centre), 如果有間比較好少少的茶餐廳也會是好事, 最少唔怕失禮人! 老實講我好少理會間店用慢煮定快煮或什麼也好 - Theory 同科學我好信但只限於在理論之說, 倒頭來出黎嘅效果唔好, 講一大條道理都無用. 聽見知心食友來過後的評價說只是一般, 真的有點可惜: 攪到再過兩日再想來 HOFEX 時到仿這間的興致立刻大減了. 當然上次來食的時候其實正正係去 Openrice 滿福樓的同一天, 因為餓到等唔到開飯. *************

九月下旬．晴找早餐有餐包吃的茶餐廳，是日來了這裡。在這個位置，我想午飯及其他時段會是座無虛席，不過早上來，就水盡鵝飛。見佢的麵包是細細個的，別處交來，就來一個牛油餐包。餐包跟其他地方不同，迷你份量。烘熱了的，吃起來雖然鬆軟，但就沒有別家自家製餐包的質感。不過以這個細份量，剛好吃完夠飽，不錯。咖啡普普通通，奶下得太多，再來的話，要另外吩咐下少一點。

其實，平時都經常經過呢間 “港灣茶餐廳”，今日係第一次幫襯佢既下午茶~我同朋友入去試下，點知惡夢開始......先來係極差既服務態度 由入去至到自己搵位，都無服務員招呼，D服務員好似唔想做咁．．．仲有响茶餐廳內也沒有多少客人，但招手多次才有人幫我哋落單．．． Take order & 送嘢食到埋枱的兩個服務員都黑口黑面，其實果刻大部服務員都黑口黑面 ，唔知仲以為佢幫緊老板趕客添．．．講返嘢食，我同朋友叫了兩個芫茜鯇魚片魚湯米線餐 + 油菜D嘢食都幾令人失望，個湯底好淡；仲有好少量芫茜就咁放在湯面，所以一D芫茜味都無，但係連鯇魚片都無味，米線又淋過頭．．． 仲有，餐廳環境本來OK，但係越坐越熱(無冷氣)，令人流汗 ， 唔知會唔會係息細冷氣幫老板趕客．．．總括，食品唔得，服務更失望至極，好似要受氣咁．．． 餐廳老板啞 ! 客人係要俾錢架食嘢! 咁既樣! 好難有下次．．．

呢日同honey 去書展, 入場前去港灣茶餐廳醫肚, 雖是lunch hour, 但毋須等位, 因為入面好大好多位~我同 honey 坐走廊位置, 首先當然係望o下其他人嗌咩嘢食啦~ 見到好多人食套餐的豉油炒麵/咖喱雞飯, 我見個咖喱d汁好靚咁就話要食咖喱雞嘞~ 至於honey一早就話港灣的羅宋通粉好味一定要叫, 之後加$多個芥蘭 & 一人一杯凍/熱奶茶!咖哩雞飯: 雞無骨, 好滑, 雖未至於入味, 但至少無雪味~ 咖喱汁好濃郁, 偏重椰汁味, 濃稠度剛剛好, 食到d一絲絲的洋蔥, 唯一缺點就係無薯仔, 如果可以加d薯仔就好了!牛尾羅宋通粉: 名不虛傳~ 好足料, 牛尾蕃茄洋蔥西芹紅蘿蔔...通粉滑嘟嘟, 蕃茄湯味道幾鮮甜~很多蕃茄肉~!白灼芥蘭: 加了蠔油, 質素不俗, 翠綠新鮮無渣~奶茶: 凍熱都不俗, 但我還是喜歡熱奶茶多D~ 幾香滑~侍應服務態度也不俗, 笑咪咪的, 偶然會掛住傾計見唔到客人揮手叫佢哋~ 不過總括來說都幾滿意~

因為在書展工作，約人食飯也只能在這裡。看了餐牌，大部分都不抵食，最終點了較便宜的冬蔭功豬頸肉湯米線兩份，加油菜。沒有期望過會很好吃，湯底當然不是很香濃的冬蔭功湯，但味道尚可，但明顯兩碗湯底的濃度有差別，一碗較淡，一碗較辣，內裡有三四片豬頸肉，我覺得ok，但有同事說很大陣雪藏味。侍應沒甚麼精神，木口木面，很機械化，果然是茶餐廳！