清真惠記

營業中

休息中

幾年無去銅鑼灣，今日去嗰邊，又，係獨食午餐，就回顧下以前銅鑼灣工作時的平價飯堂，鵝頸橋街市的清真惠記😁。熟食市場有冷氣，算係咁。最喜歡叫燒鴨飯+咖哩汁，老闆仍在，水準保持，燒鴨好味👍。舊時見過有些人的評語介紹，話皮脆。。。坦白講，食過咁多咁多次，真係未試過皮脆🤔，不過味道真係好嘅，價錢也不貴。佢地掛鴨方向跟一般燒味店不同，係鴨頭在下屁股向上，燒味店是相反的，唔知有乜原因🧐？咖喱羊腩也很多人點的，佢地咖哩汁是很好送飯，不辣的😋。有機會要再試那街市的車仔麵，聽說是用新鮮牛什，但好多人排隊。

多年前開始幫襯 最近少咗去又係俾媒體喚醒咗記憶好似以前係唔開星期日？去之前上openrice睇一睇咩環境前幾篇食評講水準有下跌唔係掛😨冷氣熟食中心格局要長期同人搭枱樓面呀姐都勤快醒目見你行埋嚟就招呼你埋位 太耐無嚟唔記得有無加價 合理價錢燒鵝飯 呀姐會主動問你要唔要咖哩汁當然無人唔要賣相靚仔仲有劈椰菜隻鵝都幾多肉😛咖哩汁係落足料 勁惹味淨係俾咖哩汁我都可以餸成碗飯味道無失準過 一樣好味道

雖然唔係成日嚟食，但係都知道呢度有個主打係咖喱羊+鴨髀飯，食過幾次，質素都真係幾唔錯，因為性價比實在太吸引，羊+鴨髀+湯都係$62，所以我每次都淨係叫呢個。今日係附近做完嘢諗住再食多次，一坐低當然叫呢個飯啦，點知個姐姐同我講一直都冇呢個拼法，要咁樣拼就要$9X，我就覺得奇怪，明明上個月先食過一次，都係$62，點會冇喎，之後個姐姐堅持話開咗10幾年一直都冇，講咗幾句之後好似好唔耐煩就行開左。之後我就即刻上黎OpenRice睇，原來我無老人癡呆，張相仲要有埋價錢，我俾埋張相俾個姐姐睇，個姐姐都仲要死都話無，谷鬼氣最後就走人。其實我都明，而家呢個市道，咁樣拼法的確好唔合經濟效益，始終呢啲小店都要生存，你照直講其實我真係OK，都會乖乖地叫個咖喱羊飯，手頭鬆動啲都會加錢嗌雙拼，但最唔爽既都係姐姐既態度，好似食就快啲落單唔食就快啲走人咁樣，附近又唔係冇嘢好食，唔食你咪唔食你。

早排喺YouTube見到過唔知咩KOL去食羊肉飯同埋燒鵝。講到啲羊腩好食到天跌落嚟咁。落開灣仔就去試吓。同埋見到咁多正食評。滿懷高興咁去一坐低就同佢講叫咖喱羊飯，見佢寫住含骨，應該都OK啦。好啦重點，將個碗仔啲餸倒落個碟度，嘩望落去全部一粒粒細嘅好似排骨，跟住叫咗一個好似大媽咁嘅阿姐同佢講。我話你地啲樣全部都係骨，好少肉黐住！跟住佢就望咗兩眼，攞個碗仔去，俾返一件，係一件羊肉，大個手指頭比我。我都算數費事同佢嘈，食完嗱嗱聲走人。俾錢個時候有一個好似後生啲嘅我諗係老闆娘，都算有禮貌講句多謝。我都冇再同佢投訴，但一定以後唔會再幫襯。羊肉飯，咖喱普通，係咪啲YouTuber講到咁好食咁誇張我話俾你哋聽唔係！附上碟飯嘅圖片，可能我影得唔係太好，其實全部都好似排骨一粒一粒咁，係完全冇肉咁滯。

我真係好鐘意食咖哩，又好鐘意食羊，呢度非常合我口味，而且係碟頭飯，一個人食都得👍🏻，加上四眼哥哥仔好有禮貌，仲吹得兩咀， 如果唔係收咁早，我一個星期會嚟食一兩次囉😁P.S. 不過今日多咗啲骨😅

唔知係咪因為太多客，啲侍應開始有啲不可一世。尤其係帶位嗰個西面阿姐，啲服務態度真係差到一個極點。 街市熟食中心既環境已經擠迫，想同朋友正正常常食餐飯姐，問一問可以坐邊一度，費事坐咗隔離餐廳嘅位置，啊姐即刻西口西面，講呢樣果樣，搞到我哋好似乞米咁，喂大佬，依家係我幫襯你，唔係過嚟求你比野我地食，當我乞衣？ 我付出真金白銀食個飯，都要搞到要我求你咁。如果咁麻煩嘅話，都係行過對面食過第二間，成個場大把選擇。blacklisted

久聞大名, 今日終於扚起心肝出城試吓.唔太中意食飯, 叫咗咖哩羊粗麵走水 ($45) 超 抵/好食 , 叫多個蝦子柚皮 ($20), 普普通通, 但咁嘅價錢絕對冇投訴.如果有咖哩羊撈丁就好嘞!

天氣微涼，放午餐首選最好是食咖喱🍛奈何灣仔銅鑼灣好少好食的咖喱😰😰忽然想起鵝頸橋街市上面有間清真咖喱，都有成年冇去過，立即想去試吓！ 5分鐘不用就上菜，效率極其至高👍🏻👍🏻落單講咗要牛筋腩，點知上菜一件牛筋都冇🤢🤢咖喱牛腩完全冇筋都算，而家直情變咗水咖哩，一碗到落去，直情食湯飯咁樣😰越做越唔似樣！呢度唯一能夠保持水準就係燒鴨，入味，而且冇鴨臭味👍🏻果啲姜溶就鹹到要洗腎呢個湯就真係算吧啦！都係要用黎洗䈐子😮‍💨😮‍💨又無味又凍$8，情願買支水好過！唉😮‍💨⋯⋯依家啲食肆真係好難能夠保持到水準！再加上啲阿姐服務，直頭係趕客，個個都好似欠佢錢咁，餐飯都要俾人訓話，坐邊度又要俾佢管，落單又要一次過叫晒！

🍪 【#灣仔】清真惠記 Wai Kee💥鵝頸橋寶藏 清真咖喱羊腩💥.🍪惠記屹立半世紀，為本港六十餘間少數獲清真認證的餐廳之一😳✧The half-century-old Wai Kee is among the sixtyish rare halal-certified restaurants in Hong Kong.🍪回教徒佔本港人口4.1%(約30萬人)，他們來自印尼、巴基斯坦、中國內地等地。當日去都見到唔少回教徒！👏🏻✧We saw quite a lot of muslims enjoying halal food here. They make up 4.1% of the population in Hong Kong. 🍪招牌菜係燒鴨，但咖喱羊腩飯更是非試不可‼️✧While the eatery boasts about its roast duck, mutton curry rice is a must-try! ~~~~~~~~~~~~~~~~~~~~~~~~~~~~~~🍽咖喱羊飯(含骨) $52（5/5）Curry Mutton w/Rice (with bon

清真惠記除左咖喱羊腩飯外，佢地既燒鴨脾飯都好正😋燒鴨脾飯 ($55)睇過間鋪既訪問話會賣燒味係因為香港人鐘意食就賣埋😂燒鴨皮好脆，同埋次次去食隻鴨脾都幾熱，鴨肉嫩滑多汁，不過一定要連埋皮食，肉有小小鴨味但整得唔算入味，成隻脾主要個味都係靠皮表面既醬汁，醬汁相當出色，如果唔食皮既話就會覺得味道比較淡，但質素比好多燒味鋪既鴨好食好多😋價錢: $55 / 位環境: 4/10味道: 7.5/10性價比: 8.5/10

久聞其名喇 係熟食市場既,最近有時間去試試佢招牌咖哩羊 一上電梯已經知去岩地方,好濃郁咖哩味呢度最出名係咖哩當然唔走寶 無失望 咖哩香而不辣 羊肉燉炆到非常入味軟淋與咖哩既濃香係最佳拍檔 個汁撈飯夠食2碗!睇佢個色以為會好辣,但完全唔辣既,幾香濃非常滋味消費$60評分7/10灣仔寶靈頓道21號鵝頸街市1樓鵝頸熟食中心5號舖Shop 5, Bowrington Road Cooked Food Centre, 1/F, Bowrington Road Market, 21 Bowrington Road, Wan Chai

清真惠記係鵝頸街市熟食中心入面，熟食中心既環境都係麻麻地😂不過好在冷氣好大，堂食都唔會食到成身汗，呢間鋪算幾出名，主要賣清真野食同埋燒味咖哩羊腩飯 ($52)叫完之後通常3，4分鐘內已經比個飯你，好有效率，成碟飯賣相好隨意，用個碗裝著咖喱羊腩再打斜插落d飯，比我果陣咖喱仲流緊落飯到😂羊肉炆得軟淋，咖喱味入哂羊肉同食落好有羊肉羶味👍🏻比既羊肉部位就幾撞手神，我食過好彩果陣就全部羊腩，得一舊有骨，唔好彩就全部骨，試過叫外賣一打開骨仲多過肉😭呢度咖喱比起印度咖喱幾唔同，印度通常就入口比較順滑，呢度就粗獷d食落仲有好多煮咖喱既渣係汁到，個咖喱好有羊肉味，我覺得咖喱配咩肉都好，最緊要係個肉有本身既味再加咖喱味，而咖喱就要有香料同個肉味，呢間係完全做到既價錢: $52 / 位環境: 4/10味道: 8/10性價比: 9/10

灣仔lunch time外賣清真惠記 6個人叫咗一隻燒鴨外賣左都仲皮脆肉嫩秘製鴨汁濃郁鴨肉呈現鱗光色咖喱羊十分出色，咖喱特別，羊入味份量多，性價比高 ，撈飯一流。清湯蘿蔔蘿蔔無渣，多汁清甜蝦籽柚皮製作程序複雜 唔係日日都買得到好彩今日買到一盒 柚皮多汁 ，同蝦籽好夾老闆好好人，好nice熟食中心都可以有五星級服務質素。

之前一路都有聽到朋友講話銅鑼灣有間好好食嘅清真咖喱鋪，趁住今日得閒終於去試左試。間舖頭位於銅鑼灣嘅熟食中心入邊，入到去環境就一般般。揾位坐低之後，從朋友分別叫咗個咖喱羊同埋咖喱燒鴨髀飯。過咗無耐個咖喱羊飯就到咗。睇落普普通通，但食落都幾香羊味，唔算好蘇。而燒鴨脾飯就等多左陣先上，因為係啱啱整好，睇住個鴨脾新鮮出爐。一咬落去，啲鴨皮係完全脆嘅，同埋啲鴨仲keep住啲油，感覺十分滿意。下次有機會，會再黎食過👍🏻

久聞大名，這次終於有機會去光顧，搭電梯上熟食市場時，一進電梯來已經聞到很濃烈的咖喱味和羊味，來到當然要點它最聞名的咖喱羊腩，果然一點也沒有讓我失望，咖喱香而不太辣，羊腩炆得非常入味和軟熟，與咖喱非常登對，另外它的太爺雞（其實即是豉油雞）都很出名，雞肉嫩滑，豉油味很香，最後點了古法蝦子柚皮，蝦子很多，一點苦澀味也沒有，有柚子的清香甜味，也是一道不錯的菜式，整體來說，咖喱羊腩是最出色，亦是很多人專誠打包外賣回家吃