清真惠記

營業中

休息中

雖然唔係成日嚟食，但係都知道呢度有個主打係咖喱羊+鴨髀飯，食過幾次，質素都真係幾唔錯，因為性價比實在太吸引，羊+鴨髀+湯都係$62，所以我每次都淨係叫呢個。今日係附近做完嘢諗住再食多次，一坐低當然叫呢個飯啦，點知個姐姐同我講一直都冇呢個拼法，要咁樣拼就要$9X，我就覺得奇怪，明明上個月先食過一次，都係$62，點會冇喎，之後個姐姐堅持話開咗10幾年一直都冇，講咗幾句之後好似好唔耐煩就行開左。之後我就即刻上黎OpenRice睇，原來我無老人癡呆，張相仲要有埋價錢，我俾埋張相俾個姐姐睇，個姐姐都仲要死都話無，谷鬼氣最後就走人。其實我都明，而家呢個市道，咁樣拼法的確好唔合經濟效益，始終呢啲小店都要生存，你照直講其實我真係OK，都會乖乖地叫個咖喱羊飯，手頭鬆動啲都會加錢嗌雙拼，但最唔爽既都係姐姐既態度，好似食就快啲落單唔食就快啲走人咁樣，附近又唔係冇嘢好食，唔食你咪唔食你。