清真惠記

營業中

休息中

一位教南亞裔小朋友的朋友帶我試halal 食品, 佢話帶我去鵝頸橋街市試食halal 食品，她說：“ 您一陣知有幾好味!” 我心想有咩食?！ 又不是南亞裔人左整薄餅， 烤羊肉咋?！她帶我上到去清真惠記， 就知道我的想法全錯啦！全是中國人， 竟然有燒鵝、雲吞、咖喱羊/雞， 連柚子皮都有得賣呀！勁！已經1點半，不過還有很多人， 我地都要等左約10分鐘， 清潔姐姐熟練地用布一掃就將上一批食客食剩的食物清理， 當然清潔一般， 還有一張大圓枱坐滿人， 又是背對背， 肩碰肩她點了一隻燒鵝， 雞肉雲吞、咖喱雞同柚子皮， 再加兩枝玻璃瓶汽水燒鵝：皮脆肉嫰， 正雞肉雲吞：一般雲吞是用豬肉做， 不過他們不食豬肉， 所以全用雞肉取代， 一食落口真是嘩了一聲， 全部是雞肉， 實實的， 好有口感咖喱雞連白飯：咖喱味濃， 雞肉連骨大大件， 難得入味唔太難咬， 配埋白飯簡直一流柚子皮：大塊，炆得稔，不過味道苦苦的真的無介紹錯， 非常好味

快要離開灣仔這區, 在這倒數的時刻, 心裏想還有甚麼是好吃而又未吃的.有時間限制, 才發現其實灣仔美食很多.想起了清真惠記, 出名的是咖喱羊腩.位於鵝頸橋街市的熟食中心, 我找了一會才找到.咖喱羊腩飯:深色的咖喱羊腩已吸引我的視線. 吃了一口, 咖喱香濃, 羊肉滑嫩, 味道十分好.把叛逆的咖喱汁一下一下淋在雪白的飯上, 痛快非常.香港吃羊的地方不算多, 有時想在蒙古生活的人真幸福.價錢$44, 十分便宜.

第一次"幫襯" 惠記已經是廿多年前仍然是年輕的我，仍記得當日一試難忘、老實㗕、呢到D食物並不是特別的出色，做法是粗枝大葉那種（~港式大排擋）。但親民的價格、隨意配搭餸菜的民眾味道。尤其是平時工作繁忙、午飯時約齊幾個朋友、叫碟燒鴨、咖哩羊肉加支大啤齊齊分享、盡把疲勞一掃而空！今天中午剛好落灣仔辦點事情、突然覺得好想再嚐一次老朋友的味道。12 點左右到達時已經坐滿了客，一個人叫咗碟燒鴨飯加個細咖哩羊，埋單 $81 ， 老友你重想有什麼要求呀？！

A rare find in a busy local food court. Curries were excellent and duck was okay. The meat are braised until very soft and curry seasoned just a bout right. Could be a little finding a seat as the floor is shared with other shops too. Just be aware that you need to sit at a Wai Kee table and someone will come to take your order. People queuing at the store front are for takeaways.

呢幾個月食過三次，但係每況愈下令人失望燒鴨第一次食好juice燒得好香 但第二次好dry 今次未夠火候唔香之餘仲要隻鴨都無味 好失望咖哩個味係正但好油 又得骨無咩肉😞

以前銅鑼灣返工，成日中午都會黎呢度食 lunch，轉左工後就好耐無黎喇。今日出 job 黎到附近，決定重遊故地十二點黎到，已經成個熟食中心坐滿人，好彩一個人搵位都好易，阿姐亦落單好快，照舊咖哩羊腩飯+可樂！咖哩汁仍然非常香濃，亦都唔覺有其他朋友講既咁多油，唔算太辣，羊肉亦都保持好淋，好送飯。以前我會再叫多個燒鴨例牌，但人老左，食唔到咁多喇，就當做留個藉口俾自己再黎一次！

午餐 @ 清真惠記 ....門面依舊, 沒有太大改變 ~Menu ~咖喱雞飯 $40雖然煮得不及某君, 但咖喱的本質, 厚度是好的,食得出材料熬煮得濃郁, 衹要把碗內咖喱汁底面混合才是真正食得出的好味清真咖喱, 咖喱雞肉入味, 色澤對辨, 辣度適中, 油份頗重 ~本篇完 ~

差唔多2點黎到食晏, 依然8成幾9成FULL, 一貫鵝頸橋街市特色, 尤其一推開門果檔車仔麵永遠有蛇餅坐到落黎唔洗諗: 咖喱羊. 佢呢度3款咖哩, 個人覺得最惹味就係羊呢隻.始終個base係一樣, 但分開左3隻肉黎煮, 咁唔同肉既化學作用就當然有唔同效果啦.呢度羊肉用上新鮮羊, 所以點解話陣羊味你鐘意食的話就會愛上左. 而咖哩我覺得唔辣，界乎馬拉同印度咖哩之間啦，不過需要擔心多油呢個問題。而飯唔好要求咁多啦，繁忙時間食ｄ飯煲得硬係差小小，食得夠飽咪得提一提有興趣既偽麻甩女, 而家呢度咖哩面果陣油比以前多左, 以前陣油無咁勁的, 所以上到黎街市呢d地方, 將就下啦, 唔好咁高要求懶係健康, 斜對面有間素食歡迎你.同埋提多一次, 始終呢度係街市, 唔好要求咁多環境同埋服務, 有服務不嬲我當係bonus.

每次經過灣仔，諗下想食咩，清真惠記係會無時無刻飛出黎，今日都一樣，一到灣仔，就馬上上去食個咖哩羊腩飯。食左噤多年，水準都係無變，永遠唔會忘記令自己失望，咖哩嘅味道，羊腩又夠入味，只可以話，專注一樣食品嘅餐廳，係特別吸引！

一心過黎灣仔試下點知中伏！ 叫左個咖喱羊腩飯同細燒鴨： 羊腩一入口得辣味 完全無咖喱應有既香味同椰香味 而D羊肉入口一咬質感梅到吾梅已經知道D料系凍肉鋪貨色，燒鴨仲衰入口只得鹹味咬落又系梅既，今次呢86蚊當買個教訓！

昨天放假，由元朗出灣仔諗住買盒柚皮加燒鴨食，因為平時係唔會有機會買到。晴天真係有霹靂，去到問，坐館婆婆話依果時候冇柚皮，問要等幾耐，婆婆話要中秋後，以為冇，係等個幾鐘，結果……山長水遠，要鴨脾行街，喱牛腩堂食，冇柚皮，一樣好滿足

鵝頸街市的熟食中心確係臥虎藏龍之地，本來想試下報章雜誌都多次介紹過遠近馳名的車仔麵，但可惜下午茶時間，無豬大腸，牛根腩，牛什！！仲車乜仔面。行前小小，清真惠記，首創㗎喱羊腩，但內心始終掙扎在㗎喱雞和㗎喱牛腩之間。因為始終係首創最後也敵不過口直心快地說出：「㗎喱羊腩飯」。當還自責著：「早知叫牛腩啦」飯已送到枱面！㗎喱羊腩份量不多，有五六舊到，㗎哩汁加入了大量香料，微辣，啖啖都充滿著咖喱香料和肉味，羊肉不羶，肥瘦適中，最後汁都撈埋！唯一要彈的就是㗎喱不夠熱，飯是電飯煲底飯也不夠熱，可能是接近收檔時間吧，但仍然期待下次的雞，牛腩，燒鴨最好笑的就是那監獄風雲式的匙羹擺位，突顯出小店的不拘小節，和平易近日的作風最後用無防腐劑，無人做色素，無糖，無香料，回甘，有層次又能夠體現真正茶味的廁紙筒廁紙抹完咀就去繼續返工了!咖哩羊腩$44

要食平靚正嘅野，一定要去街市嘅熟食市場！成日問朋友lunch食咩好，佢地都會推薦我去鵝頸橋街市食咖哩飯😬同朋友差唔多兩點到，依然係咁旺場！差不多坐無虛席。由於我第一次黎，所以朋友介紹我食咖哩羊腩飯。但係我最後叫左咖哩牛腩飯😂💰HKD44都真係幾大碟，咖哩味聞落唔算好重味。但係食落啲咖哩味都幾香，偏甜嘅咖哩味唔算好辣，又唔係好油，用黎送飯好正呢！到於牛腩，大大舊得黎一啲都唔靭，入晒咖哩味！好味！其實我好中意食薯仔嫁，但係得一舊😭雖然環境一般，但銅鑼灣黎講HKD44食到個超飽又好味嘅午餐真係幾難得嫁喇😬by the way聽講燒鴨都唔錯！下次可以試下😉

2016/4/26 清真惠記灣仔寶靈頓道21號鵝頸街市1樓鵝頸熟食中心5號舖老豆一直對清真惠記讚口不絕，卻一直碰不上時間一起去。這天下午經過，上去碰一碰運氣。那時將近黃昏，看到伙記正收拾、清洗東西，記起清真惠記不做晚市。幸好還有咖哩買。咖哩羊腩飯(HKD 44)羊腩沿用多年的家傳手法調製。咖哩主要以咖喱膏配上三四種香料自家調製而成，微辣香口，但出奇地不會蓋過羊腩獨有的羶香，配以白飯，令人大快朵頤。咖哩牛腩飯(HKD 44)咖喱牛腩，以2.5小時燜腍再放入咖喱汁內燜至入味，與羊腩一樣香嫩。而這碗的辣椒油較多，吃開辣的朋友表示「辣得很爽」。用餐時多手翻到餐牌背後，督到「咖哩可助防老人痴呆」此標題，內文提及咖哩含有薑黃素，有助防止腦神經細胞捐傷，還真不知道咖哩可以預防老人痴呆呢。

係香港經常都可以係熟食中心揾到又平又正既美食，不但食到地道風味，而且價錢仲相當平。 今日就去試左朋友推介既清真咖喱。 一入到去人頭涌涌，午飯時間人流非常多。熟食中心大多都係一點有比較有歷史既小店，雖然睇落去比較舊同環境及不上餐廳咁舒服，不過就係要舊舊地，同其他人搭檯先有香港大排檔呢種獨有風味。我叫左個牛腩飯，咖喱汁底比較甜而且唔係算太辣，牛腩亦比我想象中嫩，如果唔食得太辣既朋友我比較推介牛腩。 另外我仲叫左咖喱羊，呢款咖喱底比較辣，而且香料味亦都好重，加埋羊肉既騷味整個咖喱味道偏重，不過我略嫌醬汁有d太油膩。 整體價錢合理而且味道都算唔錯，正！