港灣茶餐廳

營業中

休息中

大年初二請男朋友食生日飯,第1次試呢間,價錢先預先繳付每人$388(包1杯drink無需加1)貪佢除自助餐外+可以預留位置睇煙火,初時以為好細間,原來入面有好多座位,食物好充裕都幾好味,還不停補充,有中式,日式,甜品...(備註:無生蠔)職員有禮貌,吾會扮忙睇吾到你吾做野,最好係...只得1個時段6:00pm-9:30pm任食,就算食吾哂,睇完煙火返尼都仲可以繼嬻開餐,吾駛趕頭趕命呢下好ma,食完吾駛等埋單,拍拍手可以走cccc呢個日子(年初2)呢個價錢,有得食有節目(唔駛係街度吹風霸位睇煙火,佢地餐廳預留既位置仲睇得好清楚好靚tim,企哂成餐廳gei人都仲有好多鬆動位剩)um~~~好ok 好滿意註:不過如果想要寧靜浪漫feel既情侣就不適合,因為無論座位(窄)及氣氛都真係幾茶餐廳下架,如果成班朋友或者1家大細想聚聚1邊hea下1邊食下又加埋一齊睇煙花就係個幾吾錯既選擇la.

三時才食午飯, 所以叫下午茶餐抵些.選擇了車仔麵餐, 兩餸要了魚蛋蘿蔔, 麵要了米線.魚蛋得兩粒, 無味兼肉霉, 蘿蔔無渣算比較好.好在加了咖哩汁落湯底, 不致於難食.凍奶茶茶味不足.今次我也行到頭暈眼花…

行得累了便坐下入油.日式炸餃子–很飽滿, 炸得脆, 也算香口, 但肉不算鮮甜多汁.西多–有花生醬餡, 煎得香口.奶茶–餐牌英文是Vanilla Milk Tea, 但奶味還唔夠香滑.

約了舊同事到他們工作區域, 由於沒有太多選擇, 她們建議到茶餐廳…叫了下列食品, 食物質數非常一般, 茶餐廳食物, 西餐廳價錢, 貴!!!!四寶飯= HKD34.00韓式薄燒牛扒+ 涷檸茶= HKD58.00日式班片炒烏冬+ 凍檸茶= HKD58.00個韓式薄燒牛扒真係一啲都唔薄, 成半寸厚, 加左幾塊泡菜就話韓式…總之就係唔抵啦…如果價錢低番啲, 可能會再幫襯...

每次做展覽會在沒有選擇之下也是在這裡攪定, 價錢不便宜, 但是, 和會展其他餐廳比較, 就好抵!今天點了星州炒米, 泰式豬頸肉炒河, 如果不是加了辣椒油, 真的好難吃, 完全沒有味道, 下次還是點湯河, 之前吃過一次, 也不錯.

經常會形容某店某店為高級茶記。其實有一間名副其實的高級茶餐廳，就是近在咫尺。隨了價錢比一般茶餐廳高人一等外，落地玻璃的小海景觀，鬆動的空間，簡約的裝潢，以打正旗號為茶餐廳的來說絕對是高級。兩個人食咗：1)海鮮焗飯沒有焗出個飯焦來，不過個汁的味道幾好，不是普通的紅汁，又有芝士，海鮮不外乎魚膋、魷魚，算是不太差吧。2)馬來炒貴刁個色水好黃，好似星州炒米恁，味道都似，鑊氣一般般，料太少，食到最後剩得河粉。3)賓治啎記個全名，但啎係雜果，而係一尐啫喱狀的物體，滑嘟嘟的，尐汽水啎多夠汽。說起上來，破了戒飲汽水‧‧‧如果以環境及景觀計，兩個人在會展食一頓茶記午餐百多元，都可以理解的，但最終問題是好啎好食?只是一般吧！不過衛生情況就幾好，大大玻璃窗看到廚房的運作，透明度好高。

如果去到會展，又或者在附近工作，食晏其實沒太多選擇，這兒雖然不算出色，但總算聊勝於無。食物都是一般茶餐廳貨色，如花得起錢的我會建議焗飯，想慳錢的我會強烈推薦食粉麵，經長時間的測試後有兩款為心水推介，第一是沙嗲肥牛粉，其次是冬陰功豬頸肉。或者大部份人都唔會發覺，這裡的湯頗為不俗，而且價錢相宜，本人尤其喜歡其牛尾湯，而碗仔翅也不錯。開餐廳有時好講地利，此店最聰明之處係地點就腳兼無直接競爭對手，論價錢會展的食肆出名貴，所以這兒己算相對較平。但你要物有所值就要識得點菜，通常第一次去的食客好難會覺得抵食，試多幾次先會懂得避重就輕，但一般顧客其實都係求其醫肚，論服務速度此店都算稱職。

雖然人人也衝著美食博覽而來，但我只是單純為一個菠蘿包而來。除了樂香園的有菠蘿o係菠蘿皮既菠蘿包外，便得這兒有菠蘿o係菠蘿包裏面既菠蘿包。以前的「脆脆咖吔菠蘿包」，是用少量咖央撈大量菠蘿粒後，再混入粉糰中以焗菠蘿包。今日的脆脆咖吔菠蘿包，不單是個子小了，而且變了心- 變了「脆脆咖吔餡菠蘿包」：它仍然用咖央撈菠蘿粒，但現在是用大量咖央撈少量菠蘿粒...仍然喜歡它獨製、帶啡色的咖央和其苦澀味，可是咖央太多，且0945 的「脆脆咖吔菠蘿包」比0830 的溫度和口感都差了一截- 更何況份量小了。到底是不是因有「XY 博覽」所以才暫時變了？（有這樣的聯想是因為它只會在有「XY 博覽」時才供應小小的奶皇菠蘿包- 一個跟今日既脆脆咖吔菠蘿包不論外貌和身型都差不多的菠蘿包。）

周四晚上由於與小孩子到會展看電影, 電影開八點場, 嫂嫂便提議到這兒吃晚飯. 我要了一碗沙嗲牛肉出前一丁, 吃落質素也不錯喎, 以茶餐廳來說, 質素算是不錯, 但知道這兒的價錢也絕不便宜, 不過由於嫂嫂請客, 所以也不知道是多少錢!!!! 那天晚上環顧一下餐廳, 發覺都幾吉, 當然了, 如不是到訪會展的話, 也不會到這兒來吃飯. 而我相信也較少機會會再來了!!!

在今天由崎山先生帶給Lily。謝謝！之前公司擺展覽，都有幫襯下依間餐廳，叫個牛腩撈麵+ 凍檸茶都要成五十幾六十蚊… 牛腩係夠味，但係係唔夠林…唔計價錢依個質數我情願去食華姐清湯腩！

帶老外同事到這兒見識。點了焗飯（$58）和西式碟頭飯（$58），包熱飲或中湯。論其吵鬧環境，幾貴！我的「焗鮮茄青口菠菜闊條麵」，鮮茄汁幾濃幾似樣，青口約六粒，菠菜闊條麵軟硬剛好，幾好味。老外的「燴羊脾配白飯」，兩大片羊脾肉，燒汁味道一般，白飯量唔少，真係大塊肉碟頭飯！餐飲點了熱奶茶和熱檸茶，奶茶好味！味道唔算差，但幾貴！！！

要到會展辦事，在function未開始之前叫手下買幾份早餐俾大家醒一醒神，我要豬排飽和熱咖啡。過了很久，佢終於回來，話雖然只係得好少客，卻要等好耐。或許是因為豬排飽係要較花時間制作吧！早餐來到，各人都急不及待拿起自己那份食，有些人讚好有些就話一般啦。而我的那個豬排飽算係咁，起碼夠熱，豬排幾脆，個飽都唔算細。不過，咖啡就唔夠香濃，同傳統茶記相比，還是差了一點。但朝早飲完杯咖啡個人真係醒神好多。而今餐是食阿公，所以冇留意價錢。

餐廳講求的是服務態度及食物的質素, 港灣茶餐廳兩樣都做不到. 先講服務態度. 本人就餐時餐廳人客不多, 坐位多的是, 但主管及老闆分別叫本人及友人不要坐卡位因我們不足六位, 但因我見其他同款卡位皆多數為二人同坐, 所以我多問一句老闆為何其他人可以我們不可以? 主管就回應:"咁你地坐埋一邊! 有人要搭台!" 老闆亦同時開一張未有內容的單放台上, 以表有人坐. 但都我們食完都不見有人答台, 可見其行為只為為難食客. 小氣態度非常人能理解. 主管態度非常差, 老闆態度幾乎要用惡劣來形容! 其他員工服務態度正常, 怪哉!再講食物質素. 是次食的是早餐, 餐牌上的Ham Burger 原來是漢堡牛扒不是漢堡包, 漢堡亦寫成漢寶, 硬邊的煎蛋明顯預早煎的, 漢堡牛扒沒有味道, 暖通粉難入口, 不熱. 食完後兩小時肚痛去看醫生, 証實為急性腸胃炎. 希望此無敵海境餐廳能快速改善.

朋友們買完電腦, 約我在此食tea. 四人order 4個tea set.我自己食西多士, 炸得唔夠透, 杯茶亦一般, 但超大杯. 另有一個菠蘿包share, 內有椰絲! 而且烘返熱, 脆卜卜, 好正!最唔話得算係個view. 雖然有新冀擋著, 但與隔離酒店lobby lounge景色分別實在不大, 但價錢只係四分一!

價錢貴，　不太抵食過公司通粉, 唔算太差, 但見同事碟牛肉撈公仔麵真係細碟得可憐.. 第2次食0左個牛肉粥, 一0的都唔掂, 無牛肉而且仲好多味精, 真係飲番幾多水都唔掂.. 次次公仔麵轉出前一丁都唔覺得佢有轉到.. 仲要加2蚊..最好笑係問一個waiter 有無鵝, 佢0既回答係, “鵝就即係鴨, 鴨就即係鵝”如果要數佢有-0羊好食, 都幾難!