清真惠記

營業中

休息中

清真惠記係鵝頸街市熟食中心入面，熟食中心既環境都係麻麻地😂不過好在冷氣好大，堂食都唔會食到成身汗，呢間鋪算幾出名，主要賣清真野食同埋燒味咖哩羊腩飯 ($52)叫完之後通常3，4分鐘內已經比個飯你，好有效率，成碟飯賣相好隨意，用個碗裝著咖喱羊腩再打斜插落d飯，比我果陣咖喱仲流緊落飯到😂羊肉炆得軟淋，咖喱味入哂羊肉同食落好有羊肉羶味👍🏻比既羊肉部位就幾撞手神，我食過好彩果陣就全部羊腩，得一舊有骨，唔好彩就全部骨，試過叫外賣一打開骨仲多過肉😭呢度咖喱比起印度咖喱幾唔同，印度通常就入口比較順滑，呢度就粗獷d食落仲有好多煮咖喱既渣係汁到，個咖喱好有羊肉味，我覺得咖喱配咩肉都好，最緊要係個肉有本身既味再加咖喱味，而咖喱就要有香料同個肉味，呢間係完全做到既價錢: $52 / 位環境: 4/10味道: 8/10性價比: 9/10

灣仔lunch time外賣清真惠記 6個人叫咗一隻燒鴨外賣左都仲皮脆肉嫩秘製鴨汁濃郁鴨肉呈現鱗光色咖喱羊十分出色，咖喱特別，羊入味份量多，性價比高 ，撈飯一流。清湯蘿蔔蘿蔔無渣，多汁清甜蝦籽柚皮製作程序複雜 唔係日日都買得到好彩今日買到一盒 柚皮多汁 ，同蝦籽好夾老闆好好人，好nice熟食中心都可以有五星級服務質素。

之前一路都有聽到朋友講話銅鑼灣有間好好食嘅清真咖喱鋪，趁住今日得閒終於去試左試。間舖頭位於銅鑼灣嘅熟食中心入邊，入到去環境就一般般。揾位坐低之後，從朋友分別叫咗個咖喱羊同埋咖喱燒鴨髀飯。過咗無耐個咖喱羊飯就到咗。睇落普普通通，但食落都幾香羊味，唔算好蘇。而燒鴨脾飯就等多左陣先上，因為係啱啱整好，睇住個鴨脾新鮮出爐。一咬落去，啲鴨皮係完全脆嘅，同埋啲鴨仲keep住啲油，感覺十分滿意。下次有機會，會再黎食過👍🏻

久聞大名，這次終於有機會去光顧，搭電梯上熟食市場時，一進電梯來已經聞到很濃烈的咖喱味和羊味，來到當然要點它最聞名的咖喱羊腩，果然一點也沒有讓我失望，咖喱香而不太辣，羊腩炆得非常入味和軟熟，與咖喱非常登對，另外它的太爺雞（其實即是豉油雞）都很出名，雞肉嫩滑，豉油味很香，最後點了古法蝦子柚皮，蝦子很多，一點苦澀味也沒有，有柚子的清香甜味，也是一道不錯的菜式，整體來說，咖喱羊腩是最出色，亦是很多人專誠打包外賣回家吃

羊，夠淋，夠入味，咖哩味爭少少，辣度可以加重少少，但就係因為咁唔會搶走羊酥味。燒鴨，皮脆，肉汁夠而不膩。唯獨啲飯太爛，個人唔太鍾意飯無咬口。大致上無可挑剔，有機會會再幫襯，試下其他食品。

特別推薦大家✅咖喱羊飯(含骨)Curry Mutton w/ Rice (with bones)✅鮮甜蘿蔔Simmered Turnip《咖喱羊飯(含骨)》咖喱味香濃，辣到適中🌶，咖喱汁撈飯勁好食😭😭羊肉炆得好淋，又夠入味，痴住骨位嘅肉(筋膜位)係冇得輸🤤同埋成碗咖喱次次都係得一舊薯仔🥔，我哋覺得特別好食😂💰$50《鮮甜蘿蔔》蘿蔔清清甜甜⚪️，可以中和返咖喱嘅濃味，食落大大舊有口感，同埋唔會有根😎💰$12*咖喱飯有3種肉可以揀1️⃣羊2️⃣牛3️⃣雞，不過都係羊最好食😌最match curry🤤**Dinner想加餸可以嚟依度買咖喱羊，$70始創咖喱羊(含骨)，賣哂就冇😌

呢間鋪都算我係銅鑼灣/灣仔區既飯堂久唔久就會想食翻佢個咖喱羊飯！因為真係太出色啦，咖喱夠曬香又夠味 撈飯一流！加上佢地既羊腩又淋又唔多骨 就算佢成碟飯既份量係偏多都好，都好食到我次次清碟！最近又掛住佢去多次食，但就諗住試下新野，所以叫左燒鴨（因為聽講都好食）本來都有啲驚燒味會唔會令我失望同埋後悔冇叫到咖喱，點知燒鴨飯同樣都好出色！燒鴨同佢個咖喱羊一樣係多肉少骨，同埋燒鴨表面個酸梅醬都好惹味！個燒味可以話比某啲燒味舖更加好食添燒味飯配既係甜鼓油汁，想食咖喱撈飯既話都可以另叫咖喱汁（$8碗）

喺香港食清真食物，大家諗起可能會係九龍城出名嘅老店，但係原來喺鵝頸橋熟食市場入面都有一間非常馳名嘅「清真惠記」！💚 始創咖喱羊 🐑惠記嘅咖喱同一般清真咖喱一樣都係比較水狀，但係唔好以為佢會好稀！因為佢嘅濃度係非常非常適合餸飯，而且唔會太淡同太辣。要特別一提佢嘅羊肉全部都係連骨嘅，所以脂肪位會特別稔同埋肉味會比普通羊腩香，但同時咖喱嘅香都蓋過羊嘅羶味！絕對值得encore 💚 掛爐燒鴨脾飯 🦆另外一樣喺清真食品店唔常見嘅係佢哋嘅掛爐燒鴨！為咗試真啲燒鴨，決定叫咗隻燒鴨脾。燒鴨皮好薄，感覺唔太油，而且燒鴨大大隻啖啖肉，好啱食肉獸！但係反而可能因為較瘦嘅緣故，鴨嘅油香唔夠，但整體尚算唔錯，可以一試！味道: 🌕🌕🌕🌕🌗服務: 🌕🌕🌕🌖環境: 🌕🌕🌕🌗價錢: 🌕🌕🌕🌕🌖

清真惠記繼清真牛肉館後，另一咖喱羊腩非常出色可以係配麵。唔夠飽既可以揀飯，略嫌唔夠多汁。無咩款式揀，專賣就專賣。仲有就係燒鴨，難得呢度仲有得揀賴粉。隔離枱中午時份3個人叫一隻🤷🏻‍♀️

在灣仔工作了好一段時間，經歷呢大半年嘅疫情，都盡量減少去人多嘅地方，午餐好多時都會帶飯返公司食，漸漸遺忘咗呢一間響鵝頸橋街市入面嘅小店。午飯時間去到雖然好多人，但店員都好友善同有禮。咖喱雞麵，其實係米粉，幼麵就更加能夠吸收咖喱嘅味道。好多人都怕羊肉嘅蘇味。但清真係要用比較人道嘅方法屠宰動物，所以羊肉香口得來唔會蘇。呢度嘅羊肉都係有骨嘅，但可能就係因為黐住啲骨，所以肉質更加嫰滑。由於想一次過試埋佢嘅另一道名菜燒鴨，我哋就叫咗一隻鴨髀來分享。鴨皮燒到好甘香，但鴨本身嘅脂肪唔多，所以唔會食到一層層好大舊嘅脂肪，皮脆肉滑。佢哋嘅孫煤漿亦都唔係現成包裝好嘅，應該係佢哋自己調製嘅，所以味道冇現成嘅咁重味，夾落佢哋嘅鴨肉就剛剛好。佢哋呢度仲有雞肉雲吞，唔識豬肉嘅朋友都可以響呢度食到雲吞。宜家呢個環境，生意難做，有特色嘅小店越來越少，可以的話盡量多多支持小店。

我覺得係全香港最好味嘅咖喱，可以每個禮拜都食一次。每一次點都要食曬啲汁。同日式和印度咖喱嘅味都唔同，更加野味，淡淡都食到啲香料， 辣辣地，好開胃。🤤咖喱同羊係絕配呀。價錢又唔貴。真係平靚正呀。💃🏻💃🏻

今日專誠去試呢間清真餐廳 食品款式唔算多 但咖哩汁與其他餐廳唔同 會辣d 唔食得辣的就建議唔好食 環境係一個街市熟食中心入面 但係有冷氣嘅 我兩點鐘左右到 都有唔少人食緊飯 個度係唔可以亂坐的 要坐番係指的枱先得

It’s curry is amazing been eating since a little kid the taste keeps wanting to bring u back highly recommend no high end restaurant can beat there curry. The best in hk the spices are perfect not too salty not too spicy perfect simple perfect. A must try 👍🏻

一句到尾：浪得虛名！點了招牌菜「咖哩羊腩飯」，上枱時見到已經唔開胃，咖哩太油，米飯求求其其，賣相夠差！！再點了蝦子柚皮，味道可以，只可惜一點也不夠熱，敗筆！全餐飯仍然維持到水準的，就只有那罐可口可樂而已。

講到燒鴨飯，清真惠記係我全港至愛果間。佢位於鵝頸橋街市熟食檔，好易揾。最把炮係佢地好早關門，好似唔做晚市。黎呢度我一定食燒鴨肶飯，最重要係一定要加咖喱汁，好味到無得頂。燒鴨係極緻地皮脆肉嫩，個飯配埋個咖喱汁。。。夫復何求啊！＃ 掛爐燒鴨肶飯 ＃ ***** ***** * 11/10比多1分佢係絕對比得過，響香講講真我未試過響其他地方食過咁嫩滑既燒鴨！識食梗係食鴨肶啦＃ 掛爐燒鴨飯 ＃***** ***** 10/10無得彈，只不過燒鴨肶更加美味！