清真惠記

營業中

休息中

由我愛吃懂食之後，我認為熟食中心是搵食好地方，不論出唔出名的店，伏味機率相對比外面細，材料的來源同價錢的比例，熟食中心內的「店s」都給你合理的回報。如果在灣仔區熟食中心，我會首推鵝頸橋。鵝頸橋的小炒/粉麵/燒味「店s」都不少，但呢間真是不簡單，來一次鵝頸橋都想試其咖哩羊腩/招牌燒鴨。今次來得太遲（下午2點），最愛的咖哩羊腩已賣光光，只剩下咖哩雞/牛，咁我決定轉投燒鴨的懷抱中。雖然我沒特別叫燒鴨脾飯，但它位置絕對不差的！絕不會是頭頭尾尾，有近脾位的，有厚厚的鴨胸肉，滋味無窮！食一口已知美味，肉厚但不粗糙，有肉香但不乾身，充滿肉汁，鴨皮上的油脂伴飯絕對是美味極致！你話點樣唔愛上佢

Headed here after our hike at Peel Rise starting from Wong Chuk Hang. Had the lamb curry which is way better than the beef curry. This is a halal shop run by Muslim Chinese. The lamb curry is a rare find here in Hong Kong which has a little south Indian feel to it. Also shared a large roast duck with the gang. Will come here again. Lamb curry rice is HKD47. The place is located on the first floor of Bowrington Market or you may call it Dai Pai Dongs.

依間咖哩羊腩飯真係依家寫都會流口水，食指大動，咖哩汁香料足，辣度同濃度啱啱好，佢係似印度個隻咖哩，羊腩夠林，鍾意食辣咖哩真係一定要試，佢哋嘅燒鵝飯皮脆亦係推介，仲有依家好少地方有得賣嘅柚子皮，但都唔係成日有得食㗎!

呢間野不嬲出名，好評如潮。所以會一會佢。今次叫既係雞鴨雙拼飯。去相～～～～先唔講味道，$40蚊咁大碟野，已經好抵食。而且望落都正常樣，而且離遠都聞到個汁既香味，好多燒獵店整到成堆垃圾咁，呢個絕對唔會。先睇個鴨。胸黎既，但絕對juicy唔鞋口唔乾身，食落仲彈牙添，最重要一樣野係，佢熱架！！！皮仲係脆架！！！有幾何有燒蠟店既燒味係熱架！！！夠熱，夠彈，夠脆，夠味。絕對推介。另一味就被比下去⋯⋯⋯個雞唔係唔好食，只係好普通。個飯底先係精華，我見冇鼓油好似好淡口。一食落又唔係喎，原來淋左汁，好夠味而且好好味，可以話係為個飯畫龍點睛。講其他，地方就大排檔，服務就都係果d呀姐。但係茶任飲，紙巾任用，呢兩點係好吸引我呢d成日唔夠水飲既大汗怪。總括黎講，$40蚊抵食又好食，好過好多大集團既出品。

我雖然係一間印度香料公司工作 但係我係做揸車送貨嗰個 所以其實我對香料或者咖哩冇乜認識雖然係冇乜認識 但係唔代表我真係一啲都唔識 基本嘅香料同埋一啲咖哩嘅品種我都可以答得出嘅只不過其實我唔係太鍾意食咖哩 但係偶爾都會食番一兩餐 有時唔知道點解硬係會有時想食某一啲嘢今次嚟到清真惠記 又係食返以前食嘅嘢 就係咖哩羊腩飯唔知道我條脷係咪有問題 定係真係啲味道變咗 總係覺得今次啲咖哩冇以前咁香咁好味唔單止係咖哩啲味道 就好似連嗰啲羊腩都冇以前咁淋同好味 仲有就係比以前多咗油雖然係冇以前咁好味 不過都係好好撈飯 食落都唔錯嘅乜嘢都好啦 總之就係咖哩多多好好食

重陽節的中午, 在鵝頸橋附近辦完事, 碰上飯點, 就上去久違了的惠記吃吃羊吧!沒想到, 居然整個樓層都是人, 一個空位都沒有, 我也要等了好一會才找到位置.來惠記, 我就只愛吃咖哩羊!!咖哩仍然是香濃辣辣的, 沒有一點退步.羊呢?是那種帶骨的羊, 羊味濃郁而且帶口感.飯量超巨, 配上香辣咖哩汁, 可以把它一次干掉, 哈哈!

今日朋友帶我食好野。話灣仔街市熟食市場有間食燒鴨飯，同咖喱好鬼正！！所以要黎試下！！都唔會話好難搵，係街市一上熟食市場，門日對住就係喇！閒日lunch都幾多人去食架。好彩啲人都係快食快走。所以搭下抬都好快有位喇！坐低左，阿姐就會走埋黎問你叫咩。唔洗自己走過去叫！😁當然要叫燒鴨脾飯，另外我朋友話想食咖喱，但又想食油雞。點知阿姐話可以加 咖喱汁😃😃😃！！咁就岩哂喇！一上菜。都幾靚幾大碟喎！！😍燒鴨燒得好好味。又暖暖地，連埋啲汁食。好正！油雞個碟就加左咖喱汁，又係好味道。唔會話好辣。好岩送飯食！油雞好滑！同好靚！估佢唔到咁好味。可惜環境就比較差。但好有大排檔風味！😁😁

大家一心諗住去試九記牛什，點知大排長龍都不特止，仲要未夠兩點已經沽清，見其他配料又唔太吸引，所以大家決定轉去試隔離間咖哩，反正呢間清真都好出名，咁啱又有一張大枱可以容納６個人。咖哩牛腩 $48個咖哩汁真係正到爆，香濃中帶點辣，撈白飯食真係越食越開胃，我哋成班好似地盤工咁不停大啖大啖食，真係嚇親街坊，講返牛腩就認真麻麻，好多筋位同好靭，甚至有d咬唔開，所以最好唔好叫牛腩，因為我哋叫咗3客都有呢個情況。咖哩牛腩 $48同樣既咖哩汁，但呢個羊腩好味到無朋友，羊痴一定食指大動，皆因羊腩堅羶又唔太肥，3個羊痴不停食不停話好味，講下食下就鯨吞咗兩大碗白飯同羊腩，仲有一樣特別推介既就係薯仔喇，每份咖哩只得一嚿薯仔，實在太唔夠喉，嚿薯仔輕微煎炸過，所以特別香口，仲要之前烚得腍身，Yummy！

有些食物係久不久就會想食的, 鵝頸橋街市的清真惠記的咖喱羊腩就是其中之一.星期日的鵝頸橋街市, 很多檔也沒有開門營業, 所以沒有平日那麼多人, 但仍舊要搭枱. 餐牌食物都是一樣, 只是價錢貴了. 來這裡只會吃兩種食物: 咖喱羊腩和燒鴨.咖喱羊腩飯 ($46):  咖喱羊腩仍是滿滿的一碗,  一上枱已嗅到咖喱香味.咖喱汁稀杰度剛好, 不太辣, 帶油份, 有頗重的羊羶味; 連骨的羊腩肉質腍滑,  不過有點碎骨. 燒鴨飯 ($38):  燒鴨燒得透, 皮帶少許脆, 肉也算多, 但味道偏鹹, 一定要伴飯同吃. 下次再來, 還是吃咖喱羊腩飯好了......

銅鑼灣返工，有時食 lunch都會去，一點黎到，熟食中心坐滿人.呢間野好多正野好食,燒鴨~新鮮多汁 又夠熱(食得出係岩岩燒完) $38咖哩牛/羊~咖哩汁非常香濃,辣,好淋 $46咁ga價錢係cwb價錢,相當便宜

對上一次食已經大半年喇。今次下午茶時間，唔想食咁多野。所以叫左燒鴨瀨。朋友叫左咖哩雞飯，d 咖哩味超香。而且亦都好大碟。咖哩上到黎，d 汁多到成碟飯都係。（當然佢本身既咖哩係分開上既，鍾意食幾多就落幾多汁）我既燒鴨瀨，一上枱就嚇死我喇。我d 瀨粉呢？成碗都係。亦都係我最意既亦位。唔肥，d 皮小小咁黏住d 肥膏，又好多肉食。唔知係土無酸梅醬定點，我亦無專登叫，但係咁樣我又可以食到d 燒鴨既原汁原味。感覺無出面燒味檔既咁咸。後尾再加多個蘿白收尾叫做有d 蔬菜食。同平時一樣，清甜無根

今日完成上午工作係山頂落返銅鑼灣，想起都好耐無食好味的咖哩飯，第一時間就想起清真惠記的咖哩羊腩飯。去到都係好多人要搭枱，餐牌都不用看就點了咖哩羊。基本上味道無變好好味，但份量就小了～咖哩羊多骨了小小，整體都滿意⋯⋯

👳🏽‍♀️嚟「清真惠記」除咗唔可以唔食佢哋嘅咖喱之外，一定要試吓佢哋嘅燒鴨髀！平時喺出邊食燒味嘅時候，我好少會叫燒鴨，因為驚會好鞋口同啲皮又淋。喺呢度就唔會出現呢個情況！我記得我第一次食佢呢度嘅燒鴨脾時，第一口咬落去， 塊皮好似餅乾咁「咔擦」一聲斷開！我絕對冇吹水😂🙈中間仲夾住小小脂肪，簡直係人間美味😱🤤到鴨肉嘅部份，一口咬落去啲肉汁係咁滴出嚟💦，接都接唔住😂再加上佢嘅肉質十分嫩滑，一啲都唔老👍🏼鴨味亦十分突出👍🏼但係大家記得落單嘅時候叫「免切🔪」，咁先可以保留燒鴨嘅肉汁💦💦由於顧客眾多，啲人客又成日嗌燒鴨，所以老闆都成日出爐！大家要吼住燒鴨出爐，就可以食到一隻熱辣辣嘅燒鵝髀😍😍😍🥕此外不得不提嘅就係嗰舊附送嘅蘿蔔！超級清甜同入味，冇渣，仲可以減低燒鴨比嘅油膩感！好想食多舊😝燒鴨髀「免切」，承謂港幣$43，超值👍🏼

The least likely place I would think to serve Halal friendly food would be inside a cooked food center. But here it was. Wai Kee.Menu is in Chinese and English. That was also unexpected. There is no 10% service charge and it's cash only. Expect to share a table with strangers.Curry Beef with Rice ($46). It seemed this was the most popular item. It seemed everyone ordered some form of curry. Boyfriend ordered this. It was SUPER spicy. Though the beef was braised so long in the curry, it literally

向來孤陋寡聞的小人就只知道清真食品之中是不吃豬肉的，沒有想過會在清真餐廳吃了一碟碟頭咖哩飯，還是不錯的呢。咖哩羊腩飯雖然同在一隻碟子上，咖哩羊腩跟飯是分開的，食客歡喜下多少咖哩汁悉隨尊便。咖哩汁油份頗重，帶有微微的香料味，烯杰適中，用來佐飯是無得輸的組合。羊腩沒有羶味，反之帶少許肥位，入口更香，肉質煮得很腍，絕不會又靭又痴牙。吃的時候看見隣枱很多都加隻燒鴨髀，看得小人口水直流，已決定下回和友人來時一人一隻了。